PAGSULAT NG KOLUM

JALENE L. MASAGCA TALIPUSNGO ELEMENTARY SCHOOL

ALIN ang ALIN?

DOH – Brand ng bakunang ituturok, hindi na ipapaalam.

Ayon sa Deparment of Health (DOH), mas mainam na huwag ng ipaalam sa mga

tuturukan ang brand ng bakunang ituturok upang hindi mamili at magkagulo sa pila.

Tatlong brand nan g bakuna kontra Covid – 19 ang ginagamit sa Pilipinas, ito ay ang
Pfizer, AstrZeneca at Sinovac. Ang tanong ngayon ng mamamayan, alin ba ang
mainam na gamut sa virus.

Sinabi na ng DOH na lahat ng bakuna ay mainam gamitin panlaban sa virus, ngunit

sinabi rin ng ilang eksperto na ang pinakamainam na gamut ay iyong maituturok na
ngayon.

Bakit nga ba may ilang mamamayan na namimili ng bakuna na ipapaturok? Sino ang
nagbigay ng impormasyon na mas mainam ang isang brand ng bakuna kaysa sa
dalawang brand?

Simula ng dumating ang bakuna ng Sinovac sa Pilipinas at mag-umpisang

magbakunahan sa bansa, may agam - agam na ang ilan nating kababayan kung
epektibo ba ito at walang epekto sa katawan. Marami rin ang naghihintay na
dumating ang bakuna ng Pfizer dahil ayon sa kanila, mas mabisa daw ito laban sa
Covid. Nang dumating ang bakuna ng Pfizer at simulang gamitin sa ilang lugar sa
Pilipinas partikular sa lungsod ng Maynila.

Ano nga ba ang pipiliin mong bakuna kung ikaw na ang magpapaturok?

Hindi naman sa nagiging ‘choosy’ sa bakunang ituturok, ngunit kung ating titignan sa
inilabas na datos ng DOH, Sinovac ang may pinakamaliit na efficacy rate kumpara
sa Pfizer na may pinakamataas na efficacy rate laban sa covid. Kung ito ang
pagbabasehan, hindi masisi an gang ilan natin kababayan kung sila ay mamili ng
bakuna.

At sinabi rin naman ng Malacañang na maaaring mamimili ang mamamayan sa

gusto nilang bakunang ipatuturok. Ngayong may ilang brand na ng bakuna na
pagpipilian, biglang binawi ang na huwag mamili ng bakuna. Dahil bas a Pfizer at
hindi Sinovac ang pinipili ng karamihan?
Mapapaisip ka na lang kung ano ba ang dahilan at sinabing hindi na pweding mamili.
Iyong brand ba talaga ng bakuna ang pinapangalagaan o ang bansang
pinanggagalingan? US at China alin nga ba talaga?