Republika ng Pilipinas
Laguna State Polytechnic University
ISO 9001:2015 Certified
Level I Institutionally Accredited
LSPU Self-paced Learning Module (SLM)
Kurso
Semestre/Taong Panuruan
Bilang ng Modyul
Pamagat ng Aralin
Linggong Sakop
Petsa
Deskripsyon ng Aralin
Lilinanging Kasanayan
Inaasahang Matutuhan
Tiyak na Layunin
LSPU SLM: ANG PAGPAPLANO SA PAGTUTURO
Inihanda ni: DR. SIERRA MARIE S. AYCARDO
Probinsya ng Laguna
FILIPINO 6 Pagtuturo at Pagtataya ng Makrong Kasanayang Pangwika
Unang Semestre/2021-2022
Ikalawa
ANG PAGPAPLANO SA PAGTUTURO
Ikatlo (3)
Oktubre 18 – 22
Ang araling ito ay pangunahing nakatuon sa kalikasan ng pagtuturo kung
saan ay pinalulutang ang kahalagahan ng pagpaplano ng leksyon o aralin
tungo sa panghabambuhay na pagkatuto. Binabanggit dito ang mga
mahahalagang bagay na dapat isaalang-alang at ang ilang mga pananaliksik o
batayang teoretikal sa mabisang pagpapano. Ito ay magsisilbing midyum
upang maipaunawa sa mga mag-aaral ang kahalagahan ng pagpaplano at ng
pagkatha ng banghay-aralin bilang pangunahing salalayan ng magiging daloy
ng pagtuturo at batayan ng mga dulog o pamamaraan na gagamitin sa
pagtuturo ng isang tiyak na tapik o paksa.
Ang mga mag-aaral ay inaasahang matutuhan at malinang ang mga
sumusunod na kasanayan:
Kaalaman
1. Masuri ang proseso at hakbang sa pagtuturo at pagpapaunlad ng mga
makrong kasanayang pangwika at magamit ang kaalaman hinggil dito sa
pakikipag-ugnayan sa kapwa na may wastong kaasalan.
2. Magamit ang wika sa wastong pagpapahayag sa paraang pasulat at pasalita
at mapalawak ang kasanayan at kaalaman sa proseso ng pagtuturo-
pagkatuto sa Filipino.
Kasanayan
1. Magamit ang angkop na teorya at metodolohiya sa paraang mapanuri at
malikhain upang makabuo ng mga programa tungo sa panghabambuhay na
pagkatuto.
Halagahan
1. Maipakita ang kahalagahan ng tamang pamamahala sa silid-aralan sa
pamamagitan ng berbal na pakikipag-ugnayan.
2. Makakilos nang may pagkilala sa mga pananagutang propesyonal, istoriko
at etiko at makaangkop sa mga gawaing multidisiplinal at multikultural na
mga pangkat.
Sa pagtatapos ng araling ito, ang mga mag-aaral ay inaasahang:
1. Matukoy ang mga dati nang kaalaman at maiugnay ang mga ito sa
panibagong kaalaman hinggil sa pagpaplano sa pagtuturo.
2. Makalikha ng malilinaw na kaisipan at komprehensibong pangangatwiran
hinggil sa mga salik o aspektong may kinalaman sa tinalakay na aralin.
3. Makabuo ng isang process flow chart na nagpapakita ng kabuuang daloy o
proseso ng pagtuturo.
 Republika ng Pilipinas
Laguna State Polytechnic University
ISO 9001:2015 Certified
Probinsya ng Laguna
Level I Institutionally Accredited
Sipatin ang Angkop na Dulog

A. Pagkakaroon ng online na talakayan sa pamamagitan ng Google Meet

1. Ang bawat mag-aaral ay lalahok sa talakayan hinggil sa “Ang Pagpaplano sa
Pagtuturo” na tatagal nang isang (1) oras. Upang makalahok, mangyaring
sumangguni lamang sa link na ito: _________________________________________.
2. Ang online na talakayan ay gaganapin sa ika-__ ng_____________, _______, mula
ika-__:00 hanggang ika-__:00 ng ________. (Para sa karagdagang impormasyon, tingnan
Mga Online na ang iskedyul at mga tagubilin sa Google Classroom)
Aktibidad
(Synchronous) B. Mga Gabay na Tanong
1. Sa iyong palagay, ano-ano na ang mga bagay na iyong nalalaman hinggil sa
pagpaplano sa pagtuturo? Ano-ano ang mga gusto mo pang malaman o matutuhan?
2. Ano-ano ang mga hakbang na isinasaalang-alang sa pagpaplano? Sa iyong sariling
pananaw, ano ang role na ginagampanan ng pagpaplano sa proseso ng pagtuturo?
3. Magsaliksik ng ilang halimbawa ng process flow chart sa internet at suriin itong
mabuti.

A. Lektyur

ANG PAGPAPLANO SA PAGTUTURO

Ang mga pagpaplano o paghahanda sa pagtuturo ay ekstensyon ng katauhan

at estilo ng isang guro.

Mahalaga ang pagpaplano at dapat na isinasagawa ito ng lahat ng guro. Bago

pumasok sa klasrum ang isang guro, taglay na niya ang mga ideya kung paano
tuturuan ang kanyang klase. Kaya lang, ang proseso ng pagpaplano at pagbabalak ng
mga gawain sa pagtuturo ay nagkakaiba-iba ayon sa oryentasyon at paniniwala ng
isang guro. Bawat guro ay may sariling paniniwala kung paano ang mabisa at
epektibong pagbabahagi ng pagkatuto. May mga pagpaplanong komprehensibo dahil
Mga Offline na nakatala ang mga gawain dito mula sa pinakamalaki hanggang sa kaliit-liitang detalye.
Aktibidad Mayroon namang balangkas lamang ng mga gawain ang nakalahad. Ang iba namang
(e-learning/Self- mga pagpaplano ay nasa isipan lamang ng guro at malamang na ito’y hindi
paced) maisasagawa dahil sa maraming pangyayaring maaaring maganap sa pagkaklase.
Samakatwid, ang pagkaklaseng walang pagpaplano ay maaring mauwi sa hindi
pagkatuto ng mga mag-aaral. May mga pagpaplanong palipad-hangin lamang dahil
kung papasukin mo ang klasrum ay malabong makita ang mga inilahad na binalak na
mga gawain.

Makatutulong nang malaki para sa isang epektibong pagkaklase ang mahusay

na pagpaplano. Maaaring kontrahin ang katotohanang ito lalo na ng mga gurong
matagal na sa pagtuturo. Ang isyu ay hindi tungkol sa kung kailangan ba ang
pagpaplano kundi kung paano ang pagpaplano. Walang isang tiyak na sagot sa tanong
na ito. Sa mga bago pa lamang sa pagtuturo, maaaring ang masusing pagpaplano ay
makatutulong nang malaki sa kanilang pagtuturo. Samantala, sasabihin naman ng mga
bihasang guro na kahit sila nakapikit ay magagawa nilang makapagturo nang
mahusay. Maraming mga teknik para sa isang mabisang pagpaplano. Sa malawakang
pagpapakahulugan, ang pagpaplano ay tumutukoy sa mga gawain na nagbibigay-

LSPU SLM: ANG PAGPAPLANO SA PAGTUTURO

Inihanda ni: DR. SIERRA MARIE S. AYCARDO
 Republika ng Pilipinas
Laguna State Polytechnic University
ISO 9001:2015 Certified
Probinsya ng Laguna
Level I Institutionally Accredited
direksyon sa pagbubuo ng ugnayan ng mga gawaing pang mag-aral at gawain ng guro
(Clark at Yinger, 1980). Ang ganitong depinisyon ay kumikilala sa pagkakaiba-iba ng
personalidad at estilo ng mga guro; pormal, masusing pagpaplano para sa mga gurong
sensitibo sa pangangailangan ng mga mag-aaral at impormal na proseso para sa iba.
Batay sa ganitong pananaw, madali nating makukuro ang isang depinisyon na
naglulundo sa mga pagpaplanong pagtuturo (instructional planning). Sa tanglaw ng
kontekstong ito, matutukoy natin na ang pagpaplano ay isinasagawa upang mabigyan
ng tamang direksyon ang pagsasangkot ng mga mag-aaral sa mga gawain para sa
kanilang pagkatuto.

Sa ano mang pagpaplanong isasagawa, kailangan bigyang-pansin ang

sumusunod: 1) ang mga layunin ng leksyon, 2) ang pamaraan at pagkakasunod-sunod
ng mga teknik o estratehiya, at 3) pag-alam sa kasaklawan ng pagtatamo o hindi
pagtatamo ng mga lilinanging mga layunin. Ang tatlong aspektong ito ay
mahahalagang bahagi ng mga layunin. Ang tatlong aspektong ito ay mahahalagang
bahagi ng mga pagpapaplanong isinasagawa ng guro para sa isang pagtuturo bagama’t
maaaring hindi nabibigyan ng magkakatulad na atensyon o importansya ang bawat
isa. Ang pang-araw-araw na banghay-aralin na ginagawa ng guro bilang paghahanda
sa pagtuturo ay naaayon sa kanyang intwisyon at mga desisyong rasyonal tungkol sa
mag-aaral, sa nilalaman at mga kasanayang lilinangin, at mga paraan at mga
estratehiyang gagamitin sa pagtuturo.

MGA ISINASAALANG-ALANG SA PAGPAPLANO

Ang isang guro ay nagpaplano upang makontrol niya ang maaring kalalabasan
ng pagkatuto. Magagawa niya ito sa pamamagitan ng pag-alam sa mga salik na
nakaiimpluwensya sa pagkatuto sa mga tiyak na sitwasyon. Sa pagpaplano kailangan
ng isang guro na isaisip ang mga sumusunod:

Gamitin ang kanyang kaalaman sa:

 kalikasan ng wika;
 pagkatuto ng wika;
 paano natututuhan ang wika;
 mga salik sa epektibong pagkatuto;
 mga sagabal sa pagkatuto;
 mga kagamitan sa pagtuturo;
 at mga dulog, pamaraan at teknik.

Pagtiyak o pagbuo ng desisyon tungkol sa:

 ano ang dapat matutuhan;

 gaano ang maaaring matutuhan sa isang tiyak na panahon;
 pag-aayaw-ayaw ng mga episodo sa pagtuturo;
 anong gawain at materyales ang gagamitin at kung saang episodo;
 paano masusubaybayan ang pagkatuto at paano makapagbibigay ng pidbak; at
 paano tatayain at pahahalagahan ang pagkatuto.

LSPU SLM: ANG PAGPAPLANO SA PAGTUTURO

Inihanda ni: DR. SIERRA MARIE S. AYCARDO
 Republika ng Pilipinas
Laguna State Polytechnic University
ISO 9001:2015 Certified
Probinsya ng Laguna
Level I Institutionally Accredited

MGA PANANALIKSIK AT ILANG BATAYANG TEORETIKAL SA PAGPAPLANO

Ang katotohanan na ang epektibong pagpaplano ay mahalaga para sa

epektibong pagtuturo ay hindi na lingid sa kabatiran ng marami. Kakaunti lamang
kung mayroon mang pananaliksik sa pagpaplano noong mga nakaraang dekada. Nito
lamang mga huling 15 taon naging masigla ang mga pag-aaral at pananaliksik hinggil
sa pagpaplano. Karamihan sa mga ito’y mga palarawang pag-aaral (descriptive
research) at isinagawa sa antas elementarya (Kindsvatter, et al., 1996). Dapat na
tanawing pansamantala lamang ang mga paglalahat sa mga pag-aaral na babanggitin
dito subalit kakikitaan ang mga ito ng ilang kabatiran na mahalaga para sa paghahanda
ng mga guro sa elementarya at sekondarya ng mga yunit at pang-araw-araw na
banghay-aralin.

Ano ang mga binabanggit sa ilang

pananaliksik tungkol sa aktwal na gawi
ng mga guro sa pagpaplano ng aralin?
Natuklasan nina Clark at Yinger (1979)
na karamihan sa mga guro ay hindi
matapat na sumusunod sa paglalapat ng
mga simulaing natutuhan nila sa mga
ekspertong edukador hinggil sa
pagpaplanong pampagtuturo. Sa pag-
aaral naman nina Peterson, Marx, at Clark
(1978) natuklasan nila na mas unang
binibigyang-pansin ng mga guro sa
pagpaplano ang nilalaman at mga
estratehiya sa pagtuturo bago ang mga
layunin. Mas naglalaan ng mahabang oras
sa pag-iisip ang maraming guro kung
paano ilalagay sa isang konteksto ang
pagtuturo at pagkatuto kaysa sa mga
layunin at ebalwasyon.

Sa pag-aaral nina Levin at Long (1981) natuklasan nila na maganda ang

kalalabasan ng pagkatuto kung may kabatiran ang mga mag-aaral hinggil sa mga tiyak
na layunin na lilinangin. Pinatunayan din sa kanilang pag-aaral na ang pagsasabi ng
mga layunin sa mga mag-aaral ay nagbibigay ng direksyon at seguridad sa kanilang
pagkatuto.

Napag-alaman nina Clark at Yinger (1980) na humigit-kumulang 12 oras sa

loob ng isang linggo ang ginugugol ng mga guro sa pagpaplanong pampagtuturo. Ang
proseso sa pagpaplano ay karaniwang nagsisimula sa isang ideya at unti-unti itong
nagkakahugis sa pamamagitan ng patuloy na modipikasyon at elaborasyon. Ang
inihandang banghay-aralin ay isang maliit na bahagi lamang ng kabuuang plano sa
pagtuturo. Ang karamihan ay nasa isipan ng guro. Ayon naman kay Earle (1992),
bumubuo ang maraming guro ng mga imahen o senaryo sa proseso ng kanilang
kabuuang plano sa pagtuturo. Ang karamihan ay nasa isipan ng guro. Lumilikha sila ng
paglalarawan sa kanilang isip o diwa kung ano ang maaaring anyo ng leksyon at paano

LSPU SLM: ANG PAGPAPLANO SA PAGTUTURO

Inihanda ni: DR. SIERRA MARIE S. AYCARDO
 Republika ng Pilipinas
Laguna State Polytechnic University
ISO 9001:2015 Certified
Probinsya ng Laguna
Level I Institutionally Accredited
ito epektibong mailalahad sa klase. Samakatwid, higit na nagaganap ang pagpaplanong
pampagtuturo sa isipan kaysa sa papel para sa maraming guro.

Ayon naman kay Westerman (1991), mas komprehensibo ang pananaw ng

mga bihasang guro sa mga mag-aaral at sa mga kaalamang kanilang itinuturo. Ang mga
baguhan nama’y nakatutok sa pagtatamo ng layunin sa halip na isaalang-alang ang
dating alam ng mga mag-aaral at iuugnay ang mga ito sa bagong kaalaman. Natuklasan
naman ni Tyson (1991) na nagagawa ng mga sanay na guro na mapagtagni-tagni ang
mahahalaga at mahihirap na bahagi ng isang paksang-aralin kaya nabibigyan nila ito
ng ibayong diin. Bibihirang nagagawa ito ng mga baguhang guro. Tinitiyak din ng mga
sanay na guro kung nauunawaan ng mga mag-aaral ang mga kasanayang nilinang sa
halip na ipalagay na lamang na natutuhan ang mga ito gaya ng nasa isipan ng
maraming bago pa lamang nagtuturo.

Sinabi ni Cooper (1990) na ang epektibong guro ay iyong nagagawang

maihatid sa mga mag-aaral ang mga inaasahang bunga ng pagkatuto. Batay sa mga
pananaliksik na inilahad at mga desisyong binubuo sa pagtiyak ng maaaring maganap
sa pagkaklase, mahirap isipin na magagawa ng isang epektibong guro ang pagharap sa
klase nang walang malinaw na pagpaplano at desisyon hinggil sa mga layunin, metodo,
estratehiya at ebalwasyon sa isasagawang pagtuturo.

ANG PAGPAPLANO NG ARALIN

Ang pagtuklas kung paano ang mabisang pagpaplano ng isang aralin ay isang
habambuhay na proseso. Ito ay isang sining na masasabing ang kadalubhasaan ay
natatamo lamang pagkatapos ng maraming taong pagsasanay. Ang mga ibabahagi
rito’y ang pagsisimula lamang ng mga proseso sa pagpaplano. Sisikapin din na tingnan
ang mga isyu na dapat isaalang-alang sa pagpaplano ng aralin, bakit mahalaga ang mga
isyung ito, at paano nito naaapektuhan ang pananagumpay o pagkabigo ng isang
aralin.

ANO ANG ARALIN O LEKSYON?

Mahirap bigyang-kahulugan kung ano ang aralin. Nangyayari ito dahil sa ang
iba’t ibang aralin ay may kani-kaniyang takdang haba ng oras sa pagtuturo at may iba-
ibang anyo o hugis. Ang aralin sa pagbasa ay lubhang kaiba sa aralin sa balarila. Kung
minsan, may leksyon na binubuo ng maraming episodo ngunit kung susuriin ay wala
namang kaugnayan sa isa’t isa. Ano ngayon ang isang aralin o leksyon?

Ang aralin o leksyon ay isang yugto sa pagkatuto kung saan ang mga gawain ay
mahusay na pinag-aayaw-ayaw sa paglinang ng isang tiyak na layunin. Halimbawa,
posibleng magkaroon ng mga gawain sa pagsasalita, pakikinig, pagbasa at pagsulat ang
isang leksyon sa pagbasa subalit ang ibang gawaing binanggit ay pansuporta lamang
para sa lubusang paglinang ng layuning itinakda sa pagbasa. Ang isang leksyon ay
binubuo ng iba't-ibang yugto–may simula, gitna at katapusan. Halimbawa sa pagbasa,
may binabanggit tayo bago bumasa, habang bumabasa at pagkatapos bumasa.
Gayundin sa pagsulat: bago sumulat, habang sumusulat at pagkatapos sumulat.
Tatalakayin ang mga terminolohiyang binanggit sa mga susunod na kabanata ng aklat.
Sa pagkakataong ito, bibigyang-pansin natin ang mga aspektong unibersal sa

LSPU SLM: ANG PAGPAPLANO SA PAGTUTURO

Inihanda ni: DR. SIERRA MARIE S. AYCARDO
 Republika ng Pilipinas
Laguna State Polytechnic University
ISO 9001:2015 Certified
Probinsya ng Laguna
Level I Institutionally Accredited
pagpaplano ng isang aralin.

BAKIT MAHALAGA ANG PAGPAPLANO NG ARALIN (BANGHAY-ARALIN)

Ilang mga kadahilanan ang ilalahad dito kaugnay ng pagpaplano ng aralin.

1. Iba't ibang bagay ang halos magkakasabay na isinasaalang-alang ng guro sa

pagbabanghay ng isang aralin. Sa pagpaplano ng aralin, nabibigyan ng
pagkakataon ang guro na pagtimbang-timbangin ang mga bagay na kaugnay ng
aralin upang makapamili siyang mabuti ng mga gawaing angkop ilapat sa
bawat episodo ng pagkatuto bago ito ilahad sa klase.
2. May dalawang dimensyon ang mga gawain ng guro sa pagbabanghay ng aralin:
a) mga gawain na isinasagawa bago pa man simulan ang pagtuturo, at b) mga
gawaing sa loob lamang ng klasrum maisasagawa. Napag-iisipang mabuti ng
guro ang buong aralin sa tulong ng isang banghay o plano at naihahanda niya
nang mas maaga ang mga kaukulang kagamitang panturo. Magsisilbing parang
isang mapa ang banghay na siyang tutuntunin ng guro sa pagtuturo. Kung
mabubuo nang maayos ang banghay bago ang aktwal na pagtuturo, ang
bibigyan ng atensyon na lamang ng guro ay ang mga bagay na kailangan niyang
gawin habang nagaganap ang pagtuturo at pagkatuto.
3. Nagagawang maihanda ng guro ang kakailanganing software at hardware sa
pagtuturo kung mas maagang mabubuo ang banghay-aralin.
4. Ang banghay-aralin ay magsisilbing isang talaan ng mga natapos na gawain. Ito
ay maaaring sanggunian ng guro sa mga darating na araw upang makakuha
siya ng mga impormasyon hinggil sa kung anong mga gawain ang mabisa o di
mabisa sa pagkatuto ng mga batang kanyang tuturuan.
5. Ang pagbuo ng isang malinaw na desisyon ay isang mahalagang batayan sa
pagpaplano. Kailangan sa pagpaplano ang pinakamataas na lebel ng pagbuo ng
desisyon. Kung ang pagpaplano ay hindi naging epektibo, malamang na hindi
ito binigyan ng seryosong atensyon. Ang "pagwawalang-bahala" na binigyang-
pansin ni Silberman (1970, p. 10) at sinang-ayunan ni Goodland (1983) ay
bunga ng kawalan ng malasakit ng mga guro sa pagpaplano. Sa tuwing bubuo o
magbabalak ang gurong magbanghay-aralin dapat niyang pag-isipang mabuti
ang sumusunod na mga tanong:

a. Anong konsepto, tapik o kasanayan ang mahalagang matutuhan ng mga

mag-aaral sa tiyak na oras sa isang pagkaklase?
b. Dahil sa binuong silabus, batayang aklat o dating gawi, posible bang
ipagpatuloy na lamang sa susunod na yunit ang aralin na wala man
lamang pagsasaalang-alang kung ito nga ang pinakaangkop na
talakayin?
c. May sapat bang kahandaan ang mga mag-aaral para sa pagtatamo ng
mga layunin para sa isang partikular na yunit o leksyon?
d. Magbubunga kaya ng mataas na antas ng kawilihan ang mga tapik o
yunit?
e. Anong mga estratehiya ang gagamitin sa pagtuturo ng tapik o yunit?
f. Anong mga teknik ang maaaring gamitin sa pagtataya, pormal o di
pormal man, sa mga pagsisikap at pagtatamo ng kaalaman ng mga

LSPU SLM: ANG PAGPAPLANO SA PAGTUTURO

Inihanda ni: DR. SIERRA MARIE S. AYCARDO
 Republika ng Pilipinas
Laguna State Polytechnic University
ISO 9001:2015 Certified
Probinsya ng Laguna
Level I Institutionally Accredited
mag-aaral?

Bagama't maraming mga aklat at mga dalubguro ang sumusuporta sa

pagpapalagay na ang pagpaplano ay isang prosesong lohikal, sa aktwal na pagpaplano,
ito'y sikolohikal at higit na ginagamitan ng likas na pagkukuro. Ang pagpaplano ay
katulad ng pagtitimpla ng isang inumin at hindi parang paghuhurno ng tinapay o keyk
na may sinusunod na resipe.

MGA SALIK NA ISINASAALANG-ALANG SA PAGBABANGHAY-ARALIN

1. Ang mga panlahat na layunin at mga tiyak na layunin na inaasahang

matatamo

Alamin kung ano ang panlahat na layuning itinakda para sa aralin. Maaring
ito'y hango sa PELC o PSSLC na ipinalabas ng Kagawaran ng Edukasyon. Pagkatapos,
alamin din ang mga kasanayang alam na o dapat pang linangin upang maisakatuparan
ang mga layuning panlahat. Ang pumapailalim na mga kasanayan ang dapat na maging
layunin ng bawat gawain sa leksyon o aralin. Ang PELC at PSSLC ay talaan ng mga
layuning lilinangin sa bawat aralin sa Paaralang Elementarya at Sekondarya. Ang PELC
at inihanda ng Kawanihan ng Paaralang Elementarya, samantalang ang PSSLC ay
inihanda naman ng Kawanihan ng Paaralang Sekondarya.

Halimbawa: Sekondarya

Panlahat na Layunin: Nalilinang ang kakayahang maging mapanuri sa mga

ideya o kaisipang nakapaloob sa binasa.

Mga Tiyak na Layunin

a. Natutukoy ang mga pagpapahalaga o mga patotoo sa buhay na nais ipaabot
ng may akda sa mga mambabasa.
b. Naibibigay ang opinyon sa dapat na maging wakas ng kwento.
c. Naibibigay ang katwiran sa napiling opsiyon sa mga alternatibong solusyon
sa suliraning inilahad.

Halimbawa: Elementarya

Panlahat na Layunin: Nagagamit ang mga salitang nagsasaad ng kilos.

Mga Tiyak na Layunin

a. Nasasabi ang mga salitang nagsasaad ng kilos sa tulong ng larawan at/o
kilos.
b. Natutukoy sa pangungusap ang mga salitang nagsasaad ng kilos.
c. Naibibigay ang salitang kilos na angkop sa larawan at/o sitwasyon.

2. Katangian ng mga mag-aaral

Isaalang-alang ang higit na naiibigang estilo sa pagkatuto ng mga mag-aaral.

Alamin din ang kanilang interes at ang antas ng kahusayan sa wikang pag-aaralan. Ang

LSPU SLM: ANG PAGPAPLANO SA PAGTUTURO

Inihanda ni: DR. SIERRA MARIE S. AYCARDO
 Republika ng Pilipinas
Laguna State Polytechnic University
ISO 9001:2015 Certified
Probinsya ng Laguna
Level I Institutionally Accredited
mga impormasyong ito'y makatutulong sa pagtiyak kung anong kagamitang panturo,
gawain, estilo sa pagkatuto at pamaraan at teknik ang gagamitin sa pagtuturo.

3. Dating kaalaman ng mga mag aaral

Kailangan ang tiyakang pag-iisip at pagbabalak upang mabisang magamit ng mga

mag-aaral ang kanilang dating kaalaman. Tandaan na ang isang leksyon ay may isang
paksa o tapik (e.g. Mga Halaman), mga gawain (e.g. pagsasatao, usapan), kaugnay na
wika (e.g. mga pangngalan at pang-uri na may kaugnayan sa mga bahagi ng mga
halaman), isang genre (e.g. kwento, tula, dayalog), at isang sitwasyon (e.g. paglalakbay
sa isang botanical garden). Lahat ng bagong pagkatuto ay kinakailangang mag-ugat sa
dating alam na ng mga mag-aaral. Samakatwid, bago gamitin ng guro ang dating alam
na ng isang mag-aaral para sa isang pagtuturo kailangang tiyakin niya kung ano na ang
alam ng mag-aaral sa paksang tatalakayin, ang wikang gagamitin, ang mga uri ng
gawain, at iba pa.

4. Mga gawain sa pagkatuto

Mag-isip ng mga gawaing

tiyak na kawiwilihan ng mga
mag-aaral. Kung maaari,
maglahad ng mga gawaing
magagamit ng mga mag-aaral sa
paglalapat ng mga kasanayang
nililinang para sa isang aralin.

5. Mga kagamitang panturo

Pagkatapos matiyak ang mga

gawain, pag-iisipan naman ng
guro ang mga angkop na
kagamitan (awdyo-biswal) para
sa bawat gawain at kung paano
ito lubusang magagamit para sa
isang makabuluhang pagtuturo
at pagkatuto.

6. Wikang kailangan sa pagsasagawa ng mga gawain

Ang pagtiyak sa uri ng wikang gagamitin ay isinasagawa sa dalawang yugto ng

pagpaplano ng aralin.

a. Bago piliin ang mga gawain – Sa yugtong ito'y isinasaalang-alang ang

sumusunod:
 Magagawa ba ng mga gawain na bigyan ng pagkakataon ang
mga mag-aaral na mapagsanayan ang uri ng wikang dapat
nilang malaman?

LSPU SLM: ANG PAGPAPLANO SA PAGTUTURO

Inihanda ni: DR. SIERRA MARIE S. AYCARDO
 Republika ng Pilipinas
Laguna State Polytechnic University
ISO 9001:2015 Certified
Probinsya ng Laguna
Level I Institutionally Accredited
 Ano ang dapat bigyang-diin sa pagtuturo ng wika bago isagawa
ang gawain?
 Saang bahagi ng aralin ito dapat ituro?

b. Kapag napili at naisaayos na ang mga kagamitan para sa mga

itinakdang gawain
 May mga kayarian bang pangwika na maaaring hindi binalak
ang lumabas sa pagtuturong isasagawa?
 Kung mayroon, makasasagabal ba ito sa pagkatuto?
 Kung oo, paano mo ito lulutasin?
 Makabubuti ba kung ituturo muna ito sa mga mag-aaral? Kung
hindi, kailangan bang gumawa ng modipikasyon sa mga gawain
at iba pa?

7. Oras o takdang panahon

Mahalaga ang oras o takdang panahon ayon sa sumusunod na pananaw:

Kung kailan isasagawa ang leksyon ay mahalaga dahil maaaring

makaapekto ito sa kalidad ng atensyong inaasahan mo sa iyong mag-aaral. Ang isang
aralin na kasabay ng isang klase sa P.E. na nasa tapat ng iyong klasrum ay hindi
maaaring maging aralin sa pakikinig. Hindi rin kasiya-siya sa mga mag-aaral ang pag-
aaral ng balarila bilang huling aralin bago ang pag-uwi.

Kung gaanong oras at panahon ang gugugulin ay kailangang pag-isipan din

sa pagbabanghay ng aralin. Kung walang pagsasaalang-alang sa tamang oras, maaaring
hindi maisasakatuparan ang mga nililinang na layunin. Ang tamang pagtatakda ng mga
gawain ay dapat ding isaalang-alang sa pagpaplano. Halimbawa, ang pagbibigay ng
mga tanong bago ang pagbasa o pakikinig sa isang teksto ay maaaring makatulong
upang malinang sa mga mag-aaral ang kasanayan sa paghula ng mga pangyayari. O di
kaya naman, ang pagbibigay ng mga tanong pagkatapos basahin ang teksto ay
maaaring isagawa upang malinang ang kasanayan sa pag-unawang literal.

8. Partisipasyong guro-mag-aaral

Kailangang pag-isipan ding mabuti ng guro sa yugto ng pagpaplano ng aralin

ang haba o tagal ng partisipasyon ng guro at mag aaral. Dapat niyang isaisip na ang
partisipasyon ng bawat kasangkot sa isang pagtuturo-pagkatuto sa loob ng klasrum ay
naaayon sa uri ng leksyon at ng mga layuning nililinang dito.

9. Pagbabalanse sa pagtatakda ng oras para sa mga gawain

Upang maisagawa ito nang maayos, kailangang tiyakin ng guro na ang

itinakdang oras para sa isang gawain ay naaayon sa layuning nililinang para sa gawain.
Minsan, napahahaba ang talakay sa isang yugto ng aralin at naisasakripisyo tuloy ang
dapat na talakay sa isang mahalagang bahagi ng aralin.

10. Pagsusunod-sunod at pag-aantas ng mga gawain

LSPU SLM: ANG PAGPAPLANO SA PAGTUTURO

Inihanda ni: DR. SIERRA MARIE S. AYCARDO
 Republika ng Pilipinas
Laguna State Polytechnic University
ISO 9001:2015 Certified
Probinsya ng Laguna
Level I Institutionally Accredited
Ang pagsisimula at pagtatapos ng isang aralin ay naaayon sa kung ano ang ituturo,
ang sariling pananaw ng guro sa wika at kung paano ito natututuhan, at ang paraang
kanyang pinananaligan. Gayunman, may ilang tanong na dapat isaisip ang guro sa
wastong pagsusunod-sunod at pag-aantas ng mga gawain.

a. Dapat bang magsimula muna ako sa mga madadaling gawain bago magpatuloy
sa mga mas mahirap na gawain?
b. Kailangan ko bang isaisip na ang mga naunang gawain ay paghahanda para sa
mga susunod pang gawain?
c. Kailangan bang ang mga gawain ay ugnay-ugnay para sa isang makabuluhang
pagkatuto?

B. Kaugnay na Gawain

Panuto: Matapos na maunawaan ang paksa, muling balikan ang sipi ng aralin at
suriing mabuti ang mahahalagang impormasyon na nakalahad dito. Itala ang mga
sagot sa bawat kahon at batay sa hinihingi ng bawat pahayag.

1. Punan ang kasunod na KWL chart tungkol sa pagpaplano sa pagtuturo ng mga

hinihinging impormasyon.

Ang Alam Ko Ang Gusto Kong Malaman Ang Natutuhan Ko

(What I Know) (What I Want To Know) (What I Learned)

2. Batay sa iyong pagkakaunawa, maglahad ng matatalinong pahayag at

komprehensibong pangangatwiran na tutugon sa mga katanungan sa ibaba.

a. Naniniwala ka bang ang epektibong pagtuturo ay nakabatay sa isang masusing

pagpaplano? Pangatwiranan ang iyong sagot.

LSPU SLM: ANG PAGPAPLANO SA PAGTUTURO

Inihanda ni: DR. SIERRA MARIE S. AYCARDO
 Republika ng Pilipinas
Laguna State Polytechnic University
ISO 9001:2015 Certified
Probinsya ng Laguna
Level I Institutionally Accredited

b. Mula sa mga impormasyong nabanggit sa aralin, ano sa palagay mo ang

pinakamahalagang salik o aspeto na dapat pagtuunan ng pansin sa pagpaplano ng
isang aralin? Palawigin ang iyong sagot.

c. Bukod sa mga nabanggit sa talakayan, ano-ano sa palagay mo ang mga hakbang

na maaari pang idagdag sa mga dapat isaalang-alang sa pagpaplano? Gumamit ng
iba pang sanggunian sa pagsagot ng katanungang ito.

d. Sang-ayon ka ba sa natuklasan nina Peterson, Marx, at Clark (1978) na mas

naglalaan ng mahabang oras sa pag-iisip ang maraming guro kung paano ilalagay
sa isang konteksto ang pagtuturo at pagkatuto kaysa sa mga layunin at
ebalwasyon? Patunayan.

e. Ayon naman kay Westerman (1991), mas komprehensibo ang pananaw ng mga
bihasang guro sa mga mag-aaral at sa mga kaalamang kanilang itinuturo kaysa sa
mga baguhang guro. Sang-ayon ka ba sa kanyang tinuran?

LSPU SLM: ANG PAGPAPLANO SA PAGTUTURO

Inihanda ni: DR. SIERRA MARIE S. AYCARDO
 Republika ng Pilipinas
Laguna State Polytechnic University
ISO 9001:2015 Certified
Probinsya ng Laguna
Level I Institutionally Accredited

f. Ang banghay-aralin ay itinuturing na isang mapa sa proseso ng pagtuturo.

Magtala ng dalawang sitawasyon na magpapatunay sa naunang pahayag.

g. Bilang isang guro sa hinaharap, ninanais mo na magkaroon ng aktibong

pakikilahok ang mga mag-aaral sa talakayan. Batay sa iyong mga naoobserbahan,
ano-ano ang mga salik na nakaaapekto sa antas ng pakikilahok ng mag-aaral sa

Paunlarin ang Kakayahan

Panuto: Sa tulong ng mga halimbawang iyong nakalap mula sa internet, lumikha ng
sariling process flow chart. Ang bubuoing dayagram ay maglalaman ng kabuuang
proseso ng pagtuturo at pagkatuto mula sa pagkatha ng silabus o pangkalahatang plano
patungo sa pagtukoy ng tiyak na paksa o tapik at pagpaplano ng aralin o paglikha ng
banghay-aralin hanggang sa mismong araw at/o oras ng pagtuturo sa loob ng klasrum.
Maging malikhain sa pagbuo nito. Maaari kayong gumamit ng mga larawan at iba pang
karikatura bilang karagdagang disenyo.

Indibidwal na
Gawain

LSPU SLM: ANG PAGPAPLANO SA PAGTUTURO

Inihanda ni: DR. SIERRA MARIE S. AYCARDO
 Republika ng Pilipinas
Laguna State Polytechnic University
ISO 9001:2015 Certified
Probinsya ng Laguna
Level I Institutionally Accredited

LSPU SLM: ANG PAGPAPLANO SA PAGTUTURO

Inihanda ni: DR. SIERRA MARIE S. AYCARDO
 Republika ng Pilipinas
Laguna State Polytechnic University
ISO 9001:2015 Certified
Probinsya ng Laguna
Level I Institutionally Accredited

Rubric para sa
Pagmamarka

Unawain ang Batayan ng Pagtatasa

Mga Sanggunian
Badayos, Paquito B., 2008. Metodolohiya sa Pagtuturo at Pagkatuto ng/sa Filipino.
Malabon City: Mutya Publishing House, Inc.
https://booksforthebarrios.org/wp-content/uploads/2013/12/12-Polo-South-library-
reading-section1-980x600.jpg
https://cdn2.vectorstock.com/i/1000x1000/60/36/spiral-notebook-school-on-white-
background-vector-26146036.jpg
Aklat at websites
https://media.edutopia.org/styles/responsive_2880px_16x9/s3/masters/d7_images/c
over_media/alber-5-highly-effective-teaching-practices-01.png
https://www.dictionary.com/e/wp-
content/uploads/2020/01/WisdomvsKnowledge_1000x700_jpg_OHVUvmTo.jpg
https://www.thoughtco.com/thmb/oqKDmbbShIkrHH74SUPtGpHQJnM=/768x0/filters
:no_upscale():max_bytes(150000):strip_icc()/sb10065747ab-001-
56a563be3df78cf772880e09.jpg

LSPU SLM: ANG PAGPAPLANO SA PAGTUTURO

Inihanda ni: DR. SIERRA MARIE S. AYCARDO