Professional Documents
Culture Documents
Basahin mo at unawain ang isang anekdota at iyong suriin ang mga pangyayari sa binasa na may
kaugnayan sa pagdedesisyon.
Akasya o Kalabasa
Consolation P. Conde
Hindi maikakaila na kung malaki ang puhunan ay maaaring tumubo rin iyon nang malaki kaysa maliit ang
naturan. Gayundin ang paghahanda at pagpupunyagi ng tao na pinamumuhunanan ng puu-puung taong
pag-aaral at pagpapakasakit. Karaniwan nang sa may mataas na pinag-aralan ay maamo ang kapalaran. At
ito’y maitutulad din nga sa paghahalaman.
Pasukan na naman. Nagbukas na ang mga pamantasan at matataas na paaralan sa Maynila.
Samantala, sa nayon ng Kamias, hindi kalayuan sa lungsod…
Maagang nagbangon nang umagang yaon si Aling Irene at inihanda kapagkaraka ang mga
pangangailangan ng kabutong anak na si Iloy. Si Mang Simon naman ay hindi muna nagtungo sa linang
upang samahan sa pagluwas ang anak na pag-aaralain sa Maynila.
Awa naman ng Diyos ay maluwalhating nakarating sa lungsod ang mag-ama. Isang balitang paaralang
sarili ang kanilang tinungo agad. Dinatnan nila ang tagatala na abalang-abala sa pagtanggap ng di-
kakaunting mga batang nagsisipagprisinta.
Nagpalinga-linga si Mang Simon. Nang makita ang babalang nakasabit sa may pintuan ng Tanggapan
ng Punung-guro ay kinawit sa bisig si Iloy. “Halika at makikipag-usap muna ako sa punung-guro.”
“Magandang umaga po sa kanila,” panabay na bating galang ng mag-ama
“Magandang umaga po naman,” tugon ng punung-guro na agad namang nagtindig sa pagkakaupo at
nag-alok ng upuan. “Ano po ang maipaglilingkod ko sa kanila?”
“E, ibig ko po sanang ipasok ang aking anak dito sa inyong paaralan.”
“A, opo. Sa ano po namang baitang?” usisa ng punung-guro.
“Katatapos pa po lamang niya ng elementarya sa aming nayon noong nakaraang Marso,” paliwanag ni
Mang Simon.
“Kung gayon po’y sa unang taon ng haiskul, ano po?”
“Ngunit… ibig ko po sanag malaman kung maaaring ang kunin na lamang niya ay isang maikli-ikling
kurso ukol sa isang tanging karunungan upang siya’y makatapos agad, maaari po ba?”
“Aba, opo,” maaga pa na tugon ng punong-guro. “Maaaring ang lalong pinakamaikling kurso ang
kaniyang kunin. Iyan ay batay sa kung ano ang gusto ninyong kalabasan niya. Kung ang nais ninyo ay
magpatubo ng isang mayabong na punong akasya, gugugol kayo ng puu-puung taon, subalit ang
kakailanganin ninyo ay ilang buwan lamang upang makapaghalaman kayo ng isang kalabasa.”
Dili di natubigan si Mang Simon sa huling pangungusap ng punong-guro. Gayundin si Iloy. Pagkuwan
ay nagbulungan ang mag-ama.
At… umuwi nang nag-iisa si Mang Simon. Habang naglalakbay na patungong lalawigan ay tatambis-
tambis sa sarili: “A, mabuti na nga ang kunin niyang buo ang kurso sa haiskul at saka na siya kumarera.
Higit na magiging mayabong ang kaniyang kinabukasan.”
- Mula sa Diwang Kayumanggi. 1970
Gawain sa Pagkatuto Blg. 1
Sagutan ang mga tanong:
1. Sino- sino ang mga pangunahing tauhan sa kuwento?
2. Saan patungo sina Mang Simon at anak niyang si Iloy?
3. Anong kurso ang nais ni Mang Simon para kay Iloy?
4. Naging makabuluhan ba ang ginawang representasyon ng punongguro para
maipaliwanag kay Mang Simon ang pagpili ng tamang kurso para sa kaniyang anak?
Bakit? Ipaliwanag.
Basahin ang isa pang halimbawa ng anekdota. Pagkatapos, isagawa ang mga Gawain sa pagkatuto na
nasa ibaba.
Mula sa mga Anekdota ni Saadi
Persiya ( Iran) ni Idries Shah
Isinalin sa Fuilipino ni Roderic P .Urgelles
LINGGO 2
A. Panitikan : Mitolohiya ( Maaaring Lumipad ang mga Tao)
B. Gramatika at Retorika : Mga Pamantayan sa Pagsasaling -Wika
C. Uri ng teksto: Naglalahad
Ang aralin sa linggong ito ay isang mitolohiya mula Africa. Alam mo ba na…
ang kontinente ng Africa ang pangalawa sa pinakamalaking kontinente, sunod sa Asya. Ito
ay pangalawa din sa may pinakamaraming populasyon sa lahat ng kontinente, at may
pinakamaraming bansa.
Ang kontinente na ito ay matatagpuan sa ibaba ng Europa at timog-kanlurang bahagi naman ng Asya. Ang
lupain ng kontinente ng Africa ay mag tinatayang sukat na 30.3 million km².
Mahahalagang Imporasyon tungkol sa Africa
• Ang Sahara desert ang pinakamalaking disyerto sa buong mundo at mas malaki pa sa bansa na Estados
Unidos.
• Ang Africa ang pinaka mainit na kontinente sa buong mundo, na may 60 porsyento na disyerto at tuyong
lupain, tulad ng Kalahari, Sahara and Namibia.
Ngayon naman ay basahin mo ang isang mitolohiya na nagmula sa bansang Nigeria.
3
There was a great outcryin. The bent backs straighted up, old, and young who were called slaves
and could fly joined hands. Say like they would ring- sing but they didn’t shuffle in a circle.
LINGGO 3
A. Panitikan : Hele ng Ina sa Kaniyang Panganay ( Tula mula sa Uganda
Isinalin sa Filipino ni Mary Grace A. Tabora mula sa
Salin sa Ingles ni Jack H. Driberg ng
A Song of a Mother To Her Firstborn
B. Gramatika at Retorika : Mga Ekspresyon sa pagpapahayag ng Layon
Damdamin
C. Uri ng Teksto ; Nagsasalaysay
` Sa lumipas na dantaon, ang kababaihan ng Africa ay lumikha ng mga tula na kanilang onaawit. Hitik
ito sa matatamis at magigiliw na pananalita at oyaying inuulit – ulit upang ipahayag ang pagmamamahal ng
ina sa nagsisilbi ring pang- alaiw at pampaamo sa anak. Ito’y isang kaugalian ng tribong lango o Didinga ng
Uganda na naniniwalang ang kanilang mga supling aty tila imortalidad ng kanilang magulang.
Sa linggong ito, inaasahang maipamamalas mo ang pag- unawa at pagpapahalaga sa tulang Hele
ng Ina sa Kaniyang Panganay . kaya naman ipakikita sa tulang tatalakayin ang maingat na pagpili ng ina
sa pangalan ng anak, mga pangarap ng ina para sa kaniyang anak, panghuhula ng ina sa magandang
kinabukasan ng anak at ang positibong pagbabagong hatid nila sa kanilang magulang.
Basahin at unawain ang akda upang iyong matuklasan at makita ang kultura ng bansang Uganda na
pinagmulan nito.
Hele ng Ina sa Kaniyang Panganay
A Song of a Mother to Her Firstborn salin sa Ingles ni Jack H. Driberg
Isinalin sa Filipino ni Mary Grace A. Tabora
Mababatid sa tulang ito ang magkakaibang damdamni ng isang ina, kasabay ng walang kapantay
niyang kaligayahan, sa pagsilang ng kaniyang unang anak.
Ayon sa ina, nais niyang makita ang anak sa kaniyang paglaki na maging isang mandirigma upang
matuwa ang ama nito.
Ang anak niya raw ay magiging isang mahusay na pinuno sa hinaharap. Ngunit kahit ano pa raw
ang marating nito ay hindi pa rin niya malilimot ang mga panahong musmos pa ito.
Iniisip din ng ina ang magiging buhay ng kaniyang anak sa hinaharap. Kung ano ang magiging
pagtanggap ng mundo sa mga katangian nito na hindi pa niya batid sa kasalukuyan. Ayaw niya raw na
mayroong masamang masasabi sa anak.
Kaligayahan ng isang ina na magsilang ng anak. Ngunit inilahad sa tula na yumao na pala ang
asawa ng ina na tumutula sa kaniyang panganay.
Sabi nitong ina sa kaniyang anak, katulad ng pagmamahal na ibinigay ng kaniyang asawa noong
nabubuhay pa, ganitong pagmamahal din ang ibibigay niya sa kaniyang anak. Sinabi rin nito na hindi nila
malilimot ang ama at habambuhay na gugunitain ito kahit nahihimlay na.
Alam mo ba na…
iba’t ibang ekspresiyon ang maaaring gamitin sa pagpapahayag ng layon o
damdamin?
1. Ginagamit ang mga initiman sa kasunod na mga pangungusap sa pagpapayo at/o pagmumungkahi.
• Kung ako ikaw, mas pipiliin ko ang magpahinga muna.
• Ano kaya kung pumanig ka na sa amin?
• Mas makatutulong sa iyo ang masusing pag-aaral.
• Siguro makabubuting ibahin mo ang iyong panimula.
• Higit na mabuting ito ang unahin mo.
4
• Inaakala kong mas makabubuti kung hindi susunugin ang mga hindi natutunaw na basura.
2. Ang mga initiman sa sumusunod na pangungusap ay ginagamit sa pag-aanyaya o pag-iimbita/
panghihikayat.
• Halika, tingnan mo ito’t napakarikit.
• Gusto mong sumang-ayon sa aking pinaniniwalaan?
• Puwede ka ba bukas sa ating pagpaplano?
• Inaanyayahan kitang pakatimbangin ang mga bagay-bagay.
3. Ang mga salita/pariralang initiman sa kasunod na mga pangungusap ay ginagamit sa pagbababala na
maaaring may kasamang pananakot (mahalaga ang intonasyon sa pahayag) at/o pag-aalala (may
kasamang inilalarawang sitwasyon).
Babalang may kasamang pananakot
• Huwag kang sinungaling; kung hindi lagot ka sa akin!
• Kung hindi ka titigil, pupulutin ka sa kangkungan!
Babalang may kasamang pag-aalala
• Hinay-hinay sa inyong pagsasalita, mag-ingat kayo.
• Mapanganib iyan, kaya tingnan ang tinatahak.
4. Ginagamit ang mga initiman sa sumusunod na pangungusap sa panunumpa at/o pangangako.
• Pangako, hindi kita iiwan.
• Sumpa man, ang iyong paniniwala ay isang malaking pagkakamali.
• Itaga mo sa bato, ang aking winika ang katotohanan.
• Hindi ako nagsisinungaling, tamaan man ako ng kidlat.
5. Ginagamit ang mga initiman sa sumusunod na pangungusap sa pagsangayon at pagsalungat .
• Tama, mahusay ang mga patakarang kaniyang ipinatupad.
• Ganyan din ang aking palagay, iyan ang solusyon sa suliraning ating kinaharap.
• Mali ang iyong ipinagdidiinang panukala.
• Walang pakinabang na maidudulot iyan.
LINGGO 4
A. Panitikan : Nelson Mandela : Bayani ng Africa
(Talumpati mula sa South Africa) Isinalin sa Filipino ni Roselyn T. Salum
Paglisan ( Buod) Nobela mula sa Nigeria ni Chinua Achebe
Isinalin sa Filipino ni Julieta U. Rivera
B. Uri ng Teksto: Naglalahad
Ang unang aralin para sa linggong ito ay nakatuon sa isang sanaysay, particular ang isang talumpati
na binigkas ni G. Nelson Mandela sa kaniyang inagurasyon o pasinaya bilang pangulo ng Africa. Nilalayon
ng talumpating ito na gisingin ang damdamin ng mga taga- Africa sa pagsulong ng kapayapaan,
katarungan at kalayaan.
Alam mo ba na…
ang sanaysay ay isang sulating gawain na kung saan ito’y kadalasang naglalaman ng mga pananaw, kuro-
kuro, o opinyon ng isang awtor o akda. Maipapahayag ng may akda ang kanyang damdamin sa mga
mambabasa, Ito rin ay isang uri ng pakikipag-komunikasyon na ang ukol nito ay maipabatid ang inyong
saloobin sa isang paksa o isyu. Ang Ingles na salin nito ay essay.
5
tinatawag na diskriminasyon sa knilang bansa, ang ibig sabihin ay pantay- pantay na kalayaan ng bawat
isang mamamayan ng Timog Africa, itim man o Puti ang kulay ng balat nila.
Pinasalamatan niya ang mga tao, organisasyon, at bansa na naging instrumento sa pagkamit nila ng
minimithing kalayaan. Sinabi rin niya na ang espiritwal at pisikal na pagkakaisa ay nagbigay liwanag sa dilim
dulot ng rasismo.
Ang mga mamamayan kasi ng Timog Africa ay pinagkaitan ng pansariling kalayaan na nakakulong
ang mga ito sa rehas ng diskriminasyon at limitasyon sa kanilang bansa. Kaya naman masasabing ito ay
isang malaking tagumpay ang nakamit nila.
Sinabi rin niyang ang panahon upang gamutin ang mga sugat ng nakaraan at tapusin ang
paghihirap ay dumating na. Sa huli, hiniling niya ang patuloy na pagkakaisa para sa ikauunlad ng bansa.
Ang Ibig sabihin niya dito ay panahon na para sila na ang mamamayan ng Timog Afric o tao dun ay tumayo
na sa sarili nilang mga paa upang sila ay bumuo ng kanilang panibagong bayan na kung saan ay malaya
silang lahat sa kumpleto, makatarungan, at panghabambuhay na kapayapaan. Kapayapaan na kung saan
ito ay maihahalintulad natin sa malayang paglalakad sa mga daan na walang takot sa bawat puso nila,
karapatan na kung saan sa pagkakaroon ng dignidad – isang bansang may kapayapaang maituturing
pansarili at pambansa.
- Mula sa http://www.anc.org.za/show.php?id=3132
Pagkatapos mong pag-aralan ang isang sanaysay, isa pang genre ng panitikan ang iyong pag –aaralan
ang nobela.
Alam mo ba na…
ang nobela ay isang mahabang kathang pampanitikan? Naglalahad ito ng mga pangyayaring
pinaghahabi sa isang mahusay na pagbabalangkas na ang pinakapangunahing sangkap ay ang
pagkakalabas ng hangarin ng tauhan at ng hangarin ng katunggali sa kabila. Isang masining na
pagsasalaysay ng maraming pangyayaring magkasunod at magkakaugnay. Ang mga pangyayaring ito ay
may kaniya-kaniyang tungkuling ginagampanan sa pagbuo ng isang matibay at kawiliwiling balangkas na
siyang pinakabuod ng nobela.
Ang Nigeria ay isa sa mga bansa sa Africa na may malaking ambag sa panitikan. Sa kasalukuyan,
maraming akdang pampanitikang mula sa Nigeria ang nasusulat sa Ingles dahil na rin sa impluwensiya ng
mga bansa sa Kanluran.
Basahin ang buod ng nobela.
Paglisan
Nobela mula sa Nigeria ni Chinua Achebe
Isinalin sa Filipino ni Julieta U. Rivera
Si Okonkwo ay isang respetadong tao sa mga taong Igbo, ngunit namumuhay siya sa takot na
maging tulad ng kanyang tamad, duwag at kahiya-hiyang ama. Sa takot niya na maging katulad ng kanyang
ama, gumawa siya ng kanyang unang pinakamalaking kasalanan sa pamamagitan ng pagpatay sa kanyang
ampon na anak na si Ikemefuna. Di naglaon ay nakagawa si Okonkwo ng kanyang ikalawang malaking
kasalanan sa pamamagitan ng hindi sinasadyang pagpatay sa isang kanayon at dahil dito ay kinakailangan
na maabswelto siya sa pamamagitan ng paglalaan ng pitong taon sa kanyang inang-bayan dahil sa
pagpapatapon sa kanya. Sinunog ang mga natitirang hayop , kubo at mga naiwang pag- aari ni Okonkwo
tanda ng paglilinis sa buong pamayanan sa kasalanan nito.
Pagkatapos ng pitong taong pagpapatapon, bumalik siya sa Umuofia ngunit ang pagtanggap sa
kanya ay hindi kasing ganda ng inaasahan niya. Ito ay dahil dumating ang mga misyonero at binago ang
estilo ng pamumuhay ng Igbo. Naging mga kapatid laban sa mga kapatid at ang pagpapatupad ng mga
labag sa batas na pamahalaan at sistema ng hustisya ay lumaganap. Kalungkutan at pagkagalit ang
nararamdaman ni Okonkwo sa mga pagbabago na nakikita niya na gawa ng mga puting kalalakihan kaya
hinikayat niya ang mga pinuno ng Umuofia na magsagawa ng agresibong aksyon laban sa mga misyonero.
Si Okonkwo at iba pang mga lider ng komunidad ay sinunog ang simbahan ngunit sila din ay nabilanggo at
6
pinahiya ng mga puting kalalakihan at dahil dito ay naghangad si Okonkwo ng digmaan, ang pagpatay sa
isa sa mga puting opisyal ng gobyerno. Noong napagtanto niya na ang Umuofia ay hindi kailanman
maghihimagsik laban sa mga mang-aapi, siya ay nagpapatiwakal.
Binabati kita ! Matagumpay mong naunawaan ang mga aralin at natutuhan ang mga kasanayang
nakapaloob sa Modyul 3. Matapos nito, pagtutuunan moa ng walang- kamatayang nobelang El
Filibusterismo ni Dr. Jose P. Rizal.
Inihanda nina:
ERLINDA C. LARIEGO
Pinagtibay ni:
ELVIRA CONESE
Punongguro IV