Professional Documents
Culture Documents
2012 წელს ერაყში დაიწყო სუნიტების პროტესტი ერაყის შიიტი პრემიერ მინისტრის
ნური ალ მალიქის წინააღმდეგ. პროტესტამდე დიდი ხნით ადრე ერაყი ნაბიჯ-
ნაბიჯ მიდიოდა სამოქალაქო დაპირისპირებისკენ. ამ კონფლიქტის მიზეზები
გახლდათ: ა) მალიქის ფავორიტიზმი - ძირითადად შიიტების დაწინაურება მაღალ
თანამდებობებზე, მსგავსი მიდგომა უკმაყოფილებას იწვევდა სუნიტებში ბ)
ისლამური სახელმწიფოს და სხვა სუნიტური ექსტრემისტების მხრიდან მუდმივი
პროვოკაციები, რომელიც ხელს უწყობდა საზოგადოების შიგნით რელიგიურ
სექტებად დანაწევრებას. გ) სირიის კონფლიქტის მავნე გავლენა ერაყზე.
კონფლიქტის ამ მამოძრავებელმა მიზეზებმა თავი იჩინა მოუგვარებელი
პოლიტიკური და სოციალურ-ეკონომიკური უკმაყოფილების ფონზე, რომელიც
დაკავშირებული იყო აშშ-ს მიერ ერაყის ოკუპაციასთან (2003-2011) და
ბაასისტური პარტიის დიქტატურასთან (1968-2003).
მაშინ როდესაც ერაყის არმია ტოვებდა კირკუკს, (იგი არის ნავთობით მდიდარი და
ქურთები ათწლეულები ედავებოდნენ ამ ტერიტორიას ბაღდადს) ქურთების ძალები
შევიდნენ ქალაქში. 2014 წლის აგვისტოში IS-მ შეუტია ქალაქ სინჯარს, რომელიც
მდებარეობს ნინევიას ვაკეზე და დასახლებულია იეზიდებით. ამ ტერიტორიებს
აკონტროლებდნენ ქურთი მებრძოლები. ამ ფაქტმა დააჩქარა დასავლეთის ჩარევა და
გამოიწვია აშშ-ს სამხედრო ინტერვენცია. 7 აგვისტოს აშშ-მ დაიწყო IS პოზიციების
დაბომბვა ქალაქ ერბილის (Erbil) და სინჯარის (Sinjar) შემოგარენში. აშშ-ს ასევე
სურდა ალ მალიქის გადადგომა, რათა მოეხერხებინა ეროვნული თანხმობის მიღწევა
და ერთიანი მთავრობის შექმნა, რომელიც არ მოახდენდა სუნიტების
დისკრიმინაციას და გააუჯობესებდა ურთიერთობას ბაღდადს და ერბილს შორის.
KRG და ირანი