Integrated Basic Education Department – Senior High School Koronadal City, South Cotabato
RABAC, Precious Mae N.
12 STEM – St. Paul of the Cross 42 July 30,2019
Replektibong Sanaysay “Abakang Pera”
Sa dokumentaryong aming napanood tungkol sa “Abakang Pera” ni Kara David, aking
napagisipan na tunay nga na mahalaga na taglayin ng isang tao ang kasipagan sapagkat isa itong susi sa magandang kinabukasan. Katulad ni Christian, kahit sila ay hirap sa buhay, ibinubuhos niya parin ang kanyang lakas sa pag-aani ng abaca para matustusan ang kanilang pang araw-araw na pangangailangan at magkaroon ng panggasto sa eskwela. Sa dokumentaryong ito aking napagtanto na napakapalad ko dahil meron akong magulang na responsable at ginagawa ang lahat na kahit papaano di ko naranasan yung naranasan ng iba na naghihirap para lang may pangtustus sa kanilang araw-araw na pangangailangan.
Lahat tayo ay naghahangad ng magandang buhay. Gayunpaman wag sana tayong
maging tamad, sapagkat ito ang pumapatay sa ating mga gawain, hanapbuhay o trabaho. Ang katamaran ang pumipigil o humahadlang sa atin upang tayo ay magtagumpay. Kung kaya’t dapat na puksain natin ang katamaran at huwag itong bigyan ng puwang sa ating kalooban sapagkat wala itong maidudulot na maganda sa ating kinabukasan. Bilang kabataan ay dapat lagi nating ipakita sa lahat ng oras at pagkakataon ang ating kasipagan sa bawat gawain. Ngunit lagi rin nating tatandaan na sa isang gawain ay tiyak na makararamdam tayo ng hirap, pagod ng katawan at isipan, mga pagsubok at mabibigat na problema ngunit sa mga ganitong pagkakataon ay hindi dapat sumuko sapagkat ang pagsuko ay kaduwagan.