Posisyong Papel

Ayon kay Jocson, ang pangangatwiran ay tinatawag ding pakikipagtalo o argumentasyon na

maaaring maiugnay sa sumusunod na mga paliwanag:
1. Ito ay isang sining ng paglalahad ng mga dahilan upang makabuo ng isang patunay na
tinatanggap ng nakakarami.
2. Ito ay isang uri ng paglalahad na nagtatakwil sa kamalian upang maipahayag ang
katotohanan.
3. Ito ay isang paraang ginagamit upang mabigyan-katarungan ang mga opinion at
maipahayag ang mga opinyong ito sa iba.
Dapat isaalang-alang para sa isang mabisang pangangatwiran:
1. Alamin at unawain ang paksang ipagmamatuwid.
2. Dapat maging maliwanag at tiyak ang pagmamatuwid.
3. Sapat na katwiran at katibayang makapagpapatunay.
4. Dapat ay may kaugnayan sa paksa ang katibayan at katwiran upang makapanghikayat.
5. Pairalin ang pagsasaalang-alang, katarungan at bukas na kaisipan sa pagpapahayag ng
kaalamang ilalahad.
6. Tiyaking mapagkakatiwalaan ang mga ilalahad na katwiran.

POSISYONG PAPEL

- Ay naglalayong maipakita ang katotohanan at katibayan ng isang tiyak na isyung

kadalasan ay napapanahon at nagdudulot ng magkakaibang pananaw sa marami
depende sa persepsiyon ng mga tao.
- Layunin nitong mahikayat ang madlang ang pinaniniwalaan ay katanggap-tanggap at
may katotohanan. Mahalagang maipakita at mapagtibay ang argumentong ipinaglalaban
gamit ang mga ebedinsyang magpapatotoo sa posisyong pinaniniwalaan at
pinaninindigan.
- Ayon kay Grace Flemming, ito ay pagsalig o pagsuporta sa katotohanan ng isang
kontrobersiyal na isyu sa pamamagitan ng pagbuo ng isang kaso o usapin para sa iyong
pananaw o posisyon. Ayon sa kanya sa pagsulat ng posisyong papel, mahalaga ang
pagkakaroon ng isang mahusay at magandang paksa ngunit higit na mahalaga ang
kakayahang makabuo ng isang kaso o isyu.

MGA HAKBANG SA PAGSULAT NG POSISYONG PAPEL

1. Pumili ng paksang malapit sa iyong puso
2. Magsimula ng panimulang pananaliksik hinggil sa napiling paksa.
3. Bumuo ng thesis statement o pahayag na tesis
4. Subukin ang katibayan o kalakasan ng iyong pahayag na tesis o posisyon.
5. Magpatuloy sa pangangalap ng mga kakailanganing ebidensya.
Ayon kay Constantino at Zafra (1997) nauuri sa dalawa ang mga ebedinsyang
magagamit sa pangangatwiran:
a. Mga katunayan (facts)
b. Mga opinyon (opinion)
6. Buoin ang balangkas ng posisyong papel.
I. Panimula
a. Ilahad ang paksa
b. Magbigay ng maikling paunang paliwanag tungkol sa paksa at kung bakit
mahalaga itong pag-usapan
 c. Ipakilala ang tesis ng posiyong papel o ang iyong stand o posisyon tungkol
sa isyu
II. Paglalahad ng counterargument o mga argumentong tumututol o kumontra sa
iyong tesis
a. Ilahad ang mga argumentong tutol sa iyong tesis
b. Ilahad ang mga kinakailangang impormasyon para mapasubalian ang
binanggit na counterargument
c. Patunayang mali o walang katotohanan ang mga counterargument na
iyong inilahad
d. Magbigay ng mga patunay para mapagtibay ang iyong ginawang
panunuligsa
III. Paglalahad ng iyong posisyon o pangangatwiran tungkol sa isyu
a. Ipahayag o ilahad ang una, ikalawa at ikatlong punto ng iyong posisyon o
paliwanag
 SINING NG PAGLALAHAD

Ayon sa UP diksyonaryong Pilipino

- Ang paglalahad ay isang detalyado at komprehensibong pagpapaliwanag ng isang
bagay, pook o ideya.
Ayon naman kay Jose Arrogante
- Sa Ingles, ang paglalahad at tinatawag na expository writing. Madalas Makita ang
anyong ito sa pagtalakay sa karaniwan nating binabasa sa araw-araw. (aklat, editorial sa
diyaryo,artikulo sa mga magasin. Ito ay hindi nagsasalaysay ng isang kwento, hindi
naglalarawan ng isang bagay, at hindi rin nagpapahayag ng isang paninindigan bagkus,
ito ay nagpapaliwanag. Ito ay isang pagpapaliwanag na obhetibo, walang kakampi, at
may sapat na detalyeng pawing pampalawak ng kaalaman sa paksang binibigyang-
linaw nang lubos na mauunawaan ng may interes.
- Ilan sa mga malimit paggamitan nito ay ang pagbibigay-kahulugan, pagsunod sa panuto,
pangulong tudling, suring-basa, ulat, balita at sanaysay.

Upang maging mabisa o epektibo ang paglalahad, ito ay dapat na magtaglay ng sumusunod
na mga sangkap o element;
1. Sapat na kaalaman o impormasyon sa paksang tinatalakay
2. Ganap na pagpapaliwanag sa buong kahulugan
3. Malinaw at maayos na pagpapahayag