Sa ibat ibang pangyayari sa Noli Me Tangere, ang karanasan ni
Sisa ang nagbigay ng mga aral at nagpabatid ng kamalayan sa mga
taong nakakaranas din kanyang sinapit sa naturang nobela. Ang kanyang karakter ay sumasalamin sa pangkasalukuyang panahon, sa mga taong pinagkaitan ng hustisya at hindi magawang ipagtanggol ang sarili.
Maihahantulad ang kanyang naging karanasan sa mga taong
inapi at lubos na sinaktan ng kapwa. Dahil sa kakulangan ng kaalaman o lakas ng loob, wala silang magawa at pikit-mata na lamang na tinatanggap ang pang-aabusong ginagawa sa kanila. Kalaunan, nagiging sanhi ito ng matinding depresyon na nakakaapekto sa kanilang mental at emosyonal na kalusugan. Sa ating panahon ngayon, nakapalibot padin ang mga negatibong ugali at pag- iisip ng mga tao. Nariyan parin ang mga mapanghusgang nilalang na patuloy ang pagsasabi ng hindi maganda sa kapwa. Inuuna nila ang magpahayag ng huwad na balita upang siraan ito kahit hindi pa nila alam ang tunay na pangyayari.
Sa kabanatang ito, ipinakita na ang hindi patas na turing lalo na
sa mga mahihirap. Maging hudyat sana ito upang magising tayo sa maling sistema na umiiral sa ating lipunan. Magawa sana nating iwasan ang masasamang pakikitungo sa kapwa upang wala ng Sisa na dumanas ng pighati at pasakit sa buhay.