SELF-LEARNING HOME TASK (SLHT)

Asignatura: Filipino Grade: 10 Quarter: 3 Week: 1

MELC:
 Mitolohiya: Naipapaliwanag ang pagkakaiba at pagkakatulad ng mitolohiya ng Africa at Persiya
(F10PN-IIIa-76)
 Nasusuri ang mga kaisipang nakapaloob sa mitolohiya batay sa:
o suliranin ng akda
o kilos at gawi ng tauhan
o desisyon ng tauhan (F10PB-IIIa-80)
 Nabibigyang-puna ang napanood na video clip (F10PD-IIIa-74)
 Napapangatwiranan ang sariling reaksyon sa akdang binasa sa pamamagitan ng debate/pagtatalo
(F10PS-IIIa-78)
 Nagagamit nang angkop ang mga pamantayan sa pagsasaling-wika
(F10WG-IIIa-71)
Name :______________________________ Section : ____________________ Date________

School : _____________________________ District : ____________________

A. PAGBASA / TALAKAYAN:

The Zoroastrian Creation Story

ni Rebecca Cann Salin
Buod sa Filipino ni Jay-r Diacamos
( Vidyu: https://www.youtube.com/watch?v=mJP--8vMB0w )
Sa simula, wala ang anumang nabubuhay sa sansinukob maliban kay Ahura Mazda, ang diyos ng
liwanag at karunungan na nananahan sa walang hanggang liwanag. Sa kabilang banda, mula sa kawalan
at kadiliman, nabubuhay ang isang nilalang na si Angra Mainyu o si Ahriman, ang masamang espirito.
Sila’y parehong binabalot ng kalungkutan.

Isang araw, si Ahura Mazda ay nagdesisyong lumikha ng ibang bagay. Una niyang nilikha ang
kalangitan na gawa sa metal, isang makinang at maliwanag. Pangalawa, gumawa siya ng malinis na tubig,
Pangatlo, lumikha siya ng kalupaan na walang mga burol at bundok. Pang-apat, gumawa siya ng mga
halaman, mababango at kaaya-aya na walang mga tinik. Panglima, nilikha niya si Gayomard, ang unang
tao o nilalang sa mundo. Siya ay matalino, matangkad at hindi matukoy ang kanyang kasarian. At ang
huli, gumawa siya ng apoy, kasangkapan sa paggawa ng pagkain at sa panahon ng taglamig. Ito ay
ibinahagi sa lahat ng kanyang nilikha. Ang matalinong diyos ay inanyayahan ang masamang espirito para
makita ang kanyang nilikha.

“Ahriman, pagmasdan mo ang aking nilikha, tulungan mo sila at bigyan mo ng papuri upang
makuha mo ang walang hanggang buhay.”
 Ang masamang espirito ay nagalit. “Bakit ko sila tutulungan? Bakit ko sila pupurihin? ‘Di hamak
na mas makapangyarihan ako kaysa sa kanila. Susugpuin kita kasama ang mga nilikha mo habang
buhay.”

Matapos sabihin ito, siya ay bumalik sa kadiliman at lumikha rin ng mga masasamang nilalang
gaya ng mga demonyo, hukluban at halimaw para labanan ang liwanag. Inaasahan na ng matalinong
panginoon ang mga plano ng masamang espirito, lahat ng balak nitong wasakin ang kanyang gawa at
pagkakaroon ng malawakang pakikipaglaban sa masama.

Kung kaya’t gumawa siya ng anim na Holy Imortals o Banal na Espirito mula sa kanyang sariling
kaluluwa. Bawat isa ay may kanya-kanyang kakayahan.

Ang unang Banal na Espirito ay si Khashathra, espirito ng katapatan at tagapagbantay ng langit.

Sumunod, si Haurvatat, espirito ng katarungan, kagandahan at tagapagbantay ng tubig. Ikatlo, si Spenta
Armaiti, ang espirito ng pagmamahal, kabaitan at tagapagbantay ng mundo. Ikaapat, si Ameretat, espirito
ng walang hanggang buhay at tagapangalaga ng mga halaman. Ikalima, si Vohu Manah, ang espirito ng
kalinisan ng pag-iisip, katotohanan at tagapangalaga ng mga hayop. At sa huli, si Asha Vahista, espirito
ng hustisya at ang nangangalaga sa apoy. Ang matalinong diyos ay gumawa ng sariling Holy Spirit para
maprotektahan ang tao.

Nang nalaman ni Ahriman ang ginawa ni Ahura Mazda ay ninais niya atakihin ito isa-isa. Una
niyang sinugpo ay ang tubig ngunit nagdala lang ito ang kapaitan. Sumunod naman ang lupa kaya wala
silang nagawa kung hindi maglagay lang ng mga bundok at lambak. Sinubukan naman nilang atakihin
ang halaman ngunit nalanta lang ito at lumago ng may tinik. Huli nilang inatake ang unang taong si
Gayomard, siya ay nagkasakit at namatay.

Mula sa mga buto nito ay tumubo ang halamang ruwibardo o rhubarb. Makalipas ang 40 na taon,
may lumabas na lalaki at babae sa rhubarb na pinangalanang Mashya at Mashyana. Nagkaroon sila ng
mga anak na tig-15 kambal na kumalat sa buong daigdig at naging mga lahi ng sangkatauhan. Nangako
ang dalawa sa matalinong diyos na ang mga anak nila ay tutulong labanan si Ahriman nang masugpo ang
kasamaan.

Ngayon naman ay basahin ang isang pang mitolohiya mula sa Kenya, isang bansa mula sa
Silangang Africa.

Liongo
Isinalin sa Filipino ni Roderic P. Urgelles
( Vidyu: https://www.youtube.com/watch?v=d6SAzg9n-_Y )
 Isinilang si Liongo sa isa sa pitong bayang nasa baybaying-dagat ng Kenya. Siya ang nagmamay-
ari ng karangalan bilang pinakamahusay na makata sa kanilang lugar. Malakas at mataas din siya tulad ng
isang higante, na hindi nasusugatan ng anomang mga armas. Ngunit kung siya’y tatamaan ng karayom sa
kaniyang pusod ay mamamatay siya. Tanging si Liongo at ang kaniyang inang si Mbwasho lamang ang
nakaaalam nito. Hari siya ng Ozi at Ungwana sa Tana Delta at Shangha sa Faza o isla ng Pate.
Nagtagumpay siya sa pananakop ng trono ng Pate na unang napunta sa kanyang pinsang si
Haring Ahmad (Hemedi) na kinilalang kauna-unahang namuno sa Islam. Ang pagbabago ay naging
mabilis mula sa Matrilinear na pamamahala ng mga kababaihan tungo sa Patrilinear na pamamahala ng
kalalakihan sa pagsasalin ng trono. Nais ni Haring Ahmad na mawala si Liongo kaya ikinadena at
ikinulong siya nito. Nakaisip si Lionggo ng isang pagpupuri. Habang ang parirala (refrain) nito ay inawit
ng mga nasa labas ng bilangguan, bigla siyang nakahulagpos sa tanikala na hindi nakikita ng bantay.
Nang makita ito ng mga tao, tumigil sila sa pag-awit. Tumakas siya at nanirahan sa Watwa kasama ang
mga taong naninirahan sa kagubatan. Nagsanay siyang mabuti sa paghawak ng busog at palaso na
kinalaunan ay nanalo siya sa paligsahan ng pagpana. Ito pala’y pakana ng hari upang siya ay madakip
ngunit muli na naman siyang nakatakas. Kakaunti lang ang nakaaalam tungkol sa matagumpay na
pagwawagi ni Liongo sa digmaan laban sa mga Gala (Wagala). Kaya naibigay ng hari ang kaniyang anak
na dalaga upang ang bayaning si Liongo ay mapabilang sa kaniyang pamilya. Nang lumaon, si Liongo ay
nagkaanak ng isang lalaki na nagtraydor at pumatay sa kaniya.

B. PAGYAMANIN:

Gawain 1: Panuto: Piliin ang titik ng tamang sagot. Isulat sa papel ang mga kasagutan.

1. Tungkol saan ang mga mitong binasa?

A. Mito sa Pagkagunaw ng Mundo
B. Mito ng Pagkalikha
C. Mito sa Pangkagandahang Asal
D. Mito ng Pagbabago
2. Sino-sino ang mga pangunahing tauhan sa mitong binasa?
A. Ahura Mazda at Liongo
B. Malakas at Maganda
C. Samson at Delilah
D. Adan at Eba
3. Ang pagpatay ba ni Ahura Ohrmuzd kay Gayomard ang pinagmulan ng suliranin ng kuwento?
Pangatwiranan.
A. Oo, dahil simula noon ay nagkasakit siya.
B. Oo, dahil nagalit ang kampon ni Ahura Ohrmuzd.
C. Hindi, dahil ang totoong dahilan ay ayaw niyang bigyang respeto ang mga gawa ni Ahura Mazda.
D. Hindi, dahil ang totoong dahilan ay ayaw niya ang lahat ng gawa ni Ahura Mazda.
4. Ano ang suliranin ng tauhan sa binasang Liongo?
A. Marami ang nabighaning mga babae sa kaniyang husay sa pagkamakata.
B. Marami ang nagalit dahil hindi siya nasusugatan sa kahit na anong armas.
C. Ayaw ng nakararami sa kaniyang pamamahala sa kanilang lugar.
D. Nais ni Haring Ahmad na mawala si Liongo.
5. Makatwiran ba ang naging desisyon ni Liongo na sakupin pa ang lugar ng kaniyang pinsan?
A. Hindi makatwiran, hindi lang sana niya pinakialaman ang hindi sa kanya.
B. Makatwiran, magaling kasi siya.
C. Hindi makatwiran, hindi naman siya pinakialamanan ng kaniyang pinsan.
 D. Makatwiran, dahil swapang ang kaniyang pinsan.
6. Ano-anong mahalagang aral ang nais ipabatid ng bawat mito sa inyo?
___________________________________________________________________________
___________________________________________________________________________
7. Sa iyong palagay, magkakatulad ba o magkaiba itong mga halimbawang mitong inyong binasa?
Pangatwiranan.
___________________________________________________________________________
___________________________________________________________________________
8. Kung ikaw ay nakapanood sa video na kalakip ng kuwentong binasa, may nahinuha ka bang
pagkakaiba sa paraan ng pagkukuwento nito? Ano-ano ito? Nakapagbago ba ang ito sa iyong
pananaw ukol sa kuwento? Pangatwiranan.
___________________________________________________________________________
___________________________________________________________________________

Gawain 3: Panuto: Bumuo ng isang maiksing iskrip ng Fliptop Battle na magpapahayag ng iyong
saloobin ukol sa mga naging desisyon ni Liongo sa buhay. Isulat ito sa papel. Sa ibaba ay ang
pamantayan sa pagbubuo ng Flip Top.

PAMANTAYAN SA PAGBUO:
1. Magpahayag ng saloobin batay sa naging desisyon ni Liongo sa buhay.
2. Gumamit ng mga kaaya-ayang salita sa paglalahad ng saloobin. Huwag gagamit ng mga
marahas na mga salita.
3. Sikaping maayos ang pagkaugnay-ugnay ng mga ideya upang maging komprehensibo ang
mga nais sabihin.
4. Limitahan sa dalawang minutong paglalahad lamang.
5. Maaaring lagyan ng pamagat.

PAMANTAYAN SA PAGBIGAY PUNTOS

PAMANTAYAN 1 2 3 4 PUNTOS
Nilalaman Hindi Hindi malinaw Hindi gaanong Napapangat-
napangatwiran ang pangangat- napangatwirana wiranan ang
ang sariling wiran sa sariling n ang sariling sariling
reaksyon ukol reaksyon ukol sa reaksyon ukol sa reaksyon
sa akda akda akda ukol sa akda
Organisasyon Hindi Hindi masyadong Mahusay ngunit Mahusay at
mahusay at mahusay at hindi organisado organisado
organisado organisado ang ang mga ang lahat ng
ang mga mga ideyang ideyang ideyang
ideyang nakalahad nakalahad nakalahad
nakalahad.
Orihinalidad Hindi sariling Karamihan sa May iilan sa
Lahat ng
gawa ang ideyang inilahad mga ideyang
ideyang
inilahad na ay hindi sariling inilahad ay hindi
inilahad ay
ideya sa gawa. gawa. sariling gawa.
sariling
gawa.
Pagkamalikhain Walang Kulang sa May ilan sa Naayon ang
elementong elemento upang elemento na lahat ng
magdadala ng mas mapaganda hindi naaayon sa elemento sa
 buhay sa pa ang gawa. kabuuan ng kabuuang
gawa. gawa. gawa.
Wikang Ginamit Mga balbal na Mas nakararami May iilang Angkop na
salita ang ang mga salitang salitang ginamit angkop ang
ginamit ginamit na hindi na hindi angkop salitang
angkop ginamit

Gawain 4: Panuto: Gamit ang graphic organizer na Venn Diagram, ipakita ang pagkakaiba at
pagkakatulad ng dalawang mitolohiya at ipaliwanag ang iyong gawa pagkatapos. Isulat ang iyong gawa
sa isang malinis na papel.
Mashya at Mashana Liongo

PAGKAKAIBA PAGKAKATULAD PAGKAKAIBA

Gawain 5: Panuto: Ibigay ang mga pangyayaring kaugnay ng mga kaisipang nakapaloob sa mitolohiya
batay sa suliranin ng akda, kilos at gawi ng tauhan. Gawin ito sa pamamagitan ng story board. Ilagay ang
iyong gawa sa isang malinis na papel.
MASHYA AT MASHYANA LIONGO
1.
2.
3.
4.
5.

C. KARAGDAGANG GAWAIN

Ang pagsasaling-wika ay ang paglilipat sa pinagsasalinang wika ng pinakamalapit na katumbas

na diwa at estilong nasa wikang isasalin.

MGA KATANGIANG DAPAT TAGLAYIN NG ISANG TAGAPAGSALIN

1. Sapat na kaalaman sa dalawang wikang kasangkot.

2. Sapat na kaalaman sa gramatika ng dalawang wikang kasangkot sa pagsasalin.
3. Sapat na kakayahan sa pampanitikang paraan ng pagpapahayag.
4. Sapat na kaalaman sa paksang isasalin.
5. Sapat na kaalaman sa kultura ng dalawang bansang kaugnay sa pagsasalin.

Walang higit na mabisa kaysa ibang wika. Ang lahat ng wika ay may sariling bisa at kakayahan
bilang kasangkapan sa pagpapahayag ng kulturang Pilipino at ng ibang bansa.
 GABAY SA PAGSASALING-WIKA

1. Isagawa ang unang pagsasalin. Isaisip na ang isasalin ay diwa ng isasalin at hindi ang salita.
2. Basahin at suriing mabuti ang pagkakasalin. Tandaang ang pagdaragdag, pagbabawas, pagpapalit, o
pagbabago sa orihinal na diwa ng isinasalin nang walang napakalaking dahilan ay isang paglabag sa
tungkulin ng tagapagsalin.
3. Rebisahin ang salin upang ito’y maging totoo sa diwa ng orihinal. Ayusin ang bahaging hindi malinaw
at nagbibigay ng kalituhan. Bigyang-pansin din ang aspektong panggramatika ng dalawang wikang
kasama sa pagsasalin.
4. Kung gagamit ng diksyonaryo ay isaalang-alang ang iba’t ibang kahulugan ng isang salita.
Kakailanganin ng isang mag-aaral ang pagsasanay upang makuha ang kahulugang angkop sa konteksto
ng pangungusap.

Ang isinasalin ay ang diwa ng talata at hindi ang bawat salita na bumubuo rito.

PANUTO: Bilang panghuling gawain, tulungan mo ang apo na isalin ang mensaheng padala ng
kanyang Daddy na isang banyaga sa kanyang Lolo. Isulat sa papel ang iyong pagsasalin.

Good afternoon Tatay! How are you there in the Philippines? I hope you are doing well with Nanay.
Angel and the kids miss you so much. Due to this pandemic, we can’t visit you this year. Are you both
drinking your vitamins? Please take care of your health, we don’t want you both, Nanay, get sick
especially with our situation today. What are you doing while at home? The kids adore you so much,
Tatay. We miss you, Tatay. We’ll call you later. Mahal ko kayo!
Prepared by: ARGIE C. BRIGOLA