Gawain: Mangyaring ilahad ang inyong inaasahan sa klase.
A. Sa asignatura
Pagdating sa asignatura, isa sa pinaka inaasahan ko ay ang mahasa ko pa ang aking
kakayanan hindi lamang sa pagtuklas at paglaganap ng ating wika kundi pati na rin ang aking pagkakaunawa sa kahalagahan ng pag-aaral nito. Bukod pa rito, isa rin sa inaasahan ko na sa bawat talakayan natin sa asignaturang ito ay ang marami pa kaming matututunan na bago tungkol sa Filipino, tulad ng mga bagong paraan ng paggamit nito, mga kakaibang istilo sa pagsususlat gamit ang wikang ito at makaunawa ng iba’t ibang mga uri ng panitikan na nakasulat sa sarili nating wika.. Higit sa lahat, sa pagtatapos ng semestre sa susunod na limang buwan, inaasahan ko na marami kaming matutuklasan tungkol sa Intelekwalisasyon ng wikang Filipino, at kung paano namin ito magagamit upang mas lalong mapahusay at mapaunlad ang aming perspektibo at imahinasyon sa literatura.
B. Sa instructor
Pagdating sa amIng propesor, inaasahan ko na ang aming klase sa Filipino ay maging
parehong masaya at makabuluhan. Nais ko rin na maging aktibo ang aming talakayan kung kaya’t ninanais ko na sana sa bawat sesyon ay bibigyan kame ng aming guro ng pagkakataon upang maghayag ng kanya kanya naming saloobin, kuro-kuro o tanong lalo na kapag mayroong hindi malinaw sa amin o kapag may gusto kaming bigyan ng linaw. Ipinagdarasal ko rin na sana maging mahinahon at masayahin ang magiging istilo ng pagtuturo ng aming guro upang kaming mag-aaral ay hindi kabahan tuwing kame ay nagkaklase. C. Sa sarili
Para sa aking sarili, inaasahan ko na ako ay mas magiging aktibo na sa paghahayag ng
aking saloobin tuwing may talakayan. Bukod pa rito, inaasahan ko rin na maglalaan ako ng sapat na oras upang magbasa ng maigi na patungkol sa aming paksa na tatalakayin bago at pagkatapos ng klase. Higit sa lahat, nais ko nang magbago at gumawa ng mga gawain sa tamang oras upang hindi na ako uuwing luhaan sapagkat ako ay nakakuha ng mababang marka sa kadahilanang parati akong nahuhuling magpasa ng mga takdang aralin. Nais ko rin na sa bawat miyembro ng aming klase, maiintindihan pa namin ang gamit at kahalagahan ng interlekwalisasyon ng wikang Filipino ng higit pa sa kung ano ang inaakala namin.