ST.

MARY’S COLLEGE OF MARINDUQUE

Boac, Marinduque

Integrated Basic Education Department

SY 2022-2023

I. PAMAGAT
Asignatura Filipino sa Piling Larang Markahan Una Modyul # 1
Baitang 12 Duration 1 Linggo Araw
Paksa Abstrak Code

II. LAYUNIN
1. Nabibigyang-kahulugan ang mga terminong akademiko na may kaugnayan sa pagsulat ng
abstrak.
2. Naisasagawa nang mataman ang mga hakbang sa pagsulat ng abstrak.
3. Natutukoy ang mga katangian at karaniwang nilalaman ng isang abstrak.
4. Nalalaman ang mga katangian ng mahusay na sulating akademiko sa pamamagitan ng mga
binasang abstrak.
5. Nakasusulat ng abstrak ng binasang artikulo.
6. Naiisaalang-alang ang etika sa binubuong abstrak.

II. TALAKAYAN

A. KAHULUGAN NG ABSTRAK
Ang abstrak, mula sa Latin na abstracum, ay angmaikling buod ng artikulo o ulat na inilalagay
bago ang introduksiyon. Ito ang siksik na bersiyon ng mismong papel.

B. KALIKASAN AT BAHAGI NG ABSTRAK

DESKRIPTIBONG ABSTRAK
Inilalarawan nito sa mga mambabasa
ang mga pangunahing ideya ng papel.
Nakapaloob ditto ang kaligiran, layunin,
at tuon ng papel o artikulo.
Kung ito ay papel-pananaliksik, hindi na
isinasama ang mga pamamaraang
ginamit, kinalabasan ng pag-aaral, at
kongklusyon.
Mas karaniwan itong ginagamit sa mga
papel sa humanidades at agham
panlipunan, at sa mga sanaysay sa
sikolohiya.
IMPORMATIBONG ABSTRAK
Ipinahahayag nito sa mga mambabasa
ang mahahalagang ideya ng papel.
Binubuod ditto ang kaligiran , layunin,
tuon, metodolohiya, resulta, at
kongklusyon ng papel.
Maikli ito, karaniwang 10% ng haba ng
buong papel at isang talata lamang.
Mas karaniwan itong ginagamit sa
larangan ng agham at inhinyera o sa ulat
ng mga pag-aaral sa sikolohiya.

C. MGA HAKBANG SA PAGSULAT NG ABSTRAK

1. Basahing muli ang buong papel.
2. Isulat ang unang draft ng papel.
3. Irebisa ang unang draft.
4. I-proofread ang pinal na kopya.

D. MGA KATANGIAN NG MAHUSAY NA ABSTRAK

1. Binubuo ng 200 – 250 salita.
2. Gumagamit ng mga simpleng pangungusap.
3. Kompleto ang mga bahagi.
4. Walang impormasyong hindi nabanggit sa papel.

Gng. Sharmaine L. Manuba FPL – ABM&HUMSS12 Page 1 of 2

 5. Nauunawaan ng pangkalahatan.
IV. SANGGUNIAN
Pagsulat sa Filipino sa Piling Larangan:Akademik
(https://www.researchgate.net/publication/
333943863_Estado_ng_Edukasyong_Pansining_Biswal_sa_mga_Piling_Pamantasan_sa_Pilipinas)

ACTIVITY SHEET

Pangalan: _____________________________________ Asignatura: _____________

Baitang at Seksyon: _____________________________ Guro: __________________

A. PAGNINILAY: ABSTRAK
Panuto: Sagutan ang mga sumusunod na tanong sa inyong big notebook.
1. Bilang isang estudyante, ano-ano ang maitutulong sa iyo ng pag-aaral ng abstrak?
2. Paano mo tatayain ang kahusayan ng isusulat mong abstrak?

B. PAGLALAPAT NG NATUTUHAN: ABSTRAK

Panuto: Bisitahin ang Dalumat E-Journal at pumili ng isang artikulo. Basahin ang napiling artikulo at
sumulat ng abstrak tungkol dito. Tatayain ito kung kompleto ito sa impormasyon at sa lahat
ng bahagi, simple ang mga salita at pangungusap na ginamit, at wasto ang grammar.

Dalumat E-Journal - https://ejournals.ph/issue.php?id=584

Gng. Sharmaine L. Manuba FPL – ABM&HUMSS12 Page 2 of 2