Professional Documents
Culture Documents
Sariwa pa sa aking isipan ang halos lahat ng mga kaganapan sa aking buhay nang ako
ay bata pa. Noon ay madalas akong kuwentuhan ng aking ina at ng aking lola ng mga kuwentong
bayan upang ako ay tuluyang makatulog. Minsan nga ay ginagawa pa nilang panakot sa akin ang
mga ito tuwing ako’y aakmang tatayo mula sa pagkakahiga. Ang nakamamangha rito ay sa bawat
kuwento nila, laging may nakakintal na aral, aral na dapat isinasagawa at isinasabuhay ng bawat
tao. Kagaya na lamang ng aral na iniwan ng “Ang Kuwento ng Mambucal.”
Sa kabilang dako, ang kuwentong bayang ito ang nagpabago sa kung paano ko tignan
ang kahulugan ng pag-ibig. Itinuro nito sa akin na ang pagmamahalan ay hindi natatapos sa
pagiging tao. Dahil katulad ng nangyari kila Kudyapa, pinag-isang dibdib sila ng kanilang tadhana
bilang talon at bato. Tila ba nakaguhit na sa mga palad na sila ay para sa isa’t isa. Maging si
Kanlaon na isang Diyos ay hindi nagawang matibag ang nabuo nilang pagmamahalan na para
ring talon, patuloy lang sa pag-agos.