Ayon sa aking nakikita, ang Globalisasyon ay isang
pangyayaring hindi na mapipigilan. Kasama sa paglaki ng populasyon ng mundo ang matinding pangangailangan ng mga produktong magmumula sa ibang bansa. Isa rin ang pagpasok ng kultura ng “consumerism”, na kung saan ang indibiduwal ay nahihikayat bumili ng isang bagay na hindi naman talaga niya kailangan. Wala ng nasyon na maaaring tawagin na “truly independent” o “self sustaining”.
Ang globalisasyon ay magbubunga ng kaunlaran sa
isang sektor at kahirapan naman sa iba. Makakabuti para sa ating bansa ang makapaghanda sa larangang ng edukasyon, pasilidad, at impraestruktura para harapin natin ang hamon nito. Masasabi kong nakakabuti ang globalisasyon para sa ating bansa, maaaring sa pang ekonomiya, politika, kultura at kapaligiran. Maraming makikinabang lalo na ang mga taong may kakayahan na sumabay sa daloy ng pagbabago sa bansang kanilang ginagalawan. Ngunit nakakalungkot na sa pag- angat ng mga nasa taas na talagang miyembro ng bansa ay meron pa ring nasa baba dahil hindi nila nararamdaman ang sinasabing magandang pagbabago sa bansa.