Department of Education

NATIONAL CAPITAL REGION

Edukasyong Pantahanan
at Pangkabuhayan
AGRIKULTURA

Ika-apat na Baitang

PAMANTAYAN NG PAGKATUTO:
1.4.3 Naipapakita ang wastong paghahanda ng mga itatanim o
patutubuin na halamang ornamental

EPP4AG-0d-6
 i

PAANO GAMITIN ANG SLeM

Bago simulan ang SLeM, kailangang isantabi muna ang lahat ng

inyong pinagkakaabalahan

upang mabigyang pokus ang inyong gagawing pag-aaral gamit ang

SLeM na ito. Basahin ang mga simpleng panuto na nasa ibaba para
makamit ang layunin sa paggamit nito.

1.
Sundin ang lahat ng panutong nakasaad sa bawat pahina ng

SLeM.
2.
Isulat ang mahahalagang impormasyon tungkol sa aralin sa

inyong kwaderno. Nagpapayaman ng kaalaman ang gawaing ito dahil

madali mong matatandaan ang mga araling nalinang.

3.
Gawin ang lahat ng mga pagsasanay na makikita sa SLeM.
4.
Hayaan ang iyong tagapagdaloy ang magsuri sa iyong mga
kasagutan.
5.
Pag-aralang mabuti ang naging katapusang pagsusulit upang
malaman ang antas ng iyong pagkatuto. Ito ang magiging batayan
 kung may kakailanganin ka pang dagdag na pagsasanay para
lalong malinang ang aralin. Lahat ng iyong natutuhan ay gamitin sa
pang-araw -araw na gawain.
6.
Nawa’y maging masaya ka sa iyong pag -aaral gamit ang SLeM.

ii
 WASTONG PAGHAHANDA NG MGA ITATANIM O
PATUTUBUIN NA HALAMANG ORNAMENTAL

Inaasahan
Sa tulong ng SLEM na ito, ikaw ay inaasahang:
1. maipapakita ang mga wastong pamamaraan sa paghahanda ng
taniman at itatanim o patutubuin na halamang ornamental

Unang Pagsubok
Panuto: Basahin at unawain ang bawat pangungusap. Isulat ang titik ng
tamang sagot sa sagutang papel
1. Alin sa mga sumusunod ang dapat na unang isalang-alang sa
pagsasagawa ng mga halamang ornamental?
A. mga halamang ornamental C. mga kasangkapang gagamitin
B. lugar na pagtataniman D. lahat ng mga ito

2. Ito ay ang pag-aayos ng iba’t-ibang halamang ornamental sa tahanan

paaralan, parke, hotel at restaurant.
A. landscaping C. orchidarium
B. planetarium D. vegetable gardening

3. Alin sa mga halimbawa ng halamang ornamental ang may malalambot at

di-makahoy na tangkay?
A. bermuda grass C. rosal
B. bougainvilla D. rosas

4. Saan maaaring itanim ang halamang ornamental na bermuda grass o

carpet grass?
A. sa mabatong lugar C. sa malalawak o bakanteng lugar
B. sa paso sa labas ng tahanan D. sa paso sa loob ng tahanan

5. Kung ang lupang taniman ay malagkit at sobrang basa,ano ang hinahalo

para lumuwag ang lupa?
A. balat B. compost C. dahon D. kalat

6. Ginagamit itong kasangkapan sa pagtatanggal ng matitigas na ugat at

bato sa lupang pagtatamnan.
A. asarol at piko C. rake
B. kareton D. tinidor

1
7. Sa pagtatanim ng halamang ornamental, ito ang mga iniuuri kung saan
ito ay nilalagay ayon sa plano ng landscaping.
A. bulaklak at ugat C. laki at lapad ng mga dahon
B. dahon at katawan ng puno D. taas at laki ng sanga
8. Ano ang maaaring ilagay sa gilid ng lupang tataniman?
A. bulaklak C. mga bato
B. kawayan D. paso

9. Ano ang dapat ilagay upang mapaganda ang malawak na lugar na

pagtatamnan ng halamang ornamental?
A. garden set C. pergola
B. grotto D. lahat

10. Ano ang dapat ilagay kapag ang uri ng lupa sa pagtataniman ay tuyo
matigas at bitak–bitak?
A. buhangin C. mga bato
B. lupa D. organikong bagay

Balik-Tanaw

Panuto: Unawain ang mga tanong at piliin ang tamang sagot upang
mabuo ang diwa ng pangungusap.Isulat ang sagot sa guhit sa bawat
bilang.
1. Ang isang batang naglalaan ng panahon sa paghahalaman nagpapakita
ng _____.
A. kasipagan C. pagkakaisa
B. katapatan D. pagkamaunawain

2. Ang pagtatanim ng halamang ornamental ay isang gawaing

A. nakakapagod C. pang sarili
B. mainam na libangan D. pang bata

3. Ano ang pakinabang sa pagtatanim ng halamang ornamental sa gilid

ng kalsada o sa kanto ng isang lugar?
A. kapaligiran C. palamuti
B. labasan D. silungan

4. Paano nakakapigil ang paguho ng lupa sa pagtatanim ng halamang

ornamental?
A. ang mga sanga ay lumalaki
B. ang mga ugat nito ay kumakapit sa lupang taniman
C. ang mga halamang ito ay dumadami sa lupang taniman
2
 D. ang mga punong ornamental ay matataas at yumayabong

5. Paano nakapagpapaganda ng kapaligiran ang pagtatanim ng halamang

ornamental sa tahanan at pamayanan?
A. nagsisilbi itong palamuti
B. nagsisilbi itong palamuti
C. nagbibigay kasiyahan sa pamilya
D. lahat ng nabanggit

Maikling Pagpapakilala ng Aralin

Wastong Paghahanda ng Taniman ng Halamang Ornamental

Kung nais mong maging kaakit-akit ang lugar ng inyong taniman, ang
magandang disenyo ng lupa ay nakaangat nang bahagya at may mga iba’t
ibang hugis ng bato sa mga gilid ng lugar na tataniman. Kung ang lugar na
pagtataniman ng mga halamang ornamental ay malawak, lagyan ito ng
mga accessories gaya ng pergola, maliit na fishpond, garden set at grotto.
Kung ito naman ay di gaanong malawak, simpleng kaayusan lamang ang
bagay na ilagay gaya ng mga palamuting banga o porselanang sisidlan.

Matapos makita ang lugar na pagtataniman, pag-aralan muna kung

anong uri ng lupang taniman ito. Kapag ang lupa ay tuyo, matigas, at
bitakbitak, nararapat na haluan ito ng mga organikong bagay gaya ng mga
binulok (decomposed) na mga halaman tulad ng dayami, tinabas na damo,
mga tuyong dahon, at mga dumi ng hayop upang maging mabuhaghag ang
lupang tataniman. Kapag malagkit at sobrang basa, haluan din ito ng
compost upang lumuwag ang lupa.

Kapag naayos na ang lupang tataniman, pwede na itong bungkalin

gamit ang asarol at piko. Tanggalin ang mga bato, matitigas na ugat at
mga di kailangang bagay ng halaman sa lupang tataniman habang
nagbubungkal. Kapag nabungkal na ang lupang taniman, lagyan ito ng
organikong pataba gaya ng kompos o humus at patagin ito gamit ang
kalaykay (rake). Pagkatapos mabungkal at mapatag ang lupang taniman,
maaari na itong taniman ng mga halaman o punong ornamental.

May mga ibat –ibang uri ng halamang ornamental na dapat ninyong

tandaan. Tulad ng herbs, shrub, vine, air plant o aerial at aquatic plant. Ang
herbs ay mga halamang may malambot na tangkay at karaniwang

3
nabubuhay ng isa o dalawang taon. Ang shrub ay mga halaman na may
ilang matitigas na sanga na pangkaraniwan ng hindi tumataas ng mahigit
sa 7 metro gaya ng santan at marigold. Ang vine o baging/gumagapang na
halaman ay mga halamang hindi nakakatayo sa sarili kaya’t gumagapang
sa lupa o kumakapit sa mga bagay tulad ng kamya, gumamela, golden
candle at five fingers. Ang punong-kahoy ay may malalaking puno at
maraming mga sanga na karaniwang tumataas ng higit sa 7 metro kapag
magulang na. Ang air plant o aerial ay mga halamang nakakapit sa taas ng
punong-kahoy o sa malalaking bato sa mga bundok tulad ng orchids at
pako. Ang aquatic ay mga halamang tubig nabubuhay gaya ng water lily at
lotus.

Wastong Paraan sa Paghahanda ng mga Itatanim o Patutubuin

Sa pagsasaayos ng mga halamang ornamental sa lugar na pagtataniman,

narito ang ilang gabay na dapat sundin:

A. Ang mga lumalaki at yumayabong na halamang ornamental ay di

dapat itanim sa harapan o unahan ng mga halamang maliit kung
tumubo.
B. Ang mga may kulay na halaman ay pinaplano kung paano at saan
sila magandang patubuin.
C. Ang laki at lapad ng mga dahon ay iniuuri kung saan ito ilalagay
ayon sa plano ng landscaping.
D. Ang namumulaklak na mga halaman ay kailangan ilagay sa
naaarawan at kasiya-siyang tanawin. Makatutulong ang
pagsasama-sama ng uri o kulay kung kinakailangan.
E. Ang mga halamang magiging malalaking puno ay dapat ilagay sa
hindi makakasagabal sa darating na panahon.

Gawain

Gawain 1: KILALANIN MO!

Panuto: Suriin ang mga larawan sa ibaba. Tukuyin ang bawat isa kung
anong uri ng lupa. Isulat kung ito ay TUYONG LUPA, BITAK-BITAK NA LUPA,
MABATONG LUPA, LAGKIT NA LUPA AT KOMPOS O HUMUS.

4
 1. 2. 3.

4. 5.

https://www.google.com/search?q=picture%20of%20stony%20soil&tbm=isch&tbs=sur%3Afm&hl=en-
https://www.google.com/search?q=larawan+ng+tuyong+lupa&tbm=isch&ved=2ahUKEwi9io3wv5XqA
https://www.google.com/search?q=larawan+ng+tuyong+lupa&tbm=isch&ved= https://www.google.com/search?
q=larawan%20ng%20tuyong%20lupa&tbm=isch&tbs=sur%3Afm&hl=en

Gawain 2:

Panuto: Unawain ang pangungusap sa ibaba.Punan ang patlang ng

angkop na salita upang mabuo ang pangungusap.Isulat ang iyong sagot sa
guhit sa bawat bilang.Piliin sa loob ng kahon ang iyong sagot.

A. Shrub
B. Tree o punongkahoy
C. Vine baging /gumagapang na halam an
D. Aquatic
E. Herb

_____1. Ang ____ay mga halamang may malambot na tangkay at

karaniwang nabubuhay ng isa o dalawang taon.

_____2. Ang _____ ay mga halamang tubig na nabubuhay gaya ng

water lily at lotus.

_____3. Ang _____ ay mga halamang hindi nakatayo sa sarili kaya’t

gumagapang sa lupa o kumakapit sa mga bagay.

_____4. Ang ____ ay mga halaman na may matitigas na sanga na

pangkaraniwan ng hindi tumataas ng mahigit na 7 metro.

5
 _____5. Ang _____ay may malaking puno at maraming sanga na
karaniwang tumataas ng higit sa 7 metro kapag magulang na.

Gawain 3: E-AYOS MO!

Panuto: Pag-aralan ang pangungusap sa ibaba. Ayusin ito sa tamang

pagkakasunod-sunod na hakbang sa pagtatanim ng halamang ornamental
Lagyan ito ng bilang 1- 5. Isulat ang iyong sagot sa guhit sa unahan ng
mga letra.

____A. Bungkalin ang lupang tataniman

____B. Basaing mabuti ang lupang binubungkal
____C. Ihanda ang mga gagamiting kasangkapan at pananim
____D. Bungkalin ang kimpal na lupa gamit ang asarol upang mabuhaghag
ito
____E. Gumawa ng layout sa nais na kalalabasan ng pagtatanim

Tandaan

Anu – ano ang mga wastong paraan sa paghahanda ng taniman ng

halamang ornamental?
Sa paghahanda ng taniman para sa mga halamang ornamental,
maganda ang disenyo kapag may nakaangat na lupa at may iba’t ibang
hugis ng bato sa panabi ng taniman. Sa malalawak na lugar, maaaring
maglagay ng pergola, fish pond, garden set, at grotto, at sa di gaanong
malalawak, simpleng kaayusan lamang ang nararapat. Sa paghahanda ng
taniman gumamit ng kagamitan tulad ng pala, asarol at rake sa
pagbubungkal ng lupang tatamnan. Haluan ng organikong bagay tulad ng
dayami, tinabas na damo, mga tuyong dahon, at mga dumi ng hayop
upang maging mabuhaghag ang lupang tataniman.
Ang mga halamang ornamental ay inihahanda ayon sa makasining
na pamamaraan ng pagtatanim, at maaaring pasibulin muna ang mga buto
o sangang pantanim. Ito ay upang makatiyak at makasiguro na tatagal ang
buhay ng bawat halamang itatanim.

6
 Gumawa muna ng layout ng pagtatanim ng mga halaman opuno
upang hindi masayang ang lakas, pera at oras at upang makasiguro na
magiging matagumpay ang pagsasagawa ng simpleng landscaping sa
tahanan o sa paaralan. Ang lupang tataniman ay dapat suriing mabuti sa
ikagaganda ng pagsibol at paglaki ng mga halaman/punong ornamental.

Ang ikatatagal ng buhay ng mga halamang ornamental ay sa

pamamaraan ng paghahanda ng lupang taniman, wastong paraan ng
pagpapatubo ng mga buto, at sangang pantanim at ang maayos na
pagaalaga habang ang mga halamang ornamental ay sumisibol at
papalaki.

Pag-alam sa mga Natutuhan

Panuto: Basahin at unawain ang mga tanong sa ibaba.Piliin ang titik

ng tamang sagot, isulat ang iyong sagot sa sagutang papel. 1. Alin ang
nagpapakita ng maayos na paghahanda sa itatanim.
A. pinipili ang itatanim
B. pagsugpo ng mga sakit nito
C. inihahanda ang mga dahon
D. maibenta kaagad ang mga produkto

2. Aling mga halamang ornamental ang dapat na itinatanim sa harapan

ng bahay?
A. mga maliliit na halaman B. mga nabubuhay sa tubig
C. mga may kulay na halaman
D. mga lumalaki at yumayabong na halamang ornamental

3. Sa pagsasaayos ng mga halamang ornamental, ang mga halamang

ito ay kailangan ilagay sa naaarawan at kasiya-siyang tanawin.
Makatutulong ang pagsasama-sama ng uri o kulay kung kinakailangan .
A. bunga at sanga C. halamang namumulaklak
B. dahon at ugat D. laki at lapad

4.Saan maaaring magtanim na halamang ornamental kung walang

malawak na lupa?
7
 A. paso C. buto at sangang pantanim
B. bunga at dahon D. wala sa mga ito

5.Alin sa mga sumusunod ang di halamang ornamental ?

A. balete C. gumamela
B. kalachuchi D. ilang-ilang

Pangwakas na Pagsusulit

Panuto: Basahin at unawain ang bawat pangungusap.Isulat ang titik ng

tamang sagot sa sagutang papel
1. Ano ang tawag sa pagpapaganda ng isang lugar sa pamamagitan ng
pagtatanim ng mga halamang ornamental?
A.vegetable gardening C. landscape gardening
B.floral arrangement D. urban gardening
2. Nais mong magtanim ng halamang ornamental sa ayos na
WELCOME, saan mo ito dapat isagawa?
A.harapan ng bahay C. likod ng bahay
B.kanang gilid ng bahay D. kaliwang gilid ng bahay 3. Anu-
ano ang dapat pagsama-samahin sa pagsasaayos ng mga halamang
ornamental?
A. magkakasing kulay na halaman
B. magkakauring halaman
C. magkakasinlaking halaman
D. lahat ng mga ito
4. Saan maaaring magsimula ang mga halamang ornamental? A. paso at
lupa C. buto at sangang pantanim
B. dahon at bunga D. wala sa mga ito
5. Alin sa mga halamang ornamental na nakasaad sa ang lumalaki at
yumayabong?
A. balete C. ilang-ilang
B. kalachuchi D. lahat ng ito
6. Bakit kailangan ang masusing paghahanda sa itatanim?
A. upang mabilis lumaki ang mga halaman
B. upang maibenta kagad ang mga produkto
C. upang maisakatuparan ang proyekto ng wasto
D. upang mapadali ang pagsugpo ng mga sakit nito
7. Aling mga halamang ornamental ang hindi dapat na itinatanim sa
harapan o unahan ng maliliit na halaman? A. Mga maliliit na halaman

8
 B. Mga nabubuhay sa tubig
C. Mga may kulay na halaman
D. Mga lumalaki at yumayabong na halamang ornamental
8. Ano-ano ang dapat pagsama-samahin sa pagsasaayos ng mga
halamang ornamental?
A. Magkakauring halaman
B. Magkakasinlaking halaman
C. Magkakasing kulay na halaman
D. Lahat ng mga ito
9. Saan maaring magsimula ang itatanim na halamang ornamental?
A. paso at lupa C. buto at sangang pantanim
B. bunga at dahon D. wala sa mga ito
10. Alin sa mga halamang ornamental na nakasaad ang lumalaki at
yumayabong?
A. balete at ilang-ilang C. orchids at lotus
B. kamatis at talong D. santan at gumamela

Sanggunian
Inihanda ni:
MANUNULAT: SONNY C. BENITEZ
Posisyon: Guro III
Paaralan: Paaralang Elementary ng San Jose
Sangay ng mga Paaralang Panlungsod: Makati City

TAGAGUHIT:
Posisyon:
Paaralan:
Sangay ng mga Paaralang Panlungsod:

TAGASURI NG WIKA:
EDITHA V. VILLAMOR- Master Teacher 1
Paaralan: Paaralang Elementary ng Kuta Bonifacio
MELLANY R. ARANDIA- Master Teacher 1
Paaralan: Paaralang Elementary ng Comembo
Sangay ng mga Paaralang Panlungsod: Makati City
DR. CELEDONIA T. TENEZA, EPS
SDO DepEd Makati