1. Շրջակա միջավայրի մասին գիտության խնդիրները հանգում են
ցանկացած գործունեության իրականացման ընդհանուր սկզբունքների մշակմանը, որոնք վերաբերում են բնության և նրա ռեսուրսների անմիջական օգտագործմանը կամ էլ նրանում փոփոխություններ առաջացնող ազդեցություններին: 2. Շրջակա միջավայրի մասին գիտության օբյեկտ է բնական ռեսուրսները, բնական կենսապայմանները և սոցիալ-տնտեսական զարգացման միջև հարաբերությունները և դրանց ամբողջությունը: 3. Շրջակա միջավայրի մասին գիտության առարկան այդ հարաբերությունների օպտիմիզացիան է և մարդու կենսագործունեության միջավայրի պահպանությունը և վերարտադրությունը: 4. Շրջակա միջավայրի մասին գիտությունը իր մեջ ներառում է երկու առանցքային բաղկացուցիչներ՝ բնապահպանություն և բնօգտագործում: 5. Բնօգտագործումը նեղ իմաստով մեկնաբանվում է, որպես բնառեսուրսային ներուժի շահագործման բոլոր ձևերի և դրա պահպանման միջոցառումների ամբողջություն: 6. "Բնօգտագործում" հասկացությունը ներառում է. բնական ռեսուրսների արդյունահանում, վերամշակում, վերականգնում և վերարտադրություն, բնական կենսապայմանների օգտագործում և պահպանություն, բնական համակարգերի էկոլոգիական հավասարակշռության պահպանում (վերականգնում), ինչը մարդկային հասարակության բնառեսուրսային ներուժի պահպանման հիմքն է: 7. Բնօգտագործումը դիտարկում են որպես գիտության ճյուղ, որը ուսումնասիրում է բնական ռեսուրսների ռացիոնալ օգտագործման ընդհանուր սկզբունքները: 8. "Բնություն-հասարակություն" փոխհարաբերությունների ուսումնասիրությունից ելքային պետք է համարել բնություն հասկացությունը: 9. Բնական միջավայր հակացությունը, որը ընկալվում է որպես բնական և մարդու գործունեությամբ աննշան փոփոխված աբիոտիկ և բիոտիկ գործոնների ամբողջություն, որոնք ազդում են մարդու վրա: 10. Յուրահատկությունը իր ինքանկարգավորման և ինքանպահպանման ունակությունն է` առանց մարդու միջամտության: 11. Աշխարհագրական միջավայրը Երկրի աշխարհագրական թաղանթն է, որը բաղկացած է չորս հիմնական ոլորտներից. քարոլորտից, ջրոլորտից (ջրային թաղանթ), մթնոլորտից (օդային թաղանթ) և կենսոլորտից (կյանքի ոլորտ): 12. Շրջակա միջավայր հասկացությունը ավելի ընդգրկուն է, քանի որ չի սահմանափակվում մարդու, որպես կենսաբանական էակի քննարկմամբ: 13. Շրջակա միջավայր հասկացությունը ներառում է բնական էկոլոգիական համակարգերը, բնական բաղադրիչները (օդ, ջուր, հող, բուսական և կենդանական աշխարհներ), տարածքներ, լանդշաֆտներ, բնական, պատմական, մշակութային հուշարձաններ և այլ նյությական օբյեկտներ, որոնք ազդեցություն ունեն մարդու կյանքի որակի, գործունեության և առողջության վրա: 14. Բնական միջավայր – բնության օբյեկտների և պայմանների ամբողջություն, որտեղ ընթանում է որևէ սուբյեկտի գործու- նեությունը: 15. Բուն բնական միջավայրը («վայրի բնություն») - գոյատևում է առանց մարդու հետ անմիջական շփումների, կվազիբնական միջավայր («երկրորդ բնություն») - մարդու կողմից կերպարանափոխված (մշակութային) բնական լանդշաֆտներ, բնական միջավայրի այս մասը բնականոն չի ինքնակարգավորվում, արտեբնական միջավայր («երրորդ բնություն») - մարդկանց արհեստական միջավայր, որը բաղկացած է տեխնիկական (շենքեր, շինություններ և այլն) և բնական (օդ, բնական լուսավորում և այլն) բաղադրիչներից, միջավայրի այս մասը դեգրադացվում է առանց մարդու կողմից սատարման: 16. Բնական պայմանները դրանք տարրեր են, որոնք անմիջականորեն չեն օգտագործվում արտադրական գործընթացում, սակայն դրական կամ բացասական ազդեցություն են ունենում կյանքի պայմանների և տնտեսական գործունեության վրա: 17. Բնական ռեսուրսները դրանք բնության ուժերն են ու մարմիններն են, որոնք արտադրողական ուժերի զարգացման կոնկրետ մակարդակում կարող են օգտագործվել որպես սպառման առարկա կամ արտադրության միջոց` կազմելով նրա հումքաէներգետիկ բազան (հիմքը): 18. Համաձայն բնական ռեսուրսների (պայմանների) օգտագործման տարբեր ձևերի բնության երևույթները դասակարգվում են. Բնական, տնտեսական, շուկայական, էկոլոգիական: 19. Բնական դասակարգում: Բնության երևույթները տարբերակում են ըստ իրենց առաջացման և բնության որոշակի տարրերի պատկանելիության: 20. Տարբերում են բնական ռեսուրսների հետևյալ հիմնական խմբերը. հանքային (բնական հանածոները) ջրային, հողային, կենսաբազմազանություն և այլն: 21. Տնտեսական դասակարգման հիմքում ընկած է բնական ռեսուրսների օգտագործումն ըստ երկրի ազգային տնտեսության տարբեր ոլորտների` նյութական արտադրության ռեսուրսներ, արտադրական` վառելիքային, էներգետիկ, մետաղային, հանքային ջրեր, անտառային և այլն: գյուղատնտեսական` հողային, ոռոգելի ջրեր, բնակլիմայական ռեսուրսներ և այլն: շինարարական` հանքային շինարարական ռեսուրսներ, ջուրը, փայտանյութ և այլն, ծառայությունների ոլորտի ռեսուրսներ ուղղակի սպառման` բնական աղբյուրներ, դեղաբույսերը և այլն: անուղղակի օգտագործման` բնակլիմայական պայմաններ (բուժման և հանգստի նպատակով), ջրամբարներ, սպորտի համար օգտագործվող անտառներ, էսթետիկ այլ ռեսուրսներ:
22. Շուկայական դասակարգման մեջ առանձնանում են հետևյալ
խմբերը. ռազմավարական նշանակության ռեսուրսներ, որոնց առք ու վաճառքը խիստ սահմանափակ է՝ տվյալ երկրի անվտանգության ապահովման տեսակետից, արտահանման նշանակության ռեսուրսներ, որոնք ապահովում են տարադրամի հիմնական ներհոսքը, ներքին շուկայի ռեսուրսներ, որոնք ունեն լայն սպառման շուկա:
23. Էկոլոգիական դասակարգումը: Համաձայն բնական
ռեսուրսների սահմանափակության հատկանիշի առանձնացնում են ըստ սպառվող, չսպառվող, իսկ սպառվող ռեսուրսները՝ վերականգվող, չվերականգնվող տեսակների: 24. Շրջակա միջավայրի ասիմիլիացիոն ներուժը (շրջակա միջավայրի և բնական ռեսուրսների վերականգնման հնարավորությունը) դա շրջակա միջավայրի և կենսառեսուրսների բնական ցիկլերի և մեխանիկական գործընթացների արդյունքում տվյալ շրջակա միջավայրին բնորոշ բնական հատկությունների ինքնավերականգնման կարողությունն է: 25. Կենսաերկրացենոզ (հունարեն «bios»-կյանք, «գեո»-հող, «koinos»-ընդհանուր բառերից)-դա տարածական (տարածքային) էկոլոգիական համակարգ է - Երկրի մակերեսի որոշակի համասեռ և նրան բնորոշ կենդանի օրգանիզմների ու աբիոտիկ/անկենդան կոմպոնենտների բաղադրությամբ տեղամաս, որոնք կապված են փոխներգործության նյութա- և էներգափոխանակման գործընթացներով: 26. Էկոհամակարգ (բնական համակարգ) – որոշակի տարածքին վերագրված կենդանի օրգանիզմների համակեցություններ և նրանց բնակավայրը (կացարանը) ընդգրկող բնական համալիրներ: 27. Կենսոլորտը (biosphere) ըստ Վ.Ի.Վերնադսկու «Ուսմունք կենսոլորտի մասին» աշխատության, գլոբալ էկոհամակարգ, Երկրի ակտիվ «թաղանթ» է, որի բաղադրությունը, կառուցվածքը և էներգետիկան պայմանավորված են կենդանի օրգանիզմների գործունեությամբ: 28. Շրջակա միջավայրը բնութագրվում է նաև որոշ հատ- կություններով. Էլաստիկություն (ճկունություն) Կայունություն Փոփոխության թույլատրելի սահմաններ Միջավայրի աղտոտում Կրիտիկական վիճակ Քայքայում 29. Կրիտիկական վիճակ - շրջակա միջավայրի վիճակ է, որի պայմաններում նրա պարամետրերը մոտենում են թույլատրելի սահմաններին, իսկ գերազանցման դեպքում բերում են կայունության կորստին և քայքայմանը: 30. Կայունություն - որոշակի կրիտիկական արժեքները չգերա- զանցող սահմաններում շրջակա միջավայրի ինքնապահպանման և ինքնակարգավորման ունակություն: 31. Շրջակա միջավայրի տնտեսագիտությունը որպես ինքնուրույն գիտական ուղղություն ձևավորվել է տնտեսական զարգացման բարձր մակարդակի և էկոլոգիական ապահովության պահպանման միջև սերտ փոխկապվածության մասին պատկերացումը: 32. Շրջակա միջավայրի տնտեսագիտությունը որպես գիտության ոլորտ ներառում է միջոցառումների ամբողջություն, ուղղված մարդու գործունեության և շրջակա միջավայրի ռացիոնալ փոխհարաբերությունների պահպանմանը, բնառեսուրսային ներուժի պահպանմանը և վերականգնմանը, բնական ռեսուրսների ռացիոնալ օգտագործմանը, բնության և մարդու առողջության վրա մարդու տնտեսական գործունեության վնասակար ազդեցության կանխարգելմանը: 33. Շրջակա միջավայրի տնտեսագիտությունը որպես գիտության ոլորտ իրենից ներկայացնում է համալիր միջճյուղային դիսցիպլին, որը մշակում է բնական ռեսուրսների և բնական միջավայրի պահպանման, վերականգնման և բարելավման ընդհանուր սկզբունքները և մեթոդները: 34. Շրջակա միջավայրի տնտեսագիտությունը լայն իմաստով, սոցիալ-տնտեսական զարգացման մեջ բնական գործոնի դերի, տեղի և նշանակության մասին գիտություն է: 35. Շրջակա միջավայրի տնտեսագիտությունը, նեղ իմաստով, տնտեսագիտության ճյուղ է, որը ուսումնասիրում է բնական ռեսուրսների տնտեսական (և ոչ տնտեսական) գնահատման և տնտեսական գործունեության հետևանքով տնտեսական վնասի գնահատման հարցերը: 36. Շրջակա միջավայրի տնտեսագիտության հիմնական հարցերը քննարկվում են. միկրո, մեզո, մակրո և մեգատնտեսագիտության մակարդակներում: 37. Շրջակա միջավայրի տնտեսագիտության, որպես գիտության, ուսումնասիրության առարկան տնտեսական հարաբերություններն են, որոնք առաջանում և զարգանում են բնական ռեսուրսների օգտագործման ընթացքում: 38. Շրջակա միջավայրի տնտեսագիտության հիմնական օբյեկտներն են. o բնական ռեսուրսների և դրանց վերամշակված արդյունքների օգտագործման և շահագործման գործընթացների հետևանքները գլոբալ, ռեգիոնալ և տարածքային մակարդակներում, o բնական ռեսուրսների կորուստը դրանց վերամշակման և շահագործման արդյունքում, o բնօգտագործման գործընթացների հետ կապված բնապահպանական և էկոլոգիական միջոցառումները, o բնառեսուրսային ներուժը` իր կազմով, կառուցվածքով, բաղադրությամբ, որակակական հատկանիշներով, աշխարհագրական տեղաբաշխավածության բնական և սոցիալ-տնտեսական պայմաններով, o բնօգտագործման արդյունքում հասցված վնասների վերացման մեթոդները և տեսակները, o արդյունավետ բնօգտագործման խթանման և վերահսկողության կարգավորման տնտեսական մեթոդները: 39. Շրջակա միջավայրի տնտեսագիտության ճանաչման հիմնական մեթոդը դիալեկտիկականն է, երբ շրջակա միջավայրի տնտեսագիտության ուսումնասիրության առարկան քննարկվում է ոչ միայն համակողմանի, այլև այլ տնտեսագիտական դիսցիպլինների և ուղղությունների հետ կապի մեջ: 40. "Աղտոտողը վճարում է" սկզբունքի հիմքում դրված է շրջակա միջավայրի աղտոտվածությամբ պայմանվորված արտաքին ծախսերի (էքստեռնալների) ինտեռնալիզացիայի գաղափարը: 41. Աղտոտողը վճարում է Սկզբունքի իրացման նպատակներն են. o Բնական սահմանափակ ռեսուրսների ռացիոնալ օգտագործում` ստիպելով աղտոտողին վճարել և փոխհատուցել իր կողմից պատճառված էկոլոգիական վնասը և դրան համապատասխան ծախսերը, o միջազգային առևտրի և համագործակցության շրջանակներում խախտումների կանխարգելում` պայմանավորված բնապահպան միջոցառումների պետական սուբսիդավորման հնարավորության հետ:
42. Շրջակա միջավայրի տնտեսագիտության ժամանակակից
սկզբունքներն են. o Այլընտրանքային ծախսերի սկզբունք: o "Աղտոտողը վճարում է" սկզբունք o Հասանելի տեխնոլոգիաներից լավագույնի կիրառման սկզբունք: o Զգուշավորության սկզբունք: 43. Մինչագրարային Ռեսուրսսպառող Ագրարային Առաջին ռեսուրսսպառող Ինդուստրիալ Երկրորդ ռեսուրսսպառող Հետինդուստրիսալ Ռեսուրսարտադրող
44. Նորագույն պատմության շրջանում ձևավորվում է
տնտեսական զարգացման հնարավոր մի շարք հիմնադրույթներ. o Ֆրոնտալ կամ ճակատային տնտեսություն o Էկոտոպիայի հիմնադրույթ o Շրջակա միջավայրի պահպանման հիմնադրույթ o Տնտեսության չափավոր զարգացման հիմնադրույթ 45. Ֆրոնտալ կամ ճակատային տնտեսություն: Սա տնտեսական արտադրության դասական մոդել է, որը բնորոշվում է որպես ամբողջությամբ փակ վերականգնվող համակարգ: Այս հիմնադրույթի հիմնական առանձնահատկություններն են. բնական ռեսուրսները և էկոլոգիական համակարգերը համարվում են անսպառ, բնական ռեսուրսների օգտագործման ծավալները` դրանց պաշարների նկատմամբ, չեն համարվում համակարգի հետագա զարգացման որոշիչ գործոն, տնտեսական զարգացումը արգելակող առաջնային գործոններ են համարվում միայն աշխատանքը և կապիտալը 46. Էկոտոպիայի հիմնադրույթի հիմնական սկզբունքներն են. վերադարձ դեպի բնություն մարդկանց թվաքանակի կրճատում ընդհանուր էկոլոգիական բնութագրերով օժտված շրջանների միջև ապրանքափոխանակություն կենսբազմազանության և մշակութային բազմազանության զարգացմանը աջակցություն պարզ տեխնոլոգիաներ, ապակենտրոնացված պլանավորում 47. Շրջակա միջավայրի պահպանման հիմնադրույթ, որը հիմնվում է հետևյալ սկզբունքների վրա. աղտոտման համար վճարներ աղտոտման սոցիալական արժեքի գնահատում մաքուր տեխնոլոգիաների վրա հիմնված արտադրության զարգացում ռեսուրսների համար գնի սահմանում արտադրական գործունեության ամբողջական արժեքի գնահատում:
48. Տնտեսության չափավոր զարգացման հիմնադրույթի սկզբունքներից
են. արտադրության մակարդակի աստիճանական կայունացում, ռեսուրսների նկատմամբ վերաբերմունքի արմատական փոփոխություն` անցում անսահմանփակ շահագործումից ռացիոնալ բնօգտագործման և երակարաժամկետ կառավարման: 49. Ըստ Վերնադսկու տեսության ստեղծվում է հասարակության զարգացման մոդել, որը նշանակում է հրաժարում մարդու` բնության նկատմամբ տիրապետությունից: 50.