MARYJEL C.

SUMAMBOT BSED FIL3-Aldc

PANGALAN: MARYJEL C. SUMAMBOT BSED FIL 3-A

Modyul 4 MGA PARAAN NG PAGTALAKAY SA MGA AKDANG

PAMPANITIKAN

Paglalapat:
Pumili ng isa sa mga sikat na maikling kwento at basahin ito ng mabuti.
Pagkatapos, suriin ang napiling maikling kwento ayon sa unang dalawang
dimensyon; Dimensyong panlipunan at Dimensyong pangkaisipan

Sa Bagong Paraiso
Ni: Efren Reyes Abueg

Dimensyong Panlipunan

Isang karaniwang bagay na lamang ngayon ang pagiging mapusok ng mga

kabataan. Isa na itong katotohanan ng buhay. Mas nanaig ang puso kaysa sa
isip. Ang paghihigpit ng magulang sa anak ay kailangan upang ang anak ay Hindi
mapariwara. Ang maikling kuwentong ito ay may malaking impluwensiya sa
moralidad ng isang tao, gayundin sa pakikitungo sa lipunan. Ang lipunang
ginagalawan ng mga tauhan sa kuwento ay makatotohanan.

Dimensyong Pangkaisipan

Dapat ay isipin muna ang kahihinatnan, kung ito ba ay makakabuti o

makakasama, bago ito pasukin. Ipinakita dito ang isang pangyayaring
karaniwang nangyayari sa mga kabataan sa ngayon. Nagiging prayoridad nila
ang pag-ibig kaysa sa pag-aaral. Mas nanaig ang kanilang puso/damdamin kaysa
sa kanilang isipan.

Magaling! Natapos na ang modyul

3 kaya aasahan kong masasagutan
mo ang
mga gawain.
 Pagtataya:
Magsaliksik ng isang kuwentong komiks at gawan ito ng pagsusuri.

A. Sanligan

Pamagat: Tiny Tony

May-akda: Mars Ravelo

B. Buod
Tiny Tony
Ni: Mars Ravelo

Si Tony ay isang syentista na nagtatrabaho kasama si Dr. Morgan Peralta, ang ama ng
kanyang fiancee na si Michelle, sa paggawa ng isang serum na nakapagpapaliit ng mga bagay.
Habang nasa laboratoryo kasama si Dr. Peralta, may mga dumating na kawatan.
Nadakip nila si Dr. Peralta at dinala ito sa kanilang taguan. Lingid sa kaalaman ni Tony, ang
suwail na ampon ni Dr. Peralta na si Joaquin ang may kagagawan nito.
Habang may suot-suot na maskara at gamit na voice changer, humarap si Joaquin sa
kanyang ama. Ipinaalam niya na kailangan niyang malaman ang formula upang makagawa ng
serum na itinatago nila ni Tony subalit mariing tumutol si Dr. Peralta. Idiniin nitong hindi niya
hahayaang gamitin sa kasamaan ang naturang serum.
Binantaan siya ni Joaquin na papatayin kapag hindi niya ibibigay ang gusto nito. Sinabi
naman ng doktor na handa siyang ibuwis ang sariling buhay para lamang masigurong ligtas ang
serum. Inis na inis si Joaquin sa isinagot ng matandang doktor.
Samantala, sa katarantahan, di-sinasadya’y nainom ni Tony ang serum. Bigla siyang lumiit
at napalitan ang kanyang damit. Nakaramdam siya ng ibayong lakas at talas ng pandinig, pag-iisip.
Gamit ang kanyang enhanced na pandinig, nahanap niya ang pinagtataguan ng mga
kriminal. Nakipaglaban siya sa mga ito hanggang sa kanya silang nagapi.
Nasiyahan naman si Dr. Morgan sa nasaksihan. Walang mapagsidlan ang kanyang
kasiyahan dahil napatunayan niyang posible pala ang kanyang pangarap na mapaliit ngunit mas
mapalakas ang tao.

C. Kahulugan ng Pamagat
Ang bida sa komiks na ito ay si Tony at siya ay lumiliit kapag nakainom ng serum na
inimbento nila ni Dr. Morgan kaya ito pinamagatang ‘Tiny Tony’.
D. Pagpapahalaga Ayon sa Nilalaman

Kalagayang Sosyal at Pangkabuhayan

Si Tony ay isang syentista na nagtatrabaho kasama si Dr. Morgan Peralta, ang

ama ng kanyang fiancee na si Michelle, sa paggawa ng isang serum na nakapagpapaliit
ng mga bagay. Ibig sabihin lamang nito’y nasa maayos at may kasaganahang kalagayan
ang mga tauhan sa komiks. Sa katunayan ay mga mga makabagong teknolohiyang
ginamit ang mga tauhan patunay na may kaya at maayos ang pagkabuhayan ng tauhan.

Kulturang Pilipino
Ipinakita sa kuwento na gaano man kaliit ang isang tao ay kaya nitong maging
malakas at magligtas ng mga nangangailangan ng tulong, isang bagay na tipikal na sa
mga Pilipino sapagkat tayo ay kilala sa pagiging matulungin sa kapwa lalong-lalo na sa
mga nangangailangan nito.

Pilosopiyang Pilipino

Ang pananaw kung saan ang pagkapilipno ay kilala sa pagiging matulunign ay

nagbibigay halaga sa tao bilang sentro ng daigdig, ang sukatan ng bagay at Panginoon ng
kanyang kapalaran.

Simbolismong Pilipino
Kung may taong nangangailangan ng tulong mo, ‘wag kang mag-atubiling
tulungan siya dahil nakasaad sa Bibliya na tulungan natin ang nangangailangan. ‘Yun
naman ay kung sa mabuting bagay niya gagamitin ang tulong mo. Simbolo lamang ito ng
pagiging totoo ng mga Pilipino sa pananampalataya sa ating Panginoon.
E. Teorya/Pananalig Pampanitikang Napapaloob sa Akda

Modernismo
Naipakita rin dito ang mga makabagong teknolohiya na maaaring magamit upang
makapagligtas ng kapwa ang isang tao sa pamamagitan lamang ng pag-inom nito. Ito ay ang
serum na imbensyon nina Dr. Morgan at Tony. Maaaring masabi ng iba na imposible ang
ganitong pangyayari subalit kung ating lilimiing mabuti, dahil sa pag-unlad ng ating teknolohiya
at modernisasyon, hindi malayong maging posible ang bagay na ito.

Humanismo
Sa komiks na ito ay ipinakita ang lakas ng isang tao. Ipinakita na gaano man kaliit ang
isang tao ay kaya nitong maging malakas at magligtas ng mga nangangailangan ng tulong, isang
bagay na tipikal na sa mga Pilipino sapagkat tayo ay kilala sa pagiging matulungin sa kapwa
lalong-lalo na sa mga nangangailangan nito. Ang pananaw rin nito ay nagbibigay halaga sa tao
bilang sentro ng daigdig, ang sukatan ng bagay at panginoon ng kanyang kapalaran.

Imahismo
Ang komiks na ito ay mayroong imahismo sapagkat ginamitan ng may-akda ng kanyang
sariling imahinasyon ang kanyang katha. Hinayaan niyang maihalo ito upang mas mapaganda at
mapatingkad ang kulay ng kanyang ginawa.

F. Teorya/Pananalig Pampanitikang Napapaloob sa Akda

Kalagayang Panlipunan/Pambansa

Masasalamin sa kuwentong ito ang realidad ng mga naninirahan sa isang

lipunan kung saan ang mga tao ay nagtutulungan kung sino man ang nangangailangan.
Makikita ring minsan ang mga taong iyong natulungan ang siya pang mananakit sa iyo
pagdating ng araw, kung kaya may sa isang lipunan ay may mga hindi pagkakaunawaan
at may gulo rin minsan. Ang maganda lamang diyan na mananaig pa rin ang kabutihan at
katiwasayan sa huli.

Kalagayang Pangkabuhayan

Sa kuwento makikita ang pagsusumikap ng mga siyentistang tauhan upang

makamit ang mga bagay na nais nilang magawa, na may dalawang pakay naman ang isa
ay sa kabutihan at isa naman ay para sa kasamaan.
 Kalagayang Pansarili

Naisip ko na sa mundo, kahit pala ‘yung mga taong pinagkakatiwalaan mo ay pwede

kang saktan. Gaano mo man sila pinapahalagahan, darating at darating sa puntong sasaktan ka
nila. ‘Yun bang mga taong hindi marunong makonsensya, mga taong walang alam kundi
manakit ng kanilang kapwa dahil sa inggit. Katulad na lamang ni Joaquin na porket hindi
anak ni Dr. Morgan ay nagawa niyang ipadakip ito’t muntikan na niyang ipapatay. Mabuti na
lamang at dumating si Tiny Tony upang iligtas ito. Nakakalungkot isiping kasamaan ang
isinukli ni Joaquin sa tumayong tatay niya. Imbes na maganda ang kanyang pakitungo ay
tinangka pa niyang patayin ang matanda para lamang maisakatuparan ang kanyang sariling
ambisyon na malaman ang pormula sa paggawa ng serum nang sa gayon ay malipol niya ang
sangkatauhan.

Magaling! Natapos na ang modyul

4 kaya aasahan kong masasagutan
mo ang mga gawain.