MC FIL 101 - Introduksyon sa Pag - aaral ng Wika

Baybayin
 Ang baybayin ay itinuturing na sinaunang pamamaraan ng pagsulat ng mga katutubong Tagalog.
Binubuo ito ng 17 simbolo na kumakatawan sa mga titik: 14 katinig at 3 patinig.
 Marami ang namamali sa pagtawag sa baybayin bilang “alibata.” Ang alibata ay ngalang naimbento
ng isang gurong inaakalang sa Arabe ang ating unang paraan ng pagsulat. Mula sa unang pangalang
ng unang tiitk ng Arabe na alif . ba . ta kaya hindi ito maituturing na katutubong salita.
 Ang baybayin sa wikang Tagalog ay nangangahulugang “lupain sa gilid ng dagat.”
 Tumutukoy rin ito sa pag-ispeling o pagbasa sa nakasulat na mga titik ng isang salita.
 Doctrina Christiana - ang kauna-unahang aklat na nailimbag sa Pilipinas noong 1593, na nakalimbag
sa baybayin. Ginawa ito upang higit na maunawaan ng mga katutubo ang mga aral ng Simbahan.
 Ang baybayin ay isang alpha-syllabic script na binubuo ng 3 patinig (A, E/I, at O/U) at 14 kombinasyon
ng katinig-patinig (B, K, D/R, G, H, L, M, N, NG, P, S, T, W, at Y).
 Abugida - alfasilabaryo na sistemang pagsulat. Ang bawat karakter ay may katinig at patinig na /A/. .

Mga Bantas

Kuwit

tuldok

Kudlit (‘) sa itaas - e│i

Kudlit (‘) sa ibaba - o│u
Krus (+) sa ilalim - kung tatanggalin ang tunog patinig sa isang katinig

*Virama - tinatawag ding vowel-killer, kinakansela nito lahat ng tunog ng mga patinig.

Halina’t magsanay sa Pagsulat ng Baybayin!

Pagsasanay:
1. Banaag (glimpse)
__________________________________________
2. Kinaadman (knowledge, wisdom)
___________________________________________
3. Mapanibugho (jealous)
___________________________________________
4. Takipsilim (twilight)
___________________________________________
5. Pahimakas (last farewell)
___________________________________________
6. Likha (creation)
___________________________________________
7. Sapantaha (hunch or presumption)
___________________________________________
8. Tinatangi(special someone)
___________________________________________
9. Pagsamo ( the act of pleading)
___________________________________________
10. Magmuni-muni (meditate or ponder)
__________________________________________
Takda:
Isulat sa Baybayin ang tulang, “ Sa Aking mga
Kabata” ni Gat Jose Rizal
Sa aking mga Kabata
ni Jose P. Rizal
Kapagka ang baya'y sadyang umiibig
sa kanyang salitang kaloob ng langit,
sanlang kalayaan nasa ring masapit
katulad ng ibong nasa himpapawid.
Pagkat ang salita'y isang kahatulan
sa bayan, sa nayo't mga kaharian,
at ang isang tao'y katulad, kabagay
ng alin mang likha noong kalayaan.
Ang hindi magmahal sa kanyang salita
mahigit sa hayop at malansang isda,
kaya ang marapat pagyamaning kusa
na tulad sa isang tunay na nagpala.
Ang wikang tagalog tulad din sa latin,
sa ingles, kastila at salitang anghel
sapagka't ang Poong maalam tumingin
ang siyang naggawad, nagbigay sa atin.
Ang salita nati'y huwad din sa iba
na may alfabeto at sariling letra,
na kaya nawala'y dinatnan ng sigwa
ang lunday sa lawa noong dakong una.