Pagsusuri sa Kamalayan ng mga Konsyumers sa mga Pagkaing Kalye o Street
Foods
Abstrak
Malaking papel ang ginagampanan ng mga pagkaing kalye o mas kilala
bilang street foods sa diyeta ng mga tao partikular sa mga papaunlad na bansa. Gayunpaman kaakibat ng mga pagkaing ito ang mga posibleng panganib na dala sa kalusugan ng mga kumakain nito. Ang pag-aaral na ito ay nilayong malaman ang kamalayan ng mga konsyumers tungkol sa mga pagkaing kalye sa Poblacion, Sultan Naga Dimaporo. Deskritibong desinyo ang ginamit ng pag- aaral kung saan sarbey kwestyoners ang ginamit sa pangangalap ng datos. Limampung (50) impormante ang kabuuang sample na may dalawampu’t limang (25) mga babae at dalawampu’t limang (25) mga lalaki. Inalam ang kanilang preperensya, kamalayan at pananaw tungkol sa mga pagkaing kalye. Sa isinagawang pag-aaral, natuklasan ng mga mananaliksik ang mga sumusunod; (1) Isaw ang pinakapaboritong pagkaing kalye ng lahat, (2) karamihan sa mga konsyumer ay kumakain ng street food isang beses sa isang linggo, (3) kaugnay sa ikalawang natuklasan, ang mga konsyumers ay sumasang-ayon na ang sobrang pagkain ng street food ay nakakadulot ng sakit, (4) gayunpaman, natuklasan na karamihan sa mga konsyumers ay nag- aalinlangan pa sa kanilang kamalayan tungkol sa posibleng mga pagkaing kalye, (5) sa ranking ng mga rason sa pagbili ng mga ito, nangunguna ang lasa ng pagkain at panghuli naman ang kalinisan ng pagkain. Nagpapahayag ito na ito na walang tiyak na kamalayan ang mga konsyumers tungkol sa mga posibleng panganib sa dala ng mga ito. (6) Sa edad at kasarian, mas mataas ang kamalayan ng mga kababaihan kaysa sa mga kalalakihan at ang mga may pinakamababang kamalayan ay edad mula 9-14 taong gulang. Nangunguna naman ang kalinisan ng pagkain bilang pangunahing paraan ng mga konsyumers na pagtanggap ng food safety ng kanilang kinakain. Sa naisagawang pananaliksik, natuklasan na hindi pa rin tiyak ang kamalayan ng mga konsyumers tungkol sa mga pagkaing kalye.