Aralin 2.

3: Modyul 5
IKALAWANG MARKAHAN
Panitikan: Dula
Teksto: Sa Pula, Sa Puti
Wika: Pangatnig at Pang-ugnay na nanghihikayat

MGA KASANAYANG PAMPAGKATUTO SA BAWAT DOMAIN

Paglinang sa Talasalitaan (F7PT-IIe-f-9)

 Nabibigyang kahulugan ang mga salitang iba-iba ang digri o antas ng
kahulugan (pagkiklino)

Kagamitan: Larawang Biswal

Sanggunian: Rex Supplemental Lessons
Bilang ng Araw: 2 Sesyon

Pansining mabuti ang mga nasa larawan. Ihambing mo ang mga ito sa isa’t-isa.

AMOR O. MARGIN
Guro III
Alaminos Integrated National High School
Distrito ng Alaminos

Ikalawang Markahan| 1
 Paunang Pagtataya :
T U K L A S I N natin!

Klasmeyt,
Magandang araw! Bago tayo magsimula,
subukan mo munang sagutin ang mga tanong
sa ibaba! Galingan mo!

Suriin ang mga larawan. Isa-isahin ang kanilang katangian. Kaya mo ba pagsunod-
sunurin ang mga larawan batay sa katangiang nakita mo sa mga ito? Lagyan ng bilang
ang bawat patlang.

1.xv_____ _____ _____ 2. _____ _____ _____

3. _____ _____ 4. _____ _____

_____ _____

Ikalawang Markahan | 5
 Panimulang Gawain :
L I N A N G I N natin!

Mahusay klasmeyt!
Ngayon naman ay magbasa muna tayo!

SA PULA, SA PUTI
(excerpt)

MGA TAUHAN SA DULA

KULAS- Asawa ni Celing na mahilig magsabong. Karaniwang tagalalawigan
na kinahumalingan ang sabong bagamat ang kanilang tahana'y
nakatirik malapit sa mismong sabungan.
CELING - Maybahay ni Kulas na di sang-ayon sa kinahiligan ng asawa. Siya
ay palihim na pumusta sa kalaban.
TEBAN – Masunuring kasambahay nila Celing na may kahinaan ang ulo.
CASTOR – Ang mandarayang kaibigan ni Kulas sa humimok sa kanyang
magsabong at nagturo sa kanya kung paano mandaya.
SIONING - Kaibigan ni Celing na tumestigo sa kasunduan nilang mag-
asawa.

Tagpuan:
Sa kanilang bahay

Kulas: A…hem! E, kumusta ka ngayong umaga, Celing.

Celing: Mabuti naman, Kulas. Salamat at naalala mo akong kamustahin.

Kulas: Si Celing naman, bakit naman ganyan ang sagot mo sa akin?

Celing: Sapagkat pagkidlat ng mata mo sa umaga, wala ka ng iniisip
kamustahin at himasin kundi ang iyong tinali. Tila mahal mo ang tinali mo
kaysa sa akin.

Kulas: Ano ka ba naman, Celing, wala ng mas mahal pa sa akin sa buhay na

ito kundi ang asawa. (Ilalagay ang kamay sa balikat ni Celing).

Ikalawang Markahan| 1
 Celing: Siya nga ba? Ngunit kung nakikita kong hinihimas mo ang iyong
tinali, ibig ko ng kung minsang mainggit at magselos.

Kulas: Ngunit Celing, alam mo namang kaya ko lamang inaalagaang mabuti

ang mga tinaling ito ay para sa atin din. Sila ang magdadala sa atin ng
grasya.

Celing: Grasya ba o disgrasya, gaya ng karaniwang nangyayari?

Kulas: Huwag mo sanang ungkatin ang nakaraan. Oo, ako nga'y napagtalo
noong mga nakaraang araw, sapagkat noon ay hindi pa ako bihasa sa
pagpili at paghimas ng manok. Ngunit ngayon ay marami na akong
natutuhan, mga bagong sistema.

Celing: At noong nakaraang Linggo, noong matalo ang iyong talisain, hindi
mo pa ba alam ang mga bagong sistema.

Kulas: Iyon ay disgrasya lamang, Celing, makinig ka. Alam mo, kagabi ay
nanaginip ako. Napanaginipan kong ako'y hinahabol ng isang kalabaw na
puti. Kalabaw na puti, Celing!

Celing: E ano kung puti?

Kulas: Ang pilak ay puti, samakatwid ang ibig sabihin ay pilak. At ako'y
hinahabol…Hinahabol ako ng pilak…ng kuwarta!

Celing: Ngunit ngayon ay wala nang kuwartang pilak.

Kulas: Mayroon pa, nakabaon lang. kaya walang duda, Celing. Bigyan mo
lamang ako ng limang piso ngayon ay walang salang magkakuwarta tayo.

Celing: Ngunit, Kulas, hindi ka pa ba nadadala sa mga panaginip mong iyan?

Noong isang buwan, nanaginip ka ng ahas na numero 8. Ang pintakasi noon
ay nation sa a-8 ng Pebrero at sabi mo'y kuwarta na ngunit natalo ka ng
anim na piso.

Kulas: Oo nga, ngunit ang batayan ko ngayon ay hindi lamang panaginip.

Pinag-aralan kong mabuti ang kaliskis at ang tainga ng manok na ito. Ito'y
walang pagkatalo, Celing. Ipinapangako ko sa iyo, walang sala tayo ay
mananalo.

Ikalawang Markahan | 5
Celing: Kulas, natatandaan mo bang ganyan-ganyan din ang sabi mo sa akin
noong isang Linggo tungkol sa manok mong talisain? At ano ang nangyari?
Nagkaulam tayo ng pakang na manok.

Kulas: Sinabi ko nang iyon ay disgrasya!

(Maririnig uli ang sigawan sa sabungan. Maiinip si Kulas).
Sige na, Celing. Ito na lamang. Pag natalo pa ang manok na ito, hindi
na ako magsasabong.

Celing: Totoong-totoo?

Kulas: Totoo. Sige na, madali ka at nagsusultada na. sige na, may katrato
ako sa susunod na sultada. Pag hindi ako dumating ay kahiya-hiya.
(Titingnan ni Celing ang pagkakabalisa ni Kulas at maisip na walang saysay
ang pakikipagtalo pa, iiling-iling na dudukot ng salapi sa kanyang bulsa).

Celing: O, Buweno, kung sa bagay, ay tatago lamang ako ng pera. O, heto.

Huwag mo sana akong sisihan kung mauubos ang kaunting pinagbilhan ng
ating palay.

Kulas: (Kukunin ang salapi)

Huwag kang mag-alala, Celing, ito'y kuwarta na. seguradong-segurado! O,
Buweno, diyan ka muna.
(Magmamadaling lalabas si Kulas, ngunit masasalubong si Sioning sa may
pintuan.)

Sioning: Kumusta ka, Kulas?

Kulas: (Nagmamadali) Kumusta…e…eh…Sioning didispensahin mo ako.

Ako lang ay nagmamadali. Eh…este…nandiyan si Celing! Heto si Sioning.
Buwena-diyan ka na. (Lalabas si Kulas).

Sioning: Celing, ano ba ang nangyayari sa iyong asawa? Tila pupunta sa

sunog.

Celing: Ay, Sioning, masahol pa sa sunog ang pupuntahan. Pupunta na

naman sa sabungan.

Sioning: Celing, talaga bang…

Celing: Sandali lang ha, Sioning. (Sisigaw sa gawing kusina).

Teban! Teban! Teban!

Ikalawang Markahan| 1
 Teban: (Masunurin ngunit may kahinaan ang ulo). Ano po iyon Aling Celing?

Celing: (Kukuha ng limang piso sa bulsa at ibibigay kay Tebang).

O heto, Teban, limang piso…Nagpunta na naman ang amo mo sa
sabungan. Madali, ipusta mo ito. Madali ka at baka mahuli!

Teban: (Nagmamadaling itinulak ni Celing sa labas).

Sioning: Ipusta ang limang piso! Ano ba ito, Celing, ikaw man ba'y naging
sabungera na rin?

Celing: Si Sioning naman. Hindi ako sabungera! Ngunit sa tuwing

magsasabong si Kulas ay pumupusta rin ako.

Sioning: A…Hindi ka sabungera, ngunit pumupusta ka lamang sa sabong?

Hoy, Celing, ano ba ang pinagsasabi mo?

Celing: O, Buweno, Sioning, maupo ka't ipaliliwanag ko sa iyo. Ngunit huwag

mo namang ipaalam kaninuman.

Sioning: Oo, huwag kang mag-alala sa akin.

Celing: Alam mo, Sioning, ako'y pumupusta sa sabong upang huwag kaming
matalo.

Sioning: Ah, pumupusta ka sa sabong upang huwag kayong matalo. Celing

pinaglalaruan mo yata ako.

Celing: Hindi. Alam mo'y marami kaming nawawalang kuwarta sa

kasasabong ni Kulas. Nag-aalaala akong darating ang araw na magdidildil
na lamang kami ng asin. Pinilit kong siya'y pigilin. Ngunit madalas kaming
magkagalit. Upang huwag kaming magkagalit at huwag maubos ang aming
kuwarta, ay umisip ako ng paraan. May isang buwan na ngayon, na tuwing
pupusta si Kulas sa kaniyang manok ay pinupusta ko si Teban sa sabungan
upang pumusta sa manok na kalaban.

Sioning: (May kahinaan din ang ulo). Sa anong dahilan?

Celing: Puwes, kung matalo ang manok ni Kulas ay nanalo ako. At kung ako
nama'y matalo at nanalo si Kulas, kaya't anuman ang mangyari ay hindi
nababawasan ang aming kuwarta.Sioning. A siya nga. Siya nga pala naman.
(Mag-uumpisang Maririnig ang sigawan buhat sa sabungan). Hayan,
nagsusultada na marahil. Naku, sumasakit ang ulo ko sa sigawang iyan.

Ikalawang Markahan | 5
Mga gabay na tanong:

1. Isa-isahin ang katangian ng pangunahing tauhan. May kakilala ka bang may

pagkakatulad sa kanyang mga katangian? Patunayan.
2. Sa iyong palagay, karaniwang pa bang nangyayari sa kasalukuyan ang mga
pangyayari nabasa mo sa akda?
3. Magbahagi ng gintong-aral na iyong natutunan mo sa akdang binasa.

Paksang Aralin :
P A U N L A R I N natin!

Ang galing mo klasmeyt!

Ngayon naman ay simulan nating paunlarin pa
ang iyong kaalaman tungkol dula at sangkap nito.

DULA
Ang dula ay isang uri ng panitikan. Nahahati ito sa ilang yugto na
maraming tagpo. Pinakalayunin nitong itanghal ang mga tagpo sa
isang tanghalan o entablado. Ang tagpo sa dula ay ang paglabas-
masok sa tanghalan ng mga tauhan. Ang mga taong dalubhasa sa
larangan ng pagsusulat ng mga dulang itinatanghal ay tinatawag na
mga mandudula o dramatista.

Mga Sangkap sa Dula

Ang dula ay mayroon ding mga sangkap. Ito ay ang simula, gitna, at
wakas.

• Simula – Mamamalas dito ang tagpuan, tauhan, at sulyap sa suliranin.

• Gitna – Matatagpuan ang saglit na kasiglahan, ang tunggalian, at ang

kasukdulan.

• Wakas – Matatagpuan naman dito ang kakalasan at ang kalutasan.

Ikalawang Markahan| 1
 KLINO

Ito ay pagsasaayos ng kahulugan ng salita ayon sa intensidad o

tindi ng kahulugang nais ipahiwatig.

Halimbawa:
ngiti-tawa-halakhak basag-durog-pino
inis-galit-poot mahal-ibig-irog
matangkad-mataas-matayog malapad-malaki-malawak

Ang Klino ay isang paraan ng paglinang ngkasanayan sa

talasalitaan. Ang Klino ay isinasagawa sa pamamagitan ngpagbibigay
pinasiding antas ng simpleng salita.
Klino/ Dalisdis
• paraan ng pagsunod
-sunod ng mga salita
• nagsimula sa pinakamaliit/pinakamaiksi at natatapos
sa pinaka malaki.

Sa paraang ito,Makakaisip ng mga salitang maykakawing sa

simpleng salita at masusuri ang antas ngkadiinan ng mga ito.

Halimbawa:

1. Hindi maaaring sabihin na ikaw ay humahagulgol kung

humihikbi ka lamang. Kung iaantas natin ang mga sumusunod nasalitang
magkakatulad sa kahulugan na magkaibanaman sa tindi o digri ng nais
ipahayag, ganito angmagiging ayos nila.
Hikbi → nguyngoy → iyak → hagulgol

2. Pansinin ang salita na may pagkakatulad sakahulugan, ngunit

nagkakaiba sa tindi o digri ngpagpapahayag.Ganito ang magiging ayos
kung iaantas ito.
a. pagkawala → pagkaubos → pagkasaid
b. nayupi- nasira → nawasak

Hango sa tl.wikipedia.org/wiki/Dula
Rex Supplemental Lessons

Ikalawang Markahan | 5
 Pangwakas na Pagtataya :
I L I P A T natin!

Klasmeyt,
Binabati kita! Malapit mo nang matapos ang
huling yugto ng modyul na ito.

Magbigay ng mga salitang na mayroong halos iisang kahulugan ngunit

nagkakaiba-iba sa digri ng intensidad nitong nais ipahiwatig.

1. gasgas
kalmot
sugat
2. ___________________
___________________
___________________
3. ___________________
___________________
___________________
4. ___________________
___________________
___________________
5. ___________________
___________________
___________________

Pagsunod-sunurin ang mga salita batay sa intensidad ng kahulugan nito.

1. matapang
1. masungit
mabangis
matapang
masungit
mabangis
2. mahinahon
2. _________________
tahimik
_________________
pasensyoso
_________________
3. madilim
3. _________________
maitim
_________________
madag-im
_________________
4. malasa
4. _________________
masarap
_________________
malinamnam
_________________
5. magaling
5. _________________
marunong
_________________
matalino
_________________
Ikalawang Markahan| 1