Detalyadong Banghay Aralin sa Araling Panlipunan IV

Grade level IV

Learning Areas Araling Panlipunan

Quarter Ikalawang Markahan

I. Layunin

Pamantayang Pangnilalaman Naiisa - isa ang tatlong pangunahing likas na yaman ng Bansa.

(Content Standard)

Pamantayang sa Pagganap Nailalarawan ang yamang lupa, yamang tubig, at yamang mineral ng bansa.

(Performance Standard)

Mga kasanayan sa Pagkatuto Nakabubuo ng mga paraan sa wastong pangngalaga sa mga likas na
yaman.
(Learning Competencies)

Isulat ang code ng bawat AP4PSK-IIIa-I

kasanayan.

II. Nilalaman Mga Panguhaning likas na yaman ng Bansa

III. Kagamitang Panturo

Sanggunian Araling Panlipunan IV

Iba pang kagamitang Panturo Larawan at Telebisyon

IV. Pamamaraan
Before the Lesson I. Panimulang Gawain

Guro: Mga bata bago ang lahat, maari bang paki ayus muna ang inyong mga
upuan at pulutin ang mga kalat na nakikita ninyo.

(Aayusin ng mga bata ang mga upuan at pupulutin ang mga kalat)

Guro:Alzaira, pamumunuan ang ating panalangin.

(Pamumunuan ni alzaira ang panalangin)

Guro: Inaanyayahan ko ang lahat na sumayaw para sa ating Energizer.

(Ang lahat ay sasayaw)

Guro: Maari ng magsiupo ang lahat at ngayon ay ating alamin kung sino ang
mga narito o wala sa ating klase.

(Ang Guro ay mag tse tsek ng attendance).

Guro: Magandang Umaga mga bata!

Mag-aaral: Magandang Umaga din po sir.

During the lesson I. Pagganyak

Guro: Handa na ba kayo para sa ating aralin ngayong araw na ito?

Mag-aaral: Opo, sir!

Guro: Magaling! Dahil handa na kayo ay may babasahin tayong tula na may
kinalaman sa ating talakayin ngayon araw na ito.

(ipe present ng guro ang tula sa klase)

Guro: Maari bang isa sa inyo ang gustong bumasa ng ating tula?

Christine: Ako po sir!

Guro: Okay, Christine; klas makinig ng mabuti dahil babasahin ni Christine

ang tula.

(Babasahin ni Christine ang Tula)

Likas Yaman ng Bansang Pilipinas

 Kalat kalat man ang mga pulo

Hindi maitatago ang yaman nito,

Mula batanes hanggang Jolo

Walang kupas ang ganda nito.

Ang ating likas na yaman,

Dapat lang nating paka-ingatan,

Dahil kapag ito’y naubus

Kalamidad ay bubuhos.

Kay ganda ng ating kalikasan

Tahanan ng mga likas na yaman,

Pero bakit natin hindi iniingatan

At bakit tayo nagpapadala sa kasakiman?

Mga likas na yaman ng ating bansa

Madali na lamang mauubos,

kaya dapat lagi tayong handa

na protektahan ito ng lubus.

Guro: Magaling! Bigyan natin ng Jose Rizal Clap si Christine.

(Ang lahat ay isasagawa ang Jose Rizal Clap)

Guro: Batay sa napakinggan, patungkol saan ang binasa ni Christine na

Tula?
Aira: Sir, Patungkol po sa Likas na yaman ng ating bansa.

Guro:Magaling, sa inyong palagay ano ang mga dapat nating gawin para
mapangalagaan ang likas yaman ng ating kapaligiran?

Necka: Sir, sa pamamagitan po ng pagtatapon ng basura sa tamang

basurahan, pagtatanim ng maraming puno, pag reresiklo at iba pa.

Guro: Magaling necka , nauunawaan natin na kapag iningatan natin ang

ating kalikasan ay magiging maganda ang ating kapaligiran lalo na sa ating
mga likas na yaman.

II. Paglalahad

Guro: Mga bata, ang ating talakayin ngayong araw na ito ay patungkol sa
Likas na yaman ng ating bansa, para lubos nating maunawaan ang ating
talakayin ay magpapakita ako sa inyo ng mga litrato at inyong sasabihin kung
anong uri ito ng likas na yaman at ano ang makikita dito.

III. Pagtalakay

Guro: Sa unang larawan, ano ang nakikita ninyo mga bata? Anong uri ng
likas yaman ito?

Christine: Sir, ang akin pong nakikita sa larawan ay mga puno, halaman,
prutas at pagkain.

Guro: Magaling, Christine. Ang yamang lupa ay mga likas na yaman ng

Pilipinas na tumutukoy sa mga bagay o pagkain na karaniwang makikita sa
anyong lupa. Sagana sa yamang lupa ang ating bansa dahil itinuturing ang
pilipinas bilang isang agrikultural na bansa dahil mainam taniman ang mga
lupa rito.
Halimbawa ng mga yamang lupa:

1. Palay

2. Mais

3. Prutas

4. Gulay

5. Puno

Guro: Sa ikalawang larawan, anong uri ng likas yaman ito at ano ang
makikita rito? Sa iyong palagay, ano ang pakinabang ng yamang tubig sa
ating buhay?

Aira: Sir, ang akin pong nakikita sa larawan ay mga ibat ibang uri ng isda at
sila po ay nabubuhay sa yamang tubig tulad ng dagat, mahalagang
maunawaan natin na ang tubig po ay isa sa nagbibigay buhay sa atin at
kinakailangan ng ating mga katawan.

Guro: Mahusay, Aira. Ang Yamang tubig ay tumutukoy sa mga likas yaman
ng Pilipinas na makukuha sa anyong tubig tulad ng dagat,lawa, talon, ilog, at
iba pa. Mula sa tubig ay makakakuha tayo ng iba’t ibang seafoods tulad ng
isda, alimango at marami pang iba.

Halimbawa ng Yamang Dagat:

1. Isda

2. Corals

3. Perlas

4. Jelly fish
Guro: Class, maaari ninyo bang ilarawan ang nasa huling larawan kung
anong likas yaman ito at paano ito ginagamit ng tao?

Necka: ito po sir ay mga daymante na kung saan nabibilang ito sa yamang
mineral at kadalasan natin itong ginagamit bilang mga palamuti sa ating
katawan.

Guro: Magaling, Necka. Tumutukoy sa mga likas na yaman ng pilipinas na

mamimina o mahuhukay sa ilalim ng lupa ang mga yamang mineral. May
tatlong uri ng mineral na mahuhukay sa lupa tulad ng: metaliko, hindi
metaliko, at panggatong. Ang mga yamang mineral ay nauubus at hindi
napapalitan.

Halimbawa ng Yamang Mineral

1. Ginto at Diyamante

2. Pilak at Tanso

3. Langis at Uling

4. Semento at marmol

5. Apog at Asbestos

IV. Paglalahat

Guro: Ngayon ay papangkatin ko kayo sa dalawang grupo, ito ang unang

pangkat at ito naman ay pangalawang pangkat.
 Panuto:

Unang Pangkat: Gumawa ng tula patungkol sa yamang lupa.

Ikalawang pangkat: Gumuhit ng mga larawan na makikita sa yamang tubig at

yamang mineral.

(Ang guro ay mag bibigay ng Sampung minuto upang gawin ang Gawain)

Guro: Okay class, dahil natapos na ang sampung minute ay maari ng ihanda
ang inyong mga Gawain at epresenta sa buong klase, simulan natin sa
unang pangkat.

(Ang unang pangkat ay epepresenta sa klase ang kanilang Gawain sa

pamamagitan ng tula)

Guro: Magaling, bigyan natin ng Aling Donesia Clap ang unang pangkat.

(Gagawin ang Aling Donesia Clap)

Guro:Ngayon naman ay ang ikalawang pangkat naman ay magpapaliwanag

sa buong klase patungkol sa kanilang mga iginuhit.

(Ang ikalawang pangkat ay ipapaliwanag ang kanilang mga iginuhit)

Guro: Mahusay, bigyan natin ng Coca Cola Clap ang ikalawang pangkat.

(Isagawa ang Coca Cola Clap)

I. Pagbubuod

AFTER THE LESSON (Itatanong ng guro ang mga sumusunod upang malaman o matukoy ang
nalaman o natutunan ng mga mag-aaral sa aralin.)

Guro: Mga bata, maari ba ninyong ilahad ang mga halimbawa ng likas na
yaman na meron sa ating bansa?

Mag-aaral: Ang mga likas na yaman na meron sa ating bansa ay Yamang

Lupa, Yamang Tubig at Yamang Mineral.

Guro: Magaling, mga bata. Ano naman ang mga halimbawa ng likas na
yaman na meron sa lupa, tubig at mineral?

Mag-aaral: Sir, ang mga halimbawa ng yamang lupa ay palay, mais, lupa; sa
 yamang tubig naman po mga isda at sa yamang mineral naman po ay mga
ginto, diyamante at iba pa.

Guro: Napakahusay ninyo, mga bata. Ngayon ay nalaman na ninyo na ang

likas na yaman ay tumutukoy sa mga bagay na makukuha natin mula sa
kalikasan tulad ng lupa, dagat, at mineral. Mahalaga ang mga likas na yaman
ng pilipinas dahil dito nakasalalay ang mga pangangailangan at
pangkabuhayan ng mga tao bukod dito ay nagsisilbi itong atraksiyon para sa
mga turista na pumupunta dito sa ating bansa. Hanggang diyan na lang mula
ang ating aralin mga bata. Salamat sa inyong pakikinig at pakikiisa dito sa
ating klase. Paalam.

Inihanda ni:

Jesrille M. J aleco

BEED II STUDENT