Sa ngaran nin Ama, asin nin Aki, pati nin Espirito Santo, AMEN.
Kami nagkatiripon ngunyan/
nin huli kan saimong pangapudan./ Kami na mga pinagkatiwalaan mo/ na maging magurang asin pangaduwang magurang kan saimong mga kaakian/ nagtitiripon ngunyan/ sa liwat na pag-urulay para sa taon na presente.
Sa samong pagtitiripon ngunyan,/
tabangi man kami na matawan atensyon/ ang man-lain-lain na importante/ asin kinakaipuhan na bagay./ Sana makataong pakinabang sa lambang kaakian/ na nasa samong poder/ ang lambang mga bagay/ asin plano na samong mapag-uulayan,/ nin huli ta sarong prebelehiyo/ asin responsibilidad na saimong pinagkatiwala sa samuya/ an maging parte kan makahulugan na pag-aadal/ asin pagtalubo kan samong mga kaakian/ sa laog/ asin luwas kan samong eskwelahan/ na EPAMNHS./ Sana, ang pagsuporta asin pagtabang niamo sa lambang saro/ para sa ikaka-riyalisar kan saimong plano,/ pirme niamong iwaras sa lambang saro/ nin daing pakundangan asin kakuripotan./ Sa pagpoon mi kan samong pag-urulay,/ hinahagad mi an saimong bendesyon/ na tawan mo kami nin kalinawan nin pag-iisip/ asin halawig na pag-intindi/ na an lambang ponto-de-vista kan lambang saro,/ masabutan mi bilang makahulugan asin importanteng parte kan saimong plano./ An gabos na ini,/ asin an samoyang mga intensyon,/ hinahagad mi sa ngaran ni Jesu Kristo,/ na nabuhay asin naghade/ sa panahon na daing kasagkuran, AMEN.
Ama niamo na yaon sa Langit
sambahon an ngaran mo, mapasamuya an kahadean mo, kuyogon an boot mo digdi sa daga nin siring sa langit...