Ang mga tao ang bumbuo sa lipunan at tao rin ang siyang dumidivelop ng kani-
kanilang kultura, hindi maiiwasang magkaroon ng pagkakaiba-iba sa paniniwala,
gawi, kaalaman pati na rin sa wika. Kung kaya’t umusbong ang barayti ng wika o sub languages. Ang Barayti ng wika ay dulot ng pagkakaiba ng antas ng edukasyon, okupasyon o trabaho, henerasyon ng pagkabuhay o edad, panahon, kasarian, pamumuhay sa at uri lipunang kinabibilangan, estado sa lipunan, maging lokasyon o heograpiya ng isang lugar at kaligirang etniko. Ang Barayti ng wika ay bunga din ng pagkakaroon ng heterogeneous na wika na nabubuo naman ayon sa pangangailangan ng paggamit nito na nagbubunga ng baryasyon ng wika. Tulad na lamang ng Idyolek, Dayalek, Sosyolek, Etnolek, Ekolek, Register, Creole at Pidgin. Samaktuwid, iba-iba ang dahilan kung bakit nagkakaroon ng barayiti o uri ng wika. Ang pinakasinasabing dahilan nito ay ang pagkakaroon ng bansa ng iba’t ibang uri ng lipunan, pamayanan, o pangkat.