早晨，我今日嘅短講内容係香港口罩生產線啟用 ,有助本土工業再起飛，我對此有何意見?

我對
呢個短講題目係抱住一半同意一半不同意嘅睇法。

首先等我講出我同意呢個題目嘅原因，近月因爲新冠肺炎疫情嘅原故，全球嘅口罩需求量急綫
上升，導致供應緊張，以致唔少企業將自身嘅生產綫改變用途，紛紛嚟生產口罩，可以話係實
現咗一場港產口罩嘅奇跡。同時，亦都因爲今次嘅口罩荒，反映到香港係上世紀九十年代起就
過度依賴金融業同埋服務業，造成產業單一嘅弊病。然而，係 3 月份起，香港口罩生產綫相繼
投資、啓用，由於龐大嘅口罩需求量，香港製造嘅口罩購買量亦都跟住提升，證明咗香港口罩
生產線啟用的確振興咗本土工業。另一方面，亦都有唔少本土生產商見到賣口罩嘅例子，令到
佢地都覺得要把握賺取高回報嘅機會，統統將自身嘅生產綫改變用途，變做生產唔同嘅醫療用
品，消毒清潔嘅用品，同時亦都因爲疫情嘅關係，呢啲防疫用品佢地嘅購買量都直綫上升，甚
至好賣到缺貨，市民需要去搶購同埋預訂，咁亦都再次證明香港口罩生產線啟用簡接導致本土
防疫用品生產綫嘅啓用，令到本土工業再起飛。

跟住落嚟我會講出我唔同意呢個題目嘅原因。剛才我提到全球嘅口罩需求量急綫上升，所以唔
少企業開始改變生產綫，轉做生產口罩，但係其實呢個做法會令香港其他除咗口罩之外嘅生產
業數量大幅下降，例如一啲嘅電器維修厰、紗厰或者日常用品嘅廠商，當呢啲製造業嘅生產商
不斷減少，而製造口罩嘅生產商不斷增加， 一個唔小心，又會演變成爲過度依賴生產防疫用品
嘅問題，限制咗香港製造業嘅未來發展，咁又點能夠令到本土工業再起飛呢？再者，當除咗口
罩之外嘅生產業數量下降，需要佢地製造嘅產品數量當然都會下降，呢種情況如果持續，單方
面依賴某種生產綫，將會導致香港缺乏其他嘅產品，甚至食品，造成嚴重嘅經濟問題，莫講話
振興本土工業啦。
總括而言，香港口罩生產線啟用,的確可以直接同埋間接有助本土工業再起飛，但係，呢種
情況係不可持續嘅，任何過度嘅行爲，都係唔會有好嘅結果，生產口罩都係同樣嘅道理，盲目
為咗利益去過度生產，只會造成過度依賴嘅問題，難以振興本土工業，我嘅意見到此爲止。