Pagtuturo ng Filipino sa Elementarya

(Estruktura at Gamit ng Wikang Filipino)

Aralin 1: Filipino Bilang Aralin

Layunin
Inaasahan na pagkatapos ng araling ito, ang mga mag-aaral ay makapagsasabuhay ng
mga sumusunod na kakayahan:
1. Natutukoy at napapahalagahan ang iba’t ibang pamantayan sa kurikulum ng
kagawaran lalo na ang pamantayan sa bawat baitang.
2. Nasusuri ang gabay pangkurikulum ng Filipino sa elementarya at ang kahalagahan
nito.
3. Nakabubuo ng pagninilay tungkol sa kahalagahan ng kurikulum ng Filipino.

Basahin at Pag-aralan

Kapag tinanong ang mga mag-aaral kung ano ang kanilang paboritong asignatura,
madalas ayaw o iilan lamang sa kanila ang pipili ng Filipino bilang pinakapaborito nilang
asignatura. Bakit kaya iilan lamang ang pumipili ng Filipino? Ano-ano kaya ang nakaaapekto sa
kanilang pagpili? Isang itinuturong dahilan ay ang kanilang guro sa Filipino na nakaaantok at
ang mga aralin daw ay nakababagot. Sa mga pampribadong paaralan, mas nahihirapan ang mga
mag-aaral sa Filipino dahil na rin sa kadalasang English zone ang kanilang mga paaralan. Kung
kaya napakalaki ng gagampanan mo bilang isang guro ng asignaturang ito. Ikaw ang
magbibigay-buhay at sigla sa mga mag-aaral para mahalin at tangkilikin nila ang asignaturang
Filipino.

Ang pagiging isang guro sa elementarya ay may espesyal na kakayahang dapat taglayin
sa pagtuturo sa mga nasa murang edad pa lamang. Ito ang magiging matibay na pundasyon ng
mga mag-aaral sa kaniyang tatahaking landas. Kinakailangan ding may giliw o galak ka sa
pagtuturo para matuto ang mga mag-aaral ng may sigla lalo na sa Filipino. Sa araling ito,
maipaliliwanag mo kung ano ang Filipino bilang isang aralin.

Nakasaad sa Artikulo XIV Seksyon 6 na: “Ang wikang pambansa ng Pilipinas ay

Filipino. Samantalang nililinang, ito ay dapat payabungin at pagyamanin pa salig sa umiiral na
wika sa Pilipinas at sa iba pnag mga wika.” Ito ay nagpapatunay na kinakailangang payabungin
ang wikang Filipino. Sa pamamagitan ng pagtuturo ng asignaturang Filipino gamit ang wikang
 Pagtuturo ng Filipino sa Elementarya
(Estruktura at Gamit ng Wikang Filipino)

Filipino, mapaunlad at mapayabong natin ito. Sa ating paggamit sa wikang Filipino, napalalaim
din ang ating wika at kultura.

Nililinang sa araling Filipino ang limang makrong kasanayan: pagsasalita, pagbasa,

pagsulat, pakikinig, at pananonood. Sinisimulan ang pagtuturo ng Filipino sa ikalawang
markahan ng unang baiting hanggang senior high school.

Ang Kagawaran ng Edukasyon ay may inilabas na bagong kurikulum na may iba’t ibang
pamantayan sa programa (Core Learning Area Standards), bawat yugto (Key Stage Standards), at
bawat baiting (Grade Level Standards) na inaasahang kayang ipamalas sa bawat yugto at baiting
ng isang mag-aaral ng Filipino.

Nakasulat sa ibaba ang mga pamantayan sa programa, bawat yugto, at bawat baitang na
nakapaloob sa kurikulum na pang-elementarya.

A. Pamantayan sa Programa (Core Learning Area Standards):

Nagagamit ang wikang Filipino upang madaling maunawaan

at maipaliwanag ang mga kaalaman sa araling
Pamantayan ng
pangnilalaman, magamit ang angkop at wastong salita sa
Programa ng
pagpapahayag ng sariling kaisipan, damdamin, o karanasan
Baitang 1-6
nang may lubos na paggalang sa kultura ng nagbibigay at
tumatanggap ng mensahe.

B. Pangunahing Pamantayan ng Bawat Yugto (Key Stage Standards):

K-3 Sa dulo ng baitang 3, nakakaya ng mga mag-aaral na ipakita ang kasanayan sa pag-
unawa at pag-iisip sa mga narinig at nabasang teksto at ipahayag nang mabisa ang mga
sabihin at nadarama.
4-6 Sa dulo ng baitang 6, naipapakita ng mga mag-aaral ang sigla sa pagtuklas at
pagdama sa pagbigkas at pasulat na mga teksto at naipahahayag nang mabisa ang mga
ibigsabihin at nadarama.
 Pagtuturo ng Filipino sa Elementarya
(Estruktura at Gamit ng Wikang Filipino)

C. Pamantaya sa Bawat Baitang (Grade Level Standards):

Baitang Pamantayan sa Bawat Baitang

Naipamamalas ng mga mag-aaral ang kakayahan sa pagpapahayag ng
K iniisip at damdamin sa wikang katutubo at ang kahandaan sa pagbasa at
pagsulat upang makilala ang sarili at matutong makisalamuha
Pagkatapos ng unang baitang, inaasahang nauunawaan na ng mga mag-
aaral ang mga pasalita at di-pasalitang paraan ng pagpapahayag at
nakatutugon nang naaayon. Nakakamit ang mga kasanayan sa mabuting
1
pagbasa at pagsulat upang maipahayag at maiugnay ang sariling ideya,
damdamin, at karanasan sa mga narinig at nabasang mga teksto ayon sa
kanilang antas at kaugnay ng kanilang kultura.
Pagkatapos ng ikalawang baitang, inaasahang nasasabi an ng mga mag-
aaral ang pangunahing diwa ng tekstong binasa o napakinggan,
nagagamit ang mga kaalaman sa wika, nakababasa nang may wastong
2 paglilipon ng mga salita at maayos na nakasusulat upang maipahayag at
maiugnay ang sariling ideya damdamin, at karanasan sa mga narinig at
nabasang mga teksto ayon sa kanilang antas at kaugnay ng kanilang
kultura.
Pagkatapos ng ikatlong baitang, inaasahang nasasabi na ng mga mag-
aaral ang pangunahing diwa ng tekstong binasa o napangkinggan at
nakapagbibigay ng kaugnay o katumbas na teksto, nagagamit ang mga
kaalaman sa wika, nakababasa nang may wastong paglilipon ng mga
3
salita at maayos na nakasusulat gamit ang iba’t ibang bahagi ng
pananalita upang maipahayag at maiugnay ang sariling ideya,
damdamin, at karanasan sa mga narinig at nabasang mga teksto ayon sa
kanilang antas o lebel at kaugnay ng kanilang kultura.
4 Pagkatapos ng ika-apat baitang, naipamamalas na ng mga mag-aaral ang
 Pagtuturo ng Filipino sa Elementarya
(Estruktura at Gamit ng Wikang Filipino)

kakayahan sa pagbasa, pagsulat, at pakikipagtalastasan nang wasto

upang maipahayag ang kaalaman, ideya, at damdaming angkop sa
kaniyang edad at sa kulturang kinabibilangan at nakikilahok sa
pagpapaunlad ng pamayanan
Pagkatapos ng ikalimang baitang, naipamamalas na ng mga mag-aaral
ang kakayahan sa pakikipagtalastasan, mapanuring pag-iisip, at
5
pagpapahalaga sa panitikan at kultura sa pamamagitan ng iba’t ibang
teksto/babasahing local at pambansa.
Pagkatapos ng ikaanim na baitang, naipamamalas na ng mga mag-aaral
ang kakayahan sa pakikipagtalastasan, mapanuring pag-iisip, at
6
pagpapahalaga sa wika, panitikan, at kultura upang makaambag sa
pagpapaunlad ng bansa.

Itinuturo ang asignaturang Filipino sa loob ng 30 minuto mula ikalawang

markahan hanggang ikaapat na markahan ng unang baitang. Samantalang, 50 minuto
naman itong itinuturo sa ikalawa hanggang ikaanim na baitang.
Ang pagtuturo ng Filipino ay isang daan o tsanel na makatutulong upang mahasa
ang pag-iisip ng isang mag-aaral patungo sa pag-unlad ng iba’t ibang kasanayan tulad ng
pagbasa, pagsulat, pakikinig, pagsasalita, at panonood. Kung kaya itinuturing na ang
paaralan ang maaasahang kutawang para mapabilis ang pagkatuto ng mga mag-aaral sa
paggamit ng Filipino. Ang asignaturang ito ay tutulong din para madali nilang
maunawaan at maipaliwanag ang iba’t ibang konseptong hinahangad na matutuhan sa
pamantayang pangnilalaman.
Tulungan mo ang iyong sariling mahalin ang wikang Filipino sa pamamagitan ng
pagtuturo ng asignaturang Filipino sa mga itinuturing na pag-asa ng bayan – ang mga
kabataan. Kayang-kaya mong gawin itong isa sa pinakamasayang klase. Ikaw ang
magiging tagapangalaga ng wikang ating pinapahalagahan at magsisilbing susi para
masimulan ang kanilang pagmamahal.

Pagsasanay
 Pagtuturo ng Filipino sa Elementarya
(Estruktura at Gamit ng Wikang Filipino)

Basahing mabuti ang sumusunod ng mga katanungan at sagutin ito nang buong ingat.
Ilahad ang iyong sagot.

1. Ano-ano ang iba’t ibang pamantaya sa kurikulum ng kagawaran?

2. Bakit mahalaga na alam ng guro ang bawat pamantayan ng kurikulum lalo na ang
pamantayan sa bawat baitang?
3. Magbahagi ng kahalagahan ng pagkakaroon ng isang kurikulum.

Pagpapalalim na Kasanayan

I-download ang gabay pangkurikulum (curriculum guide) na makikita sa website ng

DepEd (www.deped.gov.ph). Suriin ang gabay pangkurikulum ng Filipino sa elementarya at
isulat ang mga bagong kaalamang natuklasan sa pagbabasa nito.

Pagninilay at Refleksyon

Ibigay ang iyong pinakamahusay na opinyon at ideya. Saguting mabuti ang mga katanungan.

1. Bakit kailangang pag-aralan ng isang mag-aaral ang asignaturang Filipino?

2. Sumulat ng isang pagninilay tungkol sa kahalagahan ng kurikulum ng Filipino.