Mahalagang sulyapan sa bahaging ito ang kasaysayan ng pag-unlad ng alpabeto at sistema
ng pagsulat na gamit sa pakikipagtalastasan. Ang sistema ng pagbabaybay at pagsulat na mas kilala sa tawag na baybayin, alibata o alif-ba-ta (tawag ng mga Arabo) bago dumating ang mga Kastila ay maituturing na sinaunang anyo ng pagbibigay-simbolo o pagsasatitik sa bansa. Ito ay binubuo ng tatlong patinig (vowels) at labing-apat na katinig (consonants). Silabari ang sistema ng pagsulat kung saan ang isang karakter ay kinakatawan ng isang patinig o kombinasyon ng isang katinig at patinig. Ang mga simbolong may katinig ay nagtataglay ng dayakritik (tuldok) upang ipakilala ang kasamang patinig. Ang Komisyon sa Wikang Filipino (KWF) ay nagsagaw ng reporma sa alpabeto at tuntunin sa pagbaybay na tinatawag na Gabay sa Ortograpiya ng Wikang Filipino. Ito ang gabay na susundin simula sa petsang ang kautusan ay ipalabas noong Oktubre 7, 2009 sa bisa ng Kautusang Pangkagawaran bilang 104 ng Departamento ng Edukasyon. Layunin ng bagong gabay na ito na makabuo ng mga tuntunin sa ispeling ng gagabay sa panghihiram ng mga salita at pagsasalin ng pasalitang wika tungo sa nakasulat na anyo. Ayon sa Komisyon at elaborasyon ng pambansang wikang Filipino. Ang gabay sa ortograpiya ng wikang Filipino ay binubuo ng mga kalakaran kung paano tayo sumusulat sa ating pambansa. Inilalahad sa ortograpiyang ito ang istandardisadong grapema (o pasulat ng mga simbolo) at mga tuntunin sa paggamit at pagbigkas ng mga simbolong ito.