Pagbabago. Lahat ay nagbabago dahil ito ay ang tanging permanente sa
mundo. Sa pagdaan ng panahon, madaming pagbabagong nagaganap sa ating bansa. Maaaring ito ay positibo at maaari din itong negatibong paraan. Subalit sa nakaraang pamahalaan, ay dumadami ang problemang kinakaharap ng ating bansa; isyung koruption, pag-aagawan ng teritoryo at ang lumalaking bilang ng gumagamit ng illegal na droga. Nawawalan ng kompiyansa ang mga tao at dumadami ang diskriminasyon sa atin ng ibang bansa dahil wala tayong binibigay na karampatang tugon. Ang gobyerno ang sinisisi ng taumbayan sapagkat sila ang may kapangyarihang magdesisyon at umaksiyon. Subalit sapat na ba ang pagsisi at pagbubulag-bulagan sa kinakaharap na problema ng ating bansa. Dapat ba nating kuwestunin ang pamamahala at ang uri ng gobyerno o tayong mamamayan ay makipagtulungan upang masolusyonan ang problema at pagbabago upang tayo’y umunlad at umusbong pa. Nang makaupo sa pwesto si Pangulong Rodrigo Duterte ay isinulong niya ang federalismo upang maging solusyon sa mga problemang kinahaharap ng bansa. Ito ay ang inaasahang pagbabago sa uri ng gobyerno sapagkat sa nakalipas na taon ay walang gaanong kaunlarang nararamdaman ang mga Pilipino. Marami ang pabor ngunit marami rin ang hindi pabor sa kagustuhan ng pangulo. Tulad ng karamihan, ako ay pabor sa federalismo sapagkat gusto kong maramdaman ang isang mahusay na demokrasya at pamamahala na magbibigay ng tinig at kapangyarihan sa ordinaryong mamamayan upang maipahayag ang sariling hinaing at magbigay ng oppurtunidad na makilahok sa desisyon na maisulong ang demokratikong pananagutan. Ang kinakaharap nating problema ay dapat na pagtuonan ng pansin tulad ng kapayapaan at kaayusan sa ating bansa na naranasan natin tulad ng pag-atake ng terorista sa Mindanao, pag-agaw ng Scarborough Shoul ng China at ang extrajudicial killing sa bansa. Ilan lang ito sa mga problemang kinakaharap ng ating bansa, subalit paano kung may darating pang mas mabigat at komplikado. Magiging handa ang isang federal na gobyerno sa ano mang bagay at panahon. Ito’y magtataguyod, magpapa-unlad, at makabuo ng magandang pamamahala na tutugon sa pangangailangan ng mga tao.
Tayo’y may iba’t ibang kultura, pananalita, paniniwala at kaugalian ngunit
tayo’y magiging isa tungo sa pagbabago at makamit ang karapatan ng bawat tao, kapayapaan, at katarungan na ninanais natin sa nakalipas na taon. Tulad ng kantang ito’y, “Tayo na Pilipinas... Tayo na at magbago para sa pag-asenso”. Tayo’y may isang bandila at isang sagisag at ito’y gagamitin upang makamit ang pagbabago sa tulong ng federal na gobyerno.
Ang Krimen Ay Isa Sa Matinding Kinakaharap NG Ating Bansa Maraming Tao Na Ang Nagiging Kriminal Sa Ating Bansa at Ang Iba Ay Hindi Na Nila Maiwasan Ang Gumawa NG Krimen Tulad NG Rape at Kahirapan