Grade

8
Level
Learning
Filipino
Area
Learning
Resource Text-Based & Digital Based
Type
Material
Supplementary Learning Resources (SLRs)
Type
Quarter #
Quarter 1 week 4 & Quarter 2 week 1
Week#
8Q1:9-15 (Competency 9-15)
Nagagamit ang mga hudyat ng sanhi at bunga ng mga pangyayari
(dahil,sapagkat,kaya,bunga nito, iba pa) F8WG-Ig-h-22
Naibabahagi ang sariling opinyon o pananaw batay sa napakinggang
pag-uulat F8PN-Ii-j-23
Naipaliliwanag ang mga hakbang sa paggawa ng pananaliksik ayon sa
binasang datos F8PB-Ii-j-25
Learning Nagagamit sa pagsulat ng resulta ng pananaliksik ang awtentikong datos
Competen na nagpapakita ng pagpapahalaga sa katutubong kulturang Pilipino
cy & LC F8PU-Ii-j-23
Code Nagagamit nang maayos ang mga pahayag sa pag-aayos ng datos (una,
isa pa, iba pa) F8WG-Ii-j-23
Napipili ang mga pangunahin at pantulong na kaisipang nakasaad sa
binasa
F8PB-IIa-b-24
Nabubuo ang mga makabuluhang tanong batay sa napakinggang palitan
ng katuwiran
F8PN-IIc-d-24
Talasanggunian
https://www.academia.edu/35822176/Kahulugan_ng_Pananaliksik?
auto=download
http://alvinringgo.blogspot.com/2010/04/midyat-makabagong-teknolohiya-
ano-ba.html?m=1
www.creativecommons.org
Source https://www.pngitem.com/middle/hwiohT_girl-thinking-clipart-transparent-
cartoons-girl-thinking-clipart/
https://lrmds.deped.gov.ph/create/
Guimarie, Aida M. (2015), Kalinangan 8. Binagong Edisyon, Rex Book
Store, Inc.
Miranda, Lourdes L. (2017), Punla 8 Mga Panitikiang Pambansa at
Florante at Laura. Rex Book Store, Inc.
Name:Carmelita T. Silvano/ Feliciana D. Enriquez/ Jovina G. Lazo
Designation:Master Teacher , Teacher I
Writers
School:San Jose National High School
District:San Jose East
 Ang tema para sa unang markahan ay

Salamin ng Kahapon...Bakasin Natin Ngayon.

Inaasahang malaman mo at maunawaan ang mga

akdang pampanitikan sa Panahon ng mga Katutubo,

Espanyol at Amerikano. Ito ay binubuo ng mga

gawaing batay sa hinihinging kompetensiya sa bawat

aralin
 Gawin nating kapana-panabik ang ating pag- aaral sa mga bagong kaalaman at

gawain na ating matutuklasan. Palagay ko’y handa na kayo. Oppps! bago yan

susubukin ko muna ang inyong paunang kaalaman.

Panimulang Pagtataya

Panuto: Piliin at bilugan ang titik ng tamang sagot.

1. Uri ng panitikan na nagsasalaysay ng mga di kapani-paniwalang pangyayari at

nagtatampok sa kabayanihan ng isang bayani.

a. Tula b. Epiko c. Maikling kuwento d. Nobela

2. Ang mga sumusunod ang mga salitang hudyat na nagpapakita ng sanhi ng isang

pangyayari maliban sa

a. Dahil sa b. sapagkat c. palibhasa d. kung

3. Alin sa mga sumusunod ang tumutugon sa konsepto ng pananaliksik

a. isang lohikal na proseso ng paghahanap ng sagot sa mga tanong

b. isang lohikal na proseso ng pagbuo ng mga katanungan

c. isang lohikal na proseso ng pagkuha ng mga datos

4. Uri ng panitikan na na inilalarawan bilang pagtatalong patula ukol sa paksang

pinagtatalunan

a. Korido b. Balagtasan c. awit d. oda

5. Ang nagsisilbing tagapamagitan sa dalawang mambabalagtas tungkulin rin niya

na ipakilala ang bawat mambabalagtas

a. Lakambini b. Lakan c. Lakandiwa

 Aralin: Sanhi at Bunga

Layunin:

Nagagamit ang mga hudyat ng sanhi at bunga ng mga pangyayari

(dahil,sapagkat,kaya,bunga nito, iba pa) F8WG-Ig-h-22

Panimula

Masaya tayong nakapaglakbay sa pakikipagsapalaran ni Tuwaang. Sa bawat

kilos na kanyang ginawa sa nasabing epiko, ito ay may sanhi at bunga. Kaya muli

nating balikan ang mga hudyat na salitang ginagamit upang matukoy ang sanhi at

bunga.

Alamin natin

Sanhi at Bunga

Sa pagkilala nito mas naiintindihan natin bilang mambabasa ang mga

pangyayari o impormasyon sa anumang seleksyon

A. Sanhi – Ito ay tumutukoy sa dahilan o rason kung bakit naganap ang isang

pangyayari. Ang mga hudyat na ginagamit dito ay dahil/dahil sa/dahilan sa,

kasi, sapagkat, palibhasa, sa kadahilanang, at iba pa.

Ang mga halimbawa ng sanhi ay angmga pahayag na may salungguhit;

1. Nakapagtapos siya ng pag-aaral sapagkat nagtiyaga siya sa kabila ng

kahirapan

2. Dahil batid niya ang kahalagahan ng edukasyon, kaya nagsusumikap

siyang mag-aral..

3. Dapat pahalagahan ang kalusugan palibhasa isa itong kayamanan.

B. Bunga – Ito naman ay ang resulta o kinalabasan o epekto ng naunang

pangyayari. Ang mga hudyat na nagpapahayag ng bunga ay

kaya/kaya naman, dahil dito, bunga nito, tuloy, kung kaya at iba pa.

Ang mga halimbawa ng bunga ay angmga pahayag na may salungguhit;

1. Siya’y nagtagumpay, bunga nito naging maalwan na ang buhay

ng kanyang pamilya.

2. Marami ang humanga sa kanyang kabutihan kaya naman

napabalita siya sa pahayagan,

3. Hindi siya nag-ingat sa kanyang sarili, tuloy siya ay nagkasakit ng

CoViD-19.
Gawain. 1. Ano Ang Pagkukulang ko?

Panuto: Punan ang patlang ng angkop na hudyat ng sanhi o bunga ang mga

sumusunod na pahayag.

dahil/dahil sa/dahilan sa, kasi, sapagkat, palibhasa, sa kadahilanang,ngunit, kasi

kaya/kaya naman, dahil dito, bunga nito, tuloy, kung kaya

1. Ang mga katutubong Mangyan ay napilitang umalis sa kapatagan at mamuhay sa

kabundukan ________________ sa mga taong nandarayuhan mula sa ibang lugar.

2. Tunay na mayaman ang kultura ng mga katutubong Mangyan _______________

dapat itong pahalagahan.

3. Ang pagmamano ay isang magandang kaugalian ng mga Pilipino ______________

kinikilala tayo sa mundo

4. Ang pag-aayuno isinasagawa tuwing Eid al-Fitr ng mga Muslim _______________

pinalalago nito ang aspektong ispiritwal.

5. _________________ sa pandemyang nararanasan muling nabuhay ang mga

kulturang Pilipino tulad ng Bayanihan.

Gawain 2. Saan ako?

Panuto: Batay sa mga sumusunod na pangungusap, ihanay ang mga pahayag na

nagsasaad ng sanhi at bunga, at isulat ito ayon sa kanyang kolum.

1. May dumating na dalaga sa kaharian ni Batooy kaya pinatawag ng isa sa mga kalalakihan

si Tuwaang.

2. Tumakas ang dalaga ng Buhong Langit dahil ayaw niyang magpakasal sa

Binata ng Pangumanon.

3. Humingi ng tulong ang dalaga kay Tuwaang bunga nito tinulungan siya sa

pagtakas.

4. Natalo ni Tuwaang ang Binata ng Sakadna tuloy kinilala siyang bayani.

5. Sapagkat binato nang napakalakas ni Tuwaang ang binata kaya lumubog siya sa lupa.

Sanhi Bunga
1. 1.

2. 2.

3. 3.

4. 4.

5. 5.

Pangwakas na Pagtataya

Bumuo ng isang talata patungkol sa kasalukuyang pangyayari. Gamitin ang mga

hudyat sa sanhi at bunga

Pamantayan Bahagdan
 Nilalaman
(Maayos at magkakaugnay ang mga pangungusap/pangyayari) 50%
Nagagamit ang mga hudyat sa sanhi at bunga)
Gramatika
50%
(Paggamit ng Tamang Bantas at Balarila)
Kabuoan: 100%

Pangwakas na Pagtataya

Bilugan ang titik ng tamang sagot sa bawat bilang.

1. Ito ay tumutukoy sa kinalabasan o resulta ng isang pangyayari

a. Bunga b. Sanhi c. dahilan d. pangyayari

2. Dahil nalaman ng Binata ng Pangumanon ang pinagtataguan ng Dalaga , agad

itong pumunta sa kaharian ni Batooy. Ang salitang nakahilig nagpapahayag ng

______________________.

a. Bunga b. Sanhi c. resulta d. pangyayari

3. Naunawaan ni Gabby ang aralin ______________ tama lahat ang sagot niya sa

pagsasanay. Ano ang angkop na salita sa pangungusap?

a. sapagkat b. palibhasa c. dahilan d. kaya

4. Naging matapang at hindi pinanghihinaan ng loob si Tuwaang sa pakikipaglaban

kaya _____________________.

a. Hindi siya nanalo sa binate ng Pangumanon

b. Laging umuuwi siyang talunan

c. Nagwagi siya sa bawat pakikipaglaban

d. Huminto na siya sa paglalakbay

5. Sapagkat mabuti siyang tao, _________________

a. nagkaroon siya ng maraming kaibigan.

b. naging malulungkutin siya.

c. kinukuha niya ang anumang nais niya.

d. lagi siyang iniintindi ng kanyang kapwa.

Pangwakas na Gawain (Unang Marakahan)

Aralin: Pananaliksik
 Layunin:

 Naibabahagi ang sariling opinyon o pananaw batay sa napakinggang

pag-uulat
 Naipaliliwanag ang mga hakbang sa paggawa ng pananaliksik ayon sa
binasang datos
 Nagagamit sa pagsulat ng resulta ng pananaliksik ang awtentikong
datos na nagpapakita ng pagpapahalaga sa katutubong kulturang
Pilipino
 Nagagamit nang maayos ang mga pahayag sa pag-aayos ng datos
(una, isa pa, iba pa)

Panimula

Naging mabunga ang ating pag-aaral sa unang mga aralin. Marami tayong

natuklasan. ukol sa sinaunang mga panitikan. Kaya marapat lamang na lalo natin itong

paunlarin.

Bawat kaalamang matutuklasan ay tiyak na kapaki-pakinabang sa lahat hindi

lamang sa kasalukuyan lalo na sa mga mag-aaral at mananaliksik sa hinaharap. Puno

ng katanungan ang ating mga kaisipan katunayan, walang araw na hindi ka

nagtatanong. Kaya naman ating bigyan ng kasagutan ang mga katanungang iyan

kasabay ng pagpapayabong sa ating natutunan.

Gawain 1. Say ko sa News!

Makinig o manood ng napapanahong balita o ulat sa telebisyon o radyo (maaring

mo ring buksan ang link na ito (www.youtube.com/watch?v=u1uhbOEZje)

Matapos makapanood o makapakinig nito magbigay ng opinyon ukol dito. Isulat

ang iyong sagot sa ibaba.

Paksa:
Ang impresyon ko sa napanood kong balita ay

_____________________________________________________________________

_____________________________________________________________________

_____________________________________________________________________

_____________________________________________________________________

_____________________________________________________________________

_____________________________________________________________________

_____________________________________________________________________

Gawain 2. Kung Maibabalik ko Lang!

Sa mga nakalipas na aralin ano ang mga kultura at kaugaliang Pilipino ang

maipagmamalaki mo sa bilang Pilipino.

 Kultura at Kaugalian na naipakita sa mga Isinasagawa pa rin ba ito sa

nabasang aralin kasalukuyan? May nabago ba o wala?

Matapos mong sagutan ang Gawain 2. Tiyak na may mga nabuong katanungan

pa rin sa isip mo. Nais mo pa bang makatuklas ng bagong impormasyon ukol sa inyong

bayan o may mga suliranin kang nais mong bigyan ng solusyon. Kaagapay natin diyan

ang pananaliksik,

Alamin Natin.

Ang pananaliksik ayon kina Nuncio et al.(2013), bilang isang lohikal na proseso

ng paghahanap ng sagot sa mga tanong ng mananalikisik na nakabatay sa problema at

pamamaraan ng pag-aaral tungo sa produksiyon ng maraming kaalaman at kasanayan

upang makatugon sa pangangailangan ng tao at lipunan.

Mga hakbang pagsasagawa ng simpleng pananaliksik.

 Una, pumili at maglimita ng paksa o kung ano ang nais mong pag-aralan.

Dapat na alam mo, nakawiwili, mapagkukunan ng datos, may sanggunian,

may kabuluhan at magagawan ng kongklusyon.

 Ikalawa, magsagawa ng pansamantalang balangkas o outline ng mga

sumusunod:

I. Isulat sa isang pangungusap ang nais pag-aralan sa paksa (dito magmumula

ang pamagat ng iyong pananaliksik).

II. Ilahad ang layunin o kung ano ang mga nais mong malaman

III. Ilista ang mga tanong na gustong mong malaman tungkol sa paksang iyong

napili.(Sikaping mababa ito sa hanggang tatlong katanungan)

IV. Bakit kailangan itong pag-aralan at pangatwiranan ang kahalagahan ng paksa

IV. Isipin kung paano isasagawa ang iyong pananaliksik maaring magsagawa ng

survey, pakikipanayam, pagmamasid o pag-oobserba ng paligid o kilos ng

tao.

 Ikatlo, simulan nang mangalap ng datos o mga impormasyon o sasagot sa

iyong mga nagawang tanong ukol sa paksa. Ang pangangalap ng datos ay

maaaring gumamit ng talatanungan o pakikipanayam at marami pang iba

depende sa iyong napiling pag-aral. Importante ring isalang-alang dating

kaalaman sa mga nabasa na.

 Ikaapat, isaayos ayon sa layunin at suriin ang mga datos na nalikom at

isulat ito nang patalata. Mainam ring gumamit ng table o chart upang

mas masuri ang mga datos at maipaliwanag. Simplehan lamang ang

 pagpapaliwanag at huwag nang gumamit ng maliligoy na pananalita.

Sa pagpapaliwanag gamitin nang maayos ang mga pahayag sa

paglalahad ng mga datos na tulad ng una, ikalawa, isa pa at iba pa.

 Ikalima ay bumuo ng kongklusyon sa iyong nabuong pag-aaral at

ipokus lamang ang pagpapaliwanag sa mga datos.

Tagubilin: Maaaring maglagay ng talasanggunian na pinagkunan ng impormasyon sa

pagsasagawa pananaliksik sa internet man, aklat at iba pang babasahin.

Gawain 3. Nagets Ko!

Upang masukat ang lalim ng iyong pagkaunawa sa iyong nabasa. Itala sa ibaba

ang mga tiyak na hakbang sa pagsasagawa ng pananaliksik.

Gawain 4. Kaya mo na!

Ngayon, pagkakataon mo na upang ilapat ang iyong natutunan. Bilang aktibong

kabataan ikaw ay gagawa ng isang pananaliksik ukol sa katutubong kulturang Pilipino.

Mga Suhestiyon na Paksa:

 1. Kasaysayan o pinagmulan ng inyong lugar

2. Mga kaugalian Pilipinong na namalas o naipakita sa panahon ng pandemya

3. Pag-iisa-isa ng mga gawaing pampamilya upang mapanatili ang katatagan ng

pamilya sa panahon ng krisis

Rubrik sa Pagmamarka

Pamantayan Bahagdan
Nilalaman
(Kaayusan ng Impormasyon at Kaangkupan sa Paksang ibinigay ang 50%
Kultura ng Katutubong Pilipino)
Gramatika
30%
(Paggamit ng Tamang Bantas at Balarila)
Presentasyon
(Napagsunod-sunod ang tamang hakbang sa pagsasagawa ng 20%
pananalikisik)
Kabuoan: 100%

Pangwakas na Pagtataya

Isulat ang titik ng tamang sagot na hinihingi sa bawat bilang.

________1. Ito ang unang dapat alamin sa pagsasagawa ng pananaliksik

a. layunin b. paksa c. solusyon d. kongklusyon

________2. Ginagamit ang mga pahayag na una, ikalawa, ikatlo at iba pang kaugnay

nito sa anong bahagi ng pananaliksik

 a. pag-aayos ng datos c. pagbuo ng paksa

b. paggawa ng sanggunian d. pagkalap ng datos

________3. Mahalagang pag-aralan at gawan ng pananaliksik ang kulturang Pilipino

upang _________________.

a. Mapanatili ang nanatiling kulturang Pilipino

b. Muling buhayin ang ilang kaugalian unti-unting nawawala

c. Bigyang solusyon ang umuusbong na suliranin sa lipunan sa kasalukuyan.

d. Lahat ng nabanggit

________4. Ang layunin sa pananaliksik ay tumutukoy sa ________________.

a. nais na sang-ayunan ng lahat c. pagbuo ng kasagutan

b. nais na masagot at makamit sa pananaliksik d. pagkolekta ng datos

________5. Matapos na maisaayos ang mga datos nararapat na ang mananaliksik ay

makabuo ng

a. panibagong tanong

b. kongklusyon

c. problema

d. pagwawasto

Aralin 1
Panitikan: Balagtasan

Gramatika: Pagsalungat at Pagsang-ayon

Layunin:

 Napipili ang mga pangunahin at pantulong na kaisipang nakasaad sa binasa

 Nabubuo ang mga makabuluhang tanong batay sa napakinggang palitan ng

katuwiran
 Panimula

Ating ipagpatuloy ang pagkilala sa mga panitikan sa pagkakataong ito

tatalakayin naman natin ang mga panitikan sa panahon ng mga Amerikano.

May ideya ka ba kung ano ang fliptop? Kung wala inaanyayahan kitang

magtanong kay Google o manood kasama ang iyong pamilya sa panonood

nito.

Ano-ano ang mga napansin mo sa pagsasagawa ng fliptop?

Maaari mong itala ang katangian nito.

1. ________________________________________________________________

2. ________________________________________________________________

3. ________________________________________________________________

Alamin

Alam mo bang may kaugnayan ang napanood mong fliptop ay may

kaugnayan sa aralin natin ngayon.

Noong Panahon ng Amerikano, umusbong ang uri ng patulang pagtatalo

ukol sa isang paksa na tinatawag na Balagtasan. Ito ay isinagawa noon

 upang alalahanin at bigyang-pugay ang kagalingan sa larangan ng panulaan

ni Francisco “Balagtas” Baltazar, muli paglilinaw hindi siya ang nagpasimula

nito sapagkat siya ay namayapa nang isagawa ang unang balagtasan. Sa

Instituto de Mujeres noong Abril 6, 1924 isinagawa ang kauna-unahang

balagtasan na may paksang “Bulaklak ng Lahing Kalinis-linisan,” na

nagpapatungkol sa panliligaw. Pinagtalunan ito nina Jose Corazon De Jesus

(bilang paruparo) at Florentino Collantes (bilang bubuyog), si Lope K. Santos

naman ang naging lakandiwa at si Sofia Enriquez ang gumanap bilang

Kampupot.

Mga Tauhan ng Balagtasan

1. Lakandiwa- Siya ang nagsisilbing tagapamagitan sa dalawang

mambabalagtas o mabibigkas na nagtatalo. Isa pa sa mga gampanin nito

magpakilala sa mga mambabalagtas at siya ang unang magsasalita at

babati sa mga tagapanood o tagapakinig. Kadalasan siya din ang

magbibigay ng hatol sa mga mambabalagtas

2. Dalawang Mambabalagtas- mga mambabalagtas na may magkaibang

panig o punto ukol sa isang paksa.

Gawain 1.

Suriin ang mga larawan. Magbigay ng sariling opinyon ukol dito, kumpletuhin ang

mga sumusunod na pahayag.

 Naniniwala akong ang edukasyon
1. ay___________________________________________
____________________________________________
____________________________________________
____________________________________________
____________________________________________

Hindi ako sumasang-ayon na ang teknolohiya ay

2.
____________________________________________
____________________________________________
____________________________________________
____________________________________________
_____________________________________

Sa tingin ko ang pagtulong sa tahanan ay

3.
____________________________________________
____________________________________________
____________________________________________
____________________________________________
Halina’t tunghayan ang halimbawa ng balagtasan.
_____________________________________
Basahin Natin:

Midya’t Makabagong Teknolohiya,

Ano ba ang Ibayong Dulot: Kabutihan o Kasamaan?

ni Alvin Ringgo
 Lakandiwa: 

Malugod na pagbati! Sumaatin ang Panginoon!

Salamat sa pagdalo, sa pag-uukol ng panahon.

Dunong nyo’y pamilantikin, ibahagi ang opinyon.

Tulutan ng liwanag itong usapin nang malaon.

Tayo’y pinagkalooban ng katutubong talino;

Na nahahasa’t gumagaling sa pag-inog ng mundo.

Sinapupunan itong nagluluwal ng pagbabago;

Nagtutulak palayo o nagpapasulong sa tao.

Sa araw na ito’y nakatakda nating pagtalunan;

Bisa ng midya’t teknolohiyang hustong kinagisnan.

Sa pagkatao’t pamumuhay, ano ba’ng iniiwan;

Mapagpalaya bang kabutihan o lalong kasam’an?

Sa kanan kong panig ay isang makatang techno-savvy;

Cellphone niya’y bagong I-Phone, laging up-to-date ang PC.

Sa tagisang ito’y ipagtatanggol ang mabuti;

Ibibigay ang pakinabang sa media’t technology.

Sa kaliwa ko nama’y ’sang makatang konserbatibo;

Di nadadaan sa text, paghihirapan mo ang ”Oo”

 Pupuntuhin ang masama sa teknoloh’yang moderno;

Pinagnaknak daw ang kasalanan sapul nang mauso.

Kabutihan: 

O, kay inam ng midya’t makabagong teknolohiya;

Pinagaan na ang buhay, kinulayan pa ng saya!

Tingnan ang telebisyong araw-araw nating kasama;

Binigyang-katuturan, pagka-Kapuso’t Kapamilya!

Buhay ng Pinoy, batbat ng pagsubok, maraming hirap;

Ngunit lahat ay napapawi pag TV na’ng kaharap.

Pag si Manni’y may laban, gawa’y tumitigil nang ganap;

Sukdol naman ang kilig pag si Juday ay may kayakap.

Telebisyo’y buhay na tagahubog ng kasaysayan;

Balitang hinahatid, nagtataas ng kamalayan.

Katiwalian sa lipunan, hindi tinatantanan;

Milyong Pilipino na ang pinagmartsa sa lansangan.

Telebisyo’y sulo ring nagpapaningas ng pag-asa;

Tumutupad na ng wish mo, namumudmod pa ng pera.

Patuloy rin sa pagtuklas ng galing na pang-artista;

Basta siya’y talentadong Pinoy o pasado kay Kuya.

 Kasamaan: 

Kaibigan, labis yata ang pagtutok mo sa TV;

Lumabo tuloy ang paningin mo’t tingin sa sarili.

Nalimutan mo na yata, sarili mong aydentiti;

Gaya nina Jun Pyo’t Jan Di, Koreano ka na kasi.

TV’y di pa nasiyahan sa pagwasak ng kultura;

Pinugayan pa ng dignidad, taong gipit sa pera.

Sa kahong panay daga, pinangatngat ang kaluluwa;

Nang matupad ang ”task”, kanilang kaha ang nanagana.

TV rin ang may turo na tao’y maging palaasa;

Huwag ka nang mag-aral, pumasok na lang sa pag-aartista.

Naaawa tuloy ako kina Buboy at Bendita;

May bukas pa sila’y nakakalakal na nang maaga.

Salapi ang diwang nagpapakilos sa telebisyon;

Makamit lang ’toy ipamamalas, kahit prostitusyon.

Kung katawan nama’y di magtagumpay sa pagkuha ng atensyon,

Gawin ding palabas ang pag-ibig, gaya nina Melai at Jason. 

Lakandiwa: 
 Kasamaan at kabutihan, kapwa may argumento;

Mga pinsala’t pakinabang, natalakay nang husto.

Kung sa TV ay may nasabi, sa cellphone nama’y ano?

Nauso ngayong Milenyo, gamitin nating Pilipino.

Kabutihan: 

Hindi ko maiwasang gunitain ang nakaraan;

Nailibing na ang kaanak, hindi pa nalalaman.

Paano’y nang matanggap ang liham mula lalawigan;

Linggo ang inabot bago narating ang tarangkahan.

Nakakatawa rin nang magtrabaho sa Saudi ang ’Tay;

Sa voice tape lang nalalaman, kumusta ang kanyang lagay.

Kung di nama’y long distance calls, sa tuwina’y hinihintay;

Na sa mahal ng metro, hindi man lang makapag-babay.

Ngayo’y di na isyu ang mabagal na komunikasyon;

Pagpindot lang ang kailangan, hayun na ang impormasyon.

Pamurahan pa sa presyo, lahat ng network ngayon;

Sa rehistro ng text at tawag na walang limitasyon.

Cellpho’y puwede ring panggising, pang-ilaw, pangkalkula;

O pangkuha ng larawan gamit ang built-in camera.

 Kung ika’y nama’y nababagot, magpatugtog ng musika;

Sabayan na rin ng games sa CP na sadyang kaysaya!

Kasamaan: 

Ilan na ba sa atin ang inosenteng nadukutan;

O nalagot ang buhay dahil sa tangkang panlalaban?

Sapul nang cellphong ’ya’y mamalasak sa kawawang bayan;

Wala nang nakagagalang panatag ang kalooban.

Kung hindi ang buhay, ang kabuhayan ang sinisila;

Nililinlang ang kapwa sa matatamis na salita.

Sabi sa text, nanalo raw ng salaping gantimpala;

Pagbalik ng malay, ipo’y nawala nang parang bula.

Marami na ring taong ang reputasyon ay nasira;

Nang pagpasa-pasahan ang videong sa cellphone nagmula.

Iba nama’y nanliligalig sa masamang balita;

Sa sineha’t mall may sasabog, h’wag gagala mamaya.

Pagiging Text Capital, matagal nang ibinibida;

Salamat sa mga nagtiis sa kalam ng t’yan nila.

Darating ang panahong buha’y nati’y kanya-kanya na;

Wala nang usap-usap, sa cellphone na lang magbasa.

 Lakandiwa: 

Tagisan ng argumento, tumitindi, umaanghang!

Sa bawat salitang usal, madla’y lalong nag-aabang.

Pasiklabin pa nating lalo, init na naglalatang;

PC ba’y nakatutulong o sa moralidad, humahadlang? 

Kabutihan: 

Ang kompyuter ay patotoo sa dakilang talino

ng taong kumalos sa nakapapagal na trabaho.

Di lang nakapagbubunga ng perpektong dokumento;

Imortal ding tagapag-ingat, kasaysayan ng mundo.

Ang internet ay wikang nagpapaisa sa daigdig;

Na huli pang nasaksihan bago Babel ay nilupig.

Sa isang simpleng pindot, anumang impormasyong ibig;

Matutunghayan, mananamnam, sa daming siksik-liglig.

Sa Facebook naipupunla bagong pagkakakilala.

Sa Youtube natatabi, mga dakilang alaala.

Sa Twitter napapalaya, anumang bagong ideya.

Mabuhay ang PC’t internet! Buhay ay pinasaya! 

 Kasamaan: 

Kompyuter ang suwerong nagpadaloy ng katamaran;

Pumuksa ng kasipagan sa ugat ng sambayanan.

Undo, backspace, delete na sa keyboard lang nakasanayan;

Sinusubukan ding i-click kahit sa sitwasyong totohanan.

Instrumento rin ang PC sa panloloko sa kapwa;

Mamang ka-chat mo sa YM, nagpapakilalang bata.

Kung may pananaliksik ka naman o orig na akda,

Huwag nang ikagulat kung makita sa ibang gawa.

Sakim na pirata ng mga gawang pinaghirapan;

Tagalako ng katawang sapilitang hinubaran.

Tsismosang nagpipista sa iskandalo ng sinuman;

Silaban ang kompyuter! Kitilin ang kanyang kasamaan!

Lakandiwa: 

Lahat kaming nakasaksi’y napaisip, nanggilalas;

Sa pukpukan ng galing nitong mga mambabalagtas.

Nariyang isiping teknolohiya’y tagapagligtas;

Nariyang tantuhing nagliligaw pala ’to ng landas.

Matalinong pagpapasya’y sa inyo ko na iiwan;

 Dalhin ang usapan maging sa tahana’t paaralan.

Tandaang TV, cellphone at kompyuter ay kaibigan;

Maging malay lang lagi sa makatarungang hangganan

Pinagkunan- http://alvinringgo.blogspot.com/2010/04/midyat-makabagong-teknolohiya-ano-ba.html?m=1

Gawain 2. Paglinang ng Talasalitaan

Panuto: Batay sa pagkakagamit sa loob ng pangungusap, tukuyin at bilugan ang

angkop na kahulugan ng mga salitang nakahilig.

1. Tunay nga na nagluluwal ng pagbabago sa maraming aspekto sa buhay ng tao

ang teknolohiya. Nagbibigay nagsasabi naghuhudyat

2. Ang pagkakaroon ng komunikasyon ay mainam at kinulayan pa ng saya ang

buhay ng mag-asawa. dinagdagan pa ng saya, nagkaroon pa ng saya, nagbigay

pa ng saya

3. Sambayanang Pilipino ang nagsilbing tagahubog ng kasaysayan na kinilala sa

mundo. tagapagbuo ng kasaysayan, tapag-ingat ng kasaysayan, tagapagdagdag

kasaysayan
ng

4. Ang matatamis na salita na mula sa kanya ang nanlinlang sa aking isipan.

salitang nakakaakit, salitang totoo, salitang malakas

5. Ang kayamanan ng kanilang angkan na iningatan ng matagal ay nawala nang

parang bula. mabilis na nawala, matagal na nawala, madalas na nawala

Gawain 3. Pag-unawa sa binasa:

 1. Ang paksa o isyung pinagtalunan sa balagtasan ay

______________________________________________________________.

2. Isa-isahin ang mga mabuti at masamang dulot ng teknolohiya.

3. Kung ikaw ang isa mga mga mambabalagtas ano ang iyong panig?

Pangatwiranan.

Gawain.4
 Basahin ang mga sumusunod na pahayag o saknong at tukuyin kung

pangunahing kaisipan, matapos ay guhitan ang pahayag na pantulong na kaisipan nito.

Hindi magandang epekto ng paggamit ng cellphone

Kaaya-ayang dulot ng telebisyon
Negatibong karanasan sa kakulangan ng teknolohiya
Masamang epekto ng telebisyon
Positibong epekto ng makabagong teknolohiya

1. _____________________________________________

Telebisyo’y buhay na tagahubog ng kasaysayan;

Balitang hinahatid, nagtataas ng kamalayan.

Katiwalian sa lipunan, hindi tinatantanan;

Milyong Pilipino na ang pinagmartsa sa lansangan

2. _____________________________________________

Ngayo’y di na isyu ang mabagal na komunikasyon;

Pagpindot lang ang kailangan, hayun na ang impormasyon.

Pamurahan pa sa presyo, lahat ng network ngayon;

Sa rehistro ng text at tawag na walang limitasyon

 3. _____________________________________________

Marami na ring taong ang reputasyon ay nasira;

Nang pagpasa-pasahan ang videong sa cellphone nagmula.

Iba nama’y nanliligalig sa masamang balita;

Sa sineha’t mall may sasabog, h’wag gagala mamaya.

Gawain4.1 Anong say mo?

Ngayon naman nais kong bumuo ka ng isang makabuluhang tanong batay sa

mga pahayag sa ibaba.

Sa Facebook naipupunla bagong pagkakakilala.Sa

Youtube natatabi, mga dakilang alaala.Sa Twitter

napapalaya, anumang bagong ideya.Mabuhay ang

PC’t internet! Buhay ay pinasaya! 

? Kaibigan, labis yata ang pagtutok mo sa

TV;Lumabo tuloy ang paningin mo’t tingin sa

sarili.Nalimutan mo na yata, sarili mong

aydentiti;Gaya nina Jun Pyo’t Jan Di, Koreano ka na

?
kasi.
 Pangwakas na Pagtataya

1. Ito ay tumutukoy sa uri ng patulang pagtatalo ukol sa isang paksa na umusbong

noong panahon ng Amerikano.

a. Balagtasan b. debate c. fliptop d. pakikipagdiskusyon

2. Alin sa mga sumusunod ang pinakaangkop na pangunahing kaisipan sa pahayag

na “dapat mag-ingat at proteksyunan ang sarili upang hindi magkasakit”

a. Edukasyon

b. Kalusugan

c. Kalamidad

d. Teknolohiya

3. Ano ang maaaring pantulong na kaisipan kung paksa ay patungkol sa

teknolohiya?

a. Mahalaga ang kalusugan pagkat ito ay kayamanan.

b. Ang edukasyon ang solusyon.

c. Paggamit ng internet at mga gadget sa pag-aaral

d. Paghanap ng gamot sa Covid-19

4. Bakit isinagawa noon ang balagtasan?

a. Upang mayroong paglibangan ang mga tao.

b. Upang alalahanin angAma ng Panulaan na si Francisco Baltazar

c. Upang ipagpatuloy ang nasimulan ni Balagtas

d. Upang ipakita ang pakikipaglaban ng mga Pilipino sa Amerikano

 5. Bakit mahalagang pag-aralan ang balagtasan?

a. Upang patuloy na malinang ang kakayahan ng mga Pilipino sa pagtula at

isipan

b. Sapagkat ito ay itinakdang pag-aralan

c. Dahil dito makakakuha tayo ng matatalinhagang pahayag

d. Uapang matuto sa pakikipagtalo

Binabati kita batid kong nasiyahan ka sa iyong mga natutunan at

napagtagumpayan mo ang mga inihandang gawain. Ngayon subukin natin ang iyong

natutunan. 

Ang pagwawasto ng iyong mga sagot sa panimulang pagtataya at pangwakas na

pagtataya ay nasa pamamahala na iyong guro.

Hanggang sa muli! 