IX.

KËNGË DASMASH

01. Goca në oborr

I: Goca n’oborr-e
Po ma ban me dorë. :I

I: Po ma ban me dorë
Ajo vetullhollë. :I

Goca n’çardak-e
M’u ka ba marak-e.

M’u ka ba marak-e
Ajo shtatbajrak-e.

Goca n’çarshi-e
Po ma ban’ me sy-e.

Po ma ban’ me sy-e
Ajo shtat selvi-e.

02. Malsorja
I: O hajde ti,
Moj lule malsore! :I
I: Hajde malsore e vogël
Në ty kam marak. :I

O syni yt
Porsi rrush i zi, aman, aman!
Hajde malsore e vogël,
Falja djalit ti!

O të kam dashtë,
Edhe prap të du’, aman aman!
Hajde malsore e vogël
Ti do t’jesh për mu’!
03. Unazën prej arit
Unazën prej arit
Në gisht do ta ru’j-e
Ti moj vajzë mos lu’j me mu’!
I: Do të shkoj të tres
Në një mal të shkretë
Se ma s’mundem me duru’! :I

Kët’ dashurinë tonë

S’po muj ta kuptoj
Ti moj vajzë që paske pasë
Pse mu’ më tradhtove?
Kur unë të besova
Mos t’lasht’ zoti pa të vra!

Kur të vjen pranvera

Do t’i lutem Zotit.
Me m’dhanë krah me fluturu’
Do të shkoj të tres
Në një mal të shkretë
Se ma s’mundem me duru’!

04. Tate du fustan

I: - Tate, du’ fustan!
- T’a blen Tata për Bajram! :I

Ref.:
I: Palo taktuke, palo tabake,
Do t’a marrim gocën
T’a çojmë n’Shijak-e! :I

- Tate, du’ këpucë!

- T’i blen Tata me majuc!

Ref.:
Palo tabake, palo taktuke
Do ta marrim gocën
Ta çojmë në Pukë!

- Tate, du’ kapele!

- Ta blen Tata me kurdele!
Me kurdele e me vija
Që të jeshë ti ma e mira.
Me kapelë e me fustana
Ti blen lala ty të tana!
05. Po të pyes sa vjet i ke
I: Po të pyes, po të pyes
po të pyes sa vjet i ke? :I
I: Unë i kam, unë i kam
unë i kam njizetetre. :I
Po të pyes,po të pyes,
Po të pyes sa vjet i ke?
Unë i kam, unë i kam
Unë i kam pesëdhjetetre.
Pesëdhjetetre, pesëdhjetetre
Pesëdhjetetre vërtet i kam.
Njëzetetre, njëzetetre
Njëzetetre në shpirt unë jam.

06. Lu’jmi, lu’jmi

Lu’jmi, lu’jmi,
Lu’jmi, lu’jmi
Oh du’rt e bardha, oh du’rt e bardha, o!
Si bylbylat, si bylbylat
Oh nëpër ara, oh nëpër ara.

Lu’jmi, lu’jmi, lu’jmi, lu’jmi

O du’rt e holla, o du’rt e holla, o!
Si bylbylat, si bylbylat
Oh nëpër molla, oh nëpër molla.

Lu’jmi lu’jmi, lu’jmi, lu’jmi

O kraht e gjona, o kraht e gjona, o!
M’i ke vetllat, mi ke vetllat
Oh sikur hana, oh sikur hana.

Lu’jma, lu’jma, lu’jma, lu’jma

Oh lu’jma belin, oh lu’jma belin,o!
Çiftelisë o, çiftelisë–o
Djalo k’putja telin, o k’putja telin-o!
07. Te guri që bon xixa
I: Ara bahçe, ara bahçe
Era jote ç'na kënaqi. :I
Ara bahçe ku?
Trashëgohet çifti!
Ara bahçe ku?
I qoft' për hajër t'zotit t'shpisë!
Ara bahç' ku ishe mrom?
- Rrug' më rrug-o o në Tiron.
Ara bahçe ku?
- Ke shoqnia e dhondrrit.
Ara bahçe ku?
- Mu ke guri qi bon xixa.
I: O mu ke guri mre qi bon xixa :I
I:O eja me lalën moj t'shkojm për pipza! :I
I: O asht diell e më djeg vapa! :I
I: O të vjen lala me çadër mrapa! :I
I: O lal Kamer o mre lal Kamer-e! :I
I: O bone darkën-o me sheqer-e! :I
O darka ime u boft zeher-e
O thirra mikun-o e dhe s'më erdh-e.
O po na vjen Karaj me dru-e
O dil moj nuse me shkarkue!
O jom nër magje moj tuj gatue
O jom tuj ly oj lala jom tuj shkrue
O mu ke guri n'qoshe t'votrës
O meraba moj nona e gocës!
O mu ke guri n'qoshe t'murit
O meraba mre baba i çunit !
Ke mullini i Sharrës-e
Prite lalën se po vjen!
Prite lalën se po vjen,
Dy-tri fjal moj do t'i them.
Ke mullini i Sharrës-e
Prite lalën se po vjen!
Prite lalën se po vjen
Dy-tri fjalë moj do t'i them.

08. Piku mollë e kuqe

Piku mollë e kuqe
E na ra prej malit.
I: Rritu vajzë e bukur
Prej merakut t’djalit. :I

Hej piku mollë e kuqe

E na ra n’qat’ vend-e.
Rritu vashë e bukur
Prej merakut tem!

Piku mollë e kuqe

E na ra n’saksi-e.
Rritu vajzë e bukur
Veç për dashuri-e!

09. Lu’j Lirije, lu’j

I: Kur më del n’oborr Lirije
Pse s’ma bon me dorë? :I
Pse s’ma bon me dorë Lirije?
Mori vetullhollë!

Ref.:
I: Lu’j, lu’j, lu’j’ Lirije
Sa je pa martu’! :I
I: Sa je pa martu’ Lirije
Natën ta pagu’j! :I

Kur më del n’sokak Lirije

Mori shtat bajrak!
Mori shtat bajrak Lirije
Ç’na bone merak.

Ref.:
Lu’j…
Kur më del n’çardak Lirije
Ç’na bone merak!
Ç’na bone merak Lirije
Mori lulë zamak

Ref.:
Lu’j…
10. Rroka mandolinën
I: Rroka mandolinën
Dola në çardak.
Oh mos cuca e vogël
T’u kam ba merak! :I
Ref.:
I: Vaj, vaj, vaj
Gishtat me bajrak
Oh moj cuca e vogël
T’u kam ba merak! :I
Rroka mandolinën
Dola në oborr.
Oh moj cuca e vogël
Po ma ban me dorë.
Ref.:
Vaj, vaj, vaj
Gushën si kajmak
Oh moj cuca e vogël
Hajde pak ma ngat!
Rroka mandolinën
Dola në sokak.
Oh moj cuca e vogël
T’u kam ba merak!
Ref.:
Vaj, vaj, vaj
Shtatin si selvi.
Oh moj cuca e vogël
Pa ty s’un të rri!
Rroka mandolinën
Dola në çarshi.
Oh moj cuca e vogël
Mos ma ban me sy!
Ref.:
Vaj, vaj, vaj
Gishtat me bajrak
Oh moj cuca e vogël
T’u kam ba merak
11. Sa e bukur na ka dalë nusja

Sa e bukur na ka dalë nusja, marshalla, marshalla!

E bukur për bukuri-e “ “
Paska shtatin o si selvi-e “ “
Paska ballin o perishan-e “ “
Paska vetllën o si gajtan-e “ “
Paska synin-o si filxhan-e “ “
Paska hunden-o miskavi-e “ “
Paska faqet-o gurabi-e “ “
Paska gojën-o si kuti-e “ “
Paska dhamët-o si inxhi-e “ “
Ma gëzofsh-o dhandri i ri-e “ “
__________________________________________________
miskavi = i pastër, i kulluar, i ndritshëm

12. Vetë më the të due

Vetë më the të due

E tash m’ke harrue
E tash m’ke harrue.

Kur t’piqet qershia,

Kujtoj lot’t e mia
Kujtoj lot’t e mia.

Kur t’më lindë një vajzë-e,

Ia la emnin tand-e
Ia la emnin tand-e.

Ta la amanet-e,
Mos më harro krejt-e
Mos më harro krejt-e!

13. Hidhet vallja

Hidhet vallja, vallja e parë, vallja e parë
I: Kush vallzon u mloft’ me ar, u mloft’ me ar! :I

Hidhet vallja vallja e dytë, vallja e dytë

Kush s’vallzon i plaçin sytë, i plaçin sytë!

Hidhet vallja, vallja e tretë, vallja e tretë

Kush vall’zon u gzoft’ përjetë, u gzoft’ për jetë!

Hidhet vallja po lunë Shota, po lunë Shota

Bijnë tupanat gjëmojnë lodrat, gjëmojnë lodrat!

Hidhet vallja kanga s’nalet, kanga s’nalet

Bijnë dairet, gjëmojnë malet, gjëmojnë mallet!

14. Sonte o shokë

I: Sonte o shokë, ma afroni gotën

Se ajo më bëri, ta mallkoj gjithë botën. :I
Sonte mbushni gotat, deri në agim
Dridhe vash-o shtatin, veç për hatrin tim!

Ref.:
I: O ti djalë me klarinetë,
Se ç’ma djegë zemrën e shkretë!
Qaj kitarë ti mos pusho
Sonte ajo tjetrin po e don. :I

Shokë më ndihmoni, t’i harroj këto halle

Le të bij tupani edhe të mos ndalet!
Sonte ajo tjetrin, po e ledhaton
Zemra ime e mjera, po qan e po vajton

Ref.:
O ti…

15. O syni i zi
I: - O ku po shkon moj Rrushe e lalës
Me dimi të bardha? :I
I: - Bej aman, aman, aman
Sonte jam te daja. :I

Ref.:
I: O syn o i zi
Lum daja për ty!
Për sy e vet’lla
Ishalla vjen apet! :I

- O ku po shkon moj Rrushe e lalës

Me këpucë të zeza?
- Bej aman, aman, aman
Sonte jam te tezja.

Ref.:
O syn i zi
Lum tezja për ty!
Për sy e vet’lla
Ishalla vjen apet!

- O ku po shkon moj Rrushe e lalës

Me dimi biluri?
- Bej, aman, aman, aman
Sonte jam te burri.

Ref.:
O syn zi
Lum burri për ty!
Për sy e vet’lla
Ishalla vjen apet!

16. Ti ku ke moj Ajshe

I: Ti ku ke moj Ajshe, te molla? :I

I: Te molla, aman te molla? :I

Ref.:
I: Ti te molla shkojshe,
Molla t’ambla hajshe.
Dashnorin mendojshe,
Shumë e dashurojshe. :I

Ti ku ke moj Ajshe, te dardha?

Te dardha, aman te dardha?

Ref.:
Ti te dardha shkojshe
Dardha t’ambla hajshe
Dashnorin mendojshe
Shumë e dashurojshe.

17. Hajt ta lidhim besën

I: Hajt ta lidhim besën-e

Me një fije kashtë! :I
I: A do ta duash nanën moj gocë
Sikur e ke dashtë? :I

Hajt ta lidhim besën

Me kunorë me ar-e!
Ta kem pranë njëri tjetrin
Sikur një thesarë!

Hajt ta lidhim besën

Me puthje plot zjarr-e!
Të na lindë një djalë, moj goc-e
O një djalë çunar-e!

18. O kush po vjen

O kush po vjen
O përmes lëndinës?
O ma e buk’ra
Çikë e Prishtinës!

O kush ia mori
Bukurinë hanës?
O ma e mira
Gocë e Tiranës!

O kush ma ka
Bardhësinë e borës?
O kjo syzeza
Çikë e Gjakovës!

O kush po i çel-o
Lulet e majit?
O kjo belholla
O prej Gjilanit!

O kush na solli
Flladin e verës?
O vjen me vrap
Kjo gocë e Pejës!

O kush ju plasi
Zemrat djelmënisë?
O ma e buk’ra
E gjithë Shqiptarisë!

19. Hajde Shot-o marshalla

I: Hajde Shot-o marshalla,
Fluturo me krah! :I
I: Lu’j Shot-o, lu’j!
Ditën ta pagu’j. :I

- E kam begenisë
Çikën e kojshisë.
- Jo, non-o, jo
Se e kemi fis!

- As se kemi n’fis oj nanë

As s’e kemi n’farë.
Çikën e kojshisë
Nuk e la pa e marrë!

Lu’j Shot-o nëpër therra

Dimi t’kuqe, dimi t’verdha.
Lu’j Shot-o nëpër ara
Dimi t’kuqe, dimi t’bardha!

20. Zake, Zake

I: Zake –Zake, mos ma pi rakinë!

Je e re moj Zake, je e re. :I
I: E do ta pi moj Zake
Se ma hekë mërzinë
Je e re moj Zake, je e re. :I

Zake-Zake, mos ma pi duhanin!

Je e re moj Zake, je e re.
E do ta pi moj Zake
Jam çun Elbasani.
Je e re moj Zake, je e re.

21. Jalla more çun

Ç’ke me mu
E gjeç’ belanë!
E unë prej teje
Nuk e heq sevdanë!

Ref.:
Jalla more çun-o
Gushën si pëllumb
Mos ma pi rakinë!
Se të ban zullum.

Hajde shpirto
Hajde pranë!
E mushna zemrat
Jalla me sevda!

Jalla moj Sadete

Na lige na trete!
Na lige na trete
Na bone për vete!

22. Mos ma pi rakinë

I: - E të kam thanë mor djalo
Mos ma pi rakinë.
Jar na na mor jar na ne! :I

- E do ta pi moj zemër
Sa ta heq mërzinë.
Jar na na mor jar na ne!

- E të kam thënë mor djalo

Mos ma pi konjakun.
Jar na na , mor jar na ne!
- E do ta pi moj zemër
Sa ta heq marakun.
Jar na na mor jar na ne!

E do ta pi moj zemër
Sa ta heq marakun
Jar na na mor jar na ne!

23. Vashë e bukur mos u ngut

Vashë e bukur mos u ngut
E mos luej me mu’!
Se unë jam një gacë e mblu’t
Muj me t’përvëlu’.

I: Mos luaj me mu moj lozonjare

E kam zemrën djaloshare. :I

Ref.:
Me ngadalë, moj me ngadalë!
Se unë jam një goxha djalë
Do të luej pak me ty
Sa të mu’j - tetë me dy!

Vashë…

Mos…
24. Luej qyqek
Jemi gëzuar sot
Në këtë shtëpi.
Dasmën e fillojmë
Për çiftin e ri.

Ref.:
Lu’ni motra, lu’ni bija!
Plot me miq na u mbush shtëpia.
Po vallëzon motra për vëlla
Hidhet vallja - marshalla.

Nusja me gjithë dhandrrin

Sa mirë po vallzojnë.
Babës edhe nanës
Zemrat ju gëzojnë.

Ref.:
Lu’ni motra, lu’ni bija!
Morëm nuse, u gëzu’ shtëpia
Luhet vallja o sa bukur
Po vallzojnë t’gjithë si flutur.
Po lu’n tezja po lu’n halla,
Po lu’jnë vllaznit
Po lu’n daja.
Po lu’n baba edhe nana
Lum e lum për ta po bajna
Kemi g’zim, kemi sevda
Marshalla o marshalla!
Paska hy djali n’gjerdek
O sa mirë po lu’jmë qyqek!

25. Mi ke flokët fije fije

I: Se mi ke flokët zemër
Amon fije fije
Amon fije fije
Sa të paskan hije! :I

Po më py’t shoqnia:
- Çka u bo me mue?
- Ty t'ka zonë rakia
Hiç pa e provue!

Se mi ke flokët zemër
Gërsheta-gërsheta.
Gërsheta-gërsheta
Unë e mjera u treta!

Se mi ke flokët zemër
Gërsheta gërsheta.
Gërsheta gërsheta
Unë pas teje u treta.

I: Po më py’t shoqnia:
- Çka u bo me mue?
- Ty t'ka zonë rakia
Hiç pa e provue! :I

26. Sonte kemi dasëm

I: Sonte kemi dasëm
Të gjithë do festojmë. :I
I: Djalin më të bukur
Sot po e martojmë. :I

Ref.:
I: Hajde more shokë
Të pimë nga një gotë raki
Të na trashëgohet
O ky çift i ri! :I

Plot miq edhe shokë

Na u mbush oborri.
Hyni t’gjithë në valle -
Të trashëgohet djali!

Ref.:
Hajde…

27. Ç’asht ai djal që rrin mas dere

Ç’asht ai djalë që rrin mbas dere?
Nan-o mori nanë.
Asht ai djalë që vjen përher-e
Nan-o mori nanë.

Ref.:
Vet ma fale synin moj,
Vet ma fale gushën moj,
Vet ma fale dashuninë,
Nan-o mori nanë.

Nanën dhe babanë e moj

Ti nuk e ndëgjove.
Me nji djalë të vogël moj
Ti u dashurove.

Ref.:
Vet…
28. Kënga e nuses
I: O shifni nusen sa mirë ka dalë
O si del lulja o anë o për anë.
O se e gëzove nanë e babën-o
Mirë se na erdhe n’fshat të bukur-o! :I
Ref.:
O njik’to lule t’i kemi mbledhë
O i kemi mbledh-o gemb mbi gemb.
E do t’a gëzojmë o të ardhmen-o
Si ngjyra lulet mas teje kan me ardhë.
I: N’supe tua knojnë bylbylat
N’supe tua rrijnë bylbylat
T’ri e t’reja do t’gëzojnë
Ty të paçim-o! :I
O nusja jonë më shkon me nji anë
O si sorkadhe hije ban.
O që e paske djalin o për krah
O porsi drita rrezet kanë me t’ra.
Ref.:
O njik’to……

29. Këndon bilbili gjetheve

Këndon bilbili gjetheve
Gjetheve moj lale, gjetheve.
O me maraz të derteve
Derteve moj lale, derteve.
Këndon bilbili fushave
Fushave moj lale, moj fushave.
O me sevdanë e nuseve
Nuseve moj lale, nuseve
Këndon bilbili degëve
Degëve lale, moj degëve.
O me sevdanë e cucave
Cucave lale, moj cucave.
Ref.:
I: Lum kush i ka,
Lum kush i m’a!
Luma ata bandilla
Që lozin me ta! :I

30. Ishin dy kunata

Ishin dy kunata
Shkojshin porsi motra.
Ruaji faqet e bardha moj gocë
Mos t’i puthin bota!

Ref.:
I: Hajde, moj Sadete
Na bone për vete.
Na bone për vete
Na lige, na trete! :I

Floktë e holla t’gjata

S’po ti zen shamia.
Fryni erë e malit moj gocë
Ç’m’i muar mend’t e mia.

Ref.:
Hajde …
31. Mora mandolinën

I: Mora mandolinën
Dola në sokak.
Me ty gocë e vogën
Unë zura merak. :I

Ref.:
I: Jarëm, jarëm, jarëm
Gushën me flori.
O moj gocë e vogël
S’ka lule si ti. :I

Mora mandolinën
Dola në oborr.
Ti moj gocë e vogël
Po ma ban me dorë.

Ref.:
Jarëm,…

Mora mandolinën
Dola në Pazar.
O moj gocë e vogël
Je si qelibar.

Ref.:
Jarëm, jarëm, jarëm
Të kam me kimet.
O moj gocë e vogël
Me gojë pse s’më flet?

Ref.
Jarëm…

32. Jam një djalë bujar

Jam një djal, një djalë bujar
Këndoj me shpirt, këndoj me mall.
Këngën unë e kam në shpirt
Me vullnet këndoj, pa frikë.

Ref.:
Hajde s’bashku të këndojmë
T’gjithë në valle të vall’zojmë.
Cakrrojmë gotat sy më sy
K’ndojmë për pleq, kndojmë për t’ri.

Hajt ti djalë me harmonikë

Kënga jote m’flen në shpirt
Zanin tand du’ me ndigju’
Dhim’t e shpirtit me i largu’.

Ref.:
Hajde…

Hajt ti djalë me klarinetë

Shëro këtë zemër t’shkretë!
Bjen tupani ushton shpia
Për ju po këndon shoqnia.

Ref.:
Hajde…