LEARNING PACKET 1

Term 1 | Wave 1

KOMUNIKASYON AT PANANALIKSIK SA WIKA AT KULTURANG PILIPINO

Upper School | Grade 11

UNIT 1

PAMANTAYANG PANGGANAP: Nauunawaan ang mga konsepto, elementong kultural, kasaysayan, at

gamit ng wika sa lipunang Pilipino

PAMANTAYANG PANGNILALAMAN: Nasusuri ang kalikasan, gamit, mga kaganapang pinagdaanan at

pinagdadaanan ng Wikang Pambansa ng Pilipinas

PINAKAMAHALAGANG KASANAYANG PAMPAGKATUTO: Habang pinag-aaralan ang mga

kasanayan at paksa sa Learning Packet na ito, ikaw ay inaasahang:
• Nagagamit ang kaalaman sa modernong teknolohiya (facebook, google, at iba pa) sa pagunawa sa
mga konseptong pangwika; at
PINAGYAMANG PINAKAMAHALAGANG KASANAYANG PAMPAGKATUTO:
• Nailalapat nang wasto ang mga konseptong pangwika sa anumang uri ng midyum sa pagpapahayag,
tulad ng social media at iba pa. usaping panlipunan.

PANGWAKAS NA GAWAING PAGGANAP:

Bago magtapos ang ating talakayan para sa buong yunit, ikaw ay aatasan na gawin ang sumusunod:

G- Nakalilikha ng isang maikling vlog ukol sa mga payak ngunit prodoktibong gawaing maaaring gawin ng
mga kabataan sa gitna ng pandemya.
R- Vlogger/ Social Media Influencer
A- Netizens
S- Upang makapagbigay ng gabay at kawilihan sa mga follower, kinakailangan silang mahandugan ng vlog
content na maaari nilang sundin upang mas maging prodoktibo ang kanilang bakanteng oras sa panahon
ng pandemya.
P- Makapag-aupload ng vlog na nagtatalakay ng mga payak at produktibong gawain sa panahon ng
pandemya. Ito ay may haba ng 2-4 minuto.
S- Nilalaman 10pts
Pagkamalikhain 10pts
Wastong gamit ng mga konseptong natalakay 15pts
Kabuuang Dating ng Vlog 5pts
Kabuuang Puntos = 40pts
A. PANGUNAHING PAGTATASA
Bilang panimula, sagutan mo ang mga tanong sa ibaba upang mataya ang iyong kahandaan sa pagaaral sa
paksa. Ito ay makatutulong upang mawari mo ang nilalaman ng modyul na ito.

TAMA o MALI?
1. Ang wika ay isa sa mga bagay na matuturing nating permanente.
2. Walang pagkakaiba ang mga salitang Filipino, Pilipino, at Tagalog.
3. Ayon sa Konstitusyon, limang (5) wika ang kinikilalang wikang opisyal sa
Pilipinas.
4. Idinidikta ng lugar ng kapanganakan ang Unang Wika (mother tongue) ng isang
bata.
5. Ang mga salitang talamak sa internet tulad ng flex ay hindi na bahagi ng wikang
Filipino.

B. PANIMULA

Hindi maaaring kulungin sa iisang kahulugan lamang ang wika, ngunit sinumang bihasa
sa pag- aaral nito ay sasang –ayon kung sabihing isa itong kakayahan ng tao nagagamit sa
pagkalap at pagbabahagi ng kaisipan, damdamin, at anumang naisin niya. Gamit ang mga
simbolo at kaparaanang napagkasunduan ng isang partikular na grupo, nagagawa ng mga ito
partisipant na makipag-ugnayan sa isa’t isa upang makamit ang isang layunin.

Sa araling ito, inaasahang magkakaroon ng mas malalim na pag-unawa sa kalikasan ng

wika, ang mga kaugnay na konsepto nito, at ang angkop na paglalapat nito sa pang-arawaraw
na pamumuhay ng mga gumagamit nito.

C. TALAKAYAN

UPGRADED MELC: Nailalapat nang wasto ang mga konseptong pangwika sa anumang uri ng midyum
sa pagpapahayag, tulad ng social media at iba pa.
HALINA’T TUKLASIN: WIKA NATIN
Panoorin ang YouTube video na nakalakip sa seksiyong ito (gamitin ang link sa ibaba).
Matapos panoorin ito, isulat ang pagkakaiba ng Pilipino, Filipino, at Tagalog sa mga kahong
nakalaan. https://www.youtube.com/watch?v=K4XGvdXzKxw
Pambansang Wika: Filipino, Pilipino, o baka naman Tagalog?
ABS-CBN News (2020)

Pilipino Filipino Tagalog

HALINA’T TUKLASIN: WIKA AYON SA BATAS NATIN
Tuklasin ang nasasaad sa ating konstitusyon ukol
sa wikang ginagamit natin. Alamin ang pinagkaiba
ng Wikang Pambansa, Wikang Opisyal, at Wikang
Panturo.

https://www.youtube.com/watch?v=mv9Aff-hHX4
Mga Konseptong Pangwika Wika, Wikang Pambansa, Wikang
Panturo, Wikang Opisyal Baitang 11
MatutoKayGuro (2020)

Wika: Depinisyon at Kalikasan

Tanging tao lamang ang nakagagawa ng wika, at dahil dito, likas niyang naipahahayag ang
kaniyang kaisipan, damdamin at mga ninananais sa pamamagitan ng mga sadyang isinagawang
simbolo na kaniya ring kinokontrol. Ito ang kakayahang nagpatangi sa tao sa iba pang nilikha, at
ang ikinaiba niya sa mga hayop.
- Sapir (1961), sa presentasyon ni Daypuyart (2017)

Ang tao sa tulong ng wika ay nakabubuo ng mga paraan upang maiangkop ang sarili sa kaniyang
kapaligiran. Mahalaga sa kaniya ang wika bilang di-pangkaraniwang bahagi ng kultura. Sa
pamamagitan ng wika, nakagagawa rin siya ng mga pamantayang magiging gabay sa pakikitungo
sa kapwa o sa isa’t isa sa institusyon o lipunan. Dahil sa wikanaipahay ang kaugalin kaisipan, at
damdamin ng bawat pangkat ng tao. Bagaman may mga makabago nang kasangkapang
ginagamit sa pakikipagtalastasan tulad ng social media, cellphone , play station, at iba pa, wika
pa rin ang ginagamit ng tao sa pagpapahayag ng kaniyang diwa.

- Daypuyart (2017)

Depinisyon ng Wika

Sa paglipas ng panahon, maraming iskolar at dalubhasa na ang nagpatunay na ang wika ay

hindi maaaring mabigyan ng iisang depinisyon lamang. Ngunit kahit ganoon, mayroong ilang
depinisyon na kinikilala ng nakararami. Ilan sa mga ito ang sumusunod.

1. Henry Gleason
“Ang wika ay isang masistemang balangkas ng sinasalitang tunog na pinili at
isinaayos sa paraang arbitraryo upang magamit ng mga taong kabilang sa iisang
kultura.”

2. Archibald Hill
“Ang wika ay pangunahing simbolikong gawaing pantao. Ang mga simbolong ito ay
binubuo ng mga tunog na nililikha ng aparato sa pagsasalita at isinasaayos sa mga klase at
patern na lumilikha sa isang komplikado at simetrikal na istruktura.”
 3. Karl Max
“Ang wika ay kasintanda ng kamalayan, ang wika ay praktikal na kamalayan na umiiral din
para sa ibang tao…ang wika, gaya ng kamalayan, ay lumilitaw lamang dahil kailangan,
dahilan sa pangangailangan sa pakikisalamuha sa ibang tao.”

4. Noam Chomsky
“Ang wika ay proseso ng malayang paglikha; ang mga batas at tuntunin nito ay hindi
natitinag, ngunit ang paraan ng paggamit sa mga tuntunin ng paglikha ay malaya at
nagkakaiba-iba. Maging ang interpretasyon at gamit ng mga salita ay kinasasangkutan ng
proseso ng malayang paglikha.”

5. Jose Rizal
“…habang pingangalagaan ng isang bayan ang kanyang wika, ito’y patungo sa kanyang
isip. Kapag kinusap mo siya sa kanyang wika, ito’y papunta sa kaniyang puso.”

Gamit ang mga depinisyong nabanggit, maaaring bigyang-kahulugan ang wika bilang:
o Nagtataglay ng sistemang balangkas
o Sinasalitang tunog o Arbitraryo o
Kabuhol ng kultura o Dinamiko

Katangian ng Wika

Ayon sa Ethnologue (inilathala ng SIL International), tinatayang mayroong 6,909 na wika sa

buong mundo sa taong 2009. Samantala, ayon naman sa mga linggwistiko, ang Pilipinas ay isang
bansang binubuo ng humigit kumulang 170 wika. Bagamat ang ilan dito ay naglaho na, hindi pa
rin mapagkakaila na napakarami ngang wika ang patuloy pa ring ginagamit sa loob ng isang
maliit na bansa. Ngunit, kahit na ganito karami ang mga wika sa loob at labas ng bansa, mayroon
pa ring mga katangian na hindi maitatanggi sa lahat ng ito.
Katangian Depinisyon
Ito ay sinasalita na galing sa magkasunud-sunod na tunog na
1. Tunog ang humuhugis sa paraan ng mga iba’t ibang kasangkapan sa
Batayang Sangkap pagsasalita na tinatawag na mga bahagi ng pagsasalita o speech
organs
Ang ibig sabihin ng katangiang ito ay isinaayos ang mga tunog sa
2. Ang Wika ay
sistematikong paraan para makabuo ng makahulugang bahagi
Masistema tulad ng salita, parirala, pangungusap at panayam.
Ang mga salita ay tumututok sa mga salitang simbolo. Napaloob sa
3. Ang Wika ay
katawagang ito ang dualism na isang pananagisag at isang
Arbitraryo kahulugan
4. Ang Wika ay Ito ay buhay at patuloy sa pagbabago nang dahil sa patuloy rin na
Nagbabago o nagbabago ang pamumuhay ng tao at iniangkop ang wika sa
Daynamiko mabilis na tkbo ng buhay na dulot ng agham at teknolohiya.
Muli, ito ay kasangkapan ng komunikasyon ng dalawa o higit pang
5. Ang Wika ay nag-uusap na mga tao. Sa ganitong paraan, maipapahayag ang mga
Komunikasyon damdamin, kaisipan, pangarap, imahinasyon, layunin, at
pangangailangan ng tao.
 6. Ang Wika ay Taglay nito ang kultura ng lipunang pinagmumulan nito. Ang sining,
Nakabatay sa panitikan, karunungan, kaugalian, kinagawain at paniniwala ng
Kultura mamamayan ang bumubuo ng kultura.
7. Ang wika at
kaisipan ay hindi Sa patuloy na paggamit ng wika ay siya ring ehersisyo ng kaisipan
Mapaghihiwalay ng tao na nagpapalawig sa kaalaman at karunungan ng tao.

Tungkulin ng Wika

Lahat ng mga wika sa isang bansa ay hindi lang basta-bastang ginagamit sa pagbibigay
komunikasyon kundi ito ay magagamit rin sa ibang aspekto.
Tungkulin Depinisyon
1. Intrumental Ang wika ay Instrumental kung ang sinasalita ay nakikiramay sa
pangangailangan ng mga tao sa paligid lalo na kung may
katanungan na kailangan sagutin. Ginagamit rin ito upang mangyari
o maganap ang mga bagay-bagay tulad ng paguutos,
pagsasalaysay o pagpapahayag, pagtuturo at pagkatuto sa
karunungang kapaki-pakinabang, pagbibigay panuto,
pangangalakal, paggawa ng liham pangalakal, at iba pa.

Halimbawang pangungusap:

§ Ipinakain ko yung aso ko ng pagkain.

§ Nandoon sa likod ng Gaisano Mall ang bahay ni Joseph.
2. Regulatori/ Ang wikang Regulatoryo ay gumagabay sa kilos at asal ng iba.
Regulatoryo Itinuturi ring instruksiyon o ang pagkokontrol sa anong rapat gawin
tulad ng pagtakda ng mga regulasyon, direksiyon o proceso sa
kung paano igawa ang isang partikular na bagay, pag-ayon,
pagtutol, at iba pa.

Halimbawang pangungusap:

§ “Kailangan inomin ang gamot na ito ka-apat sa isang araw.”

§ “Magbawas ng bilis kung ika’y nagmamaneho sa mabato na
bukid.”

3. Interaksyunal Ang wika ay Interaksyonal kung may interaksyon sa isa’t isa o ang
pagkaroon ng kontak sa iba at bumuo ng pagkakaugnayan sa
pamamagitan ng pakikipagtalakayan ng tao sa kanyang kapwa.
Mga halimbawa wikang Interaksyonal ay tulad ng pagpapaalam,
pagbibigay-galang o pagbati, paggawa ng liham para sa isang tao,
at iba pa.

Halimbawang pangungusap:

§ Kita tayo mamaya!

§ Salamat po!
4. Personal Ang wika ay sinasabing Personal kung ito’y tinatamaan sa personal
na damdamin tulad ng pagpapahayag ng sariling opinion o
niramdaman. Ang wikaing ito ay impormal at walang tiyak na
balangkas. Halimbawa sa mga gawaing ito ay ang panglalait o
pagmumura, pagsisigaw, pagsusulat ng editoryal, pagsusulat ng
dyaryo at iba pa.

5. Heuristiko Ang wika ay Heuristiko dahil sa wikang ito ay naghahanap ng mga

impormasyon at gamit madalas ay mga impormasyon
makakatiwalaan na makamit sa mga propesyonal at akademikong
libro o pinanggalingan. Halimbawa sa mga ito ay ang pagtatanong,
pagnanaliksik, pag-eeksperimento, panonood ng mga balita sa
telebisyon o dyaryo, at iba pa.

6. Imahinatibo Ang wika ay Imahinatibo ay may kaugnayan sa pag-iisip kahit

anumang imahinatibo na bagay. Madalas itong kinukwento sa
paraang pagsusulat o pagsasalita na produkto. Halimbawa sa
wikang ito ay ang pagtula, pagawit, pagkukwento ng kwento,
pagbabasa ng nobela, at iba pa.
7. Representasyunal Ang wikang Representasyunal ay ginagamit sa pagbibigay
impormasyon sa paraang pagsusulat at pasalita. Halimbawa nito ay
ang paggawa ng mga artikulo tulad ng tesis, research paper;
pagsasaysay o pag-uulat, pagtuturo, at iba pa.

PAGMUMUNI-MUNI …
Panoorin ang videong nakalagay sa ibaba. Matapos ay magsulat ng isang maikling
replektibong sanaysay sa kung bakit mahalaga ang pagkakaroon ng Wikang Pambansa sa
isang bansang katulad ng Pilipinas.

https://www.youtube.com/watch?v=FFD_8ENEchs
Klasrum: Ano ang kasaysayan at kahalagahan ng ating sariling wika?
UNTV News and Rescue, 2014
Mga Teorya sa Pagkatuto ng Wika

Tulad ng pinagmulan ng wika, marami ring teoryang nagpapaliwanag sa kung paano nga
ba nagagawang matamo o matutunan ng isang tao ang wika. Narito ang ilan sa mga
pinakabantog na mga teorya sa pagkatuto ng wika.
TEORYA MAY-AKDA PALIWANAG
Behaviorism B.F. Skinner “Ang kapaligiran ng isang tao ay lubos na
makatutulong sa pagkatuto nito ng wika. Isa sa
mga susing salik na dapat isaalang-alang ay ang
pagkontrol sa ugali ng isang tao.”

Isa sa mga pinaka-epektibong paraan upang

makontrol ang ugali at gawi ng isang tao ay sa
pamamagitan ng paggamit ng reinforcements.

Ang reinforcements ay mga bagay na

ibinibigay sa isang tao, lalo na sa isang bata,
upang mapag-igting ang mga positibong
gawain nito. Ito ay ginagawad sa bata tuwing
mayroon siyang nagagawang tama.

Mayroong dalawang uri ng reinforcements.

1. Positive Reinforcements- tuwing may
nagagawang maganda o tama ang bata,
nagbibigay tayo ng isang bagay o
prebelehiyo sa bata.

2. Negative Reinforcements- tuwing may

nagagawang maganda o tama ang bata,
nagtatanggal o nagbabawas tayo ng isang
bagay o responsibilidad sa bata. Tandaan
na ang tinatanggal o binabawas natin ay
pabor pa rin sa bata.
Cognitive Jean Piaget “Ang pagkatuto ng isang tao ay nakadepende sa
antas ng pag-unlad ng kaniyang kognitibong
abilidad.”

Mula sa pagkasanggol, hanggang sa pagtanda,

ang pag-unlad ng kognitibong abilidad ng
isang tao ay naka-ayon sa antas niyang
kinabibilangan.

Ayon sa mga antas na ito, nababago ang mga

epektibong paraan sa kung paano natuto ang
 isang tao. Maging ang kapasidad sa pagkatuto
ay nakadepende rin sa antas nito.

APAT (4) NA PROSESO O

ANTAS NG KOGNITIBONG PAG-
UNLAD:
1. Sensorimotor
2. Preoperational
3. Concrete Operations
4. Formal Operations
Innative Noam Chomsky “Ang pagkatuto ng wika ay likas na kakayahan ng
bawat isa.”

Ang bawat tao ay may natural na kakayahan

upang matuto ng kahit anong wika. Ayon kay
Chomsky, ang tao ay ipinanganak nang
mayroong LAD o Language Acquisition Device.

Ang LAD ay isang aparatong karaniwang

inilalarawan bilang isang likhang isip na ‘black
box’ na matatagpuan sa isang sulok ng ating
utak.

Ang mga bata ay biologically programmed

para sa pagkatuto ng wika at ang wikang ito ay
nalilinang katulad nang kung paano nalilinang
ang iba pang tungkuling biyolohikal ng tao.
Halimbawa, pagdating ng bata sa takdang
gulang, nagagawa niya ang paglalakad lalo na
kung nabibigyan ng tamang nutrisyon bukod
pa sa Malaya siyang nakakakilos at
nakakagalaw.

Makatao Stephen Krashen “Ang damdamin o emosyon ay dapat ding

intindihin dahil ito ay maaaring makaapekto sa
pagkatuto ng isang tao.”

Ang teoryang makatao sa pagkatuto ay

nagbibigay-diin sa kahalagahan ng mga salik
na pandamdamin at emosyunal. Tungkulin ng
guro na maglaan at lumikha ng isang
kaayaayang kaligiran sa klasrum at isang
pagkaklaseng walang pananakot kung saan
maginhawa ang pakiramdam ng bawat
magaaral at malaya nilang nagagamit at
nasusuri ang bagong wikang natutuhan.
Sitwasiyong Pangwika

(a.) Monolinggwalismo, Bilinggwalismo, Multilinggwalismo

Sa isang lugar at sitwasyon, maaaring hindi lamang iisang wika ang dominanteng
ginagamit ng mga tao sa kulturang ito. Ang isang lipunan o ang isang sitwasyon ay
maaaring mauri ayon sa bilang ng wikang ginagamit dito.

(i.)Monolinggwalismo

Mono= Isa (1)

Isang wika ang umiiral na ginagamit sa loob ng isang sitwasyon o lipunan.

(ii.) Bilinggwalismo

Bi= Dalawa (2)

Dalawang wika ang umiiral na ginagamit sa loob ng isang sitwasyon o lipunan.

(iii.) Multilinggwalismo

Multi= Higit sa 2

Tatlo o higit pang wika ang umiiral na ginagamit sa loob ng isang sitwasyon o
lipunan.

(b.) Barayti ng Wika

Bukod sa bilang ng wikang umiiral, may iba pang paraan sa kung paano natin maaaring
uriin ang mga wikang ginagamit sa ating lipunan.

Ang wika ay bahagi ng kultura at kasaysayan ng bawat lugar. Ito rin ay isang
simbolismo tungo sa pagkakakilanlan ng bawat indibidwal. Sa pamamagitan ng wika, ay
nailalabas o napapahayag natin ang ating mga emosyon at saloobin, masaya man o
malungkot. Ginagawa natin ito sa pamamaraan ng pagsusulat, pakikipagtalastasan at iba
pa.

Ang ating wika ay may iba’t-ibang barayti. Ito ay sanhi ng pagkakaiba ng uri ng
lipunan na ating ginagalawan, heograpiya, antas ng edukasyon, okupasyon, edad at
kasarian at uri ng pangkat etniko na ating kinabibilangan. Dahil sa pagkakaroon ng
heterogenous na wika tayo ay nagkaroon ng iba’t-ibang baryasyon nito, at dito nag-ugat
ang mga variety ng wika, ayon sa pagkakaiba ng mga indibidwal.

(i.) Register ng Wika

Ang isang salita ay maaaring magkaroon ng iba't-ibang kahulugan ayon sa larangan

o termino ay maaaring magkaroon ng iba't-ibang kahulugan ayon sa larangan o
disiplinang pinaggamitan nito.
Tinatawag na register ang mga espesyalisadong termino gaya ng mga salitang
tipiko o teknikal na nagtataglay ng iba't-ibang kahulugan sa iba't-ibang larangan o
disiplina. Isa pang halimbawa ng register ang salitang "kapital" na may kahulugang
"puhunan" sa larangan ng pagnenegosyo at may kahulugan namang "punong
lungsod"o "kabisera" sa larangan ng heograpiya.

Bawat propesyon ay may register o mga espesyalisadong salitang ginagamit.

Iba ang register ng wika ng guro sa abogado. Iba rin ang inhinyero, computer
programmer at iba pa. Hindi lamang ginagamit ang register sa isang partikular o tiyak
na larangan kundi sa iba't-ibang larangan o disiplina. Espesyal na katangian ng mga
register ang pagbabago ng kahulugang taglay kapag ginamit sa iba't-ibang larangan
o disiplina.

(ii.) Uri ng mga Barayiti ng Wika

(i.a.) Ayon sa Dami ng Wika sa isang Lipunan

HOMOGENOUS HETEROGENOUS
Iisa lamang ang wikang ginagamit Iba-iba o halo-halo ang mga wikang
ng lahat ng mga tao sa iisang lipunan ginagamit sa loob ng isang lipunan.
at/o kultura. Madalas, ito ay bunga ng
pagkakaroon ng iba-ibang grupo ng
mamamayan ayon sa edad, disiplina,
o pangkat-etniko.
(i.b.) Ayon sa Paraan ng Paggamit sa Wika
BARAYITI NG KATANGIAN/ DEPINISYON
WIKA
Sosyolek Ang lipunan ay binubuo ng sari-saring grupo ng mga tao
ayon sa kanilang interes, edad, propesiyon, at kasarian. Sa
bawat grupong ito ay may nabubuong pagkakaiba na
maaaring magbukod sa kanila mula sa iba pang mga
grupo.

Ang mga grupong ito ay kadalasang gumagamit ng mga

salita o paraan ng pananalitang likas o nababagay sa
kanila.

Halimbawa dito ay ang pagkakaiba sa pananalita ng mga

Millenials at ng mga Boomers. Dahil sila ay nagmula sa
magkaibang henerasyon, mapapansin na maraming
pagkakaiba sa mga salitang ginagamit, konsepto, at
maging sa paraan ng pananalita.
 Dayalek Ito ay madalas nan aka-angkla sa kultura o
etnolinggwistikong salik sa pananalita ng mga tao.
Madalas na nakaaapekto sa ating pananalita ang ating lokal
o etnikong wika. Madalas, maging ang tono ng pananalita
ay apektado rin nito.

Halimbawa:
Ang mga Ilokano ay madalas na maririnig magsabi ng
ngarud, garod, at ngay, kahit na Filipino na ang gamit
nilang wika.

Halimbawa:
Hala, nakita ko ngay siya kanina.
Hindi ko garod siya nakita.

***Mapapansin na ang mga katagang ito ay hindi makikita

sa iba pang dayalekto dahil ito ay natatangi sa bawat
pangkat-etniko.

***Higit na kapansin-pansin din ang pagiging dominante

ng tono ng pananalita ayon sa rehiyonal na paraan. Ito ay
tinatawag na accent, o sa wikang Ilokano ay tinatawag ding
ayug.
Idyolek May pagkakaiba ang paraan ng pagsasalita ng isang tao sa
iba pang tao batay na rin sa kani-kaniyang indibidwal na
estilo o paraan ng paggamit ng wika kung saan higit siyang
komportablng magpahayag.

Halimbawa rito ang mga katagang nababanggit parati ng

isang tao. Kung minsa’y kabilang din dito ang mga
habitwal na ginagawa ng isang tao habang nagsasalita
(e.g. pagkumpas, pagngiwi sa ilang salita, at iba pa.)
(i.c.) Ayon sa Antas ng Paggamit sa Wika
PORMAL NA ANTAS NG WIKA IMPORMAL NA ANTAS NG WIKA
• Pambansa • Kolokyal
• Pampanitikan • Lalawiganin
• Balbal
 ANTAS NG
KATANGIAN/ DEPINISYON
WIKA
PAMBANSA Ito ay kinikilala bilang pinakamataas na antas ng wika. Ito
ay sapagkat ginagamit ito sa lahat mga opisyal at pormal
na transaksyon at uri ng komunikasyon sa bansa.

Literal ang pagpapakahulugan sa mga salitang ginagamit

sa antas na ito upang maka-iwas sa kalituhan. Ang
pinakalayon ng paggamit ng antas ng wikang ito ay upang
makatamo ng pambansang pagkakaunawaan.

Halimbawa:
Ang salitang rosas, sa antas ng wikang pambansa, ay
tumutukoy lamang sa isang uri ng bulaklak, at wala nang
iba pang kahulugan.

Pumitas kami ng rosas sa hardin ni Lola Baby.

PAMPANITIKAN Kilala bilang wika ng mga makata, ang antas ng wikang
ito ay nagsisilbing instrumento sa pagpapahayag ng
malawak at masining na kaisipan ng taong gumagamit
nito. Madalas, ang mga salitang ginagamit dito ay
nabibigyan ng higit pa sa literal nitong kahulugan.

Halimbawa:
Ang salitang rosas, depende sa pagkakagamit, ay
maaaring magkaroon ng ibang kahulugan.

Ikaw ang rosas ng buhay ko.

Siya ang rosas sa kanilang magkakapatid.
Humarap ka sa altar bilang isang sariwang rosas.
KOLOKYAL Kabilang sa kategorya ng Impormal na mga antas ng wika,
ito ay ginagamit sa mga kaswal na sitwasyon.

Ang mga kataga at/o salita ay kinakaltasan ng ilang letra

upang mapaikli ito. Ginagawa ito upang mas maging
madulas o madali ang pagbigkas sa mga ito.

Halimbawa:
Kailan- Kelan
Mayroon- Meron
LALAWIGANIN Naiimpluwensiyahan ng lokal na wika, may ilang kataga
o terminong nagagamit kahit iba na ang kasalukuyang
gamit nito.
Halimbawa:
Hindi ko garod gusto yan.
Tumulong kaming sa pag-gabyon kahapon kila ankle.
 BALBAL Kilala bilang pinakamababang antas ng wika, ito ay
maririnig at mababasa sa kahit saang sulok ng bansa. Ito
ay maaaring mabuo ng kahit sino. Bagamat hindi
tinatanggap sa pormal na sitwasyon, ito ang
pinakamadaling gamitin dahil sa malaya nitong
katangian.

Halimbawa:
Tropa, erpats, ermats, utol, sekyu, nomo, petmalu, lodi,
pabebe, at iba pa.
4. Pagpapalawak
GAWAIN 1: POST ko, SURI ko.

Mamili ng isa sa mga status post o photo caption mo sa Facebook o Instagram. Ang post na ito
ay dapat mula sa mga post mob ago ang pasukan ng klase sa taong-panuruang ito. Kunan ito
ng screenshot at suriin ang ginamit mong status o caption ayon sa mga sumusunod.

1. Tungkulin ng Wika
2. Antas ng Wika

GAWAIN 2: Bata, Bata, Paano ka Tumanda?

Kapanayamin ang iyong mga magulang o kamag-anak na nagpalaki sa iyo. Ipakuwento sa kanila
kung paano ka natutong magsalita, at ano ang naging gampanin o role nila sa iyong pagkatuto.
Isalaysay ito sa isang naratibong sanaysay. Sa huling bahagi, tukuyin kung ano sa tingin mo ang
teorya sa pagkatuto ng wikang nasunod sa pagtuturo sa iyong magsalita. Ipaliwanag.
Pamantayan:
Kuwento/ Salaysay - 10
Teoryang Natukoy - 5
Pagpapaliwanag - 10
Mekaniks sa Pagsulat- 5
Kabuuan: 30 puntos

GAWAIN 3: Balbal na Salita para sa Lahat

Panoorin ang mga bidyong kalakip ng gawain na ito. Ipaliwanag kung bakit masasabi na ang antas
ng wikang balbal ay hindi maaaring gamitin sa pormal na mga sitwasyon. Ipahayag din ang mga
bentahe (advantage) ng paggamit ng mga impormal na antas ng wika. Maglista rin ng mga bagay
o ideyang napulot sa bidyong napanood.
Pamantayan: https://www.youtube.com/watch?v=stqGaFgjDzg

Paliwanag at Nilalaman - 20 Mahal ko ang aking Wika Gay Lingo, Bakla

Bolaryo, Coño Talk, Kanto Speak, Sociolect
Pagsasa-ayos ng mga Ideya - 5
Mekaniks sa Pagsulat - 5 https://www.youtube.com/watch?v=8OSrgV8o8R
w Bandila: Jeproks to Jejemon: How the Filipino
Kabuuan: 30 puntos language evolves
Mga Sanggunian:

Daypuyart, R. (2017). Konseptong Pangwika. Retrieved from https://www.slideshare.net/ReyvherDaypuyart/konseptong-pangwika

Anderson, S.R. (2020). How many languages are there in the world? Retrieved from https://www.linguisticsociety.org/content/howmany-languages-
are-there-world

Ethnic Group Philippines (2020). Languages in the Philippines. Retrieved from http://www.ethnicgroupsphilippines.com/people/languages-in-the-
philippines/

Maestro Valley Rey (2019). Katangian ng wika – ang bawat katangian at ang kahulugan nila. Retrived from
https://philnews.ph/2019/07/22/katangian-ng-wika-at-kahlugan/

Blogspot (2016). Ang pitong gamit ng wika. Retrived from http://tungkolwika.blogspot.com/2016/07/ang-pitong-gamit-ngwika.html

TakdangAralin.ph (wp). Mga barayiti ng wika. Retrieved from https://takdangaralin.ph/barayti-ng-wika/

MemaFilipino (2017). Register ng wika. Retrieved from http://memafilipino.blogspot.com/2017/09/register-ng-wika.html

Cumawas, R.R. (2018). Barayti ng Wika. Retrieved from https://www.slideshare.net/REGie3/barayti-ng-wika-116585802

Jonaleng leng (2017). Ang pagtatamo at pagkatuto ng wika (w1 at w2): mga teorya at praktika. Retrieved from
http://introduksyonsapagaaralngwika.blogspot.com/2017/03/

Myrepearl (2018). Sikolohiya hinggil sa pagkatuto ng wika, mga teorya. Retrieved from
https://www.slideshare.net/myrepearl/sikolohiya-hinggil-sa-pagkatuto-ng-wika-mga-teorya-109835528

Domingo, R. (2014). Jean Piaget. Retrieved from https://prezi.com/kjtkravqmty_/jean-piaget/?fallback=1