I.

SUFFRAGETTE
Abi Morgan
Sarah Gavron

II.
Suffragette - ay mga babaeng lumalaban para sa karapatang bumoto
- Mga kababaihang ikinakampanya ang karapatan ng mga babaeng bumoto
III. BUOD
a. Maud Watts
Violet Millers – Suffragette, katrabaho ni Maud
Alice Haughs – suffragette
Edith Ellyn – organayser ng mga pagpupulong
Glesson - mambabatas na nag-aalala sa kaligtasan ni Maud
Emily Davison – isang suffragette na nagsakripisyo sa pamamagitan ng pag talon sa
gitna ng karera
Emmelire Pankhurst – ang lider ng samahang suffragette

Si Maud Watts, ang pangunahing tauhan sa pelikula ay nabubuhay kasama ang kanyang asawa at
anak, nagtatrabaho si Maud sa isang labahan na may mga nakakalungkot na mga nangyayari katulad na
lamang ng pagbibigay ng mababang sahod para sa mga babae at abusong sekswal. Si Alice Haughton, isa
sa mga suffragette ay inimbitahan ang lahat ng kababaihan para tumistigo sa hukuman. Ang kaibigan ni
Maud na si Violet Millers ay tinanggap ang imbitasyon ngunit dumating sya sa hukuman na may mga
pasa sa mukha dahil sa pambubogbog ng asawa, si Maud ay napilitang humarap sa parlyamento bilang
kapalit ni Violet. Nang mga sumunod na araw ay inimbitahan si Maud sa mga sekretong pagpupulong na
inoorganisa ni Edith Ellyn ng kanyang kaibigan, pumayag sya at sumama ngunit nagkaroon ng komusyon
at nasama sya, nakulong at nakalabas din matapos ang ilang araw, makailang ulit na nakulong at
nakalabas si Maud ngunit sa pagkakakulong nito ay lumalala ang parusa katulad na lang ng paggutom
hanggang sa pagpilit na pagpakain dito.
Si Gleeson ay isang mambabatas o pulis na unang humuli kay Maud at hindi sang-ayon sa ideya
ng pagbibigay ng karapatan sa babae ngunit nag-aalala sa kalagayan ng pangunahing tauhan, nakikita nya
ang mga nagtatrabahong mga babae bilang gamit lamang para sa isang tiyak na layunin. Nagpatuloy ang
rebelyon, hindi nakikinig ang mga nasa gobyerno sa kanilang apila kaya’t napilitan silang gamitan ito ng
karahasan, katulad ng pagbato ng mga bato sa mga tindahan, pagsunog o pagpasabog ng mga mail at
pagbomba sa harap ng bahay ng isa sa mga kilalang personalidad sa lipunan, pinaghanap man sila ay
walang nakuhang ebidensya ang mga pulis na makapagtuturo sa nagbomba. Ang huli at nakapagpabago
na hakbang ay ang plano ng mga kababaihan na itaas ang bandila ng mga kababaihan sa isang malaking
kaganapan na dadaluhan ng hari, kagimbal gimbal ang mga sumunod na nangyari ng tumalon ang isang
Suffragete sa gitna ng mga nagkakarerang kabayo at nahagip habang nakataas ang kamay at hawak ang
bandila na may nakalagay na “VOTE FOR WOMEN”. Natunghayan ang sakripisyong ginawa ni Emily
Davison ng napakaraming tao at binigyan ng pagkikilala.
b. Lidhiqy
  Bisang Pampanitikan
c. Bisa sa Isip
Hindi mangyayari ang isang bagay kung hindi ito susubukan. Sa pelikulang SUFFRAGETTE ang
samahan ng mga kababaihan rito na tinatawag na suffragette ay may kasabihan na “DEEDS NOT
WORDS”. Totoong hindi mabibigyan ng lunas ang isang problema ng sasabihin lang, kailangan
itong suportahan ng tamang aksyon at plano, kailangang subukan, harapin ang peligro dahil mas
mabuti at maganda na nalaman ang resulta ng isang bagay kaysa magsisi na hindi ito sinubukan.
Hindi mali ang magkamali at madapa dahil ito ang nagbibigay saatin ng leskyon sa buhay,
siguraduhin lang natin na matuto tayo sa lahat na mga pagkakamaling nadadaanan natin.

d. Bisa sa Damdamin
Habang nanonood ng pelikula, hindi ko maiwasan ang maluha sa ilang mga senaryo, damang
dama ko ang sakit, galit, at lungkot. Sakabila ng mga ganitong emosyon ay nanaig ang
pagkamangha ko sa katapangan ng mga kababaihan na sumalungat sa kung paano tignan ng
lipunan ang mga kababaihan, ang tapang na isakripisyo ang kanilang hinaharap para sa bagong
buhay na maibibigay nila sa mga susunod na babae/ henerasyon. Kahit nawala sakanila ang
pamilya na tanging meron sila ay pinaglaban nila ang karapatang patuloy silang
pagpapasalamatan ng lahat ng babae sa mundo.

IV. Pagsusuri
a. Uri ng Panitikan
Piksyon at Di- piksyon – Piksyon, ang karakter na si Maud Watts ay hindi totoo, idinagdag
lamang ang tauhan ng may akda upang maging representasyon ng mga kababaihan na nasanay na
sumunod sa mga patakaran na di kalauna’y nagkaroon ng lakas ng loob at dahilan para lumaban,
pagpakita na kahit ang trabaho, pamilya at kustodiya sa anak ay nalagay sa alanganin ay lumaban
parin at para maging instrumento sa pagpapahayag ng mga ideya at maging boses para sa mga
kababaihan na natatakot at walang kakayahang makapagsalita para sakanila. Di-piksyon, sapagkat
ang mga pangyayari ay totoo at nangyare, ang rebelyon, ang mga pagsunog at bomba sa bahay ng
isang Chancellor ang mga pagkakulong ng mga kababaihang nahuhuling kasama sa pag-alsa, ang
samahan, ang pangyaring pagtalon ni Emily Davison sa gitna ng karera para tawagin ang pansin
ng hari at ng publiko at totoo. Sa katunayan ay naibalita ang pagkamatay ni Emily Davison sa
buong mundo at binigyan ng pagkilala.

b. Estilo ng Paglalahad
Ang pelikulang “SUFFRAGETTE” ay ang pagbalik-tanaw sa nangyari noong 1813 sa Britain
upang ipakita ang katapangan ng mga kababaihan na ipaglaban ang kanilang mga karapatan at
ipakita kung paano lumaban ang mga kababaihan sa kabila ng mga pagtutol at pang aabuso. Ang
pelikula ay isang uri ng Realismo sapagkat ang mga kaganapan ay hango sa totoong mga
nangyari sa lipunan, hindi nagsama nang ibang elemento at naging natural lamang ang mga
kasangkapan sa pagsasadula katulad ng nasa totoong buhay. Feminismo rin ito dahil naipakita
ang diskriminasyon sa mga babae katulad ng pagbibigay ng mas mababang sahod sa mga babae
at pang-aabusong pisikal at sekswal.

c. Simbolismong Tayutay
 Kulay puti, berde, at lila – ginamit ang mga kulay na ito sa pagpresenta ng samahan at sa
pagsulong ng karapatang bumoto ng mga babaeng

d. Sariling Reaksyon
Ang pelikula ay napakaganda, perpekto ang paksa at pagkakaarte ng bawat tauhan, naayon ang
setting sa paksa at lahat ng naroon ay pawang katotohanan at nangyari sa totoong buhay, hindi
nagkaroon ng pagmamalabis o hindi kapani-paniwala sa mga nangyari at nakamit ang isyung
pinaglalaban. Ngunit may hinanap ako na hindi naipakita sa pelikula, sa pagsali ni Maud sa
samahan, pinaalis sya ng asawa nya sa kanilang bahay at pinaampon ang anak nila sa ibang
pamilya, hindi pinakita sa pelikula kung ano ang plano ng tauhan, kukunin niya ba ulit ang anak
niya? O hahayaan niya na lumaki ang anak niya sa ibang pamilya at iba ang kilalaning ina?

Iyon lamang, nabitin lamang ako sa katapusan ng kwento dahil ang katapusan nito ay iyong
isinasalaysay ang totoong nangyari sa libing ni Emily Davison at ang mga pangyayari pagkatapos
ng insidente.