Pagsasanay

Basahing mabuti ang sumusunod ng mga katanungan at sagutin ito nang buong ingat.
Ilahad ang iyong sagot.

1. Ano-ano ang iba’t ibang pamantayan sa kurikulum ng kagawaran?

Ang pamantayan sa kurikulum ng kagawaran ay nahahati sa tatlo. Ito’y ang mga:

 Pamantayan sa Programa (Core Learning Area Standards), ito’y kinapapalooban

ng ikaunang baiting hanggang ikaanim na baiting.
 Pangunahing Pamantayan ng Bawat Yugto (Key Stage Standards) , ito’y nahahati
sa dalawang bahagi. Ang unang yugto’y mula kindergarten hanggang ikatlong
baiting (K-3), ang ikalawang yugto nama’y mula ikaapat na baitang hanggang
ikaanim na baitang (4-6),
 Pamantaya sa Bawat Baitang (Grade Level Standards), sa bahaging ito, iniisa-isa
ang ang pamantayan bawat baitang mula kinder hanggang ikaanim na baitang (K-6).

2. Bakit mahalaga na alam ng guro ang bawat pamantayan ng kurikulum lalo na ang
pamantayan sa bawat baitang?

Mahalaga’t nararapat na may kaalaman ang isang guro sa nilalaman ng pamantayan ng

kurikulum sa bawat baitang upang magkaroon siya ng ideya sa saklaw ng paksang kanyang
tatalakayin sa baitang na naitalaga sakaniya. Bukod pa rito, higit na mas mapabubuti ang
daloy ng talakayan sapagkat maiiwasan ang pag-uulit o pagdadagdag ng mga araling hindi
nasasakop ng pamantayan.

3. Magbahagi ng kahalagahan ng pagkakaroon ng isang kurikulum.

Ang pagkakaroon ng isang kurikulum ay sumasalamin sa pagkakaroon ng isang

organisado at sistematikong daloy ng edukasyon.. Mahalaga ang kurikulum sapagkat ito’y
nagsisilbing gabay ng mga guro’t mag-aaral sa pagtuturo’t pag-aaral. Ito rin ay tumutukoy sa
kabuuang nilalaman ng isang pinag-aaralan, at mga gawaing ipinatutupad sa mga paaralan sa
natatanging gawaing pantao bilang isang institusyon ng katarungan at makataong pagpapaunlad.
Pagninilay at Refleksyon
Ibigay ang iyong pinakamahusay na opinyon at ideya. Saguting mabuti ang mga katanungan.

1. Bakit kailangang pag-aralan ng isang mag-aaral ang asignaturang Filipino?

Mahalagang pag-aralan ng ang Filipino bilang asignatura at hindi lang bilang wika dahil malaki
ang gampanin nito sa pagpapaunlad ng kamalayan ng isang mag-aaral hindi lamang sa wika at
komunikatibong paraan. Maging sa sa pag-uugali at pagkilala sa kulturang mayroon ang bansa. Bilang
isang mag-aaral malaki ang gampanin natin sa pagpapanatili at pagpapaunlad nang kultura, kagawian, at
asal na mayroon tayo. Hindi natin ito magagawa kung tayo mismong mga mag-aaral ay walang sapat na
kaalaman sa larangan ng Filipino lampas sa balarila.

2. Sumulat ng isang pagninilay tungkol sa kahalagahan ng kurikulum ng Filipino.

Ang kurikulum ng Filipino ang nagbibigay ng mas pagpapalalilim sa mga paunang kaalaman
na meron ang bawat mag-aaral sa larangan. Gayundin, binibigyan nito ang bawat mag-aaral ng mas
malawak na lente at paglubog sa kamalayang Filipino. Isa rin ito sa humuhubog sa pagiging
makabayan ng isang indibidwal. Minumulat tayo ng kurikulum ng Filipino sa tunay na kahalagan
nito lampas sa mga balarila na dapat matutunan upang gamitin sa propesyunal na antas. Binibigyang
linaw din nito ang mga katanungan sa mga agam-agam sa wika, kultura maging sa ekonomiya o
politikal na aspeto. Sa mas malalim na pagtanaw, ang kurikulum ng Filipino ay naglalayong
maipagpatuloy ang pagpapanatili ng kasaysayan ng mga Pilipino, kalinangan ng mga kaalaman sa
Filipino (asignatura at wika), kaakuhan o identidad bilang bahagi ng lahing Filipino at kamalayan sa
mga kasalukuyang nagaganap. Lalo’t sa panahon ngayon, mahalaga ang Filipino sa pagbibigkis at
pagkakaisa upang malampasan ang pandemyang kinahaharap ng bawat isa.