Ipaliwanag ang kasabihang “If you fail to plan, you plan to fail” sa konsepto ng pagpaplano ng aralin.
Ang pagpaplano ay napakahalagang sangkap sa tagumpay lalo na kung
may layunin kang gustong maabot. Sa konsepto naman ng pagpaplano ng aralin, ang kasabihang “If you fail to plan, you plan to fail” ay napaka makatotohanang kasabihan dahil ang pagpaplano ay napakahalaga hinggil sa pagtuturo. Ito ang batayan ng iyong pagiging epektibo bilang isang guro at sinusukat nito ang tagumpay sa pagtuturo at pag-aaral. Sa pamamagitan ng pagpaplano ay makakapag isip ka ng epektibong teknik at estratehiya upang mabuo ang ugnayan ng mga gawaing pangmag-aaral at gawain ng guro. Isinasaalang sa pagpaplano na sa pagtatapos ng aralin ay may matututunan ang mga mag-aaral. Kung nabigo ang isang guro sa pagpaplano, nangangahulugan ito na siya ay hindi handa at nagpaplano na mabigo sa kanyang pagtuturo. Kaya, ang pagbigong magplano ay siya rin ang sangkap sa kabiguan lalo na sa pagtuturo.