PAG-UUGNAY-UGNAY NG IMPORMASYON

Sa pag-uugnay-ugnay ng impormasyon mula sa iba’t ibang batis, kailangan ng

mananaliksik ng malinaw, matalas, metikuloso at mapanuring isipan.
Sa pagsusuri ng mga nakalap na datos, may iba’t ibang dulog sa pag-
uugnay-ugnay ng impormasyon.

Una, maaaring palitawin ang iba’t ibang aspeto ng ugnayan ng mga

impormasyon kagaya ng pagkakatulad at pagkakaiba, bentahe at
disbentahe, ang anggulo at anyo/mukha, pagtataguyod o
pagsalungat/pagtutol pagbatikos, paglilinaw, pagpapailalim, mga
hakbang sa isang proseso at elaborasyon.

Pangalawa, puwede ring tingnan ang tinatawag ni Spradley (1979) na

mga semantikong relasyon sa pagitan ng mga impormasyon. Ang ilan
sa mga halimbawa ng semantikong relasyon ay ang sumusunod:

 Istriktong paglalakip (strict inclusion): “Ang X ay uri ng Y”

Halimbawa: “Ang komiks magasin ay isang uri ng publikasyon
(Habito-Cadiz, 2008, p.50)
 Espasyal (Spatial): “Ang X ay isang lugar sa Y”
Halimbawa: Ang silid-aralan ay bahagi ng pisikl at simbolikong
espasyo ng buhay-estudyante.”
 Pagbibigay-katuwiran (rationale ): “Ang X ay isang rason para gawin ang Y.”
Halimbawa: Ang kawalan ng sapat na edukasyon ang isang dahilan
kung bakit pinahinto ng magulang ang anak sa pag-aaral.”
 Sanhi at Bunga/Kinalabasan: “Ang X ay resulta ng Y.”
Halimbawa: “Batay sa napag-alam ni De Vera (1982), sa panig ng
kalalakihan, ang tuksuhan ng kapuwa lalaki ay sanhi ng pakikiapid sa
ibang babae.”
 Lugar ng isang kilos: “Ang X ay isang lugar para gawin ang Y.”
Halimbawa: “Sa panahon ngayon, ang sinehan ay isang lugar para
sa romantikong ligawan.”
 Gamit (Function): “Ang X ay ginagamit para sa Y.”
 Halimbawa:”Paliwanag ni Guieb (2014), ang edukasyon ay ginagamit
ng estado bilang kasangkapang ideyolohikal para hubugin ang
kaisipan ng mga mamamayan.”
 Paraan-kinayarian (means-end): “Ang X ay isang paraan para gawin ang Y.”
Halimbawa: “Noong panahon ng panunungkulan ni Ferdinand E.
Marcos, ang pagdedeklara ng Martial Law sa buong bansa ay isang
paraan upang makontrol ng pamahalaan ang midya at lahat ng
sangay ng gobyerno.”
 Pagkakasunod-sunod (sequence): X is a step or a stage in Y.”
Halimbawa: Halimbawa: Ang pakikipagpalagayang-loob ay isa sa
mga unang hakbang sa pakikipanuluyan.”
 Atribusyon (attribution): “Ang X ay katangian ng Y.”
Halimbawa: Ang pagkahumaling sa Ingles ay isang katangian ng kolonyal
na kamalayan.”(Spradeley,1979, p.111)

Pangatlo, maaarig gumamit ng pamamaraan ng coding na angkop sa

disenyo ng pananaliksik. Ang pagkokoda ay isang intensibong proseso ng
pagsususuri ng datos tungo sa pagbuo ng mga bagong kaalaman.

 Kwantitatibong Disenyo
Tumutukoy sa sistematiko at empirikal na imbestigasyon ng iba’t ibang
paksa at penomenang panlipunan sa pamamagitan ng matematikal,
estadistikal at mga teknik na pamamaraan na gumagamit ng kopyutasyon.

 Kuwalitatibong Disenyo
Panayam at Pangkatang Talakayan
Kinapapalooban ng mga uri ng pagsisiyasat na ang layunin ay
malalimang unawain ang pag-uugali at ugnayan ng mga tao at ang dahilan na
gumagabay rito.
Layunin nitong magpaliwanag at magbigay ng inisyal na pagkaunawa tungo
sa pagbuo ng desisyon.
Survey
Ginagamit sa mga deskriptibo at kuwantitatibong pag-aaral ng malalaking
populasyon para sukatin ang kaalaman, persepsiyon, disposisyon,
nararamdaman, kilos, gawain at katangian ng mga tao. Ito ay ginagamitan ng
talatanungan at maaaring isagawa ng harapan o online.
Interbyu
Ang interbyu o panayam ay isang interaksyon sa pagitan ng
mananaliksik bilang tagapagtanong at tagapakinig at ng tagapagbatid na
siyang tagapagbahagi ng impormasyon.