Filipino sa Piling Larangan (akademik)
PAGSULAT NG SINTESIS
PINAGMULAN
Ang salitang “sintesis” o synthesis ay nagmula sa salitang Griyego na
“syntithenai” na nangunguhulugan sa Ingles ng put together o combine.
KAALAMAN
Ang sintesis ay hindi paglalagom, paghahambing o rebyu. Sa halip ang
sintesis ay resulta ng interaksyon ng iyong narinig, nabasa at ang kakayahan
mong magamit ang natutunan upang madebelop at masuportahan ang
iyong pangunahing tesis o argumento.
Ang pagkatuto sa pagsulat ng sintesis ay kritikal na kasanayan at
impormasyon sa pang-akademiko at di-akadamikong pagsulat.
Makikita ang prosesong ito sa mga pagkakataong pag-uusap ukol sa
nabasang libro kung kalian hindi possible ang pagbanggit sa bawat kabanata
at nilalaman ng mga konklusyon ng libro.
Madalas nililimitahan ng oras ang pagbabahagi ng kaalaman sa iba’t ibang
dahilan.
MGA HAKBANG
1.Pumili ng paksa sa talaan na pinagsama-sama
2.Bumuo ng tesis. (Kung nagbigay ng tanong magbigay din ng sagot. Kung
sisimulan ang iyong papel sa tesis, maging malinaw ang balangkas ng mga
ideyang bubuuin.)
3.Magbigay ng di-bababa sa tatlong aklat na binasa sa klase at bigyang
pansin ang tema o tanong na ibig mong bigyan ng tuon.
4.Basahin nang mabuti ang bawat sanggunian at lagumin ang mga
pangunahing ideya.
5.Isaayos ang mga paglalahat sa lohikal at may kaisahang pamamaraan.
6.Suriing mabuti ang bawat sanggunian para matukoy ang mga
pagkakatulad at pagkakaiba.
7. Bigyang-pansin ang mga odeya at hindi ang manunulat ng mga ideya.
8.Gumamit ng mga tuwirang sipi. Isaalang-alang ang mga nilalaman ng
pagsulat
9. Gumamit ng makatotohanang halimbawa sa sumosuporta sa iyong
pangkalahatang argumento
10. Sa konklusyon, lagumin ang iyong pangunahing tesis at mga binalangkas
na tanong na mananatiling bukas o isu na maaari pang saliksikin.
TATLONG URI NG PAGSUSUNOD-SUNOD NG DETALYE
Sekwensyal- mga pangyayari sa isang salaysay
Kronolohikal- impormasyon at mahahalagang detalye ayon sa pangyayari
Prosidyural- mga hakbang o proseso ng pagsasagawa
KAAYUSAN
1.Ang haba ng iyong papel ay lima hanggang pitong pahina na may palugit.
2. Maging konsistent sa paggamit ng bibligraphic references. Itala ang lahat
ng mga binanggit sa katapusan ng iyong papel
3. Alamin ang mga gamit ng mga bantas. Maliliit at malalaki na titik.
Malinaw at malinis
4. Sumunod sa tuwirang sinabi
5. Huwag gumamit ng unang panauhan
6. Pag-ugnayin ang mga ideya sa pamamagitan ng mga pangatnig at pang-
ukol
Hal: Ukol kay/ Ani ni/ Sabi nga ni
PAGLALAHAT
Ang sintesis ay…
ang pagsasama-sama ng mga impormasyon, mahahalagang punto, at ideya
upang mabuod ang napakahabang libro, mabuo ang isang bagong kaalaman
at maipasa ang kaalamang ito.