Pangalan: Bai Shieka Camsa Baitang at Pangkat: 12- Evolution
METRO MANILA (2013)
Sa panunulat at Direksyon ni Sean Ellis
Sinopsis
Si Oscar Ramirez at ang kanyang asawa na si Mai ay pawang mga magsasaka na
nakatira sa probinsya ng Banaue. Sila ay may dalawang anak na sina Angel at Baby. Dahil sa kasalatan ay napagpasyahan nilang lumuwas ng probinsya at dumako ng Maynila upang maghanap ng hanapbuhay. Kung saan inaasahan nilang Maynila ang magdudulot ng kaginhawaan sakanilang maalat na buhay. Ngunit nang makatapak sa kanilang tinitingalang lugar ay naloko sila, dahil sa panlilinlang ng isang di kilalang lalake naubos ang kanilang natatanging perang dala. Dahil dito, sila ay nagpalaboy- laboy sa isang madilim, marumi, at mapanganib na kalsada habang patuloy na naghahanap ng trabaho at matutuluyan. Sa mabuting palad ay nakakita sila ng kanilang matutuluyan sa isang bakante na bahay sa Tondo. Subalit dahil sa kawalan ng pera at pagkain, ang mag asawa ay napilitang pumasok sa isang delikadong trabaho kung saan sinambit ni Mai “alam mo, minsan kailangan din nating kumapit sa patalim para mabuhay”.
Si Mai ay pumasok sa prostitusyon sa tulong ni Charlie sa isang nightclub sa Makati, at
dito nya nalaman na buntis pala siya sa ikatatlong anak nila ni Oscar. Samantalang si Oscar ay nakapasok bilang isang courier driver ng isang armoured van company, at dito nya nakilala si Ong na kasama niya sa trabaho. Si Ong ang tumulong kay Oscar upang makapasok sa trabaho at magkaroon ng mas maayos na matutuluyan ang kaniyang pamilya. Ngunit, di inaasahan ni Oscar na ang lahat ng tulong ni Ong ay may kapalit. Isinama siya ni Ong sa kanyang planong pagnanakaw o paggawa ng imprenta ng susi ng isang kahon ng pera at bina-blackmail nya ito nang di siya sumangayon, walang nagawa si Oscar kundi sumunod. Sa araw ng pagnanakaw ay nakaharap ni Ong ang kaniyang dating kalaban kung saan siya ay binaril at natamay. Dahil nasa bahay na ibinigay ni Ong ang kahon ng pera, ay naisip ni Oscar na isagawa parin ang planong pagimprenta ng susi nito kahit na alam niyang delikado ito. Sa kasamaang palad ay namatay si Oscar habang isinasagawa ang plano, ngunit dahil alam na ni Oscar ang mangyayari sa kanya ay pinaghandaan nya pala ito bago sya mamatay. Nagnakaw siya ng isang locket sa isang tindahan at linagyan ito ng putik, kung saan dito nya inimprenta ang susi ng kahon, dahil alam niyang maibabalik kay Mai ang kaniyang mga gamit. Pagkatapos ay sumulat siya ng isang sulat para kay Mai na naglalaman ng kanyang huling salita at tagubilin kung ano ang gagawin ni Mai kapag makuha na niya ang laman ng kahon. Nang makuha ni Mai ang replika ng susi ay lumuwas sila Mai, Angel, at Baby sa lungsod dala-dala ang limpak limpak na pera at umuwi sa probinsya upang lumayo at magpatuloy sa kanilang buhay.