MODYUL BLG.

1
Mga Konseptong Pangwika

SLA No. 1: Konseptong Pangwika

Subject Code/Number: CORE02
Asignatura: Komunikasyon at Pananaliksik sa Wika at Kulturang Pilipino
Teacher: Jembel A. Montalla

I. Introduksiyon

Ang Departamento ng Edukasyon pagkatapos ng ikalabing isang Baitang ang

mga mag-aaral na tulad mo ay inaasahang makapagpamalas ng kakayahang
komunikatibo , mapanuring pag-iisip at pag-unawa, at pagpapahalagang
pampanitikan gamit ang teknolohiya at iba’t ibang uri ng teksto at saling akdang
pandaigdig tungo sa pagkakaroon ng kakayahang global.
Naitanong mo na ba sa sarili mo na bakit mahalaga ang wika? Sa paanong
paraan ito nagiging instrumento ng mabisang pakikipagkomunikasyon,
kapayapaan , at mabuting pakikipag-kapwa tao?
Sa modyul na ito, mababasa mo ang mga konseptong pangwika, ilang
mahahalagang kaalaman ukol maikling kasaysayan wikang pambansa at wikain sa
bansa. Maiuugnay mo ang mga konseptong pangwika sa sariling kaalaman
,pananaw, at mga karanasan . Maiuugnay mo rin ang mga konseptong pangwika sa
mga napakinggang radyo,talumpati, at mga panayam. At sa huli ay maiuugnay mo
ang mga konseptong wika sa pagbuo ng sariling talumpati o panayam.
Ang saklaw ng modyul na ito ay ang Aralin 1 ng Pinagyamang Pluma sa
Komunikasyon at Pananaliksik sa Wika at Kulturang Pilipino na siyang magiging
batayang aklat sa pagtuklas at pagsagot sa mga katanungan mula sa mga pahina
ng aklat na inyong babasahin.

MGA KASANAYANG PAMPAGKATUTO AT MGA LAYUNIN

1. Natutukoy ang mga kahulugan at kabuluhan ng mga konseptong pangwika.
( F11PT-Ia-85)
2. Nakikilala ang bagay o taong tinutukoy sa bawat pahayag( PP11FC-1a-1.2)
3. Nagagamit ang kaalaman sa modernong teknolohiya sa pag-unawa sa mga
konseptong pangwika ( F11EP)-1c-30)
4. Integrasyon ng Pananampalataya at pagkatuto sa pagpapahalaga sa pagkilos ng
Panginoon sa pagkakararoon ng wika. (Gen 2 at 13)

Pangkalahatang Paalala at Paunawa

Upang maisakatuparan an gang pagkatuto sa modyul na ito, kailangan mong
alalahanin at gawin ang mga sumusunod.:
1. Maglaan ng panahon at maaliwalas na lugar upang mabigyang-tuon ang
pagtugon sa modyul na ito, at siguraduhing walang makasasagabal sa iyong pag-
aaral.
2. Sikapin na magkaroon ng sapat na kagamitan, mapagkukunan ng impormasyon
o sanggunian tungo sa ikatatagumpay ng pag-aaral ng modyul.
3. Tandaang ang karunungan ay para sa lahat ng tao ngunit matatamo lang ang
higit na dunong sa taong may pagsusumikap.
4. Laging sumangguni sa inyong guro at sa iba pang makatutulong para masagot
ang mga tanong para sa modyul na ito, at
5. Manalangin sa Diyos upang lagi kang pagpalain ng karunungan, sapat na lakas at
iba pang pangangailangan tungo sa ikapagtatamo ng hinanangad mong tagumpay.

II. Pagtatalakay

KAHULUGAN

Ang wika ay proseso ng malayang paglikha; ang mga batas at tuntunin nito
ay hindi natitinag, ngunit ang paraan ng paggamit sa mga tuntunin ng
paglikha ay malaya at nagkakaiba-iba. Maging ang interpretasyon at gamit ng
mga salita ay kinasasangkutan ng proseso ng malayang paglikha.” – Noam
Chomsky

“Ang wika ay kasintanda ng kamalayan, ang wika ay praktikal na kamalayan

na umiiral din para sa ibang tao...ang wika, gaya ng kamalayan, ay lumilitaw
lamang dahil kailangan, dahilan sa pangangailangan sa pakikisalamuha sa
ibang tao.” – Karl Marx

“...habang pinangangalagaan ng isang bayan ang kanyang wika,

pinangangalagaan niya ang marka ng kanyang kalayaan, gaya ng
pangangalaga ng tao sa kanyang kalayaan habang pinanghahawakan niya ang
sariling paraan ng pag-iisip.” – Jose Rizal

Ang wika ayon kay Henry Gleason “ ay masistemang balangkas ng

sinasalitang tunog na pinipili at isinaayos sa paraang arbitraryo upang
magamit ng mga taong kabilang sa iisang kultura”.

Sinasabing ang wika ang pangunahing behikulo ng diwa ng bawat tao,

marami sa ating mga pangunahing pangangailangan ay ating nakukuha sa
pamamagitan ng wika, at gayundin sa pamamagitan ng wika ay
naisasakatuparan natin ang ating mga tungkulin o gampanin. Ang wika ang
unang instrumento ng ating isipan at damdamin, dahil sa pamamagitan ng
wika ay naisisiwalat natin ang mga ideya, talino o kaisipan natin. At sa
pamamagitan ang ating naramdaman, emosyon o sa saloobin

Ano nga ang ibig ipakahulugan ni Henry Gleason sa kanyang tinuran na

depinisyon ng wika. Isa-isahin, natin ang mga katangian ng wika sa kanyang
na banggit sa kanyang depinisyonng wika.

Una, ang “wika ay masistemang balangkas” ang bawat wika ay may

tuntunin o masistemang sinusunod sa paggamit ng wika.
 Ikalawa, ang wika ay “ sinasalitang tunog”. Ang pangunahing katangian
at paglalarawan sa wika ay “ ito ay tunog”,tunog na kumakatawan sa ating
mga ipinahahayag na ideya..

Ikatlo, ang wika ay “arbitraryo” sinasabing ang wika ay pinagkasunduan

at sinang-ayunan ng lahat.

At huli ang wika ay “ pantao” o para sa mga “tao na kabilang sa iisang

kultura”.
Gayundin, sinasabi na ang wika at kaugnay o kakambal ang wika,
sapagkat ibinibigay ng wika ang pangangailangan ng tao sa wika batay sa
kultura,pamumuhay o kaisipan ng mga taong gumaggamit ng wikang ito.
Tulad na lamang sa Pilipinas, dahil nasa ating kultura at pamumuhay ang
bigas, na sa iba’t ibang pagkakataon at pangangailangan ay mayroong iba’t
ibang anyo ang bigas kung kaya’t ibinibigay ng wika ang iba’t iba ring
pantawag sa bigas. Nariyan ang butil,palayan,sinang,bahaw,tutung, Kan-on
at iba pa.
Sa madaling salita, ang wika ay mahalagang bahagi ng ating buhay
bilang indibidwal hanggang sa pagiging bahagi natin sa ating lipunan;una na
para sa pagkakaunwaan at pagkakaisa, at pangalawa, para sa identidad at
nasyonalismong pambansa.

PANIMULANG PAGTATAYA_________________________________

PRESENTASYON NG ARALIN
Pagtuklas
Naisip mo na ba ang maaaring mangyari kung walang wika at hindi natin
maipapahayag ang sarili nang pasalita o pasulat man? Ano ang gagawin mo? Isulat
sa patlang.

Sitwasyon 1: Nais mong maipaalam sa isang tao ( maaring magulang, kaibigan, o

taong malapit sa puso mo ) na mahal mo siya ________________________
Sitwasyon 2: Nais mong malaman ng isang taong galit ka o hindi mo sinasang-
ayunan ang mga bagay na ginagawa niya _____________________________
Sitwasyon 3: nais mong humingi ng tulong sa iba para sa isang mahirap na
kalagayan o problemang mayroon ka _________________________________
Gawain 4:___________________________________________________

Magsaliksik ng 10 salita sa Filipino na may ibang kahulugan kung sa ibang rehiyon

gagamitin. Sundan ang halimbawa sa ibaba.

Salita Kahulugan ng Lugar Kahulugan ng

salitang sa filipino salita sa tiyak na
lugar

Taya Pusta Cebu Kalawang