I.

DEPINISYON: TEKSTONG ARGUMENTATIBO

- Naglalayong patunayan ang isang argumento sa pamamagitan ng matibay na

pangangatwiran batay sa katotohanan o lohika.
- Upang maipagtanggol ang argumento, ang tagapagtanggol o manunulat ay kailangang
mailahad ng maayos at malinaw ang ebidensiyang batay sa katotohanan upang
mahikayat ang tagapakinig o mambabasa.

II. MGA PAMAMARAAN NG PAGBUO NG TEKSTONG ARGUMENTATIBO

1. PABUOD – Nagsisimula sa paglalahad ng mga halimbawa o mga pansuportang kaisipan at

nagtatapos sa isang pangunahing kaisipan.

2. PASAKLAW – (Kabaligtaran ng pabuod) Nagsisimula sa isang pangunahing kaisipan at

nsinusundan ng mga pansuportang kaisipan.

3. LOHIKAL – Naaayon sa mga risonableng inaasahan kaugnay sa mga espisipikong

sitwasyon o kaganapan at ang lohikal na pag-iisip ay isang tao na may maayos na pag-iisip at
consistent.

4. SILOHISMO – binubuo ng tatlong mahahalagang bahagi; pangunahing premis, ikalawang

premis, konklusyon.

5. SANHI AT BUNGA – pagtalakay sa mga kadahilanan ng isang bagay o pangyayari at mga

epekto nito

III. MGA BAHAGI

1. PANIMULA
- kinakailangang mapanghi kayat
- nilalahad dito ang 'thesis statement' (pangunahing paksa tatalakayin)

2. GITNA O KATAWAN
- Nilalahad dito ang mga opinyon o pananaw ng manunulat kaugnay sa paksang
tinatalakay at inihahayag batay sa mga datos.

3. KONKLUSYON
- Dito inilalatag ng sumulat ang kanyang kabuuang pananaw ukol sa pinag-uusapang
paksa.
- kinakailangan na matibay ito
- nakabatay dapat sa mga nabanggit na datos sa katawan ng teksto
 IV. MGA DAPAT IWASAN SA PAGGAWA NG TEKSTONG ARGUMENTATIBO

1. Paggamit ng Wikang Emosyonal

- mahalagang patibayin ang ebidensya at pahusayin ang lohikal na pangagatwiran kaysa
umapila sa simpatya at emosyon ng mambabasa.

2. Walang malinaw na tesis at lohikal na pangangatwiran

- Importanteng malinaw ang iyong posisyon o tesis at naayon ang mga ebidensyang iyong
ilalahad. 3. Ang hindi malinaw na lohikal na transisyon sa pagitan ng mga bahagi ng
teksto
- Transisyon ang magpapatatag sa pundasyon ng teksto. Kung walang lohikal na pagkakaayos
ng kaisipan, hindi makakasunod ang mambabasa sa argumento ng manunulat at hindi magiging
epektibo ang kabuoang teksto.

4. Pag iimbento ng ebidensya at walang tiyak na pinagmulan ng impormasyon

- Ang walang kasiguraduhan sa mga impormasyong inilalahad ay nagdadala lamang sa
kaguluhan at walang kalinawan sa buong teksto. Importante na ang mga ebidensya ay nagmula
sa mga tiyak na source at resulat ng masusing pag aaral.

5. Ang Paulit ulit na pahayag (Walang malinaw na punto)

- Gaya ng sa transisyon. Dapat may maayos na pagkasunod sunod at hindi paulit ulit ang mga
pahayag na inilalagay para maintindihan ng mambabasa.

6. Walang kaugnayan na ebidensya

- Maging masuri sa mga ebidensyang itatala. Siguraduhing pasok sa iyong posisyon o tesis
upang maipaglaban ng malinaw ang iyong punto.

7. Paggamit ng Ad Hominem Fallacy

- Ang Ad Hominem fallacy ay nangyayari kapag may umatake sa taong gumagawa ng
argumento na taliwas sa argumento mismo. Sinusubukan ng Ad Hominem fallacy na
pabulaanan ang argumento sa pamamagitan ng pagtutuon sa katangian ng tao o ng tao mismo,
at sa paggawa nito, sinasabing kanilang binabatikos ang nasabing argumento.

V. MGA HALIMBAWA

1. Debate - pakikipagtalo na maaaring nakasulat o binibigkas gaya ng BALAGTASAN.

2. Tesis, Posisyong Papel, Papel na Pananaliksik – Ang mga ito ay matatawag na
argumentatibo sapagkat ito ay may layuning manghikayat tungkol sa isang problema at ang
mga posibleng maging solusyon dito. Madalas, ito ay dumadaan sa isang lupon o panel at
dapat itong ipaglaban nang mayroong sapat na ebidensya at katotohanan na magsusuporta
sa kanilang pananaw gamit ang mga impormasyong nalikom dahil sa pagsusuri at
pananaliksik.
 VI. MGA KATANUNGAN

 ANO ANG TINUTUKOY (1-2)

1. Ito ay naglalayong patunayan ang isang argumento sa pamamagitan ng matibay na
pangangatwiran batay sa katotohanan o lohika.

2. Sinusubukan nito na pabulaanan ang argumento sa pamamagitan ng pagtutuon sa katangian

ng tao o ng tao mismo, at sa paggawa nito, sinasabing kanilang binabatikos ang nasabing
argumento.

 IBIGAY ANG HINAHANAP (3-5)

(3-4): Magbigay ng tatlong dapat iwasan sa isang tekstong argumentatibo.
5. Batay sa kahulugan ng tekstong argumentatibo, magbigay ng isang katangian nito.

 TUKUYIN ANG BAHAGI (6-8)

6. Nilalahad dito ang 'thesis statement' o ang pangunahing paksa na tatalakayin.
7. Dito inilalatag ng sumulat ang kanyang kabuuang pananaw ukol sa pinag-uusapang paksa.
8. Nilalahad dito ang mga opinyon o pananaw ng manunulat kaugnay sa paksang tinatalakay at
inihahayag batay sa mga datos.

 TAMA o MALI (9-10)

9. May iba't-ibang paraan ng pangangatwiran na maaaring gamitin ng mga taong nagnanais
sumulat ng isang tekstong argumentatibo.
10. Upang maipagtanggol ang argumento, ang tagapagtanggol o manunulat ay kailangang
maglahad ng isang malinaw at maayos na ebidensya na nakabatay kanyang opinyon upang
mahikayat ang mga tagapakinig o mambabasa.

Mga sagot:
1. Tekstong argumentatibo
2. Ad Hominem/Ad Hominem Fallacy
3-4. Alin sa mga ito: paggamit ng wikang emosyonal, walang malinaw na tesis at lohikal na
pangangatwiran, hindi malinaw na lohikal na transisyon sa pagitan ng mga bahagi ng teksto,
pag-iimbento ng ebidensya at walang tiyak na pinagmulan ng impormasyon, paulit-ulit na
pahayag/walang malinaw na punto, walang kaugnayan na ebidensya
5. Panimula
6. Konklusyon
7. Gitna/Katawan
8. lohikal/malinaw (pwede ring: may matibay na pangangatwiran, batay sa katotohanan, atpb)
9. TAMA
10. MALI