ARALIN 3: (Setyembre 3, 2021- Setyembre 17, 2021)

PELIKULA HINGGIL
SA ISYUNG PANGKASARIAN

MGA GAWAIN:
1. Panonood ng sumusunod na pelikula.
a. “Bwakaw”
2. Pagsusuri ng pelikulang napanood. Sundin ang mga hakbang sa pagsusuri nito. Pangkatin
ang klase, bawat pangkat ay binubuo ng limang miyembro. Isumite ito sa google form.
(Magpatulong sa governor ng klase sa pagpapangkat).
I. Tungkol sa Pelikula

A. Pamagat ng pelikula:
“BWAKAW”
B. Direktor (Pangalan ng direktor):
DIREKTOR JUN ROBLES LANA
C. Prodyuser (Pangalan ng prodyuser o mga prodyuser):
JUN LANA
TONEE ACEJO
RAMEL DAVID
PERCI INTALAN
FERDY LAPUZ
ANTONIO TUVIERA
D. Pangunahing Tauhan:
EDDIE GARCIA bilang RENE
PRINCESS bilang BWAKAW
E. Tema ng pelikula (Ano ang paksang tinalakay sa pelikula?)

Ang pelikulang ito ay patungkol sa pagmamahalan ng isang aso at matandang bakla

na labis ang paghahanda sa kanyang kamatayan. Habang lumilipas ang panahon,
mas lalo niyang napagtanto na may mga bagay siyang pinagsisisihan at oportunidad
na nasayang. At sa kanyang pagnilaynilay, mas natuto siyang wag sayangin ang
bawat pagkakataon na ibinibigay. Ngunit sa kabila ng kanyang pag-iisa at pagiging
masungit, ang kanyang aso na si Bwakaw ay ang nagturo sa kanya ng tunay na
kahulugan at kahalagahan ng buhay.
 F. Buod ng pelikula (magbigayng maikling buod ng pelikula)
Si Rene ang karakter na ginampanan ni Eddie Garcia ay isang matandang lalake na
wala ng ibang inisip kundi ang paghandaan ang kanyang kamatayan. Inaamin niya at
tinanggap ang kanyang tunay na kasarian nung siya ay 70 taong gulang na. Nakatatak
na sakanyang isip na ang pagmamahal at pakikipag halubilo sa ibang tao ay huli na
para sakanya. Ginigugol niya ang kaniyang oras sa pag tatrabaho sa dati niyang trabaho
kahit alam niya na siya ay matagal ng nagretiro doon. Gumawa din siya ng mga huling
habilin sa isang padre, at yun ay ibibigay ang kanyang mga gamit na nakakahon na at
may mga pangalan sa kanyang mga kaibigan. Nakahanda na rin ang kaniyang kabaong
para sa kanyang libing. Si Bakwaw ay isang ligaw na aso, siya ang nag-iisang kasama
ni Rene sakanyang bahay at sumusunod sa kanya saan man siya magpunta. Isang
araw habang si Rene ay naghihintay sa kanyang pagkamatay ay bigla na lamang
nagkasakit si Bwakaw at nalaman niyang may cancer ito. Sa kaniyang paghihirap para
mapagamot si Bwakaw, nakilala niya si Sol, isang tricycle driver na tumulong sa kaniya
na dalhin si Bwakaw sa doktor ng mga hayop. At sa kaunting panahon na nakilala niya
si Sol nararanasan na niya ang simpleng kaligayahan. Nagulat na lamang ang kaniyang
mga kaibigan na nagdesisyon na siyang magpakulay ng buhok para mas magmukhang
bata. Isang gabi, nag inuman sina Sol at Mang Rene tapos sila ay nalasing. Sa gabing
iyon nagbalak si Mang Rene na gummawa ng paraan para mas maging malapit kay Sol.
Ngunit si Sol ay nagalit at nandiri sa ginawang paghalik ni Rene sa kaniya.
Pansamantala, lumubha ang sakit ni Bwakaw, hindi siya na naniniwala na maliligtas si
Bwakaw ang kaniyang Santo Entierro. Siya ay lumapit kay padre upang sabihing sa
Diyos na huwag nang kunin si Bwakaw. Ngunit si Bwakaw ay namatay, at sa
pagkamatay ni Bwakaw marami siyang napagtanto, na kailangan pahalagahan ang
buhay at iyonn ang pinaka importante sa lahat. Napag desisyonan niyang buksan ulit
ang mga kahon na pinaglagyan niya ng mga gamit at ginawang makaaya-ayang tingnan
ang kaniyang bahay. Sa kabila ng lahat siya pa rin ay buhay.

II. Mga Aspektong Teknikal

A. Musika

Angkop ang mga tunog at musikang ginamit sa pelikula. Ang bawat eksena sa pelikula
ay nagpapakita ng iba’t ibang emosyon at dahil sa mga tunog at musika na nilagay ay
mas lalong napukaw ang interes at naramdaman ng mga manonood ang emosyon na
nais iparamdam ng pelikula. Higit sa lahat ay mas lalo nitong napapatingkad ang
kagandahan ng kwento.

B. Sinematografiya

Base sa pelikula na aming napanood masasabi namin na maganda ang kabuoang kulay
ng pelikula ngunit medyo nag iba ang kulay at kalinawan nito dahil na rin siguro sa hindi
na ito ang orihinal na pinanggalingan ng pelikula. Tamang tama lang din ang
pagkakatimpla ng kulay na kuha ng camera dahil hindi masakit sa mata kapag
nanonood di katulad sa ibang pelikula na masakit ang timpla ng kulay ng camera sa
mata. Napakaganda sa paningin ng pelikula. Dahil sa magandang pagkakakuha ng
anggulo ay naipakita ng pelikula sa mga manonood ang tunay na pangyayari.
 C. Pagkakasunod-sunod ng mga Pangyayari

Para saamin ay maayos ang pagkakasunod-sunod ng mga eksena, hindi kami nalito at
naintindihan namin ng mabuti ang kabuoang kuwento ng pelikula. Malinaw din ang lahat
ng tagpo at mahalaga ang mga ito sa pinapaksa. Dahil sa maayos na pagkakasunod-
sunod ng mga eksena ay mas lalo kaming naging interesado sa mga susunod na
mangyayari, mas naging kasiya-siya din tignan at gumanda ang daloy ng kwento ng
pelikula

D. Pagganap ng mga Artista

Maganda at maayos ang pagkakaganap ng mga artista. Dahil sakanila ay nabigyang

buhay ang kwento ng pelikula. Dahil sa mga gumanap ay naipakita nila ang angkop at
makatotohanan na mga emosyon sa bawat eksena. Naaayon ang kanilang pananamit,
mga kilos at paraan ng pagsasalita sa kanilang pagganap. Matagumpay din nilang
napaniwala ang mga manonood sa karakter na kanilang inilalarawan.

E. Tagpuan

Para saamin ay angkop ang mga lugar na pinagdausan ng pelikula. Nang dahil sa mga
lugar ay naging makatotohanan ang bawat eksena, bumagay din ito sa kwento at pati na
rin sa mga gumanap. Dahil rin dito ay maayos naipahayag ang mensahe ng pelikula.

III. Kahalagahang Pantao

A. Paglalapat ng Teoryang Realismo
Ang pelikulang Bwakaw ay makatotohanang pangyayari na sumalamin sa katandaan,
karamdaman, kalungkutan, kamatayan, pag-ibig at sekswalidad. Tinalakay sa pelikulang
ito mula sa pananaw ng isang henerasyon na marami sa mga kasapi ng LGBTQ ay hindi
nabuhay nang buo o tinanggihan sila ng karapatang magkaroon ng kapareha,
magpakasal, magkaanak o mag-ampon ng mga anak at sa ilang paraan, hinatulan
silang mabuhay nang may kahihiyan sa sarili at tumanda nang mag-isa. At makikita din
sa pelikula pagdating ng panahon na tatanda na ang mga tao, ay ang galing at husay
mo ay lilipas at ang mga naitulong ay makakalimutan.

B. Paglalapat ng pang ibang Teoryang Pampanitikan

MARKSISMO
Sa pagsisimula ng pelikula, ang relasyon ni Rene sa iba pang mga tauhan ay pilit, ang
kanyang mga mapanunuyang pahayag at pangkalahatang maasim na saloobin ay
nagtataboy sa sinuman. Siya ay ipinakilala bilang isang malamig, mapang-uyam ngunit
isang masunurin na tao. Mahirap siya sa kanyang paniniwala at bihirang magpakita ng
anumang pagmamahal o empatiya para sa mga taong nagmamalasakit sa kanya.
Makatipid para sa kanyang kauna-unahang kasintahan, si Amelia, na binibisita niya dahil
sa kanyang pagkakasala. Inaasahan ni Rene na mamamatay siya, kaya pilit niyang
tinutulak ang sinumang magbibigay sa kanya ng kaunting pag-aalala/pag aaruga.
Ipinakita din dito ang panandaliang eksena ng pang-araw-araw na buhay ni Rene. Ito ay
 kapag ang kanyang tapat na kasama, na si Bwakaw, ay nagkasakit nay matutunan ni
Rene na buksan ang kanyang sarili sa iba. Ang kanyang pagbabago ay naging mabagal
ngunit matatag. Simula kay Alicia, na nagsasabi sa kanya na patawarin ang sarili at
huwag na siyang bisitahin muli. Hanggang sa kanyang sariling pagbabagong pisikal,
isang eksenang simbolo ng pagyakap niya sa kanyang sarili bilang bakla. Sa huli, si
Rene maaaring wala siyang perpektong wakas, ngunit mayroon siyang higit pa rito,
isang pakiramdam ng katuparan sa sarili at pagtanggap sa sarili.

FORMALISMO

Nakatulong ang paglalapat ng ilaw,tunog,disenyo ng set at maging ang kulay ng eksena

upang mapaganda ang pelikula. Ang tunog naman ay nakadaragdag sa tensyon ng mga
manonood,maging sa kalungkutan. Dahil dito magiging maganda ang resulta nito.

C. Mga aral

Habang nakaapak pa ang dalawang nating paa sa lupa at hindi pa nakaunat ang ating
katawan bigyan nating ng pagpapahalaga ang ating mga sarili at ang buhay na
ipinagkaloob sa atin ng Diyos. Huwag natin sayangin ang pagkakataong nabubuhay dito
sa mundong ibabaw bagkus gawin natin ang mga bagay na makapagpapasaya sa atin
na walang halong pagpapanggap at pagsisinungaling. Gawin natin ang buhay na kapaki
pakinabang na walang inaapakan na tao kundi ituon ang isip sa pagtulong at
magandang pakikipagtungo sa kapwa upang sa ating pagtanda at ating pagkamatay
wala tayong mga bagay na pagsisisihan sa huli dahil may mga bagay tayo na hindi
nagawa para sa ating sarili at para sa iba.

D. Kabuoang Pananaw

Ang pelikulang ito ay masasabi kong may ibang timpla kaysa sa mga pelikulang
napanood namin noon. Mas binigyang diin dito ang mga bagay na hindi binibigyang
pansin at wala sa ibang pelikula tulad ng pagtanda na kasapi ng LGBTQ. Kung ating
titingnan, ang ganitong sitwasyon ay hindi pa gaanong pinapalabas sa ibang pelikula na
kahit na ito ang katotohanan at ang reyalidad. Saludo kami sa direktor sa pagpukaw sa
mga natutulog naming mata sa pagbigay linaw sa mga manonood kahit hindi kabilang
sa LGBTQ ang magkaroon ng pagpapahalaga sa buhay na ibinigay ng Diyos. Karapat-
dapat itong mapanood ng iba lalo na ng mga bata para mapukaw rin ang kanilang mga
mata at mas maagang nilang maiintindihan ang tungkol sa LGBTQ kung kaya’t mas
mapapaaga rin ang pagtanggap sa kanila bilang kasapi ng LGBTQ. Dapat rin mapanood
ito ng iba pang kasapi ng LGBTQ na hindi kayang isiwalat ang kanilang tunay na
pagkatao, itong pelikula ay magsisilbing inspirasyon sa kung paano nila gagawin na
makulay ang buhay at lakas ng loob na ipakita kung sino nga ba ang tunay na sila.
GRUPO:

EDNEL GENEBLAZO
JAYVEE CONDE
PHOEBE PALMONES
MISSY MIRAFLOR