ARGUMENTATIBO
- Isang uri ng teksto na nangangailangang
ipagtanggol ng manunulat ang posisyon sa
isang tiyak na paksa o usapin gamit ang
mga ebidensya.
- Personal na karanasan
- Kaugnay na literatura at pag-aaral
- Ebidensyang pangkasaysayan
- Resulta ng Empirikal na pananaliksik
- Naglalayong kumbinsihin ang mambabasa
na sumang-ayon sa manunulat ng teksto sa
tulong ng lohika, patunay at analisis.
- Layunin nitong bigyang-paliwanag ang
paksa para makita at maipakilalang mabuti
ang partikular na bagay na tinatalakay sa
pamamagitan ng mga pruweba at patunay,
sa gayon, malinawan at maintindihan nang
walang pagpapasubali ang
pinagmatuwirang posisyon o pahayag.
- Isinusulong ang pagpapahalaga sa mga
patunay, ebidensya at pagpapatotoo sa
inihaing panig o argumento
Bahagi ng Tekstong Argumentatibo
- Simula
- Kumukuha ng atensyon ng
mambabasa at gumigising sa
diwa ng mga ito tungkol sa
paksang tinatalakay
- Inilalahad ang pagtanggi sa
kontra-panig o kabilang
panig at saka, ipahayag ang
napiling panig
- Gitna
- iniisa -isa o inihahanay ang
mga ebidensya, datos, mga
pahayag ng awtoridad, mga
impormasyong mula sa
mapagkakatiwalaang
sanggunian
- Wakas
- Kinapapalooban ng pinal na
mensahe o pahayag
- Isang malinaw, mabisa at
makabuluhang wakas na
siyang makakapagbago at
makakahikayat na maniwala
sa sumulat
Katangian at Nilalaman ng Mahusay na
Tekstong Argumentatibo
- Mahalaga at napapanahong paksa
- Maikli ngunit malaman at malinaw
- Malinaw at lohikal na transisyon
- Maayos na pagkakasunod-sunod ng mga
talata
- Matibay na ebidensya para sa argumento
Mga Paraan ng Pangangatwiran
1. Pabuod na Pangangatwiran
- Nagsisimula sa isang maliit at
ispesipik na halimbawa o
katotohanan at magtatapos sa isang
panlahat na pahayag
2. Pasaklaw na Pangangatwiran
- Nagsisimula sa isang malaking
kaisipan tungo sa paghahati-hati nito
sa maliliit na kaisipan.
PERSWEYSIB
- Isang uri ng di-piksyong teksto
- Maaaring nakabatay sa kahit na anong
paksa na pinaniniwalaan ng sumulat at
kinapapalooban ng kanyang opinyon at
damdamin tungkol sa paksa
- Inilalahad ng sumulat ang kanyang mga
paniniwala tungkol sa isang isyu o punto
- Uri ng tekstong may layuning kumbinsihin
ang mambabasa tungkol sa isang partikular
na ideyang pinaniniwalaan ng sumulat.
- Gumagamit ang sumulat ng mga katibayan
at katotohanang umaakit sa damdamin at
emosyon upang maging matibay ang
inilalatag na paniniwala at pahayag
- Sinusulat upang hikayatin ang mambabasa
sa pamamagitan ng pagtumbok ng kanilang
emosyon
- Ginagamit ang tekstong persweysib upang
ituwid o itama ang persepsyon.
- Naglalahad ng sapat na katibayan o
patunay upang isang paksa o kaisipan ay
maging kapani-paniwala
- Nangangailangan ng ebidensya o patotoo
para maging makatotohanan ang
panghihikayat
 - Elemento ng Tekstong Persweysib
(Aristotle)
- Ethos
- Karakter, imahe,
reputasyon ng
manunulat
- Logos
- opinyon , lohikal na
pagmamatuwid ng
manunulat
- Pathos
- Emosyon ng
mambabasa
- Mga Halimbawa
- Liham sa editor ng isang peryodiko o
magasin
- Editoryal
- Kritik sa pelikula, palabas o sinulat
na artikulo
- Proposal ng mga bagong negosyo o
produkto
- Talumpati
- Komersyal o adbertisment
URI NG MALING PANGANGATWIRAN
Argumentum Ad Hominem
Pag-atake sa personal na katauhan na
nakakahiya at hindi sa isyung pinagtatalunan
- Anong mapapala mo sa kanya? Wala
namang trabaho iyan. HIndi siya
nararapat para sa iyo.
Argumentum Ad Baculum
Isang pwersa o awtoridad ang gamit upang
maiwasan ang isyu at tuloy na maipanalo ang
argumento
- Aba! Sumasagot-sagot ka na? Nanay mo
ako, anak lang kita!
Argumentum ad Misericordiam
Upang makamit ang pagkampi ng
nakikinig/bumabasa, ginagamit ito upang pumili
ng mga salitang umaatake sa damdamin at hindi
sa kaisipan.
- Walang trabaho ang mga magulang nila.
Silang magkakapatid ay halos buto’t balat
na dahil isang beses lang sa isang araw
kung makakain, kung minsa’y wala
talaga. Wala rin silang tirahan.
Nakakaawa. Limusan natin sila.
Non Sequitur
- Nangangahulugang: “it doesn't follow”,
pagbibigay ito ng konklusyon sa kabila ng
mga walang kaugnayang batayan.
- Argumentong di magka-ugnay
- Siya ang pinakamagaling sumayaw sa
klase. Iboto natin siyang ingat-yaman ng
ating klase.
Ignoratio Elenchi
- Gamitin ito ng mga Pilipino lalo na sa mga
usapang barberya.
- Tinatawag itong paliguy-liguy na usapan
kung kayat walang pupuntahan
- Pagpapatotoo sa kongklusyon hindi
naman dapat patotohanan
- Anumang bagay na magpapatunay sa
aking pagkatao ay maipaliliwanag ng
aking butihing maybahay. Tiyak ko
namang paniniwalaan ninyo siya pagkat
naging mabuting ina siya ng aking mga
anak. Kahit tanungin po ninyo sila
ngayon.
Maling Paglalahat
Dahil sa ilang aytem/sitwasyon, nagbibigay na
agad ng isang kongklusyon sumasaklaw sa
pangkalahatan.
- Ang artistang ito ay naging tiwali sa
kanyang panunungkulan. Ang artista
namang iyon ay maraming asawa,
samantalang bobo naman ang isang ito
na tumatakbo bilang konsehal. Huwag na
nating iboto ang mga artista
Maling Paghahambing
Ito ay usapang lasing sapagkat may hambingan
subalit sumasablay naman
- Bakit niyo ako patutulugin agad? Kung
kayo nga ay gising pa.
Maling Saligan
Paggamit ng maling batayan na humahantong sa
maling kongklusyon.
 - Lahat ng kabataan ay pag-aasawa ang
iniisip. Sa pag-aasawa, kailangan ang
katapatan at kasipagan upang
magtagumpay. Dahil dito, dapat lamang
na maging tapat at masipag ang mga
kabataan.

Maling awtoridad
Naglalahad ng tao o sangguniang walang
kinalaman sa isyung sangkot.

- Ang Kristyanismo ay pananampalataya

ng mahihina. Iyan ang ipinahayag ni Karl
Marx.

Dilemma
Naghahandog lamang ng dalawang
opsyon/pagpipilian na para bang iyon na lamang
at wala ng iba pang alternatibo.

- Upang hindi ka mapahiya sa ating debate,

ganito na lamang ang gawin mo;huwag
ka nang pumunta o kaya ay magsabmit
ka ng papel na nagsasaad ng iyong
pag-urong.