Panuto: Sagutin ang sumusunod na mga katanungan. 1. Anong uri ng sanaysay ang “Ang Ngiti”? - ang ngiti ay isang di-pormal na sanaysay dahil tumatalakay ito sa paksang magaan, karaniwan, at pang-araw-araw. 2. Bakit sinabi ng awtor na may pakinabang ang ngiti sa nagbigay at sa tumanggap nito? - May pakinabang ang ngiti sa nagbigay nito dahil unang-una kadalasang ginagawa ang pag-ngiti kapag ang isang tao ay masaya. At base sa isang pag-aaral, karaniwang nagagamit ang ngiti bilang tanda ng pagkakaroon ng tiwala sa sarili, pagsang-ayon, o sagisag ng katuwaan. At tandaan natin na hindi lahat ng tao sa mundo ay may kusang ngumiti sa kanyang kapwa tao, kasi may mga taong di-alam magpadama ng kanilang mga damdamin. Kaya sa taong nagbigay ng ngiti, matapang siya sapagkat naipadama niya ang kaniyang totoong nararamdaman at gustong ipahiwatig. Sa kabilang dako, nakikinabang din ang tumanggap ng ngiting iyon dahil may kapangyarihang taglay itong baguhin ang anumang puot at sakit na ating dinaramdam. Maniwala man tayo o sa hindi, pero kapag nginiti- an tayo lalong-lalo na kapag malapit sa ating puso yung taong yun, nakukuha agad ang ating mga kiliti, gumagaan kaagad ang ating pakiramdam, at ang dating matigas na damdamin ay ngayo’y kasing lambot na ng isang mamon. Ikanga nila, “A smile could launch a thousand ships.”, kaya di masusukat ang kapangyarihang taglay ng isang matamis na ngiti. 3. Naniniwala ka ba sa pahayag na ang taong palangiti ay hindi madaling tumanda? Paliwanag. - Oo, dahil unang-una napatunayan na ito sa isang pag-aaral na kapag ngumiti o tumawa ka, nagiging magaan ang iyong pakiramdam dahil lumilikha ang iyong katawan ng endorphins na siyang dahilan ng iyong pagkamasayahin at pagkawala ng iyong stress. At pangalawa, sa aking pag-oobserba, kapag ikaw ay tumatawa, pinapababa nito ang tsansang ikaw ay maging malungkot o di kaya’y maging problemado. Pinipigilan nitong magalit ka na siyang magiging sanhi ng pagtaas ng iyong dugo at pagka stress na sya ring dahilan ng pagkamatay ng iyong happy cells. 4. Ayon sa sanaysay, ang pinakamatamis na ngiti ay nagmula sa ngiti ng walang malay na sanggol? Ipaliwanag. - Totoo, dahil bukod sa napakaganda at mapang-akit ang ngiti ng isang sanggol na kailanman ay di mo matitiis na di rin ngumiti pabalik, ito rin para sa akin pinaka-puro at pinaka-totoo na ngiti sa lahat. Wala itong halong magpapanggap at pagkukunwari. Ngumingiti lamang ang sanggol kapag siya ay nasisiyahan o di kaya’y naaaliw. At kailanman ay hindi ngumingiti ang isang sanggol kung siya ay nasasaktan o nahihirapan. Kaya ito ang pinakamatamis na ngiti sa buong mundo dahil ito lamang ang tunay, tapat, dalisay, at mataos.