Professional Documents
Culture Documents
THEIHSAKNA THEIHSAKNA
Atung aa ih muh bangin UNHCR pan galtaite tung hanthotna aneih khit nung mahah, UNHCR ii zumke khat ahi EST in zong Kipawlna pawlmi (member) te tung anuai aa bangin Theihsakna hawmkhiat ding khatvei hong zasak kik uh hi. 6P vai aa palai sem khatpeuh tung, galtai akuama peuhin MIN, OMNA, PHONE NAMBATTE ahih kei leh ih thu leh vai khat peuhpeuh piakkhak hetloh ding kisam hi. Vaihawm ding a kisam peuhpeuh leh zaksak ding kisamte UNHCR ngiat in hong zasak ding aa, midang, kipawlna dang sawllo, ciallo ding uh hi. UNHCR in, ei aa ding hong vaihawm pih sawm bangbang a hunciang hong zasak ding uh hi.
ZAM THUPUAK
Refugee Kikhek Vai Ki Thukimna Bawl
(Anuai aa thuthak pen ZomiDaily pan kila hi.)
Malaysia leh Australia gam nih te-in refugee kikhek ding vai Agreement (ki thukimna) pen July 25, 2011 ni-in letmat thuhta uh ci-in, Bernama pan genkhiata hi. Hihbang dan gamkhat leh gamkhat refugee kikhekna pen leitung koimah gamah omngei nailo aa, hih ki thukimna Agreement hangin mailam ah Human Trafficking leh gamgi-ah buaina Cross Border Criminal cihte sitcianna baihtuam ding cih ngimna zong ahi hi. July 25 zankim aa kipan Australia gam aa om refugee mi (800) te leh Malaysia aa om refugee mi (4,000) te kikhek ding pen a kipan taktakta ding hi aa, hih ki thukimna agreement pen kum (4) sung hiding hi. Cihnopna-ah, Malaysia aa om refugee mi (4,000) pen tuzawh kum (4) sungin Australia gam tung hamtang ding, kipuak hamtang ding cihna ahih manin, Malaysia aa om gambel mite aa dingin thuhoih mahmah khat ahi hi. Hih ki thukim letmat thuhna (suaikaihna) ah Australia gam panin Immigration and Citizenship Minister Chris (6) Bowen leh(5) Malaysia gam panin Home Minister Datuk Seri Hishammuddin Tun Hussein te-in Australia leh Malaysia gam nih tangin kihel thei uh hi. Home Minister Datuk Seri Hishammuddin Hussein in a genkhiatna-ah Malaysia gamin Status of Refugees, 1951 Convention ah letmat thuhlo ahih manin, Malaysia (9) (7) (8) gamsung aa om refugee te aa dingin nasep guanzolo banah, pilna sintheih nading zong gelsak zolo ci hi. Malaysia gammite aa ding nangawn in tuate tampi ki sepsak zonailo ci hi. Tuaban ah Malaysia gamah refugee bekbek mi 84,000 omin a tamzaw Kawlgam pan ahi hi, ciin Hishammuddin in genbeh hi. Tua hi-in, Convention ah letmat athuh zenzenloh hangin Refugee tampi-in Malaysia gam sungah lungmuanna omsa veve ahih manin Malaysia hong zuan uh hi. Hih refugee vai-ah UNHCR (United Nations High Commissioner for Refugees) leh IOM (International Organisation for Migration) tegel in zong tampi seppih akulding lamzong genkhia hi. Australia gampan hong kipuak ding refugee mi (800) te pen Malaysia gam sungah bang tanvei omthei ding cih ciangtan omlo aa, ahih hangin Malaysia gamsung ah a om sungin Legal (thukhun zui-in phalna) tawh na semthei ding banah cidamna leh pilna sinna lamah zong ki vaihawm sakding ci hi. Australia pan hong kipuak ding refugee mi (800) te pen tuzan (July 25) kim khen khitciang pawlkhat honglut, hong tungpah ding cipah saisai hi.