Edukasyon sa Pagpapakatao 9

Quarter 3, Week 4
Pangalan: ______________________________________ Petsa: ______________________
Baitang at Pangkat: ______________________________ Guro: Ian Santos B. Salinas

Gawain 1: Word Cloud

Panuto:Mag-isip ng mga salita na may kaugnayan sa salitang “ORAS”. Gumawa ng “word

cloud” katulad ng larawan na nasa ibaba. Ilagay ang salitang “oras” sa pinakagitna.
Pagkatapos ay gamitin ang bawat salita sa isang pangungusap base sa iyong sariling
karanasan.
Hal. Libangan- Libangan ko ang magbasa ng mga aklat.

ORA
S

A. Paghahabi ng layunin sa aralin (Ano ang inaasahang Maipamalas Mo?)

Sa araling ito, inaasahang malilinang sa’yo ang mga sumusunod na kaalaman, kakayahan
at pag-unawa:

1. natutukoy ang mga katangian ng isang tao na may wastong pamamahala sa oras;
2. nasusuri ang angking kagalingan sa paggawa sa mga simpleng gawain at ang
pamamahala sa sariling oras.
3. naitatalaga ang sarili upang magpamalas ng kagalingan sa paggawa at
makapaglingkod nang may wastong pamamahala sa paggamit ng oras.
4. nakapagpapamalas ng pag-unawa sa kahalagahan ng paggalang sa oras ng
kapuwa.

B. Pag-uugnay ng mga halimbawa sa bagong aralin

(Pagtuklas ng Dating Kaalaman)

Gawain 1: “Si Haria”

Panuto: Basahin ang maikling kwentong nasa kahon.

Minsan, may isang hari at isang tamad na lalaki na nagngangalang Haria. Mabuti
silang magkaibigan. Isang umaga, tinanong ng hari ang kanyang kaibigan, “Bakit hindi ka
humanap ng trabaho upang ikaw ay kumita ng pera?”

1
 Sumagot si Haria, “Wala kasing nagbibigay ng trabaho sa akin. Pinagsabi ng mga
kaaway kong hindi daw ako marunong gumawa sa takdang oras.”
Ang mabuting hari ay tumugon, “Maaari kang pumunta sa imbakan ng aking mga
yaman at doon mamulot ka ng kayamanan hanggang sa paglubog ng araw.”
Nagmadaling umuwi si Haria upang ibalita sa kanyang asawa ang utos ng hari.
Inutusan siya ng asawa, “Sige pumunta ka na ngayon at kunin mo ang mga ginto at mga
mamahaling bato”.
Tumugon si Haria. “Huwag muna, pakainin mo muna ako ng tanghalian.”
Matapos ang pananghalian ay nagpahinga pa ng isang oras si Haria. Sa bandang
hapon na niya kinuha ang kanyang kagamitan at nagtungo sa palasyo.
Sa kanyang paglalakad, nakaramdam siya ng matinding init at nagpasyang maupo sa
ilalim ng puno upang magpahinga. Makalipas ang dalawang oras, bumalikwas siya para
ipagpatuloy ang paglalakbay ngunit nakakita siya ng isang lalaki na nagtatanghal ng mahika.
Huminto siya upang manood. Nakaisang oras siya sa panonood.
Nang siya ay makarating sa palasyo, ang araw ay palubog na. Ang mga pintuan ng
palasyo ay sarado na.

Pagkatapos mong basahin ang kwento ay kumpletuhin ang graphic organizer na nasa
ibaba. Gawin ito sa iyong sagutang papel.
C. Pagtatalakay ng bagong konsepto at paglalahad ng bagong kasanayan #2
(Integration of GMRC)

Gawain 3: “Paggalang sa Oras ng Kapwa”

Panuto: Basahin ang usapan o sitwasyon sa ibaba. Lagyan ng tsek ( ✔ ) ang bawat bilang
kung ang sitwasyong nakasaad ay ginagawa mo o naglalarawan sa iyo at ekis ( ⤫ ) naman
kung hindi. Maging tapat sa pagsagot. Gawin ito sa iyong sagutang papel.

Lider: Guys, oras na. Lets’s start na

Marie: Wala pa si Ana.
1. Lider: Pakitext sabihin nyo start na tayo.

2. Sinisiguro na darating sa paaralan sampu (10) hanggang labing-lima(15) minuto

bago magsimula ang iyong klase.

3. Chat sa GC...
Lider: Guys dating kayo ng maaga para maayos natin ang compilation bago ipasa
kay mam.
Marie: Guys, pasensya na hindi ko natapos iyong sa akin kagabi. Mauna na
kayong mag pasa ng gawain ninyo kay ma’am.
Jan: May deduction tayo nyan...
4. Lagi kang nauuna sa mga usapan dahil nahihiya kang magpahintay sa iba.

5. Pilit na ini-eextend mo ang paghiram sa isang libro sa silid aklatan kahit alam
mong may iba pang mag-aaral ang nais ding makabasa nito.

6. Pagtatago sa loob ng building o silid-aralan kahit naririnig mo na ang alarm at ang

pagpito ng guard na nag-iikot sa buong paaralan at nagpapa-alala na oras na ng
paglabas sa paaralan.
7. Hindi mo naipasa sa takdang oras ang iyong proyekto.

8. Tulong-tulong na nakiusap kayong mga mag-aaral sa inyong guro na i-postpone

ang inyong mahabang pag-susulit dahil hindi pa kayo handa magsulit.

9. Bilang lider ng inyong pangkat, alam mong mag-aantay ang iyong mga
kasamahan kahit anong oras mo gustong dumating at simulan ang inyong gawain.

10 Siniguro mong matapos muna lahat ng iyong gawain sa paaralan bago maging
abala sa iba pang gawain kasama ang mga kaibigan.
Mga gabay na tanong:
1. Ano ang natuklasan mo sa iyong sarili pagkatapos mong sagutan ang checklist?
2. Masasabi mo bang ginagalang mo ang oras ng iba? Bakit o bakit hindi?
3. May epekto ba ang kilos natin sa gawain ng ating kapuwa? Ipaliwanag ang iyong
sagot.
4. Ano ang maari mong gawin upang maipakita ang paggalang sa oras ng iyong
kapuwa?

Ang Paggalang sa Oras ng Kapwa

Naranasan mo na bang maghintay ng mahigit sa isang oras sa isang napag- usapang
pagkikita o practice? Ang masabihan ng “Papunta na ako.” pero kakagising pa lamang pala? Ano
ang iyong naramdaman?
Ang paggalang sa oras ng kapuwa ay nangangahulugan na hindi mo sinasayang ang oras
nila sa iyong kapakinabangan. Mas magiging mabuti hindi lang para sa atin kundi para sa mga
taong nakasunduan natin kung tutupad tayo sa itinakdang oras. Kasama sa itinuturo ng
Jehovah's Witnesses na naka- post sa kanilang website na JW.org ang pagiging nasa oras. Sa
artikulo na may katulad na pamagat, “Gaano kahalaga ang pagiging nasa oras?”, binanggit nila
na ang pagdating nang maaga sa usapan ay nakababawas ng stress. Bukod pa rito, gumaganda
rin ang reputasyon ng isa kapag lagi siyang nasa oras dahil sa sumusunod na dahilan: (1)
Ipinakikita nito na mahusay ka dahil kapag nasa oras ka, ipinakikita mong kontrolado mo ang
iyong buhay sa halip na ikaw ang kinokontrol ng sitwasyon anupat hindi mo magawa ang mga
bagay na gusto mong gawin; at (2) Ipinahihiwatig nito na maaasahan ka. Sa mga lipunang
kadalasan nang ang pangako ay napapako at ang kasunduan ay
binabale-wala, malaki ang pagpapahalaga sa mga taong may iisang salita. Nirerespeto ng
mga kaibigan at kapamilya ang mga taong maaasahan. Pinahahalagahan ng mga employer
ang mga empleyadong pumapasok nang nasa oras at nakaaabot sa kanilang deadline,
ganoon din ang mga mag-aaral na gumagawa at nagpapasa ng mga gawain sa takdang oras.
Mahalagang sikapin nating matutunan na tumupad sa oras dahil kung lagi nating
pinaghihintay ang iba, para na rin natin silang pinagnanakawan ng panahon.

D. Paglinang ng Kabihasaan (Pagpapalalim)

Sa una at ikalawang gawain ay iyong binigyang pansin ang mga katangian ng isang
taong may pagpapahalaga sa oras at kung paano mo ginagamit ang iyong oras. Ngayon
naman ay palalimin mo pa ang iyong pag-unawa sa pagbabasa sa mga sumusunod na
konsepto tungkol sa wastong pamamahala sa paggamit ng oras na una mo nang
natunghayan noong nakaraang linggo bilang isa sa mga kinakailangan sa pagkakaroon ng
kagalingan sa paggawa.
Ang Oras at Panahon
Ang oras ay tumutukoy sa panahon, pagkakataon, saglit, araw at sa gaano katagal
ang iginugol sa isang paggawa. Ito ay isang mahalaga at kakarampot na yaman. Kaya
naman ang oras o panahon ay itinuturing na mainam na pambalanse sa lahat ng bagay.
Tayo ay pinagkalooban ng 24 oras sa bawat araw anuman ang ating estado o katayuan sa
buhay. Ngunit sa kabila ng kahalagahan nito, hindi binibigyan ang oras ng kaukulang pansin.
Marami pa rin ang hindi nakauunawa sa kahalagahan nito.
Ang taong marunong magpahalaga sa oras ay siyang may mahusay na nagagawa.
Hindi siya naaantala o nahuhuli. Nakatatapos siya ng gawain sa takdang oras. Ang pagiging
maagap ng tao ay nagpapahiwatig na may pagpapahalaga siya sa oras ng ibang tao. Hindi
niya nanaisin na masayang ang sariling oras pati na rin ang oras ng kaniyang kapwa. Ang
ganitong uri ng tao ay itinuturing ang panahon o oras bilang isang kayamanan.

Napakahalaga at hindi kailanman mabibili ang oras at panahon. Ang pagpa-prioritize

at pagpaplano ng gawain sa takdang panahon ay makatutulong upang ikaw ay maging
mapanagutan, kapaki-pakinabang at matagumpay na mag-aaral, gayon na rin bilang kasapi
sa isang pamilya, lipunan at bansa.

Ang oras o panahon ay nararapat lamang na ginagamit ng husto at ayon sa

pangangailangan ng gawain. Ito ay dapat matalinong inilalaan sa makabuluhang gawain.
Kapag ito ay nagamit nang maayos ang bawat araw ay magiging ganap at may bunga. Kahit
ang pinakamasipag na tao ay hindi kayang gawin ang lahat ng gawain kaya naman
kailangan na nakaplano ang pagsasagawa ng bawat isa batay sa halaga ng mga ito.

Ilang mungkahi upang maiwaksi ang pagpapaliban sa paggawa (Manana habit):

1. Pagtukoy sa iyong layunin na magbibigay ng direksyon sa nais mong
matupad. Magplano para sa iyong buhay.
2. Pagtukoy sa kung ano ang iyong pangangailangan sa kinakaharap na gawain.
3. Pagtasa sa mga gawain. Kung ito ay malawak, simulan sa pinakamaliit na gawain
hanggang sa mabuo at matapos ang gawain. Ang pagsisimula sa pinakapayak at
madaling gawain ay makapagdudulot ng kasiyahan o sense of achievement.
4. Pag-aayos ng mga konkretong hakbang o plano ng pagkilos upang matapos nang
maayos. Magtakda ng araw kung kailan tatapusin ang gawain. Iwasang malihis sa
ibang gawain. Mag-focus.

5. Gumawa. Itakda ang oras. Gantimpalaan ang sarili sa tuwing may matatapos na
gawain.
6. Tasahin kung nagawa ang nararapat gawin. Maging matiyaga at kapaki-pakinabang.
Huwag susuko.
Gawain 4: Pagpaplano ng Oras

Panuto: Upang magabayan ka sa pagpaplano ng oras, may mga bagay na dapat kang gawin.
Suriin ang sarili kung ginawa mo ang mga ito. Sagutin ng Opo o Hindi Po.
a. Binabalanse ang oras para sa pag-aaral, trabahong bahay, pagtulog,
pagtulong at pananalangin.
b. Pinaplano ang gagawin sa mga modyul o SIPacks.
c. Inaalam kung gaano kahaba ang kinakailangang gugulin para sa pag-aaral
sa mga asignatura.
d. Naglalaan ng tamang panahon sa pagsagot ng mga modyul
e. Humingi ng tulong sa mga guro araling hindi naunawaan nang lubos.
f. Nagpaprioritize ang mga asignaturang pag-aaralan.
g. Inaalam ang mga epektibong paraan ng pagbabalik-aral at
pagsusuri sa mga babasahin.
h. Hindi binubuksan ang facebook habang ginagawa ang mga nodyul.
i. Ginagamit ng kapaki-pakinabang ang oras.

Maliban sa mga nakasaad sa itaas, anong mga tips pa ang maaari mong ibigay sa iyong
kapwa mag-aaral sa wastong pamamahala ng oras upang matapos ang mga gawain o
produkto na mayroong kalidad?

E. Paglalapat ng aralin sa pang-araw-araw na buhay (Pagsasabuhay)

Gawain 5: “Ang Aking Timetable”

Sa panahong ito ng "new normal", ang blended learning o pinaghalong TV/Radio- based
instruction at modular learning ay ang tanging paraan upang maipagpatuloy ang iyong pag-aaral.
Nangangahulugan ito na ikaw ang namamahala sa iyong oras upang matiyak na matatapos mo
lahat ng iyong mga takdang babasahin at gawain na nakapaloob sa iyong mga SIPacks.
Bagama’t mayroong ibinigay na schedule na maaari mong sundin sa bawat araw, hindi
maikakaila na mayroon pa tayong ibang gawain sa ating bahay na hindi natin maiiwasan. Kaya
naman, naipaplano mo ba nang maayos kung paano gamitin ang iyong oras upang matapos ang
iyong gawain sa paaralan? Paano mo pinamamahalaan ang iyong oras?

Panuto:
1. Gumawa ng sariling timetable na aktwal na nagpapakita kung paano mo isasagawa ang
mga gawaing pampaaralan para sa susunod na linggo. Maaaring laktawan ang Sabado
at Linggo kung hindi ka nag-aaral ng leksyon o nagsasagot ng iyong mga SIPacks sa
mga araw na ito.
2. Sa ikalawang hanay, isulat mo ang oras na ilalaan mo para sa bawat gawain o bahagi ng
SIPacks sa bawat subject.
3. Sa ikatlong hanay, ilagay ang mga gawain na balak mong gawin sa bawat araw.
Maaaring gamitan ng bullet ang bawat isa.
4. Ang huling hanay ay sasagutan mo sa araw ng Sabado. Ito ang magsisilbing pagninilay
mo para sa gawaing ito upang makita mo kung naisakatuparan mo ang iyong naiplanong
mga gawain.
 Anong gawain ang
Araw Oras Gawain
naisagawa ng may
kalidad

Linggo

Lunes

Martes

Miyerkules

Huwebes

Biyernes

Sabado

F. Paglalahat ng Aralin (Paghinuha ng Batayang Konsepto)

Panuto: Batay sa napag-aralan tungkol sa pamamahala sa paggamit sa oras, buuin ang

batayang konsepto ng aralin. Punan ang mga patlang ng mga angkop na salita mula sa word
bank na nasa ibaba. Isulat sa sagutang papel.

Ang ay kailangan sa upang magampanan ang mga nang may

at magkaroon ng panahon para sa

kaayusan ng paggawa pamamahinga pamamahala ng oras

tungkulin paglilibangpagkakawanggawa
prayoritisasyon

G. Pagtataya ng Aralin

Gawain: Kaya Mo Ito

Panuto: Isulat ang Tama kung totoo ang isinasaad ng mga pangungusap at Mali kung hindi
totoo.

1. Isa sa nakakapag-aksaya ng oras natin ay ang pagpapaliban ng gawain.

2. Ang taong marunong magpahalaga sa oras ay siyang may mahusay na nagagawa.
 3. Hindi mahalaga at maaaring aksayahin ang oras at panahon.
4. Tayong lahat ay pinagkalooban ng 48 oras sa bawat araw anuman ang ating estado o
katayuan sa buhay.
5. Ang maayos na paggawa ng iskedyul ay isang halimbawa ng nakakapag-aksaya ng oras
natin.

Panuto: Buuin ang mga jumbled letters upang makuha ang tamang salita na tinutukoy ng pangungusap.
Isulat ang sagot sa iyong sagutang papel.

6. Ito ang kultura ng mga Pilipino na ang ibig sabihin ay ang pagpapabukas ng gawain.
(AÑANAM TIHAB) ______________________________
7. Ito ay tumutukoy sa panahon, pagkakataon, saglit, araw at sa gaano katagal ang iginugol
sa isang paggawa. (RASO) ______________________________
8. Kapag ang magkakaibigan ay may usapan na magkikita at dumating ang isa sa lagpas
sa itinakdang oras, iyan ang tinatawag na (ILPFIONI IMET).
_______________________
9. Ang paggamit ng mga “social networking site” ay isang halimbawa ng
(TIONTRACDIS). ___________________________________
10. Ang pagiging (PAGMAA) ng tao ay nagpapahiwatig na may pagpapahalaga siya sa
oras ng ibang tao. _______________________________________
agwawasto