Pangalan:

Lebel:
Seksiyon:
Petsa:

GAWAING PAGKATUTO
Title

Panimula (Susing Konsepto) : MODYUL 1: SALAMIN NG KAHAPON… BAKASIN NATIN NGAYON

 Bakit mahalagang kilalanin at unawain ang mga akdang pampanitikang lumaganap sa mga
tiyak na panahon?
Mahalagang kilalanin at unawain ang mga akdang pampanitikan na lumaganap sa mga tiyak na
panahon sapagkat dito masasalamin ang kultura ng mamamayan ng isang bansa tulad nating mga
Pilipino . Makikilala rin ang mga halimbawang akdang pampanitikan at mga manunulat na Pilipino na
ating maipagmamalaki
 Paano nakaapekto ang iba’t ibang panahon sa kalagayang panlipunan na masasalamin sa mga
akdang pampanitikan?
Ang pagdating ng mga dayuhan sa ating bansa at pag-iral ng makasaysayang tagpo ay mga bagay
na masasalamin sa mga akdang pampanitikan . Malaki ang epekto ng mga pangyayari at tagpong ito
sa bansa dahil sa magkakaibang anyo o porma ng pananakop at pamamahala ng mga dayuhan
gayundin kahit ang pamamahala ay nasa kamay ng ating kababayan. Kaya kung nais mong makilala
ang isang bansa, pag-aralan mo ang kaniyang panitikan.

Dahil sa ang mga Pilipino ay likas na may malikhaing kaisipan ang ganitong karanasan ay kanilang
ginagawan ng kwento sa pamamagitan ng paggawa ng tula, balagtasan o di kayay sa pamamagitan
ng mga salawikain na kung saan maraming mga matatalinghagang salita ang nakapaloob dito na
may malalim na kahulugan at hindi literal na salita ang mga ginagamit. Makikita din sa kanila ang
kasingkahulugan at ksalungat na kahulugan.

Aralin 1. Panahon ng Katutubo

Sa hiwalay na pahina nito ay mababasa ang ilan sa mga halimbawa ng akdang pampanitikan at
makikilala ang mga manunulat na Pilipino na ating maipagmamalaki.

1. Ang Alamat Ng Kasoy

2. HANDIONG Epiko ng Bicol Salin sa Tagalog ni (J. Arrogante)
3. Sa Aking Mga Kabata ni Jose P. Rizal

Kasanayang Pampagkatuto at koda:

 Napaliliwanag ang mahahalagang kaisipan at sagot sa mga karunungang-bayang napakinggan
 Naiuugnay ang mahahalagang kaisipang nakapaloob sa mga karunungang-bayan sa mga pangyayari sa tunay na
buhay sa kasalukuyan
  Nabibigyang-kahulugan ang mga talinghaga, eupimistiko o masining na pahayag ginamit sa tula, balagtasan,
alamat/maikling kuwento, epiko ayon sa: -kasingkahulugan at kasalungat na kahulugan

Panuto:
. Panimulang Pagtataya: A. Sumulat ng maikling talata tungkol sa paksang: “Karunungang-bayan
Salamin ng Pagka-Pilipino”.

B. Sagutan ang mga sumusunod titik lamang ang isulat sa sagutang papel.

Pamaraan:

_1. Ang larawan ay halaw sa kuwentong nakapaloob sa isang epiko. Ano ang epiko bilang akdang
pampanitikan?
a. Tumatalakay sa realidad ng buhay upang maging gabay ng tao sa araw- araw na pamumuhay
b. Kuwentong-bayan na maaaring kathang- isip na pumapaksa kung paano malalampasan ang
anumang pakikipaglaban sa buhay
c. Ito’y pasalindilang tradisyon tungkol sa pangyayaring supernatural o kabayanihan ng isang
nilalang.
d. Ito’y kuwento tungkol sa mga bathala tungkol sa paglikha sa daigdig at iba pa.

__ 2. Pansinin ang bahagi ng alamat na nasa loob ng kahon. Ano ang kapuna-puna sa pangyayari?
a. makatotohanan
b. kapani-paniwala
c. posibleng maganap
d. hindi kapani-paniwala
“Huwag kang makialam matandang hukluban! Bubunutin naming lahat ang aming magustuhan upang
mailipat sa aming tahanan.” Sabay-sabay na nagtawanan ang mga kabataan “Mga lapastangan!
Hindi na kayo nagpaalam ay sinira pa ninyo ang aking halaman. . Mula ngayon kayo ay aking
paparusahan.” Hindi pinapansin ng mga kabataan ang sinabi ng matanda, bagkus lalo pa silang
nagbulungan at naghagikgikan. Hindi nila namalayan na unti-unti na pala silang lumiliit at tinutubuan ng
pakpak. Sila ay naging ganap na bubuyog. Nagliparan sila sa paligid ng mga bulaklak habang
nagbubulungan. Bzzzzzzzz, Bzzzzzzz. Bzzzzzzzzzz.

Halaw sa Alamat ng Bubuyog

Teksto:

_ 3. Ano ang pinapakahulugan ng salawikaing “ Anoman ang tibay ng piling abaka ay wala ring
lakas kapag nag-iisa”?
a.pakikisama c. pagkakaisa
b.pagtitiis d .pakikipagkapwa

__4. Matatapos na ang inyong breaktime kaya nagmamadali kang bumalik sa inyong silid-aralan
sapagkat ang susunod na guro sa inyong klase ay mahigpit sa pagtatala ng attendace. Sa di
inaasahan, nasaksihan mo ang pagkahimatay ng isang mag- aaral. Ano ang iyong gagawin?
a. Ipagwawalang bahala na lamang ang nasaksihan upang hindi mahuli sa klase.
b. Pupuntahan ang guidance counselor upang ipaalam ang nangyari sa mag aaral.
c. Tutulungan ang mag-aaral at ihahatid siya sa clinic para mabigyan ng paunang lunas.
d. Magpapatala muna ng attendance sa guro at ipaaalam ang kanyang nasaksihan.
__ 5. Usong- uso sa mga kabataan ang “fliptop”. Nais mong maging “in “ sa bagong henerasyon na
iyong kinabibilangan ngunit gusto mong maging makabuluhan ang nilalaman ng fliptop na iyong
ibabahagi. Ano ang dapat mong gawin?
a. Humalaw ng makabuluhang kaisipan mula sa mga karunungang- bayan ng ating panitikan
b. Gayahin ang estilo ng isang sikat na rapper
c. Magpagawa ng fliptop sa mahusay bumuo nito
d. Mangopya ng mga fliptop na napanood sa video
Gabay na Katanungan:(if necessary)
1 Naniniwala ka ba na ang kasaysayan at panitikan ay magkaugnay?
2 Sa iyong palagay, bakit kailangang unawain ang mga akdang pampanitikan na umusbong sa
panahong naisulat ito?
3 Paano mapananatili at mapauunlad ang panitikang minana pa sa ating mga ninuno ng
kasalukuyang panahon?

Rubric for scoring/Rubrik sa Pagpupuntos (if necessary) para sa unang panuto (A)

Pangwakas:
Sa panitikan nasasalamin ang mga layunin, damdamin, panaginip, pagasa, hinaing, buhay, at
hangarin ng mga Pilipino. Samakatuwid, panitikan ang nagsisilbing tulay upang maabot ng
nakalipas ang kasalukuyan, gayundin upang maipagpatuloy ng kasalukuyan ang pagpapanatili at
pagunlad ng kultura at kabihasnan upang maisalin ito nang ganap sa susunod na henerasyon.

Mga Sanggunian:
Panitikang Pilipino – Ikawalong Baitang Filipino – Modyul para sa Mag-aaral
Unang Edisyon, 2013

Susi sa Pagwawasto: Para sa panuto (B)

1. C
2. D
3. C
4. C
5. A

Inihanda ni:

MELBA L. ALFEREZ