Professional Documents
Culture Documents
Alamat NG Kasoy - KEN
Alamat NG Kasoy - KEN
Noong unang panahon, ay nasa loob ng kasoy ang abuhing buto nito. Lungkot na lungkot
ang buto sapagkat madilim na madilim sa loob ng Kasoy. Lalo itong nalungkot nang malamang
magdaraos ng isang handaang ang Ada ng kagubatan. Sa gabi ng handaan ay ipinatawag ng Ada
ang lahat ng hayop at halaman.
Ang buong kagubatan ay nagliliwanag sa tama ng mga ilaw ng parol ng mga Alitaptap.
Ang huni ng mga Kuliglig at kokak ng mga Palaka ay sumasaliw sa awit ng mga Maya.
Masayang kasayaw ng mga Kuneho ang mga Usa, ng mga Elepante ang mga Tamaraw, ng Zibra
ang Tsonggo. Kapareha naman ni Kangkong ang Sitaw, ni Mangga ang Dalanghita, ni Saging
ang Papaya.
“Mabuti pa sila, nakikita ang masayang paligid. Heto ako, nakakarinig ng awit at
tawanan pero hindi naman nakikita ang katuwaan.”
“Maawa kayo, mahal na Ada. Gawan ninyo ng paraang makalabas po sana ako sa
pagkakakulong ko sa loob ng prutas na ito.”
Naantig ang maawaing damdamin ng mahal na Ada. Iwinasiwas nito ang nagniningning
na pananglaw. Sa isang iglap ay nakalabas sa madilim na kulungan ang buto.
Ang malakas na pagkokak ng mga Palaka at paghuni ng mga Kuliglig at sumaliw sa awit
ng mga Maya. Sa tuwa ng Elepante ay kumembut-kembot ito sa pag-indak. Napapasabay din sa
pag-imbay ang mahagway na kawayan kasama ang Pagong na nagbababa at nagtataas ang
bahay-bahayan.
Mahigpit naming ikinabit ng mga halaman ang mga ugat sa ilalim ng lupa.
Tulad ng dapat asahan, bumuhos na ang malakas na ulan. Takot at kinakaligkig sa lamig
ang buto.