Professional Documents
Culture Documents
Cabanatuan
Ayon kay SSS Cabanatuan Social Security Officer III Giselle Balmores, iba’t ibang
benepisyo ang maaring makuha ng mga aktibong miyembro ng SSS gaya na lamang
ang agapay sa panahon ng pagkakasakit, panganganak, pagkamatay, pagkakaroon ng
kapansanan, gayundin ang paghahanda para sa pagreretiro.
Ang bawat aktibong miyembro aniya ay maaaring makakuha ng mga benepisyo at mga
pribilehiyo depende sa bilang ng mga buwan na nakapaghulog ng kontribusyon gaya sa
sickness at maternity benefit na kinakailangang mayroong tatlong buwang hulog.
Maaari ding makakuha ng pensyon ang mga nabalda basta’t aabot sa tatlong taon ang
naging hulog sa kontribusyon samantalang sa funeral benefit ay may agapay na
makukuha ang naiwang beneficiary kahit isang buwan lamang ang naging kontribusyon
ng mismong miyembro.
Maaari din aniyang makahiram o makapag-loan ang mga miyembro basta’t mayroong
anim na buwang kontribusyon.
Pahayag ni Balmores, hindi nangangahulugang miyembro ka na ng SSS kung ikaw ay
nakakuha na ng Social Security Number, kinakailangang makapag-umpisa at maging
aktibo sa paghuhulog ng buwanang kontribusyon upang maging kwalipikado sa lahat ng
mga prebilehiyo.