Ang Pinakanatatangi sa Lahat ng Nilikha
Kahulugan ng Kalayaan
Ang tao ay isang
pinakanatatangi sa lahat ng
nilikha ng Diyos dahil sa
taglay niyang isip at
kalayaan.
Hindi tulad ng hayop at
halaman, malaya ang tao na
magtakda at pagpasiyahan ang
direksyong patutunguhan ng
kanyang buhay. Kalakip ng kalayaang ito, biniyayaan
siya ng isip upang maging gabay sa matalino at
mapanagutang paggamit ng kaniyang kalayaan.
Nakakalungkot na malaman na
may mga kabataan na
nasasangkot sa gulo o hindi
kanais-nais na sitwasyon dahil
sa hindi mapanagutang paggamit
ng kanilang kalayaan.
May mga nag-aaway sa social
media dahil lamang sa isang hindi pinag-isipang
komento o sa mga salitang binitawan bunsod ng
emosyon o bunga ng pag-abuso sa kalayaan.  malaya ang ibon dahil sa nakalilipad ito at
Marami rin na ang pagkakaunawa sa kalayaan ay
nakatuon lamang sa kakayahang gawin ang nais nang
walang balakid o hadlang.
Ang kalayaan (human freedom)
ayon kay Sto. Tomas Aquinas
ay tumutukoy sa kakayahan ng
tao na italaga ang kaniyang
sarili tungo sa isang
mabuting layunin at magtakda
ng mga hakbang at paraan
kung paano niya ito
makakamit.
Ang kalayaang taglay ng tao ang napapabukod-tangi
sa kaniya sa iba pang nilikha ng Diyos.
Ang Instinct ng Hayop
Ang konsepto ng kalayaan ay madalas magamit sa
iba’t ibang sitwasyon ngunit ang kahulugan nito ay
hindi lubos na naunawaan ng marami. Kadalasang
limitado ang pag-unawa dito sa pisikal na
kakayahang magawa ang nais o makapunta sa lugar na
ibig marating ng walang humadlang.
Kung pisikal na konsiderasyon ang gagamitin, tila
nakararating saan man niya ibig. Gamit ang ganitong
katwiran, mukhang higit na malaya ang hayop sa tao.
Ngunit kung susuriin ang ibang aspekto, makikita
natin na hindi rin maituturing na malaya ang mga
hayop dahil sila ay sumusunod sa dikta ng kanilang
instint at wala silang kalayaang pumili o gumawa ng
pasiya.
Kapag ang isang hayop tulad ng leon ay gutom at ito
ay nakakita ng pagkain, tiyak at walang pasubaling
pupuntahan niya ito at kakainin. Ang kaniyang gutom
ang nagdidikta sa kaniya na dapat gawin.
Kapag ang hayop ay nagalit, tiyak na
ang reaksyon nito ay awayin,
atakihin, at kung hindi man ay
patayin ang kaaway.
Kung gayon, hindi natin masasabing
tunay na malaya ang hayop dahil sa
kanilang kilos ay inidikta ng instinct
at emosyon.
Walang kakayahan ang kanilang isip
na gumawa ng higit na mabuting pasiya at italaga ang sarili sa
mas mataas na layunin maliban sa sundin ang instinct.
Kalayaang Taglay ng Tao
Ang tao ay may taglay ding instinct. Hindi ito ang nagdidikta sa
ating pangkalahatang ikinikilos. Bagaman dinidiktahan tayo ng
gutom para tayo ay kumain, malaya pa rin tayong magpasiya
kung tayo ba ay kakain o ipagpapaliban ito.
Halimbawa:
Abala ang isang pangkat na mag-aaral sa paggawa ng proyekto
na kailangang tapusin at ipasa sa guro bago mag alas tres ng
hapon. Dahil dito, pinili nilang huwag munang kumain ng
tanghalian at tuloy-tuloy na gawin ang proyekto upang maipasa
ito bago mag alas tres ng hapon. Higit na mahalaga ang
pagpapasa ng proyekto sa takdang oras kumpara sa pagkain
nila ng tanghalian. Hindi ang dikta ng gutom ang nanaig kundi
ang kalayaan nilang mamili nang higit na mabuti sa sitwasyon.
At sa sitwasyong ito, higit na mabuting matapos ang gawain at
maipasa ito sa takdang oras.

Maging sa aspektong sekswal at pagpaparami ng lahi, hindi isip

ang ipinaiiral ng mga hayop kundi pagsunod sa dikta ng
katawan. Kaya nga may tiyak na panahaon lamang kung kalian
sila maaaring magparami.

Ikumpara natin ang katulad na sitwasyon sa tao. Bagaman may

taglay din tayong instinct, hindi ito ang nagdidikta sa ating
pangkalahatang ikinikilos.