რუსეთსა და საქართველოს შორის დაიდო ტრაქტატი ანუ სამოკავშირეო ხელშეკრულება . მასში ჩამოყალიბებული იყო მხარეთა ვალდებულებები ერთმანეთის წინაშე . ერეკლე მეფეს სჯეროდა , რომ რუსეთის ინტერესები კავკასიაში , საქართვე-ლოს ინტერესებს ეთანხმებოდა და ამ ძლიერ ქრისტიანულ სახელმწიფოსთან კავშირით ქართლ-კახეთი საიმედოდ იქნებოდა დაცული. ტრაქტატის თანახმად: რუსეთს პოლიტიკური მფარველობა უნდა გაეწია ქართლ-კახეთის სამეფოსათვის ; ქართლ-კახეთის სამეფო აღიარებდა მხოლოდ რუსეთის უზენაესობას და უარს ამბობდა სხვა სახელმწიფოებთან მოკავშირეობაზე; საქართველოში მუდმივად უნდა მდგარიყო ორი რუსული ბატალიონი ; ქართულ ჯარსაც უნდა ებრძოლა რუსეთის მტრების წინააღმდეგ. ქართლ კახეთის სამეფოს სათავეში , ძველებურად ბაგრატიონთა სამეფო დინასტია უნდა მდგარიყო , მაგრამ მეფობის კანდიდატი რუსეთის იმპერატორს უნდა დაემტკიცებინა ; რუსეთი არ უნდა ჩარეულიყო ქართლ-კახეთის საშინაო საქმეებში; რუსეთის დახმარებით საქართველოს უნდა დაებრუნებინა მაჰმადიან მეზობელთაგან მიტაცებული ტერიტორია. ერეკლე მეფის შემდეგ ტახტზე ავიდა მისი უფროსი ძე , გიორგი მეთორმეტე . ამ დროს ნაომარი საქართველო დაუძლურებული იყო . გიორგიმ ავადმყოფობის გამო მხოლოდ ორ წელს იმეფა და 1800 წელს გარდაიცვალა. რუსეთის ხელისუფლებამ ჯერ კიდევ გიორგი მეფის სიცოცხლეში განიზრახა ქართლ-კახეთის სამფეოს გაუქმება და მისი რუსეთის იმპერიისთვის მიერთება.მეფის გარდაცვალებამ დააჩქარა ამ ჩანაფიქრის განხორციელება. ყოველი სახელმწიფო დაწესებულების ხელმძღვანე-ლებად რუსეთიდან გამოგზავნილი მოხელეები დაინიშნენ. ისინი არ იცნობდნენ ჩვენს ქვეყანას , წეს-ჩვეულებებს, ქართველი ხალხის ჭირ-ვარამს , არ იცოდნენ ქართული ენა. ქართველებსაც არ ესმოდათ ახლად მოვლენილ მმართველთა ენა.სასამართლო დაწესებულებებში საჩივრების რუსულ ენაზე შეტანას ითხოვ-დნენ - მომჩივნებს თავიანთი პრეზენტაცია მათთვის უცნობ ენაზე უნდა წარნოედგინათ . მოსამართლეებს განაჩენი ისე გა-მოჰქონდათ , ბოლომდე არ ესმოდათ , რა საქმეს არჩევდნენ. ასე დაიწყო რუსული მმართველობა საქართველოში.