Ang “Walang Panginoon” ay isang maikling kwento na isinulat ni Deosgracias Rosario tungkol sa isang lalaking nagngangalang Marcos na sukdulan ang galit sa mayamang asenderong si Don Teong, ang kontrabida sa buhay ng kanyang pamilya na naging dahilan kung bakit namatay sa sama ng loob ang ama, dalawa niyang kapatid at kasintahan ni Marcos na si Anita, anak ni Don Teong. Ilang beses nang tinitimpi ni Marcos ang kaniyang galit kay Don Teong. Kung hindi lang dahil sa kanyang ina ay matagal na sanang wala sa mundo ang nasabing kaaway. Para kay Marcos, ang pang- aapi ni Don Teong ay hindi lamang simpleng pang-aalipin sa pamilya nila kundi pagyurak na rin sa kanilang dangal at pagkatao. Ang masaklap pa, nagbabayad ng buwis si Marcos sa kanilang lupang sinakahan kahit ito ay minana pa sa kanilang mga ninuno. Lalong nangingibabaw ang galit ni Marcos laban sa mayamang asendero nang malaman niyang sumakabilang buhay na si Anita dahil sa magmamaltrato nito na naging dahilan ng ikinamatay nito. Lalong tumindi ang kanyang galit nang dumating ang isang kautusan ng pamahalaan na sila ay pinapaalis na sa kanilang tahanan at alam niyang si Don Teong ang nasa likod ng lahat ng pananamantala nito. Dahil dito, gumawa ng paraan si Marcos para manmanan at higantihin si Don Teong. Nagbihis siya na kagaya ng mayamang asendero at pinag-aralan ang lahat ng kanyang mga kilos. Pinakawalan niya ang kaniyang kalabaw at hinayaang suwagin ang kaawa-awang si Don Teong. Kinabukasan, mabilis na kumalat ang balitang patay na si Don Teong.
Batay sa takbo ng kwento, ang lenteng panitikan na nangibabaw nito ay ang
sosyalistang realismo dahil mapapansin natin sa tagpo ng kwento na nangibabaw ang pagiging makapangyarihan ni Don Teong laban kay Marcos na nagdulot ng kawalan ng kanilang kalayaan dulot ng mga pangyayari sa mga nakapaligid sa kanya. Nangibabaw din nito ang teoryang naturalismo dahil sa pangingibabaw ng emosyong mayroong si Marcos upang maghiganti laban sa pananamantala ng asendero sa kanyang pamilya at syota nito.
Bilang patunay sa sosyalistang realismo, ipinakita sa kwento ang pagiging
makapangyarihan ni Don Teong laban kina Marcos dahil sa pang-aapi na ginawa sa kanyang pamilya na naging dahilan ng pagkamatay sa sama ng loob ang ama nito at dalawa pang kapatid nito. Ang kasintahan ni Marcos na si Anita ay namatay rin dahil sa pamamalupit na ginawa ni Don Teong sa kanya. Umabot sa punto na pinaalis si Marcos sa kanilang lupang sinakahan na sinasabing minana pa ito mula sa kanilang mga ninuno. Lahat ng mga nakikita sa kwento ay totoong nangyayari sa realidad dahil may mga taong namaliit sa iba dahil sila ay mataas pa sa kanila. Mayroong ibang mayamang namaliit ng mahirap dahil sa akala nilang di nila kayang mapantayan ang estadong mayroong sila kumbaga nangibabaw ang pagiging matapobre sa kanila.
Bilang patunay sa teoryang naturalismo, binibigyang diin ang katangiang likas ng
tao na higit pa sa kanyang katangiang moral nang sumiklab ang matinding galit ni Marcus kay Don Teong dahil sa pagpapahirap na kanilang naranasan mula sa asendero. Dahil sa matinding galit ni Marcus, nauwi ito sa hindi magandang pag-iisip ngunit sa huli ay hindi siya ang nakapaslang kay Don Teong kundi ang kalabaw nito na sumungag nito. Sa tagpong ito ng kwento ay nangibabaw ang likas na katangian ng tao. Sa realidad, minsan ay hindi natin makontrol ang ating emosyon dahil sa mga pangyayaring hindi umaayon sa atin. Kung may tampuhan o kaaway sa kapwa, nangibabaw ang ating galit kung kaya’t minsan ay gusto natin maghiganti sa kanila. Kadalasang nangyari ito sa mga magsyota dahil sa selos o sa pamilya dahil sa pinag- aagawang mana kaya’t umaabot sa punto na makagawa ng masamang bagay o krimen na siyang mauwi sa pagkabilanggo.