Eshtrat të cilat e ndërtojnë gjurin janë femuri, ose ashti i kofshës, tibia, ashti
i poshtëm i këmbës, dhe patella, e cila është kupa e gjurit. Ligamentet, të
cilat paraqesin një grumbull i fijeve të forta, i mbajnë këta eshtra së bashku dhe i lejojnë ata të lëvizin. Brenda gjurit, dy ligamente i mbajnë të lidhura ashtin e sipërm (femurin) dhe atë të poshtëm (tibia). Dy lloje të kërcit janë të pranishme brenda nyjës së gjurit. Lloji i parë është kërci artikular. Ky kërc mbulon skajet e kockave dhe ju atyre sipërfaqe të rrëshqitshme. Lloji i dyti kërcit është ai meniskal, që në fakt paraqet dy pjesë kërci në formë të shkronjës C, të cilat qëndrojnë në mes të femurit dhe tibias. Ato qëndrojnë nga një në secilën anë të gjurit. Meniskusi vepron si një absorbues i tronditjeve në mes të ashtit të sipërm dhe të poshtëm të këmbës. Për të lubrifikuar gjurin (për ta bërë të rrëshqitshëm), një ind tjetër brenda gjurit, i quajtur synovium, prodhon lëng lubrifikues (rrëshqitës). Nyja e gjurit është e mbështjellë nga një kapsulë e nyjës, e cila kapet në secilën anë të gjurit dhe ndihmon mbajtjen e lëngut lubrifikues brenda. Edhe jashtë nyjës së gjurit ka muskuj, ligamente dhe tendose,të cilat ndihmojnë për të stabilizuar gjurin dhe për t’i lejuar lëvizje aktive.