ANG FILIPINO BILANG AKADEMIK NA
WIKA
 Pang. Manuel L. Quezon- Ama ng Wikang
Pambansa at pagkilala naman sa
pagpapahalaga rito ni Pang. Ramon
Magsaysay kanyang iprenoklama noong
Setyembre 23, 1955 na ang Agosto 13-19
(ang huling araw na ito’y kaarawan ni Pang.
Manuel L. Quezon) ay tatawaging Linggo
ng Wika na nakaugalian nang ipagdiriwang
ng bawat paaralan at pamahalaan.
 Kautusang Tagapagpaganap Blg 263-
sinusugan ni Jorge Bacobo, Kalihim ng
Pagtuturong Pambayan, ng Kautusang
Pangkagawaran, sirkular Blg. 26 na ang
wikang pambansa ay ibibilang sa araling
panghayskul at pangnormal
 Ang implementasyon ay umabot sa antas
tersarya bilang asignatura at wikang panturo
sa mga kursong agham panlipunan sa
pagpapatupad ng patakarang edukasyong
bilinggwal noong 1987. Ang kaunlaran at
kalaganapan nito ay pinagtibay ni Pang.
Ferdinand E. Marcos wika niya;
 “… Ang Pilipino ay laganap na at
nagsisilbing daan ng talastasan ng lalong
maraming karaniwang mamamayan sa lahat
ng dako. Dapat ipagpatuloy ang
pagpapalaganap na ito sa kinikilalang
pinakamaunlad na katutubong wika sa
Pilipinas .”
 Saligang Batas 1973, Seksyon 3 ng
Artikulo XV. ay ganito ang sinabi;
Ang Pambansang Asemblea ay dapat
gumawa ng hakbang tungo sa
pagpapaunlad at pormal na adopsiyon ng
panlahat na wikang pambansa na
makikilalang Filipino.”
Nagpaganap ng Sarbey para sa Repormang
Ortograpiko. Ang magkaugnay na
hakbangin ito sa paglinang ng pinagyamang
alpabeto ay binubuo ng mga linggwist, mga
propesor at superbisor, mga
puno/tagapangulo,kagawaran ng Filipino sa
paaralan, kolehiyo at unibersidad publiko at
pribado, mga manunulat at gumagamit o
nagtuturo sa Filipino.
 Gawing 28 ang orihinal na 20 titik na
Abakada sa pamamagitan ng pagdaragdag
ng sumusunod na walong (8) titik: C, F, J,
Ň, Q, V, X, Z. Ang rasyonal sa idinagdag na
walong titik ay matatagpuan sa ibang
wikang etniko sa Pilipinas bukod sa Ingles at
Kastila. Samantala ang daygrap na CH, LL
at RR ay di na isinama upang umalinsunod
sa prinsipyo ng katipiran. Bukod dito
inihayag ng mga kalaho ang rasyonal na
kapag naisulat ang C at H nang hiwalay,
maaari ring isulat ang daygrap na CH,
gayundin ang LL at RR. Ang NG bagama’t
isang daygrap ay hindi inalis sapagkat
katutubo ito sa Pilipino gayundin sa ibang
wika sa Pilipinas.
Alpabetong Filipino na tawag-Ingles:
A/ey/, B/bi/, C/si/, D/di/, E/i/, F/ef/, G/dzi/, H/eyts/,
I/ay/, J/dzey/, K/key/, L/el/, M/em/, N/en/, Ň/enye/,
NG/endzi/, O/o/, P/pi/, Q/kyu/,
R/ar/, S/es/, T/ti/ U/yu/, V/vi/, W/dobolyu/, X/eks/,
Y/way/, Z/zi/
 Bagong Konstitusyon na pinagtibay ng
Komisyong Konstitusyonal ng 1986, na
Artikulo XIV ay nagsasaalang-alang ng
ganito hinggil sa wika:
 Sek. 6. Ang wikang pambansa ng Pilipinas
ay Filipino. Dapat magsagawa ng mga
hakbangin ang Pamahalaan upang ibunsod at
puspusang itaguyod ang paggamit ng
Filipino bilang midyum ng opisyal na
komunikasyon at bilang wika ng pagtuturo
sa sistemang pang-edukasyon.
 Sek. 7. Ukol sa mga layunin ng
komuniksyon at pagtuturo, ang mga wikang
opisyal ng Pilipinas ay Filipino at hangga’t
walang ibang itinatadhana ang batas.
 Sek. 8. Ang konstitusyong ito ay dapat
ipahayag sa Filipino at Ingles at dapat isalin
sa mga pangunahing wikang panrelihiyon,
Arabic at Kastila.
 Sek. 9. Dapat magtatag ang Kongreso ng
isang komisyon ng wikang pambansa na
binubuo ng mga kinatawan ng iba’t ibang
mga rehiyon at mga disiplina na
magsasagawa, mag uugnay at magtataguyod
ng mga pananaliksik sa Filipino at iba pang
mga wika para sa kanilang pagpapaunlad,
pagpapalaganap at pagpapanatili.
 Tugon ng KWF “ay inaasahang
magreresulta sa mga sumusunod:
 Istandardisasyon ng Wikang
Filipino
Sa paglipat ng oral o pasalitang wika tungo
sa anyong pasulat, natatAmo ang uniformidad o
kodifikasyon ng wika. Sa gayon, nalilinang ang
norm o pamantayan ng iba’t ibang komponent
kaya napatatag ang pagbigkas, bokabularyo, at
istuktura ng wika.
• Modernisasyon at leksikal na elaborasyon
ng wikang Filipino
Mapabilis ang modernisasyon ng
pambansang wika, at kasabay nito, ang
modernisasyon ng ating kultura at buhay. Sa
pagbubukas ng Filipino sa ibang wika (pagsunod sa
prinsipyo ng fleksibilidad) na binabalanse ng
kahigpitan sa pamamagitan ng pagpapanatili sa isa-
sa-isang tumbasan ng letra at tunog (pagsunod sa
prinsipyo ng simplisidad at ekonomiya), lalawak
ang bilang ng mga salitang Filipino.
• Pangmadlang literasi
Ang pagbabasa ay nagiging natural at
awtomatiko sapagkat malinaw ang isa-sa-isang
tumbasan ng tunog at letra sa alfabeto ng wikang
Filipino.
Halimbawa dito ang paggamit ng Iskiming at
Iskaning
ANG FILIPINO BILANG WIKANG
PAMBANSA AT ANG MGA PARAAN NG
PAGDEDEVELOP NITO
 1934- Kontitusyonal Kumbensyon.
Saligang Batas 1935, Artikulo XIII, Seksyon 3:
“Ang Pambansang Asemblea ay gagawa ng
mga hakbang tungo sa pagpapaunlad at
pagpapatibay ng isang wikang pambansa na batay
sa isa sa mga umiiral na katutubong wika.
Hanggang hindi nagtatadhana ng iba ang batas ang
Ingles at Kastila ay patuloy na gagamiting opisyal.”
 Batas Komonwelt Blg. 184. Ang
institusyong ito ay Surian ng Wikang
Pambansa ( SWP ) Nobyembre 13,
1936. Ang Lumikha ng isang
institusyong pangwika na
mangangasiwa sa pagkakaroon ng
wikang pambansa.
 Jaime C. de Veyra. naging unang
tagapangulo ng SWP.
 Miyembro ng SWP:
 1. Cecilio Lopez
 2. Santiago Fonacier,
 3. Filemon Sotto,
 4. Felix S. Salas,
 5. Casimiro S. Perfecto at
 6. Hadji Butu
Naging gampanin ng SWP:
 Gumawa ng pag-aaral tungkol sa mga
pangunahing wikang sinasalita ng hindi
bababa sa kalahating milyong Pilipino;
 Gumawa ng kompratibong pag-aaral sa
bokabularyo ng mga pangunahing wikang
ito;
 Pag-aralan at malaman ang ponetiko at
ortoggrapiya ng Pilipinas;
 Gumawa ng masusing komparatibong pag-
aaral ng mga panlapi sa Pilipinas;
 Pumili ng katutubong wika na gagawing
batayan para sa ebalwasyon at adaptasyon
ng pambansang wika.
 Nobyembre 17, 1937. Ang wikang Tagalog
ang magiging batayan ng Wikang Pambansa
na tumutugon sa hinihingi ng Batas
Komonwelt Blg. 184.
 Disyembre 30, 1937. iprinoklama ng Pang.
Manuel L. Quezon na wikang Tagalog ang
magiging batayan ng Wikang Pambansa. Sa
bisa ng Kautusang Tagapagpaganap Blg.
134.
 Sa panukala ni Jaime C. de Veyra
nakapaglimbag ang SWP ng diksyunaryo na
may titulong.” A Tagalog English
Vocabulary at Ang Balarila ng Wikang
Pambansa”
Ang ABAKADA na Ipinakilala ni Lope
K. Santos
 A-B-K-D-E-G-H-I-L-M-N-NG-O-P-R-S-
T-U-W-Y
 1940- ipinag-utos ang pagtuturo ng wikang
pambansa sa lahat ng pampubliko at
pribadong paaralan sa buong bansa.
 Sirkular 21- Awitin ang Lupang Hinirang
sa mga paaralan.
 Proklamasyon Blg. 12- Linggo ng Wika ay
mula Marso 29-Abril 4. (Pang. Ramon
Magsaysay)
 Proklamasyon Blg. 186- Linggo ng Wika
mula Agosto 13-19.
 Proklamasyon Blg. 1041- Buwan ng Wika
ang buong Agosto.
 Kautusang Pangkagawaran Blg. 7-
PILIPINO ang wikang pambansa. (1959
Kalihim Jorge B.Romero) “wikang
pambansa batay sa tagalog”.
 SB 1987 Art. 14 Sek. 6-9- FILIPINO ang
wikang pambansa ( ang payabungin at
pagyamanin ang wika ng Pilipinas.
 Batas Komonwelt Blg. 50- muling ibinalik
ang SWP. Naging panibagong hamon sa
SWP ang pagdating ng mga Hapon nang
sumiklab ang Ikalawang Digmaang
Pandaigdig.
 Hulyo 19, 1942- Ibinaba ang Order Militar
Blg. 13 na nagdeklara sa mga wikang Hapon
at Tagalog bilang opisyal na mga wika ng
Pilipinas
 Kautusang Tagapagpaganap Blg. 10-
Ipinag-utos ni Pang. Jose P. Laurel ang
pagtuturo ng wikang pambansa sa lahat ng
paaralan sa Pilipinas.
  -ang pagpapalit ng pamagat ng Pambansang
awit sa “Diwa ng Bayan”
 Hunyo 4,1946- Batas Komonwelt Blg. 570
ang wikang pambansa na tatawaging
Wikang Pambansang Pilipino ay isa ng
opisyal
 Hulyo 1946- Jose Villa Panganiban bilang
Direktor ng SWP.
 Hulyo 28, 1947- Julian Cruz Balmaceda
isang manunulat at mananaliksik (Setyembre
18,1947-namatay si Balcemeda).
 Disyembre 29, 1947- Cirio H. Panganiban
bilang Direktor ng SWP (Ispesyalisadong
talasalitaan, tulad ng Legal Terms,
Arithmetical and Geometrical Terms atbp.)
 1970- nagretiro si Jose Villa Panganiban at
si Ponciano B.P Pineda ang naging direktor
ng SWP. (Pang. Marcos).
 Komite ng SWP; Komite sa Gramatika at
Leksikograpiya, Edukasyon at kultura,
popularisasyon at mga Suliranin
Paglalathala at Istandardisasyon.
Ang Pinagyamang Alpabeto ( Oktubre 4,
1971)
 A, B, C, CH, D, E, F, G, H, I, J, K, L, LL,
M, N, Ň, NG, O, P, Q, R, RR, S, T, U, V,
W, X, Y, Z
 Saligang Batas 1972- opisyal na
ipalalaganap ang Ingles at sa Pilipino at sa
lahat ng diyalektong sinalita gayundin ang
kastila at Arabik
 Hulyo 10, 1974- nilagdaan ng kalihim ng
Edukasyon at Kultura (Kautusang
Pangkagawaran Blg. 25)- nagtatakda ng
pagpapatupad ng Patakarang Edukasyong
Bilinggwal.
 Saligang Batas ng 1987, Artikulo XIV,
Seksyon 6;
“Ang wikang pambansa ng Pilipinas ay
Filipino, ito’y dapat payabungin at
pagyamanin pa salig sa umiiral na umiiral
mga wika ng Pilipinas at sa iba pang mga
wika
 Saligang Batas 1987 (Bagong Alpabetong
Filipino)
A, B, C, D, E, F, G, H, I, J, K, L, M, N, Ň,
NG, O, P, Q, R, S, T, U, V, W, X, Y, Z
Kautusang Tagapagpaganap Blg.117- SWP –
LWP o Linangan ng mga Wika sa Pilipinas.
 LWP- Binubuo ng Direktor, Pangalawang
Direktor at limang sangay;
1.Pananaliksik at Pagpapaunlad,
2.Leksikograpiya,
3.Pgsasalingwika at Panitikan,
4.Preserbasyon at Promosyon at
5.Pampangasiwaan
 Atas Tagapagpaganap Blg. 335- nag-aatas
sa lahat ng mga
kagawaraan/kawanihan/ahensya/opisina/inst
rumentaliti ng pamahalaan na magsagawa ng
mga hakbang na kailangan para sa layuning
magamit ang Filipino sa opisyal na mga
transakyon, komunikasyon at
korespondesya. Agosto 25, 1988 nilagdaan
ni Pang. Corazon Aquino.
 Saligang Batas ng 1987 Art. IV, Seksyon
9- itinatag ang Komisyon sa Wikang
Filipino noong Agosto 14, 1991 sa bisa ng
Batas Republika Blg. 7104 nilagdaan ito ni
Pang. Aquino. Ang KWF ay nasa ilalim ng
tanggapan ng Pangulo ay may
pangkalahatang layuning magsagawa, mag-
ugnay at magtaguyod ng mga pananaliksik
para sa pagpapaunlad, pagpapalaganap at
preserbasyon ng Filipino at iba pang mga
wika sa Pilipinas.
 Sangay ng Komisyon sa Wikang Filipino:
1.Dibisyon ng Leksikograpiya
2. Dibisyon ng Linggwistika
3. Dibisyon ng Pagsasaling-wika
4. Dibisyon ng Ibang mga Wika at Literatura
ng Pilipinas
5. Dibisyon ng Impormasyon at Publikasyon
at
6. Dibisyong Pampangasiwaan
 KWF ang Filipino sa pamamagitan ng
Resolusyon Blg. 1-92 noong Mayo 13,
1992 na sinusugan naman ng Resolusyon
Blg. 96-1 noong Agosto 1996
“Ang Filipino ay ang katutubong
wika na ginagamit sa buong Pilipinas-
bilang wika ng komunikasyon ng mga
etnikong grupo. Katulad ng iba pang
wikang buhay, ang Filipino ay dumaraan
sa proseso ng paglinang sa pamamagitan
ng mga paghihiram sa mga wika ng
Pilipinas at mga katutubong wika at sa
ebolusyon ng iba’t ibang sitwasyon, sa
mga nagsasalita nito na may iba’t ibang
salitang sosyal, at para sa mga paksa ng
talakayan at iskolarling pagpapahayag”
 Batas Republika Blg. 7104, Seksyon 14,
itinatatg ang PSWF o Panrehiyong Sentro
sa Wikang Filipino pinagtibay noong Mayo
9, 1994
  1997- nilagdaan ni Pang. Fidel V. Ramos
ang Proklamasyon Blg. 1041 na
nagpapahayag ng taunang pagdiriwang
tuwing Agosto 1-31 bilang Buwan ng
Wikang Pambansa.
Kalikasan ng Komunikasyon
 Ang nakakapagpatibay sa isang mabisang
komunikayon ay ang pag-unawang ang
bawat isang nilalang ay natatangi at
mahalaga –Paul J. Meyer
 Kung nahaharap sa pangangailangang
kumuha ng kurso sa komunikasyon,
naitatanong kung bakit kailangan pa ito
samantalang lahat naman halos ay may
kakayahang magsalita nabibigyang-
katuturan ang komunikasyon.
 Ang Komunikasyon ay:
1. Humubog ng Identidad
2. Mapanatili ang ugnayang pantao
3. Mapaangat ang kultura ng isang lipunan
Kahalagahan ng Pag-aaral ng Komunikasyon
1. Pinatatag ang ugnayang pansarili at
pangkapwa.
2. Pinalalakas ang kamalayang panlipunan.
3. Pinabubuti ang kasanayan sa postmodernong
panahon.
4. Pinag-iisa ang mga pluralistikong
perspektiba.
Kahulugan ng Komunikasyon
 Ang komunikasyon ay isang proseso ng
pagpapalitan ng impormasyon o ideya na
kadalasang ginagawa sa pamamagitan ng
karaniwang sistema o mga simbolo. Ito ay
isang paraan ng pagpapadala at pagtanggap
ng mga mensahe sa pamamagitan ng cues na
maaring berbal o di-berbal. Ang
komunikasyon ay maaaring intensyonal o di-
intensyonal.
 Intensyonal- ang pagkaway ng isang tao ay
direktang nagpapahayag ng pagbati sa taong
dumating o umalis.
 Di-intensyonal- kung hindi malay o di
layunin ng isang tao ang naipahayag na
mensahe o nakitang kilos/senyales mula sa
akin.
TUNGKULIN NG KOMUNIKASYON
- Napakahalagang malaman ang sentral na
gampanin ng komunikasyon sa buhay ng
isang indibidwal. Kalimitang napakalaking
porsyento ng ginugugol na oras ng isang tao
ay ginagamit sa pakikipagkomunikasyon sa
anumang anyo nito. Hindi lamang
nabubuhay sa kanyang sarili ang bawat
nilalang, may mga taong nakapaligid dito na
kinakailangan maunawaan at umaasang
maintindihan ng din ng iba.
Mga Tungkulin ng Komunikasyon ay:
1. Pisikal na pangangailangan- napakahalaga ng
komunikayon sapagkat kailangan ito para sa pisikal
na pangangailangan ng isang tao. Nagiging matatag
ang isang indibidwal kung may suporta siyang
nakukuha mula sa mga taong nakapaligid at
nakakasalamuha niya.
2. Identidad na pangangailangan- sa
pamamagitan ng pakikipag-ugnayan sa kapwa,
natututunang kilalanin ang sarili. Ang diwa ng
pansariling identidad ay nagmumula sa kung paano
makipag-interaksyon sa kapwa.
3. Sosyal na pangangailangan- bukod sa pagkilala
sa sariling identidad, nagdudulot ng mahalagang
ugnayan sa kapwa ang komunikasyon.
Nabibigyang-kasiyahan nito ang sosyal na
pangangailangan ng ibang tao tulad ng kaligayahan,
pagmamahal, magandang samahan, paglilibang at
kontrol.
4. Praktikal na pangangailangan- Ito ang
mabisang paraang magagamit upang maiparating
ang mga praktikal na pangangailangan sa araw-
araw.
Sampung (10) kahulugan ng Komunikasyon
Hango sa sampung aklat
1. Tahasan itong binubuo ng dalawang panig:
Isang nagsasalita at isang nakikinig na kapwa
nakikinabang nang walang lamangan. (Atienza et,
Al.1990)
2. Ayon kina Sauco at Atienza (2001) ang
komunikasyon ay isang paraan ng pakiitungo ng tao
sa kanyang kapwa, isang bagay na kailangan sa
pakikisalamuha niya sa isang lipunang kanyang
ginagalawan, isang paraan ng pakikibagay ng tao sa
kanyang kapaligiran.
3. Ayon sa isang Sikologo na si S.S Stevens, ang
komunikasyon ay ang napiling pagtugon ng
organismo sa anumang bagay na nangangailangan
ng pagkilos o reaksiyon.
4. Intensyonal o konsyus na paggamit ng anumang
simbolo upang makapagpadala ng katotohanan,
ideya, damdamin, emosyon mula sa isang
indibidwal tungo sa iba. (Greene at Petty,
Developing Language Skills).
5. Ito ay pagpapahayag; paghahatid o pagbibigay ng
impormasyon sa mabisang paraan; isang pakikipag-
ugnayan, pakikipagpalagayan o pakikipag-
unawaan (Webster).
6. Ang komunikasyon ay paghahatid ng
mahahalagang impormasyon sa isang paraang
masining upang maging mabisa at mahusay na
maipahayag ng tao ang kanyang palagay o saloobin
sa kanyang kapwa, anuman ang paksang inaakala
niyang mahalagang mapag-usapan (Verdeber,
1987).
7. Ayon kay Ayon kay Semorlan (1997:32) ang
komunikasyon ay ang proseso ng pagbibigay at
pagtanggap. Mensahe ang ibinibigay at mensahe rin
ang tinatanggap. Sa pamamagitan nito nabubuo ang
pagkakaunawaan ng mga tao sa lipunan dahil
naipahahayag ng bawat isa ang kani-kanilang ideya
at saloobin.
Komunikasyon Bilang Disiplina
Ang pag-aaral sa komunikasyon ay nagsasangkot sa
lahat ng gawain tulad ng pakikipag-usap sa
kaibigan, mga nakalimbag sa paligid, mga
pangyayaring nagaganap sa anumang okasyon gaya
ng halalan. Karamihan sa mga pagdulog na
inilalapat sa komunikasyon ay nagbibigay-pansin sa
kung paanong ito’y nakapag-aambag sa
pagbabagong anyo ng lipunan at sa praktikal nitong
paglalapat sa pang-araw-araw na buhay at sa pag-
aaral ng iba’t ibang disiplina.
Tagapanguna at Interpreter
Nagsisimula ang proseso sa persepsyon o
pagbuo ng ugnayan sa pagitan ng mga tagapahayag.
Nangangailangan ito ng tagapanguna sa
pamamgitan ng pagbibigay o paglikha ng mensahe
patungo sa interpreter o sa tumatanggap at
nagtatangkang unawain ang mensahe.
Enkowding at Dekowding
Nagaganap ang enkowding sa
pagpapasimula at paglikha ng mensahe kapag ang
tagapaghatid nito’y naglilipat ng mga ideya,
kaisipan at damdamin gamit ang simbolo. Ang
Dekowding naman ang siyang kabaligtaran ng
nauna kung saan, nagaganap naman ito kung
iniinterpreta ng kausap ang ibinigay na mensahe sa
pamamagitan ng pagsasalin ng simbolo sa
nauunawaan niyang ideya, kaisipan at damdamin.
Identidad/Sarili
Nagiging matagumpay ang komunikasyon
kung ang mga simbolo ay kapwa nakikila at
nagiging makabuluhan. Samantala, magkagayon
man, nagiging bigo ito dahil ang simbolong
ginagamit ng isang tao ay hindi umaangkop sa
kahulugang ipinalalagay ng taong kausap.
Mensahe- Ang mensahe ay simbolikong
pagpapahayag ng mga ideya, kaisipan at damdamin.
Maaring itong maging berbal o di-berbal.
Berbal na komunikasyon- binubuo ng mga
mensaheng ipinahahayag gamit ang pormal na wika.
Di-berbal na komunikasyon- binubuo ng mga
mensaheng ipinahahayag gamit ang simbolo sa
halip na salita. Tinatawag itong “ekstralinggwistik”
o sa labas ng wika (Anderson, 1999). Kabilang sa
mga di-berbal na mensahe ang kumpas ng
kamay,ekspresyon ng mukha, pandama, pagbabago
ng tono atbp.
Tsanel- Hindi maibabahagi ang mensahe kung
walang paraan ng pagpapadala nito.
May tatlong dimensyon ng pamamgitan
(mediation) na nakapagbabago sa mensahe. Ang
mga ito ay ang sumusunod:
1. Pagiging tiyak (specificity)- ang pagiging tiyak
sa patunguhan ng mensahe ay tumutukoy sa
kakayahan ng ginagamit na tsanel na maipokus ang
mensahe sa isang tiyak na indibidwal.
2. Pagiging malawak (richness)- Ito ay tumutukoy
sa bilang ng berbal at di-berbal na hudyat na
dinadala ng mensahe. Isang halimbawa ng tsanel na
mayaman sa mga hudyat ay ang harapang
pakikipag-usap dahil sa ginagamit na mga salita,
pagbabago ng tono, pagkumpas at marami pang iba.
3. Pagiging interaktibo (interactivity)-
nagpapabilis ng pagbibigay ng tugon sa mensahe
ang isang interaktibong tsanel. Madaling
nakapagbibigay ng reaksyon at maunawaan ang
mensahe tulad ng pakikipag-chat.
Ingay- sa kabila ng pagsisikap na magkaroon ng
kapwa pagkaunawaan sa pagitan ng mga nag-uusap,
may mga salik na nakakaapekto sa proseso ng
komunikasyon. Ang ingay ang anumang bagay na
nakakahadlang sa paglikha ng napagkasunduang
kahulugan.
Dalawang (2) uri ng Ingay:
Internal na Ingay- nangyayari ang internal na
ingay kapag ang pisyolohikal na pangangailangan o
ang sikolohikal na katangian ay humahadlang sa
proseso. Ang pansariling interes ay nalilikha rin ng
internal na ingay.
Eksternal na ingay- ito ay mga hadlang mula sa
kapaligiran.
Pagtugon/Pidbak- ito ay ang reaksyon sa isang
mensahe. Ipinapakita nito kung naunawaan ang
ipinadalang mensahe ayon sa nais ng nagsasalita.
Konteksto- ito ay ang kapaligiranng pumapalibot sa
proseso. Hindi maihihiwalay ang komunikasyon sa
kapaligiran nito.
Pisikal na Kaligiran- ang pisikal na kaayusan o
tagpuan ay nagbibigay ng malalim na epekto sa
sitwasyong pangkomunikasyon. Posibleng makabuo
ng Magkaibang kahulugan mula sa iisang mensahe
ang nakikinig batay sa kanilang pinupwestohan
habang nakikinig at maging ang oras ng pakikinig.
Komunikatibong Kapaligiran- ay isang malawak
na salitang tumutukoy sa bilang ng mga kasangkot
sa usapan, ang uri ng ugnayan at ang kalikasan ng
kanilang interaksyon. Ang kaibhan sa kaligiran ay
nagdudulot ng iba’t ibang paraan ng
pakikipagtalastasan.
Kultura- ang kultura ang isa sa mahalagang salik sa
proseso. Ito ay ang anumang paraan ng pamumuhay ng
tao kabilang ang mga paniniwala, kaalaman, kaasalan at
simbolikong ekspresyon. Lhat ng tao ay nilikhang
kultural. Nagiging multikultural kung
naiimpluwensyahan ng kapaligiran- impluwensya mula
sa pamilya, komunidad, paniniwalang panrelihiyon,
edukasyon at medya.