YUUNIVARSIITII HARAMAAYAA

DAARIKTOOREETA SAGANTAA BARNOOTA DIGRII DURAAN

BOODAA

Sakatta’a Qabiyyee Baye-Bayee Godina Arsii Lixaa Aanaa Qoree

Abuura Qorannoo Sagantaa Barnoota Digirii Lammaffaa (MA)

Daalachaa Hajjii Badhaasootiin

Kolleejjii: Saayinsiiwwan Hawaasaafi Namummaa

Muummee: Afaan Oromoo, Ogumaafi Qunnamtii

Sagantaa: Barnoota Digrii Lammaffaa Afaan Oromoofi Oguma Barsiisuutiin

Gorsaa Ijoo: Jeeyilaan Amaan (PhD)

Gorsaa Gargaaraa: Imaanaa Bayyanaa (PhD)

Saadaasa 2018

Yuunivarsiitii Haramaayaa, Haramaayaa

 Baafata
Qabiyyee Fuula

BOQONNAA TOKKO...............................................................................................................................2
1. SEENSA..................................................................................................................................................2
1.1. Seenduubee Qorannichaa..................................................................................................................2
1.2. Ka’umsa Qorannichaa......................................................................................................................3
1.3. Kaayyoo Qorannichaa.....................................................................................................................5
1.3.1. Kaayyoo Gooroo........................................................................................................................5
1.3.2. Kaayyowwan Gooree.................................................................................................................5
1.4. Barbaachisummaa Qorannichaa........................................................................................................5
1.5. Daangaa Qorannichaa.......................................................................................................................6
BOQQONNAA LAMA...............................................................................................................................6
2. SAKKATTA’IINSA BARRUU FIROOMINAA....................................................................................6
2.1. Maalummaa Afoolaa........................................................................................................................6
2.2. Maalummaa Afwalaloo....................................................................................................................7
2.3. Maalummaa Weedduu......................................................................................................................8
2.4. GosootaWeedduu Cidhaa.................................................................................................................8
2.5. Maalummaa Faaruu Baye-Bayee ( Faaruu Mararoo)........................................................................8
2.6. Amaloota Faaruu Baye-Bayee........................................................................................................10
2.6.1. Hurrubummaa..........................................................................................................................10
2.6.2. Luufummaa..............................................................................................................................10
2.6.3. Ummatummaa.........................................................................................................................11
2.6.4. Jijjiiramummaa........................................................................................................................11
2.6.5. Yoomessa................................................................................................................................12
2.6.6. Afaanummaa............................................................................................................................12
2.6.7. Jamaa Qabaachuu....................................................................................................................12
2.7. Faayidaa Faaruu Baye-Bayee.........................................................................................................12
2. 8. Gosoota Faaruu Baye-Bayee..........................................................................................................13
2.9. Sakatta’a, Barruuwwan Walfakkii......................................................................................................13
BOQQONNAA SADI...............................................................................................................................16

i
3. XIINMALA QORANNICHAA............................................................................................................16
3.1. Ibsa Haala Naannoo Qorannichaa..................................................................................................16
3.2. Saxaxa Qorannichaa.......................................................................................................................17
3.3. Madda Ragaa Qorannichaa............................................................................................................18
3.4. Iddattoofi Iddatteessuu....................................................................................................................18
3.5. Meeshaalee Funaansa Ragaalee......................................................................................................19
3.5.1. Afgaaffii..................................................................................................................................19
3.5.2. Marii Garee..............................................................................................................................20
3.5.3. Hubdaawwannaa......................................................................................................................20
3.5.4. Sakatta’a Harshammee............................................................................................................21
3.6. Mala Qaaccessa Ragaalee...............................................................................................................21
3.7. Naamusa Qorannichaa....................................................................................................................22
4. SAGANTAA KAROORA QORANNICHAA......................................................................................23
5. KAROORA BAAJATA QORANNICHAA.........................................................................................24
6. WABIILEE............................................................................................................................................26
7. DABALEEWWAN...............................................................................................................................29
DABALEE -A...........................................................................................................................................29
DABALEE - B..........................................................................................................................................31
DABALEE- C...........................................................................................................................................32

ii
 2

BOQONNAA TOKKO

1. SEENSA
1.1. Seenduubee Qorannichaa
Uummanni kamuu yookiin kamiyyuu dur irraa eegalee wantoota bu’uuraa eenyummaa isaa ittiin
calaqqisiisu kan dhalootaa dhalootaatti dabarsaa dhufe ni qaba. Kun immoo beekumsa hawaasni
daangaa tokko keessa jiraatu waliin gabbifateefi muxannoon waliin qaban jiraachuu agarsiisa.
Uummanni Oromoos aadaa, duudhaa, safuu, seenaafi hambaalee heddu kan baay’ee nama
ajaa’ibsiisaniifi nama dinqisiisan kan mataa isaa qaba. Aadaalee kanneenis, wantoota ittiin
ibsatan kan saba biroo irraa adda isaan taasisu kan dhuunfaa isaanii qabu. Isaan kanneen keessaa
kan uummanni Oromo eenyummaa ofii ittin ibsatu ogafaaniidha. Ogafaan damee afoola keessaa
tokko ta’ee karaa afaaniitiin jiruu fi jireenya, fedhiifi hawwii, gaddaafi gammachuu, gadadoofi
qananii akkasumas, fuudhaa fi heeruma, ummata Oromoo dhalootaa dhalootatti kan
dabarsuudha.

Yaada kanaan walqabatee hayyuun Duundes yemmuu ibsu, (1990;5) Afoolli haala hiika afaan
ingiliiziitiin yemmuu ilaallamu iddoo gurguddaa lamatti qoodama jedhama. "Those are oral
literature and folklore or orally and which is not strictly orally". Kana jechuun fookiloriifi
Ogafaan kan afaaniin darbu akkasumas yeroo hunda kan afaan qofaan hin darbine ta’uu lafa
kaa’a.

Akka Wasanee Bashaa (1990) ibsetti “Ogafaan qabeenya hawaasaati” jechuun ibsa. Akka
Geetachoo Rabbirraa (2001) ibsetti “Ogafaan yaada ummataa barreeffama mataa isaa hin
qabneefi aadaa, duudhaa,seenaa,eenyummaa, falaasama fi barsiifata isaa karaa ittiin
dabarsuudha". Itti aansuunis hayyuun Okpawo, (1992; 13) irratti yemmuu ibsu “Oral literature
new that commonly used term for subject" jechuudhaan lafa kaa’a. Kunis kan ibsu immoo
yaadrimee jechoota miidhagoo humna qaban kan sammuufi onnee namaa hawatan kan of
keessatti hammatan ta’uu isaanii ibsa.

Gama birootiin hayyoon,gubbatti ibsaman kunniin wantoota yookiin gareewwan xixiqqoo

ogafaanii yemmuu ibsan,
 3

“Oral literature is generally term that includes folk songs, legends, tales, proverbs, blessing etc.
In short oral literature is refers to the traditional oral composition created or recreated by
individual insertion” jedhu.

Akka yaada armaan olii kanatti ogafaan sirba, durdurii, uruursa daa’immanii, sheekoo,
mammaaksa, eebbaafi kkf of jalatti hammata. Akkasumas kan uumamuun sammuu nama
dhunfaatiin waan jedhu of keessaa qaba.

1.2. Ka’umsa Qorannichaa

Sirni fuudhaafi heerumaa akaakuuwwan afoolaa kan afaaniin dhalootaa dhalootatti darbaa
turaniifi ammas darbaa jiran hedduu of keessaa qaba. Yaada armaan olii kana ilaalchisuun
hayyuun Daaniyaan (2006;82) akkas jedha“Akka aadaa waaqeffannatti gaa’ela jechuun
fuudhaafi heeruma ilma ga’eefi intala geette giddutti kan gaggeeffamuudha.”

Akka Tafariin(1998;157) ibsetti "Afoolli hojii kalaqa sammuu ummataati. Firii sammuu namaa
kan dandeettii kalaqa sammuu ummataati” jedha. Ummanni tokko uumaafi uumama isaa
ogummaa, muxannoo, beekumsa hawaasa keessa jiru, sochii miiiraafi sammuu isaatiin
hubachuuf xinxalluu irratti xiyyeeffata. Gammachuu, gadda, rakkoo, badhaadhina, yookiin
naannoo jireenya hawaasaa bifa adda addaatiin ibsuudha. Kanaafuu, afoolli hojii jireenya
hawaasaa midhaaginnaan walitti qindeessee afaanin dhalootaa dhalootatti kan dabarsuudha.

Afoola kanneen keessa faaruun baye-bayee isa tokkoodha. Faaruun baye-bayeen raawwiilee
fuudhaafi heerumaa keessatti bu’uura walitti dhufeenya hawaasummaa kanneen akka jaalala,
jibbaa, gadda, gammachuufi kkf kan ittiin ibsataniidha.

Baye bayeen kunis hawaasa keessatti gahee guddaa kan qabuu yemmuu ta’u, tajaajilli isaas yoo
ibsamu, shamarran yeroo heeruman ilaalcha isaan keessa jiru kanneen akka jaalalaa, jibbaa,
gaddaa, gammachuu, maraaroo yookiin garanyaattoo hiriyummaa kan ittiin ibsataniidha.

Aadaan Oromoo erga hawaasni Oromoo lafa tana irratti uumamee as qorannoon bal’aan irratti
gaggeeffamee wanti barreeffamaan ol kaa’ame muraasa. Yeroo ammaa ammayyummaa wajjiin
walqabatee faruun baye-bayee dubartoota Oromoo biratti dagatamaa kan dhufeedha. Faaruun
baye-bayee kun dagatamaa dhufuu isaa kan agarsiisu shamarraniifi dubartoonni kanneen
naannoo qorannoon kun itti adeemsifamuu kan duri guyyaa gaa’ela isaanii faaruu baye-bayee
faarsuun ergaa adda addaa dabarfatan yeroo ammaa sirboota aadaa isaanii hin calaqqisiifne
sirbuun aadaa isaanii dagatanii jiru. Kun immoo rakkina mataa isaa qaba. Rakkoon kun
 4

qorannoof nama kakaasa. Akkasumas aadaa hawaasa keessa jiran gara barreeffamaatti fiduun
olkaa’uun bu’uura qorannoo kanaati.

Walumaagalatti, ka’umsi qorannoo kanaa raawwilee fuudha fi heerumaa sirna gaa’ela naqataa
keessatti barbaachisummaan baye-bayee maal akka ta’ee, qabiyyee akkamii of keessaa akka
qabu, eenyuun akka raawwatamu, yeroo akkamii akka raawwatamu, haala akkamiitiin akka
raawwatamu, faayidaa baye-bayeen qabuufi ergaa akkamii akka dabarsan gadi fageenyaan
sakatta’uun ifa gochuudha. Sababni isaas gosa afoola kanaa yeroo baay’ee dubartoonni umriin
turaniifi kanneen aadaa isaanii sirrii agarsiisuu fedhii qaban qofti sirna fuudhaafi heerumaa irratti
kan faarsan ta’uu waan argaa tureefi.

Qorannoo kun kan irratti xiyyeeffatu bulchiinsa mootummaa naannoo Oromiyaatti hambaa saba
Oromoo bal’aa kan ta’e keessaa tokko Oromoo Arsii irratti. Godina Arsii Lixaa keessa aanaalee
jiran keessaa Aanaan Qoree tokko yemmuu ta’u, ummanni aanaa kanaa aadaa bal’aafi baay’ee
miidhagaa kan qabu yeemmuu ta’u, xiyyeeffannoon qorannoo kanaas Sakatta’a Qabiyyee Baye-
Bayee intalti heerumtuufi hiriyoonni ishii gurbaafi warra gurbaa fuudhuu, abbaafi haadha,
firoottanniifi hiriyyoottan ishii itti faarsituu akkasumas komii qabdu itti ibsattu; haala Oromoo
Arsii Godina Arsii Lixaa Aanaa Qoree irratti xiyyeeffata.

Haala qabatama yeroo ammaa keessa jirru yoo ilaallu babal’achuu sirboota ammayyaan
walqabatee itti fayyadamni faaruu baye-bayee dagatamaa dhufus ummanni aanaa kanaa yeroo
ammaa kana bifa adda addaatiin dhimma kan itti bahu ni mul’ata.

Godina kanattis sababa babal’achuu sirboota ammayyaa irraa kan ka’e faaruun baye-bayee kun
aanaa kana keessaa dhabamaa yookiin badaa jira. Kanarraa ka’uudhaan qorataan gaaffilee
qorannoo kanaan deebii argachuu qaban jedhu murteessee jira. Qorataan gaaffilee qorannoo
kanaa gaditti deebii argachuu qaban jechuun murteessee kannen armaan gadiiti.

Isaanis:

1) Faaruun baye-bayee qabiyyeewwan akkamii of- keessaa qaba?

2) Qabiyyeewwan faaruu Barbaachisummaan baye-bayee maalii maali ibsu?
3) Qabiyyeewwan Ffaaruun baye-bayee haalota hawaasummaa maail maali irratti
xiyyeeffata ? eenyuun raawwatama?
4) Faaruun Baye-bayeen yeroo ammaa haalota akkamiirra ijira? akkamitti raawwatama?
 5

5) Baye-bayeen faayidaa akkamii qaba?

6) Faaruun baye-bayee ergaa akkamii dabarsuuf nama gargaara?

1.3. Kaayyoo Qorannichaa

Kaayyooleen qorannoo iddoo gurguddoo lamtti qoodamu. Isaanis: Kaayyoo gooroofi kaayyoolee
gooreedha.

1.3.1. Kaayyoo Gooroo

Kaayyoo gooroon qorannoo kanaa sakatta’iinsa qabiyyee baye-bayee Godina Arsii Lixaa Aanaa
Qoree maal akka fakkaatu ibsuudha.

1.3.2. Kaayyowwan Gooree

Kaayyowwan gooreen qorannoo kanaa:-

 Qabiyyeewwan faaruu baye-bayee maal akka ta’an sakatta’uun ibsuu.

 Faaruun baye bayee yoomessa akkamii keessatti akka dhiyaatu ibsuu.
 Haala faaruun baye bayee itti raawwatamu ibsuu.
 Faaruun baye bayee eenyuun akka raawwatamu ibsuu.
 Barbaachisummaan faaruu baye bayee ibsuu.
 Faayidaa baye-bayeen dhimmoota hawaasummaa keessatti qabu maal akka ta’e ibsuu.

1.4. Barbaachisummaa Qorannichaa

Qorannoon tokko kan gaggeeffamuuf rakkoolee qabatamaa ta’anii multan hiikuuf yookiin
immoo wanta armaan dura bira hin ga’amne bira ga’uuf yaalii godhamuudha. Kana
malees,qorannoon tokko gaggeeffamee bu’aa buusuu qaba. Kana jechuun mata duree qorannoon
irratti adeemsifame irratti hundaa’uun bu’aa argamsiisuu qaba. Kanuma irraa ka’uun qorannoon
kunis qabiyyeewwan faaruu baye-bayee maal akka ta’an sakatta’uu, yoomessa faaruu baye-
bayee ibsuu,faayidaa faaruun baye-bayee dhimmoota hawaasummaa keessatti qabuufi
barbaachisummaa faaruu baye-bayee ni ibsa. Itti dabalees, sirnicha kanaan duraa bifa afaaniin
(oral)ture walitti qabuun gara barreeffamaatti jijjiiruun dhaloota dhufuuf akka taa’u gochuuf.
Karaa biraatiin immoo baye-bayeen hawaasa keessatti akka hin dagatamneef karaa banuu
danda’a. Sababni isaas afoolli armaan dura afaaniin ture sun gara barreeffamaatti deebi’uun
dhaloota dhufuuf darbuun isaa faayidaa olaanaa kan qabu waan ta’eefiidha.
Walumaa galatti barbaachisummaan qorannoo kanaa:-
 6

 Namoota dhimma kana irratti qorannoo gadi fageenyaa gaggeessuu barbaadaniif akka
wabiifi madda odeeffannootti ni tajaajila.
 Afoola kana galmeessuun ol kaa’uuf ni fayyada.
 Hawaasni Oromoo Godina Arsii Lixaa Aanaa Qoree haala baye-bayeen itti raawwatamu
adda baafachuun itti fayyadamu.
 Faaruun baye-bayee seenaafi duudhaan hawaasa Aanaa Qoree kunuunfamee yeroo
dheeraaf akka turu ni gargaara.
 Sirnicha kanaan duraa bifa afaaniin (oral) ture gara barreeffamaatti jijjiiruun madda
odeeffannoo Aanaa Qoree ta’ee ni tajaajila.
 Waajjirri aadaa fi turizimii akka ragaatti itti fayyadamuuf ni gargaara.

1.5. Daangaa Qorannichaa

Afoolli Oromoo bal’aadha. Dameewwan heddu kanneen akka durdurii, mammaksa, hibboo, geerarsa,
faaruu loonii, sirba ateetee, uruuruu daa’immanii, weedduu fuudhaafi heerumaafi kkf of jalatti hammata..
Dameewwan kanneen bakka tokkotti fidanii qorachuun ammoo yeroo gabaabaa keessattii waan
danda’amuu miti. Baasii xiqqaanis nama hin ga’u. Akkasumas dhimmi qorannoon kun irratti
gaggeeffamu dhimma xiyyeeffannoon guddaan kennamuufi qabu waan ta’eef, Oromoota Aanaalee
Godina Arsii Lixaa keessa jiran hundarratti osoo gaggeeffamee bu’aan argamu faayidaa olaanaa qaba
ture. Haa ta’uu malee, kana gochuuf yeroo dheeraa, baasii guddaa, meeshaalee baay’eefi humna namaa
guddaa waan gaafatuuf, qorannoon kun kan itti adeemsifamuuf karoorfame Aanaalee Godina Arsii Lixaa
keessatti argaman keessaa tokko kan taate Aanaa Qoree irratti daangeffamee yaada bu’uuraa sakatta’a
qabiyyee faaruu baye-bayee Godin Arsii Lixaa Aanaa Qoree kan ilaallatuudha. Mataduree kana jalattis
qabiyyeewwan faaruu baye-bayee maal maal akka ta’an, yoomessa akkamii keessatti akka raawwataman,
barbaachisummaa baye-bayeefi eenyuun akka raawwatamu kan itti sakatta’amuudha.

Walumaagalatti faaruun baye-bayee aanaa kana keessa jiru faayidaa akkamii akka qabu, eenyuun akka
raawwatamuufi yoomessa akkamii keessatti akka raawwatamu kan xiinxalamuudha.
 7

BOQQONNAA LAMA

2. SAKKATTA’IINSA BARRUU FIROOMINAA

Yaadiddama yookiin yaaxina (theoretical frameworks) qorannoo kee ittiin
ibsituutti osoo dhimma baate gaariidha.
2.1. Maalummaa Afoolaa
Afoolli hambaawwan afaanii afaanitti dhaloota tokko irraa gara dhaloota biraatti darbaa
tureedha. Afoolli kalaqaafi qorannoo dhaloota darbee kan ittiin hubannu daawwitii aadaati.
Goorges fi Jones,(1992;324) kallattii bu’aa afoolli tokko hawaasaaf qabuun yemmuu ibsan
“Thuorgh folkore people can educate or acculture each other, perpetuates, challenge or modify
a groups, social norms and values, inform other about the basis for nature of their culture, revel
or display their identity, traditionalist, knowledge or competence and entertain be entertained”

Thuorgh folkore people can educate or acculture each other,

perpetuates, challenge or modify a groups, social norms and values,
inform other about the basis for nature of their culture, revel or display
their identity, traditionalist, knowledge or competence and entertain be
entertained.
jedhama. Kunis afoolli hawaasa tokko keessatti kallattii hedduun akka waa gumaachu
mirkaneessa. Afoolaan gargaaramee hawaasni waa barsiisaa, duudhaa hawaasaa toora qabsiisa,
waa’ee eenyummaafi seenaa isaa addunyaa beeksifata.

Akka Tafariin (1998; 157) ibsetti, “Afoolli hojii kalaqa sammuu ummataati. Firii sammuu namaa
kan dandeettii kalaqa sammuu ilma namaa keessatti mul’atu” jedha. Ummanni tokko uumaafi
uumama naannoo isaa, ogummaa, muxannoo, beekkumsa hawaasa keessaa jiru, sochii miiraa fi
sammuu isaatiin hubachuufi xiinxalluu irratti xiyyeefata. Gammachuu, gadda, rakkoo,
badhaadhina yookiin misooma, dinqisiiffanna naannoofi hawaasaa kan bifa adda addaatiin ibsuu
dha.” jedha.

Bifuma walfakkatuun hayyoonni Gorges fi Jones fuula (170) irratti dabaluudhaan akkas jedhu “It
is the case that bin folkore implicit word views principle and thems are made explicit” Kunis
afoolli hawaasa tokkoof ergaa isaan dabarsuu barbaadan otoo homaa hin dhoksin akka ifa baasu
agarsiisa. Kana jechuun afoolli daawwitii hawaasni tokko ittiin of ilaalu akka ta’e ifa baasa.
 8

2.2. Maalummaa Afwalaloo

Afwalaloon bifa walaloon kan dhiyaatufi dhimmoota hawaasaa diinagdeen, hawaasummaan,
siyaasaan, akkasumas gama seenaatiin gumaacha guddaa kan taasisu damee afoolati.
Afwalaloon daawwitii beekumsaafi falaasamni hawaasa tokkoo keessatti mul’atuufi kan
dhaloota irraa dhalootatti darbu qabeenya uummataati. Akkasumas, eenyummaafi sadarkaa
qaroomina Saba tokkoo kan agarsiisuudha. Afwalaloon Oromoo kan sabni Oromoo gadda,
gammachuu, jibba, jaalala , gidiraa, haala siyaasaafi abbootii aangoo sirnoota darbaniifi keessa
jiran ittiin komachuuf, waan barri itti fide ittiin yaadachuufi barsiisuuf kan gargaarudha.
Afwalaloon Oromoo akkuma afoola Oromoo kanneen biroo dhalootarraa dhalootatti kan darbu
dubbii afaaniitiin yoo ta’u, yeroo daddarbus kan yeedalloo qabu yeedalloo isaa waliin, kan hin
qabnes akkuma jirutti kan darbudha. Keessattuu Afoola Oromoo kan adda godhu afwalaloon
isaa kan yeedalloo faana darbuu danda’an kanneen akka weedduu jaalalaa, weedduu cidhaa,
sirba ateeteefi kkf yoo ta’u, kan yeedalloon isaa ifatti bahee hin mul’anne immoo kanneen akka
oduu durii, hibboofi mammaaksa fa’i (Misgaanuu, 2011: 62).

Afwalaloon aadaa hawaasichaa bu’uureeffachuun hawaasa keessatti dhuunfaan yookiin immoo

gareen dhiyaachuu danda’a. Haala kanaan wantoota jireenya hawaasaa guyyuu keessatti
muudatan, wantoota uumamaan walqabatanii muudatan, falaasama hawaasichi qabu, beekumsa,
ilaalchafi kkf. afwalaloo bu’uureeffachuun dhalootaa dhalootatti darba. Afwalaloon yeroo irraa
bilisa ta’e immoo dhimma yeroo wajjiin kan walqabate osoo hin ta’in yeroo kamiyyuu
faarfatamuufi weeddifamuu kan danda’uu, kana jalatti afwalaloon hedduu beekaman
weedduuwwan garagaraatiini. Kunis, akka inni baraan hin daangeffamneefi daangaa darbee kan
deemu ta’uu isaa nu hubachiisa (Finnegan, 1976).

(Misgaanuu (, 2011: 59). Akka ibsetti“Gosoota ogafaan Oromoo keessaa kan afwalalummaa of
keessa qaban: geerarsa, weedduu jaalalaa, weedduu seenaa, weedduu siyaasaa, weedduu
asmaarii, weedduu cidhaa, weedduu ateeteefi weedduu dabooti.” jedha.

Walumaagalatti, uummanni Oromoo afwalaloo isaatti dhimma bahuun waan keessa isaatti
dhagahame yookiin keessa darbe dhageessifachuuf yookin aarii garaa isaa baafachuuf kan itti
gargaaramuudha. Akkuma yaada armaan oliirraa hubachuun danda’amutti faaruun (weedduun)
baye-bayees qaama afwalaloo keessaa isa tokko ta’uu isaati. Qorannoon kun garuu goorowwan
afoolaa keessaa afwalaloon kan dhiyaatu faaruu baye-bayee guyyaa fuudhaafi heerumaa irratti
ademmsifama.
 9

2.3. Maalummaa Weedduu

Weedduun walaloo gabaabaa yookiin tuuta jechootaa weeddifamaniifi ijaarsa barreeffamaa ifaafi
gabaabaa ta’een toora tooraan hiramuufi yeedalloo kan of keessaa qabuudha. Richard, (1992).
Kana malees, idiletti yoo ilaalle weedduun yaada adda addaa ibsuuf qooda hedduufi cabsata
sagaleetiin kan dhiyaatu ta’ee jaalala, komii, arrabsoo, mararoofi kkf kan ibsudha. Uummata
Oromoo kan seenaan isaa carraa barreeffamaa hin argatin tureef bu’aan weedduun buusu akka
salphaatti hin ilaalamu. Seenaa jechoota adda addaafi safuu keessatti dhimma itti baanu of
keessatti qabatee dhalootaa dhalootatti dabarsa. Guddina afaaniif hedduu gumaacha.(Wasanee,
1984:25).

Gammachuu,(2003: 8-9) yoo ibsu weedduun wantoota aadaa uummata tokkoo calaqqisiisan
keessaa isa tokkoodha. Innis, kan safara gabaabaa of keessatti hammatu ta’ee sirba gara garaa
sirbuuf gargaaruudha Oring, (1986).

2.4. Gosoota Weedduu Cidhaa

Gosoonni weedduu heddutu jiru. Oring, (1986) akka ibsutti weedduun ammayyaas ta’ee kan
aadaa qabiyyeefi ergaa isaanii irratti hundaa’uun weedduu jaalalaa, weedduu cidhaa, weedduu
loonii, weedduu amantiifi weedduu hojii fa’i. Qorannoon kunis, faaruu yookiin weedduu yeroo
cidhaa faarfataman keessaa qabiyyeewwan yookiin ergaa weedduu yookiin faaruu baye-bayee
guyyaa fudhaafi heerumaa intalti heerumtuufi hiriyyoonni ishii faarfatan irrati xiyyeeffata.

2.5. Maalummaa Faaruu Baye-Bayee ( Faaruu Mararoo)

Sabni Oromoo akkuma saboota biroo aadaa eenyummaa isaa ibsu kan of danda’e qaba. Kanneen
keessaa aadaa nyaataa, aadaa uffataa, aadaa walgargaarsaa, aadaa wal kabajuu fi aadaa fuudhaafi
heerumaa maqaa dhahuun ni danda’ama. Aadaa fuudhaa fi heerumaa kana keessatti sirna
naqatanii yookiin kadhatanii fuudhuun gaggeeffamuu irratti faaruun shamarraniin farfataman
heddu yoo ta’an, kanneen keessaa baye- bayeen isa tokkoodha.

Xiyyeeffannoon qorannoo kanaas sakatta’a qabiyyee baye-bayee yoo ta’eeyyuu faaruun

baye-bayee fuudhaafi heeruumaa yoomessa tokko keessatti waan hojirra oolaniif amma tokko
kaasuun barbaachisadha. Faaruun baye-bayee faaruuwwan guyyaa cidhaa mana warra intalaatti
faarfataman keessaa isa tokko yoo ta’u, kan faarfamus guyyaa cidhaa yeroo hamaamonni gurbaa
intala fuudhuuf dhufee kaasee hanga hamoommonni intala fudhatee deemutti kan
faarfatamuudha. Faaruu baye-bayee kan faarsaniis intala heerumtu, hiriyyoottan intala
heerumtuufi dubartoota ollaati. Walaloon faaruu baye-bayee haala nama mararuufi garaa nama
raasuu danda’uun seenaafi quuqaa garaa tuttuquudhaan dubartootaafi shamarraan yoo kaasanii
 10

faarsan intallii heerumtuufi haati intalaa imimmaan dhangalaasaafi facaasaa dhaggeeffatu.

Qabiyyeen walaloo baye-bayee fira warra intalaa jajjabeessuuf, waa’ee jireenya gaa’ela intala
heerumtuu gorsuurratti kan xiyyeeffateedha. (Shaawaayyeefi Fireehiwoot, 1999: 456).

Yaada kana deeggaruun baye-bayeen (mararoon) weedduu sirna gaa’ela naqataan gaggeeffamu
irratti shamarreen heerumtu hiriyoota ishii waliin ta’uun kan faarfatamu yookiin
weeddifamuudha.

Sirna fuudhaa fi heerumaa kana keessatti faaruun dubraa hedduudha. Isaanis: tirrii, obbee,
tartaariifi baye-bayeedha. Isaan kana keessaa faaruun baye-bayee sirna fuudhaafi heerumaa
irratti kan shamarraniin faarfaman keessaa tokkoo ta’ee, innis sirna fuudhaafi heeruma naqataa
irratti kan gaggeeffamuudha.

Yaada kana ilaalchisuun Nagariin Leencoo, [1995;47], Wirtuu Jildii 7 mata duree qorannoo isaa
Dubra Dubrummaa Faarsuu jedhu keessatti “Mararoon yookiin baye-bayeen weedduu sirna
gaa’ela naqataan gaggeeffamuu irratti shamarran weeddisan keessaa tokko ta’ee intala heerumtu,
hawwaniifi hiriyoota ishiitiin jedhamuudha.” Kunis kan agarsiisu faaruun baye-bayee shamarree
heerumtuu, hiriyootaafi firoottan ishiitiin kan faarfatamu ta’uu isaati..

Akkasumas wirtuu jildii 2, [1999;456] mararoo yemmuu ibsu “Mararoon seenaafi quuqaa garaa
tuttuquudhaan dubartoonni imimmaan isaanii dhangalaasuufi faffacaasuun gaggeeffatu” Kana
jechuun faaruun baye-bayee dubraa kan dubartoonni quuqaa isaanii ittiin yaadachuun gara
nyaattoo yookiin mararee maatii isaaniitti uumuun imimmaan dhangalaasaniidha.

Haaluma walfakkaatuun hayyuun Huseen Badhaasoo, [2000;135] “Boo’ichi durbaa kan gaafa
heerumtuu seera qaba. Gaafa cidhaa intalli heerumtu maal jettee bootte jedhanii gosaafi
hamoommonnillee caqasan. Boo’icha yoo jedhan kana dhuguma imimmaan haa buuftuu malee
qooqa/sagalee ol fudhattee akka garaa nama qirqirfachiisutti bootti. Yeroo kana warra isi’ii
faarsiti, geegawoo kadhatti, loon akka kennaniif feetu maqaa dhoofti, warra isi’ii kan du’e
yaadatti, kan jiruun nagattii jetti, warra kan fuudhuu, isuma mataasaa, aanaafi gosa isaa arrabaan
quuncifti, heerumuun, nyaapha dhaquun abaarsa uumaatiifi hiree jaallattuu ta’uu isi’ii
mararfataafi hirqinfataa bootti. Otuma jennuu booyichi isi’ii kun kan himamuun bifa
walalootiin.” Durbi heerumtu yeroo warra ishii irraa addaan baatu yookiin hiriyoota isheen
gargar baatu sammuun ishee waan baay’ee yaadee garaan ishee boora’a. Akka yaada hayyuu
kanaarraa hubachuun danda’amutti durbi heerumtu gaafa warra ishii irraa addaan baatu yookiin
 11

hiriyoota isheen gargar baatu kan boottu warra ishee kan jirutti nagaha dhaamuufi kan du’e
yaadachuuf qofa osoo hin taane qabeenya abbaa manaa isi’ii wajjin ittiin jiraattu abbaafi haadha
akkasumas firoottan isi’ii kadhachuu irrattis ni xiyyeefata. Kunis aadaa hawaasichaa wajjiin kan
walqabatu yoo ta’ellee durbi faaruu kana faarfattu kunniin garaan isaanii gammachuu of keessaa
hin qabaatu. Sababni isaas durbi mana nyaaphaa yookiin alagaa dhaquun akka abaarsa uumaatiifi
hiree jallattuu durbaa ta’uutti waan ilaalaniif kan xiinxallan ta’uu danda’a.” jechuun ibsa.

2.6. Amaloota Faaruu Baye-Bayee

Amalootni afoolli ittiin beekamu keessa muraasni: jijjiiramummaa, lufummaa, uummatummaa,
yoomessa, hurrubummaa, afaanummaafi hirmaannaa garee (jamaa) qabaachuu isaati.. Haaluma
kanaan faaruun baye-bayee akkuma gooroowwan ogafaan biroo amaloota armaan gadii qaba.

2.6.1. Hurrubummaa
Amaloota afoolaa keessaa hurrubummaan isa tokkoodha. Finnegan, (1970) hurrubummaan
amaloota afoolaa keessaa isa bu’uuraa ta’ee dhimma raawwii afoolichaa gadi fageenyaan
hubachuuf jechoota(sagaleen) wanta darbu caalaa akkaataa hirmaattoonni miira isaanii
sochoosaanii agarsiisan walfaana ilaalamuu qaba jetti. Kana malees, Jaarraafi Wasaneen
(2008:164) “Hurrubummaan amaloota afoolaa keessa isa bu’uuraafi afoolichatti kan lubbuu
horuudha jedhu”. Haaluma kanaan faaruun baye-bayees kan gareedhaan hurrubamu yemmuu
ta’u inni tokko yoo jedhu inni kaan jalaa qabuudhaan haala midhaaginna qabuun kan
jedhamuudha. Kanaafuu, amaloota hurrubbummaa ni agarsiisa.

2.6.2. Luufummaa
Lufummaan amala afoolaa keessaa isa tokko ta’ee, kunis, afoolli tokko haala kamiin dhalootaa
dhalootatti darbaa akka deemu irratti xiyyeeffata. Yaada kana ilaalchisuun Wasaneen (2008:
164) akkas jedha: “Haalli afoolli tokko dhalootarraa dhalootatti darbu lufummaa” jedhama.
Kunis, karaa lamaan dhalootatti darba. Isaanis:- karaa dubbii afaanii (jechaa)fi gochaan
tateewwaan dhalootarraa dhalootatti kan dabarsan miseensoota hawaasaati.” jedha. Haaluma
kanaan faaruun baye-bayee kunis afaaniin dhaloota darbe irraa isa dhufutti darbaa ture waan
ta’eef amala luufummaa qaba.

2.6.3. Ummatummaa
Afoolli qabeenya hawaasaati. Mudannoo fi muuxannoo hawaasaa keessaa kan maddeedha. J.W
fi W.B (2001;166) akka jedhanitti ogafaan akka kitaabaa abbaan barreesse hin beekkamu,
ummata sanaan waamama. Kanaaf ogafaan qabeenya ummataati jedhama. Afoolli akka
 12

ogbarruuwwan biroo kan abaluuti jechuun hin danda’amu. Kana jechuun itti waamaminni isaa
hawaasicha waan ta’eefidha. Finnegan, (1970) uummatummaa afoolaa akkanatti ibsiti, “Afoolli
qaama caasaa aadaati. Seera raawwiifi walmakaa matasaa qaba. Kun immoo argannoofi
xiinxalaaf kan isa saaxiluudha.” Jetti. Akkasumas Wasaneen (2008:168)ibsetti immoo
“Miidhagummaan haala afoolli sun itti faarfamu ilmaan namaa hawwachuu danda’uun
dhiyaachuu isa mul’isa” jedha.

Faaruun baye-bayee kunis amala ummatummaa kana agarsiisa. Sababni isaas qabeenya
hawaasaati. Ittiin yaamamni isaas kan hawaasaati. Kanaafuu qabeenya hawaasaa jedhamee waan
beekkamuuf amala ummatummaa ni qabaata.

2.6.4. Jijjiiramummaa
Jijjiiramummaan amala afoolaati. Kunis, waliigaltee hawaasaan yookiin dhiibbaan mul’achuu ni
danda’a. Akka Jaarraafi Wasaneen (2008:162,167) ibsanitti “Afoolli jijjiiramummaaf baay’ee
saaxilamaadha. Bu’uurri isaa hawaasni jijjiiramuu waan danda’uuf afooliifi hawaasni addaan
bahanii hin ilaalaman” jedhu. Haaluma wal fakkaatuun faaruun baye-bayee afaaniin dhalootaa
dhalootatti waan darbuuf amala kana ni calanqisiisa. Kana males hawaasni diinagdeen,
siyaasaan, amantaafi teeknooloojiin jijjiiramuu waan danda’uuf jechoota teeknooloojii faana
dhufan fayyadamuun waan jiruuf jijjiiramummaan ni mul’ata.

Birhaanuu, n (1999:12) akka ibsetti “The characteristics of oral literature is carried by memory
and delivered by word of mouth. The performance may introduce variation in wording, structure
or content” jedhu. Yaada kanarraa akka hubannutti amalootni afoolaa haala yaadannoo wantoota
darbaniin hawwatamee bifa jecha afaaniitiin dhiyaata. Haalli raawwii isaas garaagarummaa
sagaleessuu, caasaa yookiin qabiyyee isaatiin ibsama jedha.

2.6.5. Yoomessa
Qorannoon afoolaa haala hawaasummaa dhugaa afoolicha keessatti raawwatamuufi faayidaa inni
walitti dhufeenya hawaasummaaf qabu irratti xiyyeeffachuu qaba. (Ben Amos, 1982:20).
Yoomessi dhugaa qindeeffama afoola hedduu jiran hunda osoo ilaalamee, hundumtuu bakkaafi
yeroo itti raawwatamu kan mata isaa ni qaba. (Dorson, 1972).

2.6.6. Afaanummaa
Afoolli amalli isaa inni bu’uuraa afaanummaadha. Kunis, labataa gara labataatti kan daddarbu
dubbii afaaniin (Okopewho,1992). Akkasumas, amaloota walaloo afoolaa keessaa afaanummaan
 13

iddoo guddaa qaba. Sababni isaas, miira dhaggeeffattootaa ofitti harkisuuf humna cimaa waan
qabuufi (Bukeniya, 1994).

2.6.7. Jamaa Qabaachuu

Amala afoolaa keessaa inni tokko jamaa qabachuudha. Yaada kana ilaalchisuun, Wasaneen,
(2008:155) yoo ibsu, “Afoolli yeroo kamiyyuu garee barbaada, namoota walitti qabuu qaba.”
jedha.

Yaada kanarraa hubachuun akka danda’amutti afoolli gareen waan dalagamuuf jamaa kan
qabuudha. Kana malees, jalqabaa hamma xumuraatti gareedhaan walfaana weeddifamu.
(Finnegan, ( 1970).

2.7. Faayidaa Faaruu Baye-Bayee

Ogafaan jiruufi jireenya ilma namaa keessatti faayidaa heddu qaba. Ilmaan namaa barreeffamaan
fayyadamuu osoo hin eegalin dura afaanitti gargaaramuun fedhiifi yaada isaanii ibsachaa turan.
Kunis kan ibsu ogafaan faayidaa ol aanaa dhala namaatii kennaa turuu kan agarsiisuudha.
Faaruun baye-bayee akkuma ogafaan kamiiyyuu seenaa, aadaa, duudhaa, safuu, amantaa, fedhii,
gammachuufi gadda akkasumas haala jireenya hawaasa tokkoo akka waliigalaatti kan ibsuudha.
Gama birootiin Nagariin Leencoo, [1995; 78] wirtuu jildii 7, mata duree qorannoo isaa durba
durbummaan faarsuu jedhu keessatti faayidaa faaruu baye bayee dubraa yoo ibsu faaruun kun
aadaafi duudhaa saba Oromoo calaqisiisuu bira darbee gahee barsiisuu qabaata. Bakka faaruun
kun itti faarfamutti dhageefattoota kanneen akka dargaggessaa, shammarraniifi ijoolleen kana
yoo dhaga’an kabaja durbummaan qabdu baratu. Kana hubachuun immoo akka of eegattan isaan
gargaara.

Dabalataanis, intalli takka gaafa heerumtu faaruu kana jechuun mararoo yookiin garanyaattoo
maatii isheetti uumtee loon kadhatti. Kunis jireenya fuulduraafi bakka kennuu ishee agarsiisa.
Yaaduma kana deeggaruun kitaaba Yaayyaa, [6411;145] jedhu keessatti "Mararoon yookiin baye
-bayeen nagaha dhaamuuf gorsa of keessa qaba" jechuun deeggara. Yaadni isaa kunis faayidaan
baye-bayeen hawaasa keessatti qabu guyyaa raawwii sana nagaha dhaamachuufi gorsa dabarsuu
akka ta’e kan ibsuu dha. Kanaaf, faaruun baye-bayee dubra heerumtuu faayidaa ol aanaa qaba.

2. 8. Gosoota Faaruu Baye-Bayee

Gosoonni faaruu baye-bayee durbaa aadaa isaanii ibsuu bira darbanii eenyummaa saba isaanii
kan calaqqisiisan ta’uun isaa ifadha. Gosootni faaruu baye-bayee guyyaa cidhaa faarfataman
 14

hedduudha. Isaanis: Faaruu baye-bayee jaalala haadhaaf jedhamu, jaalala abbaaf jedhamu,jaalala
hiriyyaaf jedhamu,faaruu baye-bayee geegayoo kadhachuuf jedhamu, komii ibsachuuf
jedhamu,faaruu baye-bayee gurbaa fuudhu arrabsuuf jedhamu, faaruu baye-bayee jaalala gosa itti
heerumtuuf qabduuf jedhamufi faaruu baye-bayee durbummaa qabaachuu ishee ibsachuuf
farfatamuufi kkf.

2.9. Sakatta’a, Barruuwwan Walfakkii

Kutaa kana keessatti waraqaalee qorannoo kana waliin walitti dhufeenya qaban yookiin
walfakkaatan kan keessatti dhiyaataniidha. Kan inni tajaajilus, xiinxala walfakkeenyaafi
garaagarummaa qorannoo kana gidduu jiru adda baasuuf. Faaruun gosoota afoolaa keessaa tokko
haa ta’u malee xiyyeeffannoon itti kennamee qoratamaa hin turre. Rakkoon kun immo faaruu
baye-bayee irrattis ni mul’ata. Haata’u malee, qorannoowwan mataduree qorannoo kanaan
guutuumaan guututti walfakkaatanii hojjataman hanga ammaatti kan dhiyaatan tokko illee kan
hin argamne ta’u iyyuu, kan mata duree kanatti dhiyaatan ni argamu. Haaluma kanaan qorataan
qorannoo kanaa waraqaalee qorannoo garaagaraa kanaan dura hojjataman kan waraqaa qorannoo
kana waliin walitti dhufeenya qaban yookiin walitti dhiyaatu jedhamee yaadame sakatta’uudhaan
haala itti aanuun dhiyaatee jira.

Nagaash (2007) waraqaa ittiin guuttannaa digrii lammaffaa isaa keessatti mata duree xiinxala
afoolawwaniifi hiika fakkoommii sirna gaa’ela Naqataa Ummata Oromoo Wallaggaa Bahaa
Anaa Giddaa Kiramuurratti kan xiyyeeffateedha. Kaayyoon qorannoo isaa Gaa’eela keessatti
milkii gaariifi badaa addaan baasuu, waa’ee naqataa ibsuurratti, sirna fuudhaafi heerumaa ibsuu,
mallattoowwaan adda addaa hiika akkamii akka qaban, dhiibbaa naqatarratti mul’atu addaan
baasuufi faayidaa weedduuwwaan gaa’elaa jireenya gamataa keessatti qaban addaan baasuu yoo
ta’u, qorannoon kun immoo qabiyyeewwan faaruu baye-bayee maal akka ta’an sakatta’uu,
yoomessa faaruu baye-bayee ibsuu, faayidaa faaruun baye-bayee dhimmoota hawaasummaa
keessatti qabuufi barbaachisummaa faaruu baye-bayee ni sakatta’uun ibsuudha.

Walfakkeenyi qorannoowwan kanneen lamaanii faayidaa faaruun (Weedduun) gaa’elaa jireenya

gamtaa keessatti qaban addaan baasuurratti walitti hidhannaa kan qaban yemmuu ta’u. Kana
malees qorannoowwan kunneen lamaanuu damee fookloorii ummata Oromoo irratti xiyyeeffatu.
Haat’u malee xiyyeeffannaa qorannichaa kanneen armaan olitti ibsaman keessaa gaa’eela
keessatti milkii gaariifi badaa addaan baasuu, sirna fuudhaafi heerumaa hunda isaanii ibsuu,
 15

mallattoowwaan adda addaa hiika akkamii akka qaban, dhiibbaa naqatarratti mul’atu addaan
baasuu, kennaa gaa’eela keessatti keenamuufi meeshaalee gaa’eela keessatti tajaajilan ibsuu
kanneen jedhan qorannoo kana faana adda addummaa akka qabaatu taasiseera. Weedduun
yookiin faaruun baye-bayee gaa’elaa jireenya gamtaa keessatti faayidaa qaban addaan
baasuurratti kan jedhu qorannoo kana waliin akka walfakkeenya horatu isa taasisa.

Walumaagalatti qorannoowwan armaan oliirraa qorannoo kana kan addaan taasisu kan Nagaash
gosoota afoolaa hunda of keessaa qaba kiyya immoo gosoota afoolaa keessaa sakatta’a qabiyyee
faaruu baye- bayee Godina Arsii Lixaa Aanaa Qoree irratti xiyyeeffata.

Barruun walfakkii inni biraan Shuumeen Daamxee (2007). Qaaccessa Faayidaa Arrabsoo
Naqatanii Fuudhuu Godina Horroo Guduruu Wallaggaa Haala Aanaa Amuruu” kan jedhu
yommuu ta’u, kaayyoon qorannichaa faayidaa arrabsoofi itti fayyadama jechootaa arrabsoo
fuudhaafi heeruma naqataa jedha. Haaluma kanaan walfakkeenyi isaanii faaruuwwan sirna
gaa’elaatiin walqabatan xiinxaluu yemmuu ta’u, garaagarummaan immoo, qorannoowwan
kunniin adeemsa sirna gaa’elaa Oromoo maal akka fakkaatu, akaakuwwan fookloorii
gulantaalee gaa’elaa keessatti argaman, jijjiirramaafi itti fufaatii adeemsa sirna gaa’elaafi kkf.
adda baasuun hin mirkaneessine.

Seefuun Gaaddisaa, (2008) Kaayyoon qorannoo isaa weedduu arrabsoo fuudhaafi heerumaa
Godina Shawaa Lixaa Aanaa Amboo qaaccessuudha. Gosoota weedduu arrabsoo fuudhaafi
heerumaa addaan baasuu, ergaa weedduu arrabsoo fuudhaafi heerumaa, yoomessa weedduu
arrabsoo fuudhaafi heerumaafi Weedduun arrabsoo fuudhaafi heerumaa yeroo ammaa kana
sadarkaa akkamiirra akka jiru ibsuu kan jedhu yoo ta’u, tokkummaan qorannoo kanneen
lameenii gosoota afoolaa keessaa weedduu(faaruu) irratti xiyyeeffachuu isaaniiti.

Garaagarummaan isaanii immoo qorannoon Seefuu (2008) Qaaccessa Weedduu Arrabsoo

Fuudhaafi Heerumaa Godina Shawaa Lixaa Aanaa Amboo kan xiinxalle yoo ta’u, qorannoon
kun immoo sakatta’a qabiyyee faaruu (weeduu) baye-bayee Godina Arsii Lixaa Aanaa Qoree
irratti kan xiyyeeffatedha. Kanamalees, xiyyeeffannoon qorannoo Seefuu Gaaddisaa, (2008)
firiiwwan afwalaloo fuudhaafi heerumaa keessaa qabiyyee arrabsoo fuudhaafi heerumaa aanaa
Amboo irratti kan xiyyeeffateedha. Qorannoon kun immoo sakatta’a qabiyyee faaruu baye-
bayee godina Arsii Lixaa Aanaa Qoree irratti kan xiyyeeffateedha.
 16

Zabiibaa Muzammil (2007) waraqaa ittiin guuttannaa digrii lammaffaa ishee keessatti mata
duree qaacceessa weedduu gaa’elaa Godina Iluu Abbaa Booraa Aanaa Daarimuu dhaloota
dhufuuf dabarsuu kan jedhurratti xiyyeeffata. Kaayyoon qorannoo ishees gosoota weedduu
qoqqoduun agarsiisuu, dhimmoota weedduu gaa’elaa keessatti calaqqisan ibsuufi gahee
hirmaattota weedduu ibsuu kan jedhuudha. Qoraannoon kun qorannoo kana wajjin walitt
dhiheenya kan qabu yoo ta’u, dhimmoota weedduu gaa’elaa keessatti calaqqisan kan jedhuun
garaa garummaa qaba. Walumaa galatti qorannoowwan qorattootaan mata duree gubatti
ibsaman irratti dalagaman kun yaaxxina walii galaatiin walfakkatu. Qorannoo waa’ee naqataa
(kadhatanii fuudhuu)fi weedduun qorannoo kanaan kan walfakkaatani yoo ta’u, kiyya immoo
sakatta’a qabiyyee faaruu (weedduu) baye-bayee xiinxaluurratti kan xiyyeeffatedha.
 17

BOQQONNAA SADI

3. XIINMALA QORANNICHAA
Qorannoon kun qabiyyeewwan faaruu baye-bayee maal maal akka ta’an, faaruun baye-bayee
yoomessa akkamii keessatti akka dhiyaatu,haala faaruun baye-bayee itti raawwatamuufi eenyuun
akka raawwatamu, barbaachisummaafi faayidaa baye-bayeen qabu karaa adda addaan
xiinxaluuf kan nu gargaaruudha. Kaayyoon qorannoo kanaa sakatta’a qabiyyee baye-bayee
Godina Arsii Lixaa Aanaa Qoree taasisuun ibsuurratti kan xiyyeeffateedha.

"Qorannoo aadaa hawaasaa waliin walqabatu gaggeessuuf immoo qorannoo al-lakkofsaa

yookiin qulqulleeffatatti fayyadamuutu gaarii ta’a.’’ (Dastaa, 2013:30). Dabalataanis,
Yaadasaan (2016:68), "Qorannoon ragaalee ibsaafi oduudhaan dhiyaatan argachuuf jecha ittiin
sakatta’amuudha’’jedha. Gosti qorannoo akkanaa odeeffannoo afgaaffii, daawwannaafi marii
gareetiin kallattiidhaan hawaasicha keessa galuun funaanamu gadi fageenyaan ibsa.
Odeeffannoon kallattiidhaan hawaasicha keessa galuun waan funaanamuuf odeeffannoo argamu
gadi fageenyaan xiinxalanii ibsuudhaan waan duraan hin beekkamnes ifa baasee kan namatti
mul'isudha.

3.1. Ibsa Haala Naannoo Qorannichaa

Oromoon Arsii gurmuu ummataatiiniifi bal’ina qubsuma lafaatiin Oromoota biroo irraa kan
caalu yoo ta’u, Oromoon Arsii Oromoota biraatiin adda ta’uu baatus sirna fuudhaafi heerumaa,
hamoommota, koottu dhufee, geegayoo, dhoofsisa, sirna weedduu, faaruufi kan kana
fakkaataniin adda addummaa ni qaba jechuun ni danda’ama. Jechi Arsii, Arsee, Arsooma,
Arsichaafi Arsummaa (Arsiihood) jedhamu hundi jecha nama dhaloota gosa Arsii qabu kamuu
yoo ta’u, Arsoomni maqaa hiddaafi dhiiga tokkummaafi yaboo yookiin waadaa Arsiin ganamaa
walitti kennate, dhaamsa akaakileefi abaabilee ilmaan Sikkoo Mandooti. Arsoomni nama ilma
Arsii ta’e, hunda biratti maqaa kabajaa, jaalalaafi obbolummaati.

Aanaan Qoree aanaalee godina Arsii Lixaatti argaman keessaa tokko yoo taatu; akka aanaatti kan
hundoofte bara 1998 A.L.I akka taateefi maqaa Qoree jedhamu kanas kan argatte iddoo ammaa
magaalaan guddoon aanaa qoreen itti argamtu kun dur bakka manguddoonni yaa’ii itti taa’uun
akka aadaa Arsiitti sirna jaarsummaa keessatti qoraa murtiin koottu dhufee wal waamaa kennee
qori jechuun nama wal dhabe itti araarsaa turan waan turteef iddoon sun yeroo booda “Kennee
 18

Qori” kan jedhurraa ka’uudhaan maqaa qoree jedhamu kan moggaafamte akka ta’e ragaan
Waajjira Bulchiinsa aanichaa irraa argame ni ibsa.
Haalli teessuma lafa aanichaa irraa caalaan isaa bu’aa bahiin kan hinqabneedha. Aanaan Qoree
Kaabaan aanaa Muunessaa, Kibbaan aanaa Kofalee, Bahaan aanaa Gadab Hasaasaa, Dhihaan
aanaa Arsii Nageelleetiin daangeffamtee argamti.
Magaalli guddoon aanichaa Qoree yoo taatu, maqaa kanas kan argatte “Kennee Qori” kan jedhu
irraa yoo ta’u, iddoon sun dur bakka manguddoonni yaa’ii itti taa’uun akka aadaa Arsiitti sirna
jaarsummaa keessatti qoraa murtiin koottu dhufee wal waamaa kennee qori jechuun nama wal
dhabe itti araarsaa turan waan turteef maqaa kana argachuu akka dandeette ragaan waajjira
bulchiinsa aanaa irraa argame ni ibsa. Magaalaan Qoree magaalaa guddittii godinaa
Shaashamannee irraa kallattii Bahaatti kiilomeetira 49 fagaattee kan argamtu yoo ta’u; magaalaa
guddoo Oromiyaa Finfinnee irraa immoo kallattii Kibba Bahaatti kiilomeetira 300 fagaattee
argamti.
Haalli qilleensa aanichaa 90% n baddaa 10% kan ta’u immoo badda daree yoo ta’u oomishni
aanaan kun ittiin beekkamu:garbuu,qamadii,boqqoollaa,moosee yookiin dinnichaa, baaqelaa,
atara, qoonxarii yookiin talbaa, kuduraafi muduraaleen adda addaa akkaatuma duraa duuba
isaaniitiin kan oomishaman ta’uu ragaan Waajjiira Qonnaafi Qabeenya uumamaa aanichaa irraa
argame ni ibsa.

3.2. Saxaxa Qorannichaa

Saxaxni qorannoo akka Addunyaan (2011: 63) ibsutti, “Waliigala qorannichaa kan to’atu ta’ee,
qorannichi maal akka fakkaatuufi maal irratti akka bu’uureeffate agarsiisa.’’ Itti dabalees,
Addunyaan Cohen, Manion fi Morrison (2005: 73) waabeffachuun yeroo ibsu, “The purposes of
research determine the methodology and design of the research’’ jechuun kaayyoo qoratamuuf
malaafi saxaxa isaa irratti murteessaa akka ta’e addeessa.

Kaayyoon qorannichaas qabiyyeen baye-bayee godina Arsii Lixaa Aanaa Qoree maal akka
fakkaatu sakatta’uun ibsuudha. Kana gochuuf immoo, qoratichi mala qorannoo al-lakkoofsaa
fayyadama. Yaada kana ilaalchisaanii V. Kahn, W. Best (2005: 279) irratti yoo ibsan, “… that
non-quantitative research for explanation would be fruitful in the study of human development’’
jedhu. Sababni isaas, odeeffannoo kanaaf guuramu lakkoofsaan osoo hin taane jechaan ibsuun
kan qaaccessamu waan ta’eefi. Dabalataanis, Dastaa, (2002: 20) yoo ibsu, “Qorannoon mala
 19

kanaan gaggeeffamu odeeffannoo argame mala addeessuutiin yookiin mala ibsaatiin dhiyeessu”
jedha.

Gama biraatiin Addunyaan (2011: 11) yaada kan yoo cimsu, “Ciminni qorannoo al-lakkoofsaa
gaaffiiwwan akkam? Maaliif? jedhan kaasuun gadi fageenyaan xiinxalluurratti humna waan
qabuuf amanuufi hubannoo babal’isuuf haala mijeessuu isaati.” jedha. Kanuma ka’umsa
godhachuun qoratichis qorannoo kana keessatti mala kana kan fayyadamuudha.

(keeyyata tokko keessatti guduunfaa yaada kutaa kanaa gabaabsi ibsi)

3.3. Madda Ragaa Qorannichaa

Qorannoo kana keessatti, maddi ragaa qoratichi dhimma itti bahu madda ragaa tokkoffaafi
lammaffaati. Akka madda ragaa tokkooffaatti namoota waa’ee baye-bayee irratti beekkumsaafi
hubannoo qaban gaaffilee afaanii gaafachuufi marii garee waliin taasisuun kan sakatta’uudha. Akka
madda ragaa lammaffaatti immoo, barreeffamoota mata duree waa’ee baye-bayee irratti
barreeffaman sakatta’uun kan adeemsifamuudha.

3.4. Iddattoofi Iddatteessuu

Malli iddatteessuu adeemsa fudhannaa iddattoo jamaa waliigalaa keessaa fudhachuun qorannoo
irratti adeemsisuudha. Kana ilaalchisee, Berg (2011:11)n yoo ibsu, qorataan tooftaa kamiiniyyuu
fayyadamee iddattoo filachuun waan hinoolleefi kanneen dhimmichi ilaallatu hundaa irraa
odeeffannoo funaanuun rakkisaa waan ta’eef iddattoo filachuun barbaachisaa akka ta’e ibsa.
Dabalaatanis, iddattoo filachuun kan inni barbaachiseef yoo iddattoon of eeggannooon filatame
ragaan iddattoo irraa argamu odeeffannoo akka gaaritti bakka bu’uu waan danda’uuf jamaa
hunda irraa ragaa sassaabuun yeroo, maallaqa, humnaafi qabeenya qisaasessuu waan ta’eefi.

Kanaafuu, iddatteessuun tooftaa garagaraa yoo qabaateyyuu qorannoo kanaaf, qorataan

iddatteessuu mala miti-carraa keessaa darbaa dabrsaatti fayyadamuun dubartoota aanaa Qoree
keessa jiraataniifi kallattiin waa’ee baye-bayee irratti hubannoofi beekkumsa gadi fageenyaan
qaban dubartoota (10 ) odeeffannoo gahaa ta'e ni kennan jedhamanii filataman irraa odeeffannoo
funaanuu irratti bu'uurefachuuni.

Haaluma kanaan malli iddattoon qorannichaaf ittiin filatame mala darbaa-dabarsaati. Mala kanaan
dubartoota waa’ee baye-bayee bal'inaan beekumsaafi hubannoo qaban jedhaman iyyafachuun bira
dhaqamee odeeffannoon waa’ee baye-bayee ilaallatan irratti ragaan funaannamuun hojiirra kan
 20

ooluudha. Mala kana ilaalchisee Addunyaan (2011:64-65) Denscombe wabeeffachuun “Namoota

qorannichaaf odeeffannoo barbaachisu kennan iyyaafachuun, itti guuta odeeffannoo argameetiif
namichi odeeffannoo kenne sun kan biraas akka eeru taasisuudha.” jechuun ibsa.

3.5. Meeshaalee Funaansa Ragaalee

Qorannoon al-lakkofsaa yookiin qulqulleeffataa dhugaa hawaasa tokko keessa jiru bira
gahuuf mala funaansa ragaalee adda addaatti fayyadamuu danda’a. Qorannoon akkanaa
afgaaffii, hubdaawwannaa, marii gareefi ragaalee barreeffama adda addaa sakatta'uun ragaa
funaanuun qorannoo gaggeessuun ni danda'ama. Qorataan qorannoo qulqulleeffataa
fayyadamus haala adda addaatiin waan ilaaluuf malleen ragaaleen ittiin funaannaman
muraasatti dhimma ba'uu danda'a. Haaluma kanaan odeeffannoon afgaaffii, marii gareefi
h u b daawwannaa kallattiidhaan hawaasa keessaa waan funaannamuufi. Sanaan booda,
odeeffannoon meeshaalee funaansaa ragaaleetiin argaman gadifageenyaan qaacceffamee
dhihaata.

3.5.1. Afgaaffii
Afgaaffiin meeshaalee odeeffannoon qorannoodhaaf ittiin sassaabamu keessaa isa tokkodha.
Malli kunis mala qorataan odeefkennitoota waliin fuulaafi fuulatti walarguun odeeffannoo
qorannoo isaatiif barbaachisu afaaniin gaafachuun ittiin funaannatudha. Yaada kana kan
dhugoomsu MOE (1999) yeroo ibsu:

“The purpose of interviewing is to find out what is in or on

someone else’s mind. It allow interviewer to do more things to
improve the equality of the information required than other
method. It also enables to secure depth and detail information.
Interview is one of the most popular techniques to meet diver’s
situation (flexibility) and it also provide opportunity to understand
non-verbal behavior, identity of respondent and allows for greater
depth.” jechuun yaada jechaan hin ibsamnellee gadifageenyaan
hubachuuf afgaaffiin kan nama gargaaru ta’uu ni ibsa.
Gama biraatiin, malli kun dandeettii dubbisuu qabaachuu odeefkennitootaa waan hin
gaafanneef dubartoonni odeeffannoo qorannoo kanaaf ta'u kennuu danda'u. Qorataan kana
bu'uura godhachuudhaan yaada odeefkennitoonni kennan irratti hundaa'ee gaaffilee biroo
gaafachuun yaada dabalataa argachuuf odeeffannoo funaannata.

Mala kanaan odeeffannoo funaanuuf qorataan jalqaba gaaffilee qorannoo isaatiif deebii naaf
argamsiisu jedhee yaade gaaffilee 11 qopheeffate jira. Gaaffileen qophaa'an kaayyoo
 21

qorannichaa galmaan gahaa jiraachuu isaanii keessa deebi'ee erga mirkaneeffateen booda
deebii odeefkennitoota irraa funaannachaa deema. Odeeffannoon haala kanaan funaannames
yeroo isaan deebii kennan kaasettaatti waraabama.

3.5.2. Marii Garee

Marii garee ilaalchisee Kothieriin (2004:98) yoo ibsu,”Focuses group interview is means to
focus attention on the given experience of the respondent and focused the attention particular
topics”jedha.

Dabalataan, Yaalawun(2011) “Mariin garee gaaffii bifa marii gareetiin dhiyeessuun ragaa
quubsaa ta’e argachuuf bu’aa qaba. Akkasumas, mariin ragaa gadi fageenyaafi bal’ina qabu
argachuuf gargaaruun alatti yaada guduunfaa qorannichaaf mala gargaaruudha.” jedha.

Bu’uuruma kanaan mariin garee dubartoota waa’ee baye-bayee yookiin akkaataa raawwii baye-
bayee beekan afgaaffi iddoo garagaraatti iyyaafachuun dhiyaatan isanumaa walitti qabuun
garee namoota sadi, afuriifi sadi qabuun bakka sadiitti qoodamanii gaaffilee afgaaffi kudha
sadan dhiyaatan bu'uura godhachuun akka mari'atan taasifama. Odeeffannoo argame
qulqulleeffachuuf yaanni isaan mariidhaan irratti waliif galan yaadannoo qabachuun
qaacceffamuun odeeffannoo irraa argame waliin walbira qabuun ittiin mirkaneeffatama.

3.5.3. Hubdaawwannaa
Qorannoodhaaf ragaalee funaanuu keessatti meeshaaleen qorannaa kan qoratichi funaansa
ragaaleetiif filatee inni biraa hubdaawwannaa yoo ta’u, kunis guyyaa dubartoonni aanichaa
sirna fuudhaafi heerumaa irratti baye-bayee faarsan qaamaan daawwachuun ragaalee
funaannachuun qorannicha irra caalaatti bu'a qabeessa taasisa. Sababni isaas daawwannaan
qorannoo dirreetiif filatamaa akka ta’e, Dastaan (2013:118) “…akkaataa itti dalagan,
haasawaan, sochii isaaniifi k.k.f. ilaalaniifi dhaggeeffatan galmeeffachuuf nama fayyada.”
jechuun ibsa.

Itti dabalees yaaduma kana Addunyaan (2011:10) akka kanaa gadiitti

cimsa: “ Qorattoonni haala jiruufi jireenya hawaasaa irratti qorannoo gaggeessuu
barbaadan odeeffannoo kan argatan waan daawwatan, mari’atan, argan, haala naannoo jiruufi
jireenya hawaasichaa ilaalchisee waan dubbisaniifi kkf irraatti…” j e c h u u n i b s a w a a n
t a ’ e e f m a l l i k u n f i l a t a m e e r a . Qoratichi daawwannaa kana kan taasisu guyya cidhaa
 22

aanichatti iddoo adda addaa keessaatti taasifamu irratti hirmaachuun baye-bayee d ubartoonni
guyyaa sana faarsan daawwachuun ta'a.

3.5.4. Sakatta’a Harshammee

Sakatta’insi harshammee adeemsa qorannoo tokko gaggeessuu keessatti tooftaa qorannoo san
fudhatamummaafi dhugummaa yookiin qabatamummaa isaa mirkaneessuuf kitaabota, galmeefi
barreeffamoota, akkasumas, barruulee bifa adda addaatiin taa’an qaaccessuun ciminaafi hanqina
qabiyyee isaanii ibsuuf kan gargaaruudha. Yaaduma olii kana deeggaruun Dastaan (2011:131)
yoo ibsu,” Barreeffamoonni akka odeeffannoo qorannootiitti nama fayyadan hedduutu jira.
Isaan keessaa kanneen akka: waraqaa ragaa, kitaabotaa, xalayaa, nagahee, ajandaa, qaboo yaa’ii,
barreeffama murtii, yaadannoo fi k.k.f. ta’uu danda’u” jechuun ibseera.

Malli sakatta’a harshammee kunis jalqaba kitaabota waa’ee fuudhaafi heerumaa irratti
barreffaman mata-duree achi keessatti argaman adda baasuun dubbisuudha. Sababni isaas
qorannoon kun irra caalaa kan inni irratti xiyyeeffatu waa’ee baye-bayeea irratti waan ta’eefi.
Kanaaf qorataan kunis meeshaa funaansa ragaa kanatti kan gargaaramu ta’uusaati.

3.6. Mala Qaaccessa Ragaalee

Odeeffannowwan mala funaansa ragaalee kanneen akka afgaaffii, hubdaawwannaa, marii
gareetiifi sakatta’a harshammeetiin argaman gadifageenyaan xiinxalamanii hiikaa itti
kennamu waan ta'eef, qo’ataan maddeen kanatti gargaaramee odeeffannoowwan walitti
qabaman mala al-lakkoofsaa yookiin qululleeffataan (qualitative) fayyadamuun qaaccessa.
Ragaaleen qorannoo kanaaf funaannamanis tooftaalee garagaraatiin mala qoqqooddiifi irra
deddeebiidhaan sakatta’amanii dhiyaatu. Odeeffannoowwan qorannoof barbaachisan erga
funaanamaniin boodas bakka adda addaatti qoodamuun ibsamuun ragaalee malleen funaansa
ragaaleetiin funaanaman akkaataa walfakkeenya isaaniitiin walitti guuramanii ibsamu. Ibsi itti
kennamuus haaluma odeefkennitoonni odeeffannoo kennanii sababa isaanii waliin kaahama.

Odeeffannoo qaaccessuu ilaalchisee Dastaan (2002) yoo ibsu “Odeeffannoo yookiin ragaalee
qaaccessuun yaada odeefkennitoota irraa karaa meeshaalee funaansa ragaalee kanneen akka: af-
gaaffii, daawwannaafi sakatta’a harshammee irraa argaman haala qabatamaa mul’ateen walitti
fiduun qaaccessuudha’’ jechuun kaa’a.

Akka waliigalaatti qabiyyeewwan faaruu baye-bayee maal maal akka ta’an, faaruun baye-bayee
yoomessa akkamii keessatti akka dhiyaatu, haala faaruun baye-bayee itti raawwatamuufi
 23

eenyuun akka raawwatamu, barbaachisummaafi faayidaa baye-bayeen qabu irratti ibsi

gabaabaan erga itti kennameen booda tokko tokkoo isaanii yaada hayyootaafi odeefkennitootaa
wajjiin wal qabsiisuun ibsi bal'aan itti kennama.

3.7. Naamusa Qorannichaa

Qorannoo tokko gaggeessuufi milkeessuuf haalli dhiyeenya qorataa murteessaadha. Haala
kana keessatti hawaasa sana bira tutturuun yaada isaanii baruufi akka hawaasichaatti hojjechuun
murteessaadha. Haaluma kanaan akkaataa uffannaa, aadaa nyaataafi amantii isaanii
kabajuudhaan odeefkennitootaan waliigalee hojjachuudha. Kana keessattti, qorataan argannoo
qorannoo isaa milkeessuuf odeefkennotoota waliin qophii bunaa qopheessuun taphachaa
odeeffannoo isaan kennan funaannachuun raawwatama.

Dhumarratti qoratan dubartoota waa’ee baye-bayee odeeffannooni irraa funnaanname hayyama

isaaniifi maatii isaanii gaafachuun hayyamsiisee suuraan isaanii qorannoo keessatti k a n
kaa'amuudha. Hojiiwwan aloolaa booddee ragaaawwan sagaleefi viidiyoo kaameeraan
waraabaman dhageeffachuufi ilaaluun barreeffamatti jijjiiruun ragaalee walfakkaatan iddoo
tokkotti gurmeessuufi qoqqooduun kan qaacceffamuudha.

4. SAGANTAA KAROORA YEROOFI BAAJATA QORANNICHAA

4.1. Karoora Yeroo Qorannichaa
 24

Hojiileen yeroo qorannoon adeemsifamu hojjataman haala armaan gadii kanaan dhiyaataniiru.

T/L Hojiilee hojjatamuuf karoorfataman Ji'a

1 Mataduree qorannoo filachuun rakkoo addaan baasu. Hagayyaa 2010 A.L.I
2 Sakatta'a Barruulee firoomina qabanii funaanuufi Fulbaanaa-Onkololeessa(2011 A.L.I)
qindeessuu.
3 Wixinee qoannoo barreessuufi gulaaluu Sadaasaa 01/2011 - Muddee 15/2011
A.L.I
4 Barreeffama jalqabaa wixinee qorannoo gorsaa Muddee20/2011-Amajjii 20/2011 A.L.I
gabaasuu.
5 Barreeffama jalqabaa wixinee qorannoo gorsaaf Amajjii 20/2011– Gurraandhala
gabaaffamee deebi'ee sirreessuun gorsaaf gabaasuu. 05/2011 A.L.I
6 Gabaasa wixinee qorannoo dhiyeessuu. Gurraandhala 06/2011 – 30/2011 A.L.I
7 Meeshaalee ragaaleen ittiin funaanaman walitti qabuun Bitootessa 2011 A.L.I
qindeessuu.
8 Ragaalee walitti funaanaman qaaccessuufi xiinxaluu. Ebla 2011 A.L.I
9 Ragaalee qaacceeffaman addaan qooduun gosa gosaan Caamsaa 2011 A.L.I
qindeessuu.
10 Qorannoo barreessuu. Waxabajjii 01- 20/2011 A.L.I
11 Barreeffama qorannoo jalqabaa gorsaaf gabaasuu. Waxabajjii 20 – 30/2011 A.L.I
12 Barreeffama qorannoo jalqaba gorsaaf dhiyaate irra Addoolessa 01 – 15/2011 A.L.I
deebiin sirreessuun gorsaaf gabaasuu.
13 Barreeffama qorannoo sirreeffame gorsaa ijoofi aanteef Addoolessa 15 – 25/2011 A.L.I
gabaasuu.
14 Barreeffama qorannoo muummee Afaan Oromoo, Addoolessa 26 – 30/2011 A.L.I
Ogumaafi Qunnamtiif gabaasuu.
15 Barreeffama qorannoo gorsaa ijoo, aanteefi muummeef Hagayya 01-25/2011 A.L.I
gabaafame sirreessuun gabaasa qorannoo xumuraa
dhiyeessuu.

4.2. KAROORA BAAJATA QORANNICHAA

1.1. Durgoo Oolmaa
 25

T/L Wantoota Hojjetamuuf Baay'ina Baay'ina Oolmaa Ida'ama

karoorfaman Hirmaatt Guyyaa Guyyaa waliigalaa
ootaa fudhatuu Qashiin
1 Qo’ataaf 1 21 179 3759
2 Gargaaraa Funaansa Ragaalee 8 2 200 3200
3 Odeefkennitootaaf Sagantaa 10 5 150 750
Shaayiifi Bunaa
Ida’ama 7529

1.2. Kaffaltii Suppaarvizhiinii

Lakk. Gochaalee Ida’ama qarshiin

1 Kaffaltii suppaarvizhiinii 3000
Ida'ama 3000

1.3. Gatii Geejjibaa

T/L Nama Ka'umsa Ga'umsa Kanfaltii Baay'ina Marsaan Ida'ama

raawwatu yeroo tokkoof marsaan kanfaltii
qarshiin
1 Barataa Qoree Sh/nnee 100 3 100 300
Sh/nnee Qoree 100 3 100 300

2 Barataa Sh/nnee Adaamaa 110 3 110 330

Adaamaa Sh/nnee 110 3 110 330

3 Barataa Adaamaa Harar 220 4 220 880

Harar Adaamaa 220 4 220 880

Ida’ama 860 3020

1.4. Meeshaalee Barreessaa

 26

T/L Akaakuuwwan Baay'ina Lakkoofsaan Gatii tokkoo Ida'ama waliigalaa

meeshaalee qarshiin qarshiin
1 Qalama Paakkeettii 1 118 118
2 Waraabduu ragaa 1 200 200
3 Waraqaa Lumuxii Dastaa 1 120 120
Ida’ama 438 438

1.5. Baajata Ofeeggannoo

T/L Gochaalee Qarshii

1 Baay'isuufi footo kooppiif 552
2 Waraqaa Qorannoo sirreessuufi moojuleessuuf 461
Ida'ama 1013

1.6. Cuunfaa Baajataa

T/L Akaakuwwan hojiiwwan hojjetamuuf karoorfaman Ida'ama waliigalaa
qarshiin
1 Durgoo Oolmaa Guyyaa 7529
2 Kaffaltii Suppaarvizhinii 3000
3 Kaffaltii Gatii Geejjibaa 3020
4 Meeshaalee Barreessaa 438
5 Baajata Ofeeggannoo 1013
Ida'ama 15000

Maddi Baajataa: Ministeera Barnootaa (MOE)

6. WABIILEE
 27

Addunyaa Barkeessaa. 2011. Akkamtaa Yaadrimee Qorannoo Hujoo. Finfinnee: Mega printing
press.

Addunyaa Barkeessaa. 2011. Akkamtaa: Yaadrimmee Qorannoo Hujoo (Concept of Applied

Research). Finfinnee: Efficeincy Printig Press.

Addunyaa Barkeessaa (2014). Semmoo: Bu’uura Barnoota Afaaniifi Afoola Oromoo.

Oromiyaa Finfinnee: Far East Trading PLC

Beekan Gulummaa. (2011). Dilbii: Bu’uura Afoola, Ogafaaniifi Ogwalaloo Oromoo.

Ben Amos D, 1972.The introduction Folklore In Africa Society. Lind froms of Folklore In
Africa: Austin University Of Texas.
Ben-Amos, Dan. (1971). Toward A Definition of Folklore in Context. The Journal of American
Folklore 84 (331),3-15.
Biiroo Aadaafi Tuurizimii Oromiyaa. (1990). Afoola Oromoo Tuulamaa Jildii (2). Finfinnee:
commercial printing press.
Birhanu Mathewos. (1999). Fundamentals of literature. Addis Ababa: University press.

Bukeniya A. (1994). Understanding oral literature. Narobi: Narobi University Press.

Dastaa Dassaalany. (2002).Bu‟uura Qorannoo. Addis Ababa University. Dhaabbata maxxansa

Boolee.

Dastaa Dassaalany. (2011). Waadaa: Asoosamoota aartii biroo waliin. Finfinnee: dhaabbata
maxxansaa biraanaa

Dastaa Dassaalany. (2013). Bu’uura Qorannoo.yuunvarsitii addis Ababaatti barsiisa, qorataafi

Barreessaa maxxansa lamaffaa printed: by far East trading PLC.

Dorson, R. (1972). Folklore and folklife; an introduction. Chicago: The University of Chicago

Dundes A. (1965).The Study of folklore. Berkley: Prentice Hall Inc.

Finnegan, R. (1970). Oral literature in Africa. Kenya: Oxford University press.

Finnegan, R. (1970). Oral poetry: its nature and significance and context. Cambridg:
Cambridg university press.

__________(1976). Oral literature in Africa. Nirobi: Oxford University Press.

 28

___________(1992). Oral Tradition and verbal Arts. London: Rutledge.

Geetachoo Rabbirraa,(2001),Furtuu:Seerluga AfaanOromoo;Dhabbata Maxxansaa; Kuraaz;

Finfinnee.

Gemechu Bekele. (2003). A study of major themes in game Sellected songs of Ifinesh Keno
Unpublished MA thesis, Addis Abeba University.

Georges, R.A and Jones, M.O. (1995). Folkloristic: An introduction. Biloomingonton and
Indiana polis: Indiana University Press.

Huseen Badhaasoo, (2000) Seera Fuudhaa-Heeruma Oromoo Arsii ; Finfinnee: Commercial

P.E.

Jaaraa W F Wasanee B,(2008), Bantuu Haara Caaslugaafi Ogbarruu Afaan Oromoo; Finfinnee:

Jaarraa, W.fi Wasanee Bashaa. (2008). Bontuu Haaraa, Seerlugaafi Ogbarruu Afaan Oromoo.
Finfinnee: EMAY Printer

Kothier,2004. Research Methodology, Methods and Techniques (2nd ed ). New deihi: New age

International publisher.
Misgaanuu Gulummaa. (2011a). Dilbii: Bu’uura Afoola. Ogafaaniifi Af-walaloo. Finfinnee,
Oromiyaa.

Misganu Gulummaa. (2011). Naatoo: Duudhaa Gaa’ela Oromoo. Finfinnee: Subi printing press.
Nagaash Toleeraa. (2007). Xiinxala Afoolawwaniifi Hiika Fakkoomii Sirna Naqata Uummata
Oromoo.Wallaggaa Bahaa Aanaa Giddaa Kiiramuu. Waraqaa Qorannoo Digrii
lammaffaa Guuttachuuf Muummee Afaan Oromoo, Hogbarruufi Fooklooriif Dhihaate:
Yuunvarsiitii Addis Ababaa.

Nagarii Leencoo. (1995). Wirtuu jilddii-7 Barruulee qormaata waaltina Afaan Oromoo. Gumii
Qormaata Afaan Oromoo. Biiroo Aadaaf Turiizimii Oromiyaatti: Finfinnee. (f. 1-41).
Okpawo I, (1992) African Oral Literature;Background charecter and countinuty: Bloomington
and Indiana polis:Indiana University press.

Oring, E. (1986). Folk group and folklore genres. An introduction logan utaha: utaha University
Press.
 29

Richard, B. (1992), Folklore Cultural Performances Popular Enterainment. New York:

Oxford university press.

Richard M. Dorson. Folklore and folklife: an introduction. London University of Chicago 1972

Ruth Finnegan (1970). Oral literature in Africa. The oxford library of African literature: Oxford
University Press Eastern Africa

Seefuu Gaaddisaa, (2008). “Qaaccessa Weedduu Arrabsoo Fuudhaafi Heeruma Oromoo

Godina Shawaa Lixaa Aanaa Amboo irratti Kan Xiyyeeffate” Waraqaa Qorannoo
Digirii Lammaffaa (MA) Guutachuuf Qophaa’ee, Muummee Afaan Oromoo, Ogbarruufi
Fooklooriif Dhiyaate: Yuunivarsiitii Finfinnee, (kan hin maxxanfamne)

Shaawaayyee, B.fi Fireehiwoot Tulluu, (1999). Afoola Oromoo Tuulamaa: Walaloo

geerarsa ,faaruleefi sirboota adda addaan Jildii II. Qajeelcha Qormaata Afaan
Oromootiin Biiroo Aadaafi Turiizimii Oromiyaatti: Finfinnee.
Shuumee Daamxoo. (2015). “Qaaccessa Faayidaa Arrabsoo Naqatanii Fuudhuu: Godina Horroo
Guduruu Wallaggaa Haala Aanaa Amuruu.” Waraqaa Qorannoo Digirii Lammaffaa (kan
hin maxxanfamne.)
Wasanese Bashaa, (1984). Barrulee Sinbirtuu. Finfinnee, Oromiyaa

Zabiibaa Muzammil,(2007) Qaacceesa Weedduu Gaa’elaa Godina Iluu Abbaa Booraa Aanaa
Daarimuu, Waraqaa Qorannoo Digrii lammaffaa Guuttachuuf Muummee Afaan Oromoo,
Hogbarruufi Fooklooriif Dhihaate: Yuunvarsiitii Addis Ababaa.
 30

7. DABALEEWWAN

DABALEE -A

Yuunivarsiitii Haramaayaa Kolleejjii Saayinsiiwwan Hawaasaafi Namummaa Muummee

Afaan Oromoo, Ogumaafi Qunnamtii

1. Afgaaffii Odeeffannoo Kennitootaaf dhiyaate.

Kabajamoo Odeeffannoo Kennitoota.

Kaayyoon qorannoo kanaa barnoota Afaan Oromoo Ogumaafi Qunnamtii sagantaa gannaatiin digrii
lammaffaa (MA) guuttachuuf mata duree “Sakatta’a Qabiyyee Baye-Bayee Godina Arsii Lixaa
Aanaa Qoree” jedhu irratti ragaa funaanuudhaafi. Gaaffilee armaan gadii bu’uura godhachuudhaan
odeeffannoon isinnirraa argamu qorannoo gaggeessu guutuu akka taasisu amanama. Kanaafuu,
odeeffannoo dhugummaafi qabatmummaa qabu akka naaf kennitan kabajaan isin gaafadha.

Qajeelfama: Gaaffilee armaan gadii haala gaaffichaa irratti hundaa’uun deebii keennaa. Naannoo
Oromiyaa Godina Arsii Lixaa Aanaa Qoreetti sakatta’iinsa qabiyyee faaruu baye-bayee
ilaalchisee afgaaffii dhiyaatedha.

I . Odeeffannoo Dimshaashaa

1.1. Maqaa_______________________ Saala: Dhiira Durba

1.2. Umurii ____________ Sadarkaa Barnootaa________________ Lak.Bil._______________

1.3. Ganda_____________

1.4. Gaa’ela: Kan fuudhe/heerumte/ Hinfuune/heerumne/

1.5. Hojii: Qotee bulaa a Daldalaa Hojjataa Mot. Kan biroo

II. Odeeffannoo Qorannichaa

1. Faaruu baye-bayee jechuun maal jechuudha?

2.Gosoonni faaruu baye-bayee kanneen akkamtu jira?

3. Qabiyyeen/ergaan faaruu baye-bayee maal fa’a? ibsa

 31

4. Faaruun baye- bayee eenyuun faarfatama? Yeroo akkamii faarfatama? Maaliif faarfatama?

5. Walaloo faaruu baye-bayee kan beektu natti himi?

6. Faaruun baye-bayee dhimmoota hawaasummaa keessatti gahee akkamii qaba?

7. Faaruun baye-bayee bara duriifi kan yeroo ammaa garaagarummaa qabaa?

8. Barbaachisummaan faaruu baye-bayee maali?

9. Yeroo ammaa dubartoonni Aanaa Qoree faaruu baye-bayee kanatti dhimma bahuu?

10. Faaruun baye-bayee yeroo ammaa sadarkaa maal irra jira? Maaliif?

11. Faaruu baye-bayee aanaa kanaa ilaalchisee yaada adda ta’e dabalatan naaf kennitan yoo
jiraate?
 32

DABALEE - B

Yuunivarsiitii Haramaayaa Kolleejjii Saayinsiiwwan Hawaasaafi Namummaa Muummee

Afaan Oromoo, Ogumaafi Qunnamtii

2. Marii Garee Odeeffannoo Kennitootaaf dhiyaate.

Kabajamoo Odeeffannoo Kennitoota.

Kaayyoon qorannoo kanaa barnoota Afaan Oromoo Ogumaafi Qunnamtii sagantaa gannaatiin digrii
lammaffaa (MA) guuttachuuf mata duree “Sakatta’a Qabiyyee Baye-Bayee Godina Arsii Lixaa
Aanaa Qoree” jedhu irratti ragaa funaanuudhaafi. Gaaffilee armaan gadii bu’uura godhachuudhaan
odeeffannoon isinnirraa argamu qorannoo gaggeessu guutuu akka taasisu amanama. Kanaafuu,
odeeffannoo dhugummaafi qabatmummaa qabu akka naaf kennitan kabajaan isin gaafadha.

Qajeelfama: Gaaffilee armaan gadii haala gaaffichaa irratti hundaa’uun deebii keennaa. Naannoo
Oromiyaa Godina Arsii Lixaa Aanaa Qoreetti sakatta’iinsa qabiyyee faaruu baye-bayee
ilaalchisee afgaaffii dhiyaatedha.

I .Odeeffannoo Dimshaashaa

i. Maqaa_______________________ Saala: Dhiira Durba

ii. Umrii ____________ Sadarkaa Barnootaa_____________ Lak.Bil._____________
iii. Ganda_____________
iv. Gaa’ela: Kan fuudhe/heerumte/ Hinfuune/heerumne/
v. Hojii: Qonnaan bulaa Daldalaa Hojjataa Mot. Kan biroo

II. Odeeffannoo Qorannichaa

1. Faaruu baye-bayee jechuun maal jechuudha?

2. Barbaachisummaan faaruu baye-bayee maali?

3. Qabiyyeen/ergaan faaruu baye-bayee maal fa’a? ibsi.

4. Faaruun baye- bayee eenyuun faarfatama? Yeroo akkamii faarfatama? Maaliif faarfatama?
 33

5. Faaruun baye-bayee dhimmoota hawaasummaa keessatti gahee akkamii qaba?

6. Faaruun baye-bayee bara duriifi kan yeroo ammaa garaagarummaa qabaa? Akkamitti ?

7. Faaruun baye-bayee yeroo ammaa sadarkaa maal irra jira? Maaliif ?

8. Walaloo faaruu baye-bayee kan beektu natti himi?

9. Faaruu baye-bayee aanaa kanaa ilaalchisee yaada adda ta’e dabalatan naaf kennitan yoo
jiraate?

DABALEE- C
Cheeklistii Daawwannaaf Qophaee
T/L Qabxiilee Ijoo Daawwannaaf Qophaa’an Guyyaa
Daawwannaa
1. Haala faaruun baye-bayee itti raawwatamu daawwachuu.
2. Qabiyyeewwan faaruu baye-bayee daawwachuu
3. Faaruuwwan baye-bayee guyyaa cidhaa raawwataman daawwachuu.
4. Sadarkaa faaruun baye-bayee yeroo amma irratti argamu daawwachuu.
5. Yoomessa faaruun baye-bayee itti raawwatamu daawwachuu